اعداد/Iedad

په انوارالعلوم-خوشحال خان دیني مدرسه کې د اعداد تربیوي مرکز د ویناوالي ټولګی!

موږ یوازې تر خپلې محوطې محدود نه یو، په ګڼو ادارو، دیني او علمي مرکزونو کې د تدریس تجربې لرو دا مهال مو هم برحاله ټولګي جریان لري.

موږ ځانونه د ځوان نسل د علمي، فکري او مسلکي روزنې مسؤلین ګڼو او د دې مسؤلیت د کما حقه اداکولو په پار هڅې کوو!
اعداد/Iedad

په اعداد یو څو کرښې!

حمید الله حمزه/بدري جمالي

د رسول الله ﷺ، صحابه کرامو رضی الله عنهم، تابعینو او تبع تابعینو په زمانه کې علمي مراکز د افکارو د روزنې، شخصیت جوړونې او د امت د اعداد مرکزونه وو. هماغه روزنه وه چې له عادي انسانانو یې داسې نسل جوړ کړ چې نړۍ یې رهبري کړه او د امت یې د عظمت لوړو پوړیو ته ورساوو.
که د اسلامي امت تېر برم، عزت، عظمت او ځواک ته وګورو، نو یو ستر سبب یې همدا اعداد او فکري ـ ایماني روزنه وه. او که د ننني امت کمزوري، تفرقې او شاتګ ته نظر وکړو، یو لوی علت یې هم د همدې اعداد نشتوالی دی. موږ تعلیمي او علمي مراکز لرو، خو هغه فکر، شعور، ایمان او مسؤولیت چې باید نسلونه پرې وروزل شي، کمزوری شوی دی.
نن زموږ پر مسؤولینو، علماؤ، استادانو او علمي بنسټونو یو ستر مسؤولیت پروت دی، او هغه دا چې د اعداد دا فکر بېرته راژوندی کړي. په هر علمي مرکز کې، که هغه د دیني علومو وي او که د عصري علومو، باید د فکري، ایماني او شخصيتي روزنې پروګرامونه پیل او لازمي شي، څو ځوان نسل د فکر، رسالت او مسؤولیت خاوندان هم شي.
له ډېره وخته دا پوښتنه راسره ده چې زموږ په ټولنه کې پر افکارو ولې هغومره کار نه کېږي لکه څومره چې اړتیا ورته لیدل کېږي؟ ولې فکري کتابونه لږ لوستونکي لري؟ ولې د مطالعې، فکر او فکري روزنې فرهنګ کمزوری دی؟ او ولې داسې منظم علمي او فکري مراکز نه لرو چې هلته ځوانان راټول شي، فکري روزنه ورکړل شي، د خپل دین، اسلامي امت، ټولنې او وخت له مسؤولیتونو خبر کړل شي؟ حقیقت دا دی چې که پر افکارو کار ونه شي، تش احساساتي فضا هېڅ اوږدمهاله بدلون نه شي راوستلی. نن نړۍ تر ډېره د فکر، رسنیو، فرهنګ او روایت جګړه ده. هغه ملتونه بریالي دي چې پر اذهانو کار کوي، نسل روزي او ځوانانو ته واضح فکري مسیر ورکوي.
د اعداد تربیوي مرکز د مسوولینو هر یو قدرمن استاد داد محمد ناوک صاحب، م.خیال محمد توحیدیار صاحب او نورو همکارانو دې کور ودان وي چې داسې یو علمي او فکري مرکز یې ځوانانو ته جوړ کړی چې بدیل یې نه لیدل کیږي. د اعداد تربیوي مرکز د علمي ناستو، درسونو، سمینارونو مثبت تأثیر په هغو ځوانانو کې ښکاري کومو چې دلته زده کړې کړي دي، پخوا مې پر خواله رسنیو فعالیتونه تعقیبول خو کله چې لومړۍ ځل درس ته راغلم، واقعا په څو درسي ساعتونو کې مې ډېر ناویلي او نا اورېدلي موضوعات واورېد او زده کړ. له ځوانانو مې دا غوښتنه ده چې اعداد تربیوي مرکز ته دې یو ځل د امتحان په خاطر له نږدې څخه راشي، درس دې تعقیب کړي نو إن شاء الله باوري یم چې په خپل ځان کې به مثبت تأثیر ویني. په علمي، سیاسي او کلتوري پروګرامونو، انجمنونو او غونډو کې د ځوانانو ګډون، د ځوانانو په زده کړه، فکري ودې، انتقادي تفکر، خلاقيت، ټولنيزو او علمي مهارتونو او د ټولنیزو اړیکو په غوړېدنګ کې رغنده رول لري او له داسې غونډو او ناستو څخه يو کتاب خبرې زده کېږي، مبتکرانه تفکر ته یې هڅیږي. نو بناُ ددې پرځای چې خپل قیمتي وخت عبث تېر کړو نو راځئ چې په یاد علمي پروګرامونو کې ګډون وکړو او د خپل فردي او ټولنيز پرمختګ د قوت او ضعف نقطو ته متوجه شو او د ځان، ټولنې، هېواد او عموم کې د ټول امت مسلمه لپاره يو مفيد شخص وګرځو.
موږ اړتیا لرو داسې علمي او فکري مراکز ولرو چې د مطالعې حلقې، فکري بحثونه، د امت د قضایاوو پېژندنه، د رسنیو تحلیل، د فکري یرغل پېژندنه او د شخصیت جوړونې پروګرامونه موجود وي، څو ځوان نسل د غرب د فکري او کلتوري جګړې پر وړاندې بې دفاع پاتې نه شي او د دښمن له تبلیغاتو، پلانونو او نرمې جګړې خبر وي.
تر ټولو لویه ستونزه دا ده چې موږ ډېر وخت پر ظاهري مسایلو تمرکز کړی، خو د فکر، مطالعې او شعور جوړونې برخه مو کمزورې پرېښې ده. حال دا چې قوي امت لومړی د فکر له لارې جوړېږي، بیا د عمل ډګر ته راځي.
تر ډېره چې ما لیدلي، متأسفانه په ټول هېواد کې د «اعداد» په څېر منظم او اغېزمن د فکري روزنې مرکز نه تر سترګو کېږي. دا په داسې حال کې ده چې زموږ ځوان نسل تر بل هر وخت فکري، فرهنګي او علمي روزنې ته جدي اړتیا لري.
د اطلاعاتو او کلتور، پوهنې، لوړو زده کړو وزارتونو او نورو علمي او فرهنګي ادارو له مسؤلینو څخه دا هیله او غوښتنه کوم چې دې مهمې برخې ته ځانګړې پاملرنه وکړي، او د اعداد په څېر د فکري روزنې، مطالعې، بحث او فکري ودې مراکز دې د هېواد په ټولو ولایتونو کې جوړ او پیاوړي کړي، څو ځوانان د سالم فکر، قوي علمي بنسټ او روښانه فکري مسیر خاوندان شي.

