NU Golden Jubilee د ننګرهار پوهنتون پنځوسمه کليزه

31/05/2022

06/07/2021

شپږ کاله وړاندي د ننګرهار پوهنتون د پنځوسمي کالیزي لمانځغونډي څو عکسونه.

09/12/2020

ننګرهار پوهنتون د تضمين کيفيت په درېيم پړاو ارزيابۍ کې دهېواد په کچه تر ټولو لوړې نمرې « ۸۹.۵» واخېستې.
ددغه پوهنتون رهبري هيئت استادانو او منسوبینو ته دي مبارک وي.

06/03/2018

د ننګرهار پوهنتون د پاڼی څخه
د وترنري علومو پوهنځي نوى رئيس د نوموړي پوهنځي استاذانو او منسوبينو ته وروپېژندل شو
د ننګرهار پوهنتون د وترنري علومو پوهنځي استاد پوهنوال پيرمحمد ستانکزى د نوموړي پوهنځي د نوي رئيس په توګه له ټاکل کېدو وروسته نن ورځ رسماً د پوهنتون د رئيس پوهنوال ببرک مياخېل له خوا د نوموړي پوهنځي استاذانو او منسوبينو ته وروپېژندل شو.
په هغه غونډه کې له همدې امله د وترنري علومو په پوهنځي کې جوړه شوې وه، د ننګرهار پوهنتون د رئيس، علمي چارو، محصلانو چارو او د مالي او اداري چارو مرستيالانو سربېره پکې د بېلابېلو پوهنځيو رئيسانو، استاذانو او اداري کارکوونکو برخه لرله.
غونډه د ننګرهار پوهنتون رئيس پوهنوال ببرک مياخېل په پرانيستونکې وينا پيل شوه. نوموړي وويل د پوهنتون او لوړو زده کړو وزارت رهبرۍ اړينه وبلله، چې د وترنري پوهنځي د لاښه والي او مثبت بدلون لپاره ددې پوهنځي د علمي کادر غړى ښاغلى پوهنوال پيرمحمد ستانکزى د پوهنځي د نوي رئيس په توګه غوره کړي.
ښاغلي مياخېل چوکۍ او منصب امتياز نه، بلکې ستر مسووليت وباله او ښاغلي ستانکزي ته يې د نوي مسووليت د مبارکۍ ترڅنګ د هغې د ښه ترسراوي هيله څرګنده کړه.
د پوهنتون رئيس د وترنري علومو پوهنځي د تېر رئيس پوهندوى سيدضياءالحق بنوري د کړنو، خدمتونو او هلو ځلو ستاينه وکړه او نوموړي ته يې د لوى خداى ج له درباره د اجر غوښتنه وکړه.
د غونډې په پاى کې د وترنري علومو پوهنځي نوي رئيس پوهنوال پيرمحمد ستانکزي خبرې وکړې او د پوهنتون د رياست او وزارت مقام له مشرتابه څخه يې مننه وکړه، چې په نوموړي ددې ستر مسووليت باور وکړ او ژمنه يې وکړه چې د پوهنځي د لاښه والي او معياري کېدو په موخه به نه ستړي کېدونکې هلې ځلې وکړي.

