هيواد قلم خصوصي عالي لېسه Hiwad Qalam Private High School

د هیواد قلم خصوصي عالي لېسې ټول کهول (ادارې،استادانو،شاګردانو او والدینو) ته د زړه له کومي مبارکي وایو،مبارک موسه!
الحمدالله نن ورځ یو ځل بیا د همدې لېسې د دوولسم ټولګي څخه (29 تنه ) فارغ زده کوونکي د خپل خوښي وړ لاندي پوهنځیو ته بریالي سول.
1- یو تن د کندهار طب پوهنځي ته.
2- دیارلس تنه د کندهار انجنیري پوهنځي ته.
3- دوه تنه د کندهار عامه ادارې او پالیسي پوهنځي ته.
4- دوه تنه د کندهار کرنیزي انجنیري پوهنځي ته.
5- پنځه تنه د کندهار ژبو او ادبیاتو پوهنځي ته.
6- یو تن د کندهار فیوزترافي څانګي ته.
7- یوتن د کندهار وترنري پوهنځي ته.
8- یو تن د کندهار نرسینګ ته.
9- درې تنه تعلیم او تربیې پوهنځي ته.

السلام علیکم ورحمة الله وبرکاته
هیله لرو چي ټول به جوړ، روغ، د صحت جامې مو په تن او د ژمي دا یخي شپي او ورځي به په خیر در باندي تیریږي.
دا چي هیواد قلم خصوصي عالي لېسه په کال (1389) هـ.ش کي تأسیس او خپل فعالیت يې د علم په ډګر کي راپیل کړ، چي لومړۍ دوره فارغین یې په (1399) کال کي فارغ چي دهمدې کال د کندهار په سطحه په کانکور لومړی مقام هم د هیواد قلم لومړی دورې فارغ زده کوونکي عبدالحمید ترلاسه کړ، تر روان (1403) هجري شمسي کال پوري یې پنځه دورې فارغین ټولني ته وړاندي کړي دي.
هیره دي نه وي چي یوازینۍ یاده لېسه د کندهار ښار په نهمه ناحیه ، برېښناکوټ پل او رویي پل ترمنځ د قاري عبدالباقي جامع پر مخامخ موقیعت لري.
ځيني دوستان د دوهمي څانګي پوښتنه او غوښتنه کوي
موږ في الحال صرف همدا يوه لېسه لرو. که هر وخت رسمي زموږ بله څانګه فعاله سوه، ان شاء الله ټول دوستان په جريان کي اچوو.
په درنښت
هیواد قلم لېسې اداره

!!

خپلو ماشومانو ته مو پاملرنه کوئ، هغوي په پرله پسې توګه وڅارئ، ملګري یي وګورئ، د ښوونځي او مدرسې بستۍ ته یي د تشویق په خاطر د خوراک شیان ور واچوئ او په عین وخت کي یي وپلټئ چي په بسته کي یي څه شي دي؟

فتنه او فساد په هره بڼه شتون لري، د قلم په څېر چلمان دي؛ کوچني ماشومان د شربتو وچه پوړۍ ور اچوي او د چلم په بڼه یي څکوي.
وچه پوړۍ چي په پینځه افغانۍ ده ماشومان یي دې قلم ډوله چلم ته ور اچوي او د ساه په کشولو سره یي خوري؛ دا ټوله کیمیاوي د میوو جوړ خوندونه او مختلف رنګونه دي چي د هاضمي او اطراحیه سیسټم لپاره ډیر زیان لري خپل ماشومان ورڅخه وساتئ.
منم یي؛ دا وچه پوړۍ د سګریټ او نورو نشه یي توکو په څېر خــــطـــرناکه نه ده؛ خــو دا چــي د ښـــوونځي یو زده کوونکی د ماشومتوب څخه د نشه ئي توکو او چلم څکولو کاذب عمل ترسره کوي، ممکن د نشه ئي مواد په څکولو روږد سي.

!
د کوچني اختر د را رسېدو په مناسبت هيواد قلم مکتب او مدرسې اداره تاسو او ستاسو قدرمن فاميل ته د زړه له کومي مبارکي وايي! الله ﷻ مو لمـونځونه، روژې، تراويح، طاعت او عبادات مو په خپل دربار کي قبول او منظور کړه.
په درنښت:
د مکتب او مدرسې اداره

!
هيواد قلم خصوصي لېسه د ریاضي، فزیک او کیمیا په برخو کي په لاندي شرایطو سره ښوونکو ته اړتیا لري:
*باید لسانس وي.
*حد اقل دوه کلنه مسلکي کاري تجربه ولري.
*د کمپیوټر سره پوره بلدتیا ولري.
*وخت سهار له ۷:۳۰ څخه تر ۱۲:۳۰ پوري.
هغه محترم اشخاص چي پر پورته شرایطو برابر وي کولای سي د هيواد قلم خصوصي لېسې ادارې ته مراجعه وکړي.
ادرس: لويه وياله الف ساحه د قاري عبدالباقي جامع پر مخامخ، کندهار.
تماس او واټس اف: 16 15 11 11 07

!

