12/09/2025
🔴Tërhiqet pr/ligji për surrogacinë
Vitin e kaluar, Koalicioni Shqiptar Pro Familjes dhe Jetës luftoi fuqishëm kundër projektligjit për surrogacinë,
abortin e vajzave 16-vjeçare pa dijenë e prindërve dhe sterilizimin e
të rinjve. Ngritëm zërin tonë në Parlament, në Ministrinë e Shëndetësisë, në debate mediatike, përmes Marshimit për Jetën dhe
Konventës së Katërt për Familjen, ku ekspertë ndërkombëtarë
ekspozuan surrogacinë si një formë moderne skllavërie. Koalicioni
organizoi takime me anëtarë të Parlamentit, dha deklarata publike, u
përfshi në mënyrë aktive në mediat kombëtare dhe mobilizoi familjet, informuam faktorin ndërkombëtar dhe ndërgjegjësuam opinion publik. Shumë
prej jush u përfshinë në firmosjen e Peticionit të Jetës dhe në Marshimin për
Jetën për këtë çështje. Faleminderit!!!
Lajm i mirë: Projektligji për surrogacinë është tërhequr!
Kjo është një fitore e madhe për mbrojtjen e fëmijëve, grave dhe familjes në
Shqipëri, një fitore e përbashkët e të gjithëve që besuan tek kjo kauzë dhe
kontribuan në mënyra të ndryshme.
Sfidat që kemi përpara janë të mëdha. Kemi nevojë për mbështetjen dhe ndihmën tuaj.
Kjo është fitorja juaj, për familjen tuaj, për fëmijët të ardhmen e Shqipërisë. Së bashku ne mund të bëjmë shumë gjëra në dukje të vogla, por me dashuri të madhe për vendin dhe për familjen