فکري اعداد- د ګډونوالو تبصره!
ایمن الظ.واه.ري

د اعداد روزنیز مرکز هغه فکري مرکز دی چې د امت د ځوانانو د فکري او علمي روزنې لپاره پرانیستل شوی دی.
که د اعداد مادي امکانات او لاسته راوړنې سره پرتله شي، نو په ډېر وضاحت سره به دا څرګنده شي چې اعداد په حقیقت کې د مخلصو کسانو د اخلاص او نه ستړې کېدونکو هڅو پایله ده.

جالبه خو دا ده چې دلته د درېیو مختلفو قشرونو؛ مکتب، پوهنتون او مدرسې شاګردان په یوه صنف کې راټولېږي او د یوه مشفق استاد تر شفقت لاندې په ګډه زده کړه کوي. زه باور لرم چې دا ډول ګامونه به ان شاء الله تعالی د امت د پخواني برم او عظمت د بیا راژوندي کولو په لاره کې د زینې د لومړي پوړ حیثیت ولري.

اوس تازه د “فکري اعداد” تر عنوان لاندې یو میاشتنی فکري سیمینار هم جوړ شوی دی او دا لړۍ به روانه‌وي ان شاء الله تعالی. د موضوعاتو د اهمیت له امله( سياست، سياسي ايډيالوژۍ، عقیده) دا سیمینار په اوسني وخت کې یو ډېر مهم ګام بلل شو؛ ځکه نن هر چا ته ښه معلومه ده چې اسلامي امت له څنګه ستونزو سره مخ دی او د دې حالت څخه د وتلو لپاره د همدې ډول فکري او اصلاحي پروګرامونو اړتیا جدي احساسېږي.

موږ د دې هڅو کلک ملاتړ کوو او دا د امت لپاره په خیر بولو، او د هیواد له نورو تکړه استادانو او علماوو کرامو څخه هم دا هيله کوو چې دې کار ته کار ووايي او په خپله ټوله هڅه باندې د امت د فکر په جوړولو کې کوښښونه وکړي.

