Qemal Çejku

https://www.panorama.com.al/sistemi-arsimor-i-masakruar-pasqyra-me-dinjitoze-e-qeverisjes/ .tab=0

Sistemi arsimor i masakruar, pasqyra "më dinjitoze" e qeverisjes.

Jam në merak nëse realisht studentët zgjodhën degët prioritare në këtë fillimviti të ri akademik, se përsa i përket numrit të tyre e shohim gjithmonë në rënie (20 %më pak studentë në 10 universitetet kryesore publike dhe gjysma e kuotave bosh). Nismat e pastudiuara e të papilotuara kanë dështuar shumë shpejt në gjithë këto vite që eksperimentohet në sistemin arsimor. Kjo ndodh sepse kjo qeveri është fokusuar tek produkti për ta përdorur si show i radhës edhe pse rrënjët ka kohë që janë zbuluar nga vetë sistemi.
Degët e mësuesisë janë drejt mbylljes dhe nuk pranohen të ndiqen nga studentët, edhe pse ju thuhet që nëse do studiojnë për mësuesi do kenë 40 mijë lekë në muaj shpërblim ( i kanë marrë apo jo nuk dihet, por mendoj që jo). Nëse nuk rregulloni statusin e mësuesit të dashur pusht(etarë) , shpërblimin e merituar monetar dhe jo vetëm, jo me kushtin nëse je apo jo drejtues, rënia do të vazhdojë në pikiatë. Nuk ka arsim pa kushte normale në shkollë, pa kabinete për secilën lëndë. Nuk ka shkallë të mirëfilltë hierarkie nëse mësuesi nuk pret nxënësit në kabinet, por bën sorollatje dhe ecejake me një regjistër nga klasa në klasë si brigadier pa llogaritur edhe mjetet (ato pak që ka) që duhet t'i marrë me vete. Është emergjencë rregullimi i marrëdhënies mësues-nxënës dhe marrja parasysh e meritokracisë për secilin nxënës, që nëse nuk kalon klasën t'i jepet një mundësi në shkollën verore, por nëse nuk kalon provimin përsërit klasën. Duhet komunikim efektiv
drejtues-mësues, mësues-prindër si hallka vendimtare të zhvilimit dhe rivendosjes së normalitetit në Sistemin Arsimor.
Këto dhe shumë të tjera do ta lartësojnë figurën e mësuesit ashtu siç kanë misionin e tyre të edukimit. Të mos mbetet mësuesi duke bërë kurse si rruga e vetme e mbijetesës; sot mësuesi pasi mbaron punën sorollatet nga qendra në qendër apo në shtëpi për kurse e trajnime. Jo të nderuar mësimi zhvillohet në shkollë, trajnimi bëhet në universitete e jo tek kolegët tuaj, të cilët kanë lidhje qeveritare apo kanë përfituar nga kaosi administrativ. Sot në të gjitha istitucionet arsimore e jo vetëm, ka filluar marrja e të dhënave personale për llogari të zgjedhjeve politike, me lloj lloj formash. Në arsim përveç drejtuesve kanë ngritur një armatë elektorale me mësues kordinatorë, oficerë dhe lloj lloj forme. Kjo jo vetëm e largon nxënësin nga shkolla publike, por dhe jashtë vendit.
Tre janë faktorët që mund të zhvillojmë arsimin:
* Infrastruktura në gjitha shkollat e vendit të jetë funksionale, (të heqim dorë nga shkollat klasike lindore), me kabinete, transport lokal, ushqim dhe siguri reale.
* Kurrikul e dalë nga ekspertët, duke qenë në frymën e kulturës e traditës sonë arsimore, tekste shkollore të mirëhartuara me eksperincën e autorëve vendas e jo vetëm.
* Statusi i mësuesve, ai ekonomik e profesional, (të bëhet profesion i kërkuar nga studentët ekselentë), trajnim i vazhdueshëm i mësuesve për gjatë gjithë ushtrimit të profesionit, vendosjen e IT në programet universitare, si faktori themelor i ecjes para. Rekomandime do të kishte me qindra nga ekspertë të tjerë, por në fund do të ishin disa rekomandime me vlerë që qeveria duhet të ulet me institucionet e ekspertët për të bërë një strategji reale me afate e plan pune jo thjesht për fushatë. Nëse jo, vazhdoni e iu merrni studentëve votën, shpirtin,... sepse profesionin ua keni masakruar.

http://www.panorama.com.al/fajtoret-e-pafaj-te-pisa-2022/ .tab=0

Fajtorët e pafaj të PISA 2022

Nuk ka si të mos ketë dështim në një vend që është kthyer në një mishmash eksperimentesh në kurriz të arsimit.
Nuk ka si të mos ketë "fitorje" kur edhe libri shkollor është kthyer në biznes, biznes ku fitojnë matrapazët që i l"yejnë rrotën" qeverisjes dhe humb e ardhmja e një kombi.
Libra të përkthyer keq dhe të paeksperimentuar në terrenin ku do të implementoheshin. Kurrikula të reja me bazë praktikën dhe eksperimentimin, por me infrastrukturë të vjetër në thelb, me laboratorë bosh e me hapësirë të pamjaftueshme për t'i vënë në jetë, kjo për arsye të kushteve fizike përgjithësisht, por dhe të numrit të madh të nxënësve në klasa në zonat urbane.
Nuk mund të përmbushen këto sigurisht, me një buxhet të varfër që i lihet arsimit, ndër më të ulëtit në rajon.
Po faji mbetet tek ata, mësuesit që punojnë më fort, edhe pse e dinë që shpesh kthehen në Don Kishotë duke luftuar me mullinjtë e erës.
Po, po me ata mullinj që ngre jo vetëm qeverisja, por dhe psikologjia e turmës.
Mesuesi sot është ai që gjykohet nga të gjithëdijshmit, por që nuk marrin guximin të bëhen vetë mësues, se është "modeli" më i keq për të ndjekur.
Është ai që paguhet më pak (të mos harrojmë se lufta më e madhe bëhet për mbijetesë), ai që shtypet nga lart nga poshtë, majtas e djathtas, ai që duhet të jetë adapt përsa i takon formimit profesional, duhet të jetë psikolog, sociolog, poliglot, infermier, hetues, polic,...
Mesuesi është ai që përballet me stile edukimi që servirin mediet, stile që promovojnë modele që bëhen të pasur apo të famshëm me antivlera.
Mësuesi është ai që përballet me prindër që kanë humbur sensin e prindërimit apo që janë dorëzuar para këtij "misioni" (për shumë arsye).
Mësuesi është ai që nuk guxon të japë një detyrë krijuese se i vijnë modele të njëjta zgjidhjeje (shpesh pa sens logjik) nga të ashtuquajturat "after school" që kanë mbirë si kërpudhat pas shiut për shkak të politikave të "mirë studiuara" qeveritare, dhe prindërit i shohin si zgjidhje e vetme nga halli.
Është ai që ndihet i gjykuar akoma pa filluar mirë punë se fundja është ai që ka mesatare më të ulët pranimi, e megjithatë pranon të luftojë me sfidën se i duhet të jetojë edhe atij.
Është ai që mban baule me vete sa herë shkon në punë se duhet të përgatisë të gjitha mjetet që nuk i ofron shkolla, dhe këto shpesh duke hequr mënjanë nga buxheti "i pasur" i familjes.
Është ai që duhet të update-ohet me të renë më shpejt se kompjuterat se i del situata nga kontrolli.
Është ai që duhet të jetë gjithmonë gati për t'iu përgjigjur urdhrave në grupe (Rroftë teknologjia! ) apo telefonatave të prindërve për sa e sa halle që duhet t'i kuptojë e suportojë por që atë nuk e kupton, as e suporton kush.
Është ai që duhet të heshtë përpara shfrineve të paedukata të të rinjve (jo të gjithëve sigurisht) se "kryqëzohet" për mosrespektim të të drejtave, apo del me gjymtyrë të thyera nga klasa.
Është ai që duhet të përqafojë çdo nismë qeveritare, edhe pse e kupton qe është jo e logjikshme (se në fund të fundit nuk e pyet kush, vendosin të "gjithëdijshmit").
Është ai që demotivohet përditë nga të gjitha hallkat e shoqërisë dhe në fund edhe fajin për rezultate të dobëta e merr po ai. Ta "kërrejmë" këtë të keqe (siç thotë doktor Adhamudhi i Çajupit) dhe të rrimë pastaj rehat, pa mësues, pa shkolla, pa të ardhme.... Ose ta shërojmë duke forcuar të gjitha hallkat ndihmuese. Duke ndihmuar mësuesin ndihmojmë veten se nga duart e tij do të dalin ata që do të na kenë në dorë neve në të ardhmen.

http://www.panorama.com.al/nga-xhaketat-e-vjetra-te-patronazhistet-e-rinj/

Drejtuesit e arsimit parauniversitar publik; kur kalohet nga xhaketat e vjetra te patronazhistet e rinj

