https://www.facebook.com/572109812652804/

Rruga drejt Besimit

Home
Albania
Tirana
Rruga drejt Besimit

💬 Dialog i hapur për të gjithë
📖 Përgjigje për pyetjet apo dyshimet rreth islamit
🔎Eksploroni bukurinë e Islamit
📩 Na shkruani për pyetje ose diskutime!

22/12/2025

Çfarë synon në të vërtetë Sheriati Islam?

Feja islame është ndërtuar mbi realizimin e dobive dhe parandalimin e dëmeve, mbi drejtësi dhe urtësi.
Çdo dispozitë e tij synon interesin e njeriut në këtë botë dhe në botën tjetër.
Aty ku shfaqet drejtësia dhe dobia, aty qëndron Sheriati.
Ndërsa padrejtësia dhe dëmi janë të huaja për të, edhe nëse justifikohen në emër të fesë.

Dijetari i madh Ibn Tejmije (Allahu e mëshiroftë) thotë:
“Sheriati islam ka ardhur për të realizuar dobitë dhe për t’i plotësuar ato, si dhe për të larguar dëmet dhe për t’i pakësuar ato.”

Nxënësi i tij, Ibn Kajjimi (Allahu e mëshiroftë), thotë:
“Islami, në themel dhe në bazë të tij, është ndërtuar mbi urtësinë dhe mbi dobitë e robërve në jetën e kësaj bote dhe në botën tjetër; ai është drejtësi i tëri, dobi i tëri dhe urtësi i tëri.”

16/12/2025

Përkufizimi i ibadetit

Ibadeti (adhurimi) është një term gjithëpërfshirës për çdo gjë që Allahu e do dhe është i kënaqur me të, qofshin këto fjalë apo vepra, të dukshme apo të padukshme, si p.sh.: frikërespekti ndaj Allahut, mbështetja e sinqertë tek Ai, namazi, zekati, agjërimi e të tjera detyra fetare.

Gjithashtu është thënë se ibadeti është përulje e nënshtrim ndaj Allahut të Lartësuar, nëpërmjet zbatimit të urdhrave të Allahut dhe të Dërguarit të Tij (Paqja dhe bekimet e Allahut qofshin mbi të!), si dhe duke hequr dorë apo duke u larguar nga çdo gjë që Allahu dhe i Dërguari i Tij e kanë ndaluar, në kërkim të kënaqësisë së Allahut dhe Xhenetit të Tij.

Ibadeti ka në themel të vet nënshtrimin absolut ndaj Allahut dhe dashurinë absolute ndaj Tij.

13/10/2025

37. Puna

1. Muslimani e kryen punën me përpikëri dhe korrektësi; e çon në vend amanetin, siç i është besuar.

2. Rizku i muslimanit është hallall dhe i pastër, nuk përfshihet në haram apo ndonjë gjë të dyshimtë, si dhe nuk i drejton të tjerët drejt tyre.

3. Muslimani nuk ka të bëjë me kamatën, bixhozin dhe mashtrimin. Ai nuk ha në peshë e në m***e; ua jep njerëzve peshën e masën e plotë; u jep të gjithëve atë çfarë u takon.

4. E trajton dynjanë si mjet për t’u afruar tek Allahu, jo si qëllim i vetë jetës. Nuk e ka zemrën të lidhur me jetën e kësaj bote dhe nuk vrapon pas saj.

5. Nëse pasuria largohet prej tij, nuk pikëllohet, sepse është i vetëdijshëm se kështu ka dashur Allahu; dhe nëse ajo vjen tek ai, e përdor atë për të ndihmuar fenë, për të mirën e njerëzve dhe lumturinë e tyre.

02/10/2025

35. Koha

1. Muslimani është i etur për shfrytëzimin e çdo mundësie për të shtuar veprat e mira gjatë ditës dhe vitit, sepse, falë mëshirës e mirësisë së Allahut, ato (veprat e mira) kompensojnë jetëgjatësinë e shkurtër të njerëzve të ymetit islam krahasuar me jetën e popujve të mëparshëm.

2. Muslimani kujdeset për kohën e tij që mos humbasë kot dhe jeta e tij të mos shkatërrohet, duke mos lënë gjurmë pozitive.

3. Është i kujdesshëm që të mos i shkatërrojë veprat e tij, ashtu siç prishet endja pasi është thurur fort.

4. Përgatitet për takimin me Allahun dhe do të jetë gati për pyetjen mbi rininë dhe jetën e tij.

5. Testamenti i tij është gjithmonë gati, sepse e di që vdekja është afër dhe se Allahu i ka premtuar Xhenetin (nëse ndërron jetë si besimtar).

01/10/2025

34. Veshja dhe zbukurimi

1. Veshja dhe zbukurimi janë pjesë e fesë. Islami ka vendosur rregulla për veshjen; i nxit ithtarët e vet të vishen bukur, me një veshje që e ruan fenë, e forcon identitetin dhe e dallon nga të tjerët.

2. Muslimani vesh atë që është e lejuar nga ligji islam dhe shmang atë që nuk lejohet përdorimi, sidomos kur ajo i ngjan diçkaje të ndaluar.

3. Ai është modest në veshje; nuk vesh asgjë që është provokuese, e turpshme ose që nuk i mbulon pjesët intime.

4. Çdo gjini dhe popull ka veshjen e tij. Islami paralajmëron nga përzierja dhe imitimi, qoftë i jobesimtarëve, mëkatarëve apo kafshëve. Muslimani i shmanget çdo veshjeje të papastër.