په اسلامي ټولنه کې د سیاست، نړيوالو اړيکو، سیاسي ايډيالوژيو، فکري جریانونو او د اهل السنة والجماعة د صحيح عقيدې او منهج پېژندنه د ځوان کهول له سترو او اساسي مسؤليتونو څخه شمېرل کېږي؛ ځکه همدا ځوان نسل د امت د راتلونکي رهبرۍ، فکري دفاع او اسلامي ارزښتونو د ساتنې خزانه جوړوي.

هغه ځوانان چې د خپل دين، عقيدې، سیاست او د نړۍ له روانو تحولاتو څخه خبر وي، کولی شي د امت د عزت، يووالي او بيدارۍ لپاره اغېزمن رول ولوبوي، او خپله ټولنه د فکري يرغلونو، پرديو ايډيالوژيو او اخلاقي انحرافاتو څخه وساتي.

فایده: زموږ ځوان نسل د بريا، فکري ويښتيا او سالم اسلامي شخصيت د جوړېدو لپاره د داسې اسلامي محافلو، فکري اعداد، علمي ناستو او سالمې روزنې ته اشد ضرورت لري؛ ځکه همدا ډول ماحول د ايمان پياوړتيا، فکري استقامت، دعوتي شعور او د امت د خدمت جذبه راژوندۍ کوي، او ځوانان د بېلارې افکارو، او اخلاقي ګډوډيو څخه ژغوري.

مولوي ضیاءالحق محمدي
- د اعداد تربیوي مرکز د برنامو ګډونوال-

تېره ورځ مو د اعداد تربیوي مرکز په یوه فکري دوره کې ګډون وکړ، چې د افتتاح لومړۍ ورځ یې وه. په دې دوره کې به ان شاءالله درې مهمې او اساسي برخې، لکه:
۱- په اسلام کې سیاست او نړیوالې اړیکې
۲- سیاسي اېډیالوژي
۳- د اهل السنت والجماعت عقیده

د بااستعداده او تکړه استادانو له لوري تدریسېږي.

په ننني عصر کې د ځوان کهول لپاره دا ډول درسونه او سمینارونه ځکه ډېر مهم دي، چې غرب له موږ سره په عسکري جګړه کې الحمدلله ماتې خوړلې، خو اوس هڅه کوي چې د فکري جګړې له لارې زموږ د نوي نسل افکار بدل کړي او هغوی پر خپل اسلامي شریعت، سپېڅلي نظام او ارزښتونو بدګومانه او متنفر کړي.

له همدې امله اړتیا ده چې دا ډول فکري او علمي سمینارونه لا زیات شي، تر څو په ټولنه کې د غرب له لوري د فکري استعمار مخه ونیول شي، او زموږ ځوان کهول د دې پردیو او ناسمو افکارو پر وړاندې په کلکه ودرېږي او خپله ټولنه د فکري انحراف څخه وساتي.

ځوانانو ته لازمه ده چې په داسې سمینارونو کې فعاله ونډه واخلي او هڅه وکړي چې په نورو ځایونو کې هم ورته علمي او فکري پروګرامونو ته زمینه برابره شي، څو نوی نسل د پردیو نظریاتو ښکار نه شي.

دا سمینارونه ځکه هم ډېر ګټور دي، چې د سالمې عقیدې معلومات پکې وړاندې کېږي، د پردیو افکارو او نظریاتو زیانونه روښانه کېږي، او د هغوی علمي رد پکې بیانېږي. همداراز ځوانان دې ته متوجه کوي چې خپل ژوند د سنتو مطابق برابر کړي او له بې‌ځایه وخت تېرولو او نورو ناوړه اعمالو څخه ځانونه وساتي.

هغه څه چې په دې ډول مجالسو او درسونو کې اورېدل کېږي، باید دوامدار تکرار شي، تر څو د یو ځوان د فکر، عمل او عادت برخه وګرځي.

مولوي عطاءالله عزام
- د اعداد تربیوي مرکز د برنامو ګډونوال-

فکري اعداد؛ د فکري بیدارۍ درسي دوره!

اعداد تربیوي مرکز، ځوان نسل ته د متوجه فکري ګواښونو د رد او پر وړاندې یې د فکري ځواکمنتیا په موخه د “فکري اعداد” په نوم نوې یوه میاