Qendra “Medina”

Nuk mjafton thjesht të shprehësh shehadetin me gjuhë, pa njohur dhe mësuar kuptimin e tij.

Uthman ibën Affani (Allahu qoftë i kënaqur me të!) thotë: "E lexova Kur'anin nga fillimi deri në fund dhe nuk pashë ndonjë ajet më të mirë dhe më shpresëdhënës se fjala e Allahut të Lartësuar: "Njoftoji robët e Mi se Unë jam Falësi, Mëshiruesi”.

Fudhejl ibën Ijadhi thotë: "Dijetarët janë pranvera e besimtarit, kur i sheh i sëmuri nuk dëshiron të jetë i shëndetshëm dhe kur i sheh i varfëri nuk dëshiron të jetë i pasur."

Es-Se'adij (Allahu e mëshiroftë!) thotë: "Ai që ngjall tokën pasiqë ajo vdes me anë të ujit të shiut, është i Plotfuqishëm të ngjallë zemrat e vdekura me anë të të vërtetës që i zbriti të dërguarit të Tij."

Të gjitha sëmundjet e zemrës, lindin nga padituria.

Ebu Hurejre (Allahu qoftë i kënaqur me të!) thotë: “Shembulli i dijes me të cilën nuk punohet, është si thesari nga i cili nuk shpenzohet në rrugën e Allahut të Lartmadhëruar”. E trans. Hatib El-Bagdadij me zinxhir transmetimi të mirë.

Ilaçi më i mirë për prehjen dhe qetësinë shpirtërore, që largon sresin dhe panikun, është ruajtja e faljes së namazit me frikërespekt... "Është e vërtetë se njeriu është i prirur të jetë i padurueshëm. Pse kur e godet ndonjë e keqe, ai ankohet së tepërmi. Ndërkaq, kur e gjen e mira, ai bëhet koprrac. Përveç atyre që falen, të cilët janë të rregullt në faljen e namazit të tyre."

Katade transmeton, se Mutarrif ibën Abdil-lah thoshte: "Prej robërve më të dashur tek Allahu, është durimtari falënderues, i cili kur sprovohet duron dhe kur i jepet ndonjë mirësi falënderon."
الحلية، تهذيبه، ١/٣٥٩

Tre gjëra janë prej thesareve të mirësisë: Fshehja e sadakasë, fshehja e sëmundjes dhe fshehja e fatkeqësisë.