د هیوادقلم خصوصي عالي لېسې د چارو د سمون او سرعت په وجه د Bright script شرکت سره د ډاټا بیس قرارداد لاسلیک کړ چي له مخي یې لاندي فعالیتونه اجراء کېږي:

1. د سرمعلمیت ټولي چاري
2.د کورس مدیریت او کنټرول
3. د انضباطانو کنټرول
4. بشری منابع
5. حمل و نقل
6. تحویل خانه
7. ټول مالی حسابونه
8. د سیسټم له لاري استادانو او والدینو ته پیغام استول
9. د کارکوونکو کاکردګي څارل
10. د کارمندانو او شاګردانو لپاره الکترونیکی حاضري.

د رخصتۍ خبرتيا!
د هيواد قلم خصوصي لېسې د ټولو محترمو ښوونکو او ګرانو زده کوونکو د پام وړ!
السلام علیکم ورحمة الله وبرکاته
د کار او ټولنيزو چارو وزارت لخوا سبا پنجشنبه د ( دلو د مياشتي ۲۶ ) نېټه په هيواد کي د شوروي اتحاد د ماتي په مناسبت عمومي رخصتي اعلان سوېده.
ټول قدرمن اداري کارمندان، محترم ښوونکي او ګران زده کوونکي رخصت دي.
راتلونکې ( شنبه د دلو ۲۸ ) ټولي تدریسي چاري د پخوا په شان شروع دي، ټول قدرمن اداري کارمندان، محترم ښوونکي او ګران زده کوونکي دي پر خپل ټاکل سوي وخت حاضر سي.
درنښت
هيواد قلم خصوصي عالي لېسه Hiwad Qalam Private High School

اړیکه: 16 15 11 11 07

نن پنجشنبه د روان تعلیمی کال د منځني امتحانونو د نتایجو په مناسبت د هیواد قلم خصوصي لېسې لخوا د اطلاع نامو د ویش په مناسبت يو پروګرام دایر سوی وو چي د قرانکریم په مبارکو آیاتونو سره پیل او د اجنډا مطابق مخته یو وړل سو.
په پروګرام کي څارندویان او ټول هغه زده کوونکي چي په خپلو ټولګیو کي (لمړی، دوهم او درېيم) مقامونه ترلاسه کړي ول هڅي يې وستایل سوې.
دوئ او ددوئ قدرمنو کورنيو ته يې مبارکي وایو او د لا زیاتي بریا په هیله ئې یو.

د ټولو محترمو ښوونکو صاحبانو، سرمعلم صاحب او ټول اداري پرسونل څخه مننه کوو چي د پروګرام په اماده کولو کي ئې نه ستړی کېدونکي هلي ځلي وکړي.

په درنښت
هیواد قلم خصوصي لېسې اداره!

د کارموندني خبرتیا!
هيواد قلم خصوصي لېسه د لابراتوار په برخه کي یو تن لابرانټ ته په لاندي شرایطو اړتیا لري:

*باید لسانس وي (کیمیا، بیولوژي او یا هم فزيک په برخه کي).
*حد اقل درې کلنه مسلکي کاري تجربه ولري.
*د کمپیوټر سره بلدتیا ولري.
*وخت سهار له ۷:۳۰ څخه تر ۱۲:۳۰ پوري.
هغه محترم اشخاص چي پر پورته شرایطو برابر وي خپل اسناد دي د هيواد قلم خصوصي لېسې ادارې ته تر راتلونکي چهارشنبې پوري وسپاري.
ادرس: لويه وياله الف ساحه د قاري عبدالباقي جامع مخامخ، کندهار.
تماس او واټس اف: 16 15 11 11 07

@کانکور
د ۱۴۰۲ کال په کانکور کي زموږ د زده کوونکو نمرې او پوهنځیو ته بريالي کېدل!
ــــــــــــــــــــــــــــــــــــــــــــــــــــــــ

🏠 ۹ ناحیه، الف ساحه د قاري عبدالباقي جامع مخامخ.
07 11 11 15 16

د هیواد قلم لېسې بريالي سوي زده کوونکي