30/10/2017

https://www.youtube.com/watch?v=ZCRY6MuiTN0

Nangarahr University 50th Golden Jubilee ننګرهار پوهنتون پنځوسمه کليزه

24/09/2017

ننګرهار پوهنتون کې د سولې په نوم پارک پرانيستل شو
د ننګرهار پوهنتون رئيس پوهنوال ببرک مياخېل د پرانيستې پر مهال وويل: نوموړى پارک چې ٧٠ سلنه چارې يې ترسره شوي او پاتې نورې به يې په نږدې راتلونکې کې بشپړې شي، د ننګرهار د يوه تن ملي سوداګر په مالي مرسته جوړېږي.
نوموړي وويل: سولې پارک د ننګرهار پوهنتون ښځينه محصلينو ته ځانګړى شوى، چې هغوى به ترې د تفريح، مطالعې او سپورت لپاره کار اخلي.
میاخېل وايي:د ننګرهار پوهنتون نهاري انجونې چې د ملي بسونو په وسیله د پوهنتون له رخصتیدو وروسته پوهنتون څخه بیلابیلو سیمو ته ځي ، د ملي بس تر راتګ پورې د دوی لپاره داسې کوم مشخص او خوندی ځای نه وو ، دوی به د انجونو لیلیې ترڅنګ د سړک ترغاړې ناستې چې مناسب نه وو.
دغه دوه نيم جريبه پارک به اوس د دوی لپاره دمه ځای او د مطالعې ځای وي.
له دې سره به د ننګرهار پوهنتون محصلانې د خالي ساعتونو په جريان کې وکولای شي دلته مطالعه او تفريح وکړي.
د لمانځه لپاره ترتيبات او پرده هم په نظر کې نېول شوې ده.

15/12/2016

https://m.facebook.com/story.php?story_fbid=1096152727173416&id=796657533789605

05/07/2016

د کوچينې اختر مبارکې ټولو هېواد والو ته وايم
د روزي په مبارکه مياشتي کې مو خدای ( ج) کړي طاعتونه او عبادتونه قبول کړه، اوس نو ددي وخت رارسیدلی تر څو تاسو محترمو هيوادوالو ته د وړوکې اختر مبارکي ووايم. خداي ج دې وکړي چې د ژوند هره شېبه مو اختر وي هره شېبه مو د خو ښيو او خوشاليو ډکه وي.
پاک پروردګار دې ددې کوچينې اختر په برکت په هېواد کې دايمي سوله قايمه کړي ترڅو هېواد وال مو ارامه فضا کې له خپلو کورنيو سره ژوند وکړي. هيله لرم د اختر په خوښیو کې بي وزله لويان ، ماشومان .. د ځانه سره شريک کړئ.
په درنښت

13/03/2016

Adopted from MB
سخت باران ، په شيبوشیبو باران یا هم کله چي به د باران وريدو د ځو ورځو لپاره دوام وموند نو ژوند خو هر ځای اغيزمن کيده خو د ننګرهار په پوهنتون کي هم ځوک د خټو ، چګړو له امله نه شواي ګرځیدلي ان تر دي ډیرو به غوره ګڼله چي پوهنتون ته لاړ نه شي.
که څه هم د دوو ورځو را په دي خوا باران وريږي خو نن سهار په پوهنتون کي ډیره ګڼه ګوڼه وه ان تر دي له ګرځيدلو څخه هم ډیرو خوند اخيسته.
ما هم ددي حالت په ليدلو د ننګرهار پوهنتون مخکني سرپرست ريس پوهنوال دوکتور محمد طاهر عنايت ته چي اوس مهال د جرمنی په يو روغتون کي تر جراحي عمليات لاندي دي دوعا وکړه، دا به یوازي زما دوعا نه وي بلکه ډیرو نورو به هم ورته دوعا کړي وي هغه پدي وجه چي د ننګرهار پوهنتون داخلي سړکونه يي د خواخوږو په چنده سیمټ کړل. د پوهنتون بڼه يي بدله کړه او د زرګونو ونو بوټو په کښينولو سره يي نور هم زرغون او ښکلي کړ. خداي دي هغه تل ژوندي او اباد لري.

26/01/2016

د ننګرهار پوهنتون د اينجنري پوهنځي استاد پوهنوال ګل حکيم شاه د ور پيښی ناروغي له امله دغه فاني نړي سره د تل دپاره خداي په اماني وکړه. نوموړي د هيواد او سيمي په کچه په سلګونو علمي کادرونه روزلي او د هيواد او سيمي يو واقعي خدمتګار وه.
د لوي الله ( ج) څخه ورته جنت او کورني ته يي جميل صبر غواړو.
انا لله و انا اليه راجعون