Biblioteka Publike Durrës

Morëm pjesë në konferencën për shtyp dhe në koncertin përmbyllës të edicionit të dytë të Durrës Opera Art of Singing (DOA) 2026, një projekt artistik me rëndësi ndërkombëtare që po e afirmon Durrësin si një qendër të rëndësishme të artit lirik dhe shkëmbimit kulturor.

Koncerti final, i zhvilluar në Albanian College Durrës, solli në skenë artistët më të spikatur të masterklasit, të cilët interpretuan përpara një jurie ndërkombëtare të përbërë nga emra të njohur të botës së operës.

Përgëzojmë ideatorin dhe drejtorin artistik të projektit, mjeshtrin Gëzim Myshketa, si dhe të gjithë artistët, pedagogët dhe partnerët që kontribuan në realizimin e një aktiviteti të këtij niveli, i cili promovon Durrësin si një destinacion të ekselencës artistike dhe bashkëpunimit kulturor ndërkombëtar.

I urojmë DOA-s suksese të mëtejshme dhe një rrugëtim të gjatë në shërbim të kulturës dhe artit lirik.

Një ngjarje e bukur letrare po afron! 👏Së shpejti do të ndajmë me ju detajet e përurimit.

Biblioteka Publike, nën kujdesin e Bashkisë Durrës dhe në bashkëpunim me Botimet “Jozef”, në kuadrin e botimeve bibliotekare sjellin
“ANTOLOGJIA
E POEZISË DURRSAKE”

kjo antologji mbledh zërat poetikë të Durrësit, duke sjellë së bashku: poetë të kujtesës që kanë lënë gjurmë të pashlyeshme në letërsinë durrsake; poetë bashkëkohorë, ata që jetojnë e krijojnë në atdhe si edhe ata që jetojnë e krijojnë larg Shqipërisë.

🔖Për ata që nuk janë më mes nesh, ajo vjen si një homazh i ndjerë dhe një kujtesë e bukur për trashëgiminë që na lanë.
📚Për poetët që jetojnë e krijojnë larg, është një shenjë përkatësie dhe mirënjohjeje, një dëshmi se vendlindja i mban gjithmonë në zemrën e saj.

Përmes këtyre vargjeve, Durrësi shfaqet si horizonti i përbashkët ku kujtesa, identiteti dhe fjala poetike vijojnë të jetojnë e të bashkojnë breza përtej kohës dhe largësive.

👏Gjejmë rastin të falënderojmë të gjithë poetët që mbushën faqet e kësaj antologjie me vargjet e tyre dhe familjet e të afërmit e poetëve të kujtesës, të cilët kanë qenë një ndihmesë e madhe për hartimin e saj.

📗📙📕Poetëve do t’u dhurohet kopja e tyre në ditën e takimit përurues.
Ju urojmë suksese dhe krijimtari të begatë!

Momente nga takimi përurues kushtuar librit “Neoshqiptarizmi”, të autorit A***n Galdini.
Ky takim erdhi si një bashkëpunim i Bibliotekës Publike me Qendrën Kulturore të Fëmijëve Durrës.

Pjesëmarrësit u përfshinë në një bashkëbisedim të gjallë dhe interesant mbi idetë, konceptet dhe çështjet që trajton libri “Neoshqiptarizmi”.
Diskutimi solli këndvështrime të ndryshme dhe reflektime mbi identitetin, vlerat dhe sfidat e shoqërisë shqiptare në kohët moderne.

Në përfundim të aktivitetit, autori dhuroi kopje të librit të tij për të pranishmit, si dhe kopje për fondin e Bibliotekës së Qytetit, duke pasuruar më tej koleksionin e saj dhe duke e bërë këtë libër të arritshëm për lexuesit.

Faleminderime për autorin që na besoi takimin përurues të librit të tij dhe të gjithë pjesëmarrësve.

