Shkolla Adem Krasniqi faqja zyrtare

05/06/2026

📸 Momente nga takimi informues me prindërit e klasave të para! ✨
​Sot patëm kënaqësinë të mirëprisnim në shkollën tonë prindërit e vegjëlushëve që në shtator ulen për herë të parë në bankat e shkollës.
​Falënderojmë përzemërsisht të gjithë prindërit për pjesëmarrjen, besimin dhe gatishmërinë për të bashkëpunuar. Ky është vetëm hapi i parë i një rrugëtimi të gjatë e të bukur që do ta bëjmë së bashku për rritjen dhe edukimin e fëmijëve tanë.
​🔔 ​Shkolla jonë nuk është thjesht një ndërtesë, por një mjedis ku të vegjlit tuaj do të mësojnë të lexojnë botën, të krijojnë miqësitë e para dhe të zbulojnë talentet e tyre.
​🌟 Pse të zgjidhni shkollën tonë?
​* Staf i kualifikuar dhe me zemër të madhe: Mësueset tona janë të përkushtuara për t'iu ofruar fëmijëve një tranzicion sa më të butë nga kopshti në shkollë.
* ​Mjedis i sigurt dhe stimulues: Klasa të ngrohta, infrastrukturë moderne dhe hapësira të dedikuara për mësim dhe lojë.
* ​Mësimdhënie interaktive: Ndërthurim programin zyrtar me aktivitete kreative, art, muzikë dhe hapat e parë në teknologji.
* ​Partneritet me prindërit: Ne besojmë se suksesi i fëmijës vjen nga një bashkëpunim i ngushtë dhe transparent Shkollë-Familje.
​Mezi presim shtatorin! 🎒📚

05/06/2026

🌍 Sot, në Ditën Botërore të Mjedisit, shkolla jonë u bë më e gjelbër dhe më e pastër! 🌿
​Nxënësit e klasës së 6-të zhvilluan një aktivitet mjaft domethënës për të ndërgjegjësuar mbi rëndësinë e mbrojtjes së natyrës. Me entuziazëm dhe përkushtim, ata u angazhuan në pastrimin e oborrit dhe krijimin e posterave.
​Kujdesi për mjedisin fillon me veprime të vogla nga secili prej nesh. Jemi krenarë për këta nxënës që po tregojnë se e ardhmja e planetit tonë është në duar të sigurta! 💚

04/06/2026

Mbyllja e projektit “Libri, miku im”: në klasën e lll.

“Ëndrrat nisin nga këto banka”
Këtu nisin hapat, mësojmë të lexojmë, të shkruajmë, të mendojmë dhe të besojmë te vetja. Libri ka qenë miku ynë më i mirë në këtë rrugëtim, duke na hapur dyert e dijes, imagjinatës dhe shpresës. Sot mbyllim një projekt, por jo dashurinë për librin, sepse çdo faqe e lexuar është një hap më pranë ëndrrave tona. Le të vazhdojmë të ëndërrojmë, të mësojmë dhe të ndërtojmë të ardhmen tonë🌸📚

03/06/2026

🌱 PROJEKT NË BIOLOGJI (KLASA 6): "MJEDISI YNË LOKAL" 🌍
​Nxënësit e klasës së 6-të zhvilluan një projekt mjaft interesant në lëndën e Biologjisë, të fokusuar te mbrojtja dhe njohja e mjedisit që na rrethon. 🔍🏡
​Përmes posterave dhe maketeve kreative, "biologët tanë të vegjël" studiuan ekosistemet lokale dhe përcollën mesazhe të rëndësishme për riciklimin, shtimin e zonave të gjelbra dhe mbajtjen pastër të lagjeve tona.
​Mbrojtja e natyrës nuk është thjesht një mësim në libër, por një përgjegjësi e përditshme! Përgëzime nxënësve dhe mësueses për këtë punë të bukur dhe ndërgjegjësuese. 💚👏

02/06/2026

📌Mbështetja psiko-sociale është shumë e rëndësishme dhe e nevojshme në periudhën para provimeve!
✨️ Me rëndësi mbetet menaxhimi i emocioneve para dhe gjatë provimit.
✨️Organizimi i ditëve në mënyrë sa më produktive duke krijuar kohë për mësim por edhe pushime te shkurtra.
✨️Të ushqyerit e shëndetshëm dhe lëvizja e shëndetshme dhe shplodhëse janë mjaft të rëndësishme.
Komunimiki 🗣 dhe mbështetja e njëri tjetrit 🫂janë në fokus të punës sonë të përditshme me nxënësit dhe për nxënësit!

01/06/2026

Gëzuar 1 Qershorin fëmij të dashur.

01/06/2026

🎶Nën tingujt e këngës“Eja këndo me ne”,nxënësit e shkollës sonë sollën buzëqeshje,gëzim dhe emocione të veçanta në festën e tyre të 1 Qershorit.🎈
Gëzuar 1 Qershorin të dashur fëmijë!🌟🌟🌟💖

01/06/2026

Festa e abetares!
Sot nuk festojmë vetëm shkronjat e para që mësuam, numrat e parë që numëruam apo këngët e para që kënduam. Sot festojmë diçka më të madhe:
* festojmë që mësuam të rritemi bashkë
* Në këtë klasë jemi 12 zemra të vogla, por secila rreh ndryshe.
3 nga shokët tanë mësojnë në mënyrën e tyre, me ritmin e tyre, me dritën e tyre. Dhe na kanë mësuar gjënë më të çmuar këtë vit:
*që të ndryshmit na bëjnë më të fortë, jo më të dobët
* Prindër , faleminderit që jeni krahu ynë i djathtë. Që mbështesni jo vetëm fëmijën tuaj, por çdo fëmijë të kësaj klase. Pa ju, gjithëpërfshirja do mbetej fjalë në letër
* Fëmijë, ju jeni heronjtë e vegjël të kësaj klase. Ju që flisni, ju që buzëqeshni, ju që ndihmoni shokun të ngrejë lapsin që i ra, ju që prisni me durim radhën. Ju na kujtuat që klasa e parë nuk është vetëm abetare.
E ardhmja fillon këtu, me këtë respekt e me këtë dashuri që po mbjellim bashkë.

Gëzuar festën, klasa e Parë!

21/05/2026

21/05/2026