Mesa duket, thembra e Akilit në arsim u gjet...
Pas 1001 problemesh që arsimi ka sot në vendin tonë, Ministria e Arsimit dhe zysha e Kimisë Mjedisore, ka ndërmarrë masa konkrete për përmisimin e arsimit. Ndryshimi ishte shumë pranë e shumë i thjeshtë; emërimi dhe shkarkimi i drejtuesve të shkollave duke ndryshuar udhëzimin për përcaktimin e procedurave për emërimin apo shkarkimin e drejtorëve dhe nëndrejtorëve të shollave publike të arsimit parauniversitar. Drejtuesit kishin fajin për rezultatet e ulëta në PISA 2022. Kjo mund të jetë masa kryesore për negociatat me maturantët për notat e tyre në provime.
Tani nuk ka nevojë të kopjoni, të nderuar maturantë, por kryeni detyrimet politike bashkë me prindërit dhe suksesi do të jetë i garantuar. Drejtuesit do të hartojnë politika dhe strategji për korigjimet e mësimit të munguar si shkak i pamdemisë, siç bëri gjithë bota,; drejtorët do të kenë njohuri të rralla sepse vijnë nga shkolla e partisë (shkolla e drejtorëve).
Drejtuesi është problemi i munguar i arsimit sot, sepse këta që ishin nuk luajtën rolin vendimtar për ndalimin e gjithë mësuesve që mos të merreshin me politikë tjetër veç asaj të Partisë Socialiste, sepse ajo është rruga e drejtë.
Por mesa duket kjo maskaradë administrative ndodh për dy arsye: E para që çdo drejtor duhet luajë rol në menaxhimin e personit duke shtrirë vijën e partisë tek secili mësues e familjar i tij, si dhe tek secili nxënës dhe prindërit e tij;
E dyta për të mbushur mediat e ambienteve shkollore me propagandën e madhe "kemi bërë arsimin ndryshe".
Por çfarëdo që të bëni me të tilla manorvra të shpërlarjes së trurit të nxënësve , mësuesve , prindërve por dhe publikut, ju vetëm se e shkatërroni atë në themele.
Po ta shohim më afër problemin... Çfarë ndryshoi?!
Asgjë përveç pikëve që ka në dorë komisioni me "intervistën e strukturuar". E pse ky ndryshim? Apo keni frikë se rezultatet dalin jashtë parashikimit tuaj dhe do t'ju dështojë "shkolla e partisë"?
Po centralizoni gjithshka në çdo sektor. Ku është zëri i masës? Apo keni frikë nga ai?!
E pastaj flitet për meritokraci. Kush e vlerëson në fund të fundit meritokracinë? Drejtuesit tuaj që i zgjidhni mbi bazën e "meritokracisë" që i shërben mbytjes së zërit të masës. Dhe ta mendosh që kjo në arsim, në vendin që duhet të edukohen vlerat, është shkatërruese.
Ne nuk mësojmë nga gabimet, por i përsëritim ato deri në dështim, nën udhëheqjen tuaj të ndritur. 😢😢

Një maturë e pamaturuar, model i arsimit dhe edukimit fiktiv Foto IlustruesePrej disa vitesh, të rinjtë shqiptarë po diplomohen si një brez mature i pamaturuar, në të gjitha kurrikulat dhe zhvillimin e tyre edukativo-arsimor

VLERESIM PSIKO-SOCIAL,EKSPERTET FYERJE PER MESUESIT Ministria e Arsimit ka vendosur të bëjë vlerësime psiko-sociale, në mënyrë periodike te mësuesit, por vendim ky ka sjellë reagime kontroverse.Eksperiti I ars...

Një opinion për Gazetën Si, për problemet e arsimit, mungesa e strategjive për situatën që sapo kaluam, atëherë funksionimi i shkollës do jetë kautik. Viti shkollor po mbyllet, nuk kemi një studim, për nevojën që nxënësit kanë, nga mungesa e mësimit. Maturantë pa kujdesje, as konsultimet normale të rutinës nuk po bëhen, sot është vonë, por nesër do jetë shumë vonë.

Nxënësit shqiptarë 150 orë më pak në vit/ Eksperti: Duhet të rriten orët e mësimdhënies dhe konsultimeve - Gazeta Si Gazeta “Si” sjell lajmin e thelluar nga politika, financat personale, taksa, bota, argetimi dhe sporti përmes analizës, video, infografikes dhe podcast.