Të nderuar lexues,

Ju njoftojmë se Biblioteka e Fëmijëve, e cila ndodhej në katin e tretë të Mazoleumit të Dëshmorëve, është në proces transferimi në një ambient të ri.
Sapo të përfundojë ky proces, do t’ju informojmë për adresën e saktë të vendndodhjes së saj, si edhe për oraret e shërbimit.

📚Ju falënderojmë për mirëkuptimin dhe mirëpresim t’ju shërbejmë së shpejti në ambientet e reja të bibliotekës.

Biblioteka në bashkëpunim me Qendrën Kulturore të Fëmijëve Durrës dhe Shtëpinë botuese “Jozef”, ju fton në promovimin e librit “Neoshqiptarizmi” të autorit A***n Galdini, një vepër që sjell në vëmendje një koncept të ri mendimi, të mbështetur mbi trashëgiminë intelektuale të Rilindjes Kombëtare dhe sfidat e shqiptarëve në shekullin XXI.

Çfarë është Neoshqiptarizmi? Si mund të ndërthuren identiteti kombëtar, kultura, kujtesa historike dhe vizioni për të ardhmen në një kohë globalizimi dhe transformimesh të shpejta?

Takimi do të jetë një mundësi për të diskutuar idetë, reflektimet dhe pyetjet që ngre kjo vepër, si dhe për të bashkëbiseduar mbi rolin e mendimit shqiptar në ndërtimin e së ardhmes.

📅 9 Qershor 2026
🕒 ora: 19.00
📍 Qendra Kulturore e Fëmijëve Durrës ( Salla e ekspozitave)

Ju mirëpresim të bëheni pjesë e kësaj bisede mbi identitetin, historinë dhe vizionin shqiptar.

Patëm kënaqësinë të prisnim në bibliotekë drejtoren ekzekutive të Fondacionit, “Jup Kastrati”, znj. Fatmira Kastrati (Sykja), e cila i dhuroi bibliotekës Publike Durrës titujt:
- "Epistular Prof.Jup Kastrati -At Justin Rrota 1951-1964", përgatitur për botim nga Fatmira Kastrati, nën siglën e Fondacioni "Jup Kastrati";
- “Profesor Jup Kastrati për Kosovën”, një libër që ka ardhur nën përkujdesjen e Prof. Begzad Baliut dhe Baki Svircës.
- “Studime për De Radën” nga Jup Kastrati.
- “Mbi autorësinë e bibliografisë së Skënderbeut” nga Begzad Baliu
Biblioteka shpreh mirënjohjen e saj të thellë për dhurimin e librave, një dhuratë e çmuar e bërë nga e bija e tij.

📚Ky gjest fisnik pasuroi fondin e bibliotekës, e cila nga ana e saj ruan dhe përcjell te brezat një pjesë të rëndësishme të trashëgimisë intelektuale të një prej emrave më të respektuar të albanologjisë shqiptare.
Librat mbajnë jo vetëm vlerën e dijes që përmbajnë, por edhe gjurmën e një jete të përkushtuar ndaj studimit, gjuhës dhe kulturës shqiptare.

👏Falënderojmë me respekt të veçantë të bijën e profesorit për këtë akt bujarie dhe besimi ndaj bibliotekës, duke i dhënë mundësi lexuesve, studiuesve dhe të rinjve të afrohen më pranë veprës dhe botës së Jup Kastratit
Falënderojmë autorin Doranin Agalliu, një mik i mirë i bibliotekës i cili ishte prezent gjatë takimit në bibliotekë.

Autorja Armenida Qyqja prezanton në FE vëllimin me poezi "Hieroglifet e mallit" - Lajme Durrës Në ambientet e Fakultetit të Edukimit të Universitetit “A. Moisiu”, u zhvillua një takim letrar me autoren Armenida Qyqja në bashkëpunim me bibliotekën e Universitetit dhe Bibliotekën Publike të Durrësit.Në takim u prezantua vëllimi më i ri me poezi i autores “Hieroglifet e mallit...