22/09/2025

Nderi dhe dinjiteti

1. Muslimani e ruan nderin e tij nga çdo gjë që e njollos dhe e mbron atë me çdo mënyrë, madje edhe duke flijuar shpirtin e tij: “Kush vdes duke mbrojtur nderin e tij, është dëshmor”.

2. Muslimani e konsideron nderin e muslimanëve si nderin e vet; e mbron dhe është xheloz për ta njësoj si për familjen e tij.

3. Muslimani e ruan shikimin nga gjërat e ndaluara dhe nuk flet fjalë të turpshme. Një fjalë e keqe për nderin e dikujt është vrasëse. Nderi është delikat dhe shkelja e tij është shkatërrues.

4. Thashethemet dhe përgojimet nuk janë pjesë e karakterit të muslimanit. Parimi i tij është: “Nga mirësia e Islamit të njeriut është të lërë atë që nuk i intereson”. Heshtja i pëlqen më shumë se të flasë, përveçse kur duhet folur për mirë.

14/09/2025

Marrëdhënia me jobesimtarët

1. Muslimani ndjen keqardhje për jobesimtarët dhe dëshiron t’i drejtojë ata drejt Xhenetit, teksa përpiqet të shpëtojë njerëzimin nga zjarri i Xhehenemit (Allahu na ruajtë prej tij!)

2. Jobesimtarët kanë fenë e tyre dhe ai ka fenë e tij. Nuk adhuron atë që adhurojnë ata dhe nuk i detyron të adhurojnë atë që ai adhuron.

3. Muslimani nuk e ndryshon fenë e Allahut për të kënaqur krijesat, duke zemëruar Krijuesin. Detyra e tij është kumtimi i mesazhit islam, ndërsa udhëzimi dhe gjykimi i takon Allahut.

4. Muslimani i trajton jobesimtarët me sjellje të mirë dhe merr pjesë në gëzimet dhe hidhërimet e tyre, për sa kohë që në to nuk ka gjëra të ndaluara. Ai nuk flet përveçse për mirë.

07/09/2025

Eklipsi i diellit dhe i hënës.

Dielli dhe hëna janë trupa që lëshojnë dritë mbi tokë, siç thotë Allahu i madhëruar në Kuran: “Allahu është Ai i Cili e bëri diellin ndriçues dhe hënën vezulluese.” Suretu Junus: 5. Ato lindin, perëndojnë dhe ndajnë me njëri-tjetrin ditën dhe natën, dhe kjo është gjendja e tyre normale sipas të cilës Allahu i ka krijuar ato që në ditën e krijimit të tyre. Mirëpo nëse drita e tyre ikën dhe ato dalin nga zakoni i tyre atëherë diçka ka ndodhur me këta dy trupa qiellorë dhe kjo quhet [Kusuf] ose eklips.
Ikja e dritës së diellit dhe hënës është një shfaqje e madhe e fuqisë së Allahut, madje ajo të kujton edhe kiametin. Nëse Allahu ka mundësi të prishë adetin e tyre në ndriçim dhe vezullim, ka mundësi të prishë edhe ketë botë kur t’i vijë ora e saj e fundit.
Çdo shenjë treguese e fuqisë së Allahut që shfaqet ne tokë si: eklipset, tërmetet, vullkanet, stuhitë, tufanet etj. Allahu i madhëruar i dërgon ato për frikësim, siç thotë në Kuran: “Ne nuk i nisim shenjat veçse për frikësim.” Suretul-Isra: 59.
Katade -Allahu e mëshiroftë- në komentimin e këtij ajeti thotë: Allahu i madhëruar i frikëson njerëzit me çfarëdo lloj shenje që do në mënyrë që ata të zënë mend, të kujtohen dhe të kthehen tek Allahu.

29/08/2025

Ja 10 suret më të shkurtra sipas numrit të fjalëve:
Kevther – 10 fjalë
Asr – 14 fjalë
Ihlas – 15 fjalë
Kurejsh – 17 fjalë
Nasr – 19 fjalë
Nas – 20 fjalë
Fil – 23 fjalë
Mesed – 23 fjalë
Felek – 23 fjalë
Maun – 25 fjalë

🕋 Allahu sfidon njerëzimin te sjellin nje sure si kurani, duke thene : “E nëse jeni në dyshim për atë që ia zbritëm robit tonë (Muhamedit), sillni një sure të ngjashme me të dhe thirrni dëshmitarët tuaj (të adhuruarit tuaj) përveç Allahut, nëse jeni të sinqertë.
E nëse nuk e bëni, dhe kurrë nuk do të mundeni, atëherë ruajuni zjarrit, lëndë e të cilit janë njerëzit dhe gurët…” (El-Bekare: 23-24)

Kur’ani është Fjala e Allahut e mbrojtur nga çdo shtrembërim, i paimitueshëm në stil dhe përmbajtje.
Ai është udhëzues i përhershëm për njerëzimin, që përfshin besimin, moralin, ligjin dhe urtësinë hyjnore.
Çdo ajet i tij është dritë dhe shërim për zemrën, që largon dyshimet dhe i jep qetësi shpirtit.
I përcjellë fjalë për fjalë brez pas brezi, Kur’ani ka mbetur i pandryshuar deri sot dhe do të mbetet deri në Ditën e Fundit.

Address

Tirana

Website

facebook.com

Alerts

Be the first to know and let us send you an email when Rruga drejt Besimit posts news and promotions. Your email address will not be used for any other purpose, and you can unsubscribe at any time.

Want your school to be the top-listed School/college in Tirana?