04/01/2026
Sa here t'i themi nje vajze "bej pune shtepie se do shkosh te burri" dhe djalit "rri te keqen se je çun ti, mos prek gje me dore", kemi perforcuar stereotipet qe e bejne te pashendetshme nje familje ku duhet te kontribojne te gjithe;
Sa here t'i themi nje djali "mos qaj se je burre" dhe vajzes "keshtu e kane gocat, qajne gjithe kohes" kemi perforcuar stereotipin qe e ben djalin te ndjehet agresiv dhe vajzen te ndjehet e dobet;
Sa here t'i themi nje vajze luaj me kukulla, kuzhina e bizhuteri dhe nje djali luaj me pistoleta e robote, kemi perforcuar stereotipin qe e shtyn njerin te jete sherbetor shtepie me hir a me pahir dhe tjetrin agresiv edhe kur nuk e ka ne gjak;
Sa here u themi djemve qe, burrat e vertete e mbajne familjen me buke dhe jane koka e familjes dhe nga ana tjeter i themi vajzes qe duhet t'i nenshtrohet babait e burrit dhe punen (po e lane te punoje) ta kete per qejf e jo per te mbajtur familjen, kemi perforcuar tmerrin dhe depresionin e burrave, sepse ne periudhat e jetes se tyre kur nuk gjejne pune (gje qe ndodh) dhe grate e tyre punojne, ata ndjehen te kercenuar se po u cenohet roli i tyre;
Sa here...(shtoni vete c'te doni)...i bejme keto gjera ne dukje normale, kontribojme ne rritjen e dhunes me baze gjinore, ne rritjen e dhunes nga i forti tek i dobti fizikisht, ne shkaterrimin e shendetit te familjes qe eshte berthama me e fuqishme e shoqerise!
Derisa kjo shoqeri te edukoje nxitjen e te egrit dhe shkeljen e te butit, do vazhdojme te degjojme kasaphana ne familje e ne shoqeri...sidomos ndaj grave e femijeve! Ndaj nese keni femije, vajza apo djem qofshin, mesojini me nje familje ku kontribojne te gjithe sipas mundesive pa role te semura e te prapambetura gjinore, por me marrdhenie te shendetshme te bazuara ne respekt per tjetrin e mbi te gjitha ne dhembshuri per tjetrin. Çdo prind, edukator, mesues e influencues ka ne dore te ardhmen e nje kombi te tere!
