Biblioteka e Arteve

🎓 Open Day – Universiteti i Arteve

Universiteti i Arteve ju fton në Open Day më 25 Mars 2026, ora 10:00!

Zbuloni nga afër jetën artistike dhe akademike në:
🎨 Fakultetin e Arteve të Bukura
🎭 Fakultetin e Artit Skenik
🎵 Fakultetin e Muzikës

Gjatë ditës do të zhvillohen:
✨ ekspozita
🎬 demonstrime dhe mësime të hapura
🎶 prova dhe koncerte
🎭 performanca artistike

Një mundësi unike për të eksploruar botën e artit dhe studimeve në UART.

📍 Universiteti i Arteve
🗓 25 Mars 2026 | ⏰ 10:00

Lexo më shumë: http://www.uart.edu.al/index.php?id=1484

Axhenda e plotë:http://www.uart.edu.al/media/Open-Day-UART-2026.pdf

Studenti i Universtitetit te Arteve, Enea Trimi, për here të parë në historinë e institucionit, zgjidhet anëtar i Këshillit Kombëtar të Rinisë, duke përfaqësuar këshillat studentorë në nivel kombëtar!

Ky sukses nuk është vetëm një arritje personale për të, por edhe një hap i madh për studentët e artit dhe kulturës, që tani kanë për herë të parë zërin e tyre në një forum kaq të rëndësishëm vendimmarrës.

Universiteti i Arteve shpreh krenarinë për këtë arritje dhe i uron Enea Trimit suksese në ushtrimin e këtij mandati, me besimin se angazhimi i tij do të kontribuojë në fuqizimin e studentëve, artit dhe rinisë shqiptare.

Ftesë për studentët e arteve 🎭🎶🎨

Universiteti i Arteve – Fakulteti i Artit Skenik
“Artisti dhe Emocioni”
Psikologjia e interpretimit artistik

Një takim reflektues mbi emocionet e fshehura, përpunimin e tyre dhe mënyrën si shndërrohen në gjuhë artistike. Do të flasim hapur për procesin e brendshëm të artistit, tensionin emocional dhe rolin e artit si hapësirë e sigurt krijuese.

🗣 E ftuar: Eksena Qirici, psikologe klinike
🎤 Moderatore: Ped. Ardita Bufaj
📍 Salla e Bibliotekës, Universiteti i Arteve
🗓 E mërkurë, 17.12.2025
⏰ Ora 13:30

📢 AKSES NË PLATFORMËN AKADEMIKE "JSTOR"

Biblioteka e Universitetit tё Arteve disponon akses të plotë në "JSTOR", një arkivë digjitale ndërkombëtare kërkimore që përmban artikuj shkencorë, revista, libra dhe burime primare nga fusha të ndryshme të dijes.

Përdoruesit e Universitetit të Arteve do të mund ta aksesojnë këtë arkivë digjitale përmes mjediseve të dedikuara - sallave të Bibliotekës Shkencore të Universitetit të Arteve.

🔸 JSTOR ofron një përmbajtje të pasur për fushat e muzikës, arteve pamore dhe arteve skenike, me revista të specializuara dhe materiale kërkimore të nivelit ndërkombëtar.

📧 Për më shumë informacion, mund të kontaktoni përmes email në adresën [email protected].

-------------

🟩 Informacion mbi përmbajtjen akademike në fushat artistike në arkivin e JSTOR:

🎨 Artet Pamore

Artikujt dhe revistat e arteve pamore, përfshijnë:

• Analiza të veprave artistike (pikturë, skulpturë, grafikë, fotografi, arkitekturë).
• Studime mbi periudha historike të artit (arti antik, mesjetar, modern, bashkëkohor).
• Ese kritike dhe estetike mbi stilin, simbolet, përfaqësimin dhe ndikimet kulturore.
• Hulumtime mbi artistë, shkolla dhe lëvizje artistike (p.sh. Rilindja, Impresionizmi, Arti Modern).
• Revista përfaqësuese: The Art Bulletin, Art Journal, October, The Burlington Magazine.

🎭 Artet Skenike

Kjo fushë mbulon teatrin, kinemanë, koreografinë dhe performancat bashkëkohore. Artikujt trajtojnë:

• Analiza dramatike dhe skenike të autorëve klasikë e modernë.
• Studime të regjisurës, aktrimit, dramaturgjisë dhe skenografisë.
• Ndërlidhje midis artit skenik dhe shoqërisë, politikës apo kulturës popullore.
• Revista të njohura: Theatre Journal, Performing Arts Journal, TDR: The Drama Review.

🎵 Muzika

Artikujt muzikorë përfshijnë:

• Muzikologji historike – zhvillimi i stileve muzikore, kompozitorëve dhe periudhave.
• Teori dhe analizë muzikore – struktura, harmonia, forma dhe teknika kompozicionale.
• Etnomuzikologji – roli i muzikës në kultura dhe tradita të ndryshme.
• Studime mbi muzikën popullore, jazz, muzikën filmike dhe edukimin muzikor.
• Revista përfaqësuese: Journal of the American Musicological Society, Music Theory Spectrum, Ethnomusicology.

𝘈𝘣𝘰𝘯𝘪𝘮𝘪 𝘯ë 𝘣𝘪𝘣𝘭𝘪𝘰𝘵𝘦𝘬ë𝘯 𝘥𝘪𝘨𝘫𝘪𝘵𝘢𝘭𝘦 𝘑𝘚𝘛𝘖𝘙 𝘱ë𝘳 𝘜𝘯𝘪𝘷𝘦𝘳𝘴𝘪𝘵𝘦𝘵𝘪𝘯 𝘦 𝘈𝘳𝘵𝘦𝘷𝘦 𝘶 𝘮𝘶𝘯𝘥ë𝘴𝘶𝘢 𝘯𝘨𝘢 𝘍𝘰𝘯𝘥𝘢𝘤𝘪𝘰𝘯𝘪 𝘚𝘩𝘲𝘪𝘱𝘵𝘢𝘳𝘰-𝘈𝘮𝘦𝘳𝘪𝘬𝘢𝘯 𝘱ë𝘳 𝘡𝘩𝘷𝘪𝘭𝘭𝘪𝘮 (𝘈𝘈𝘋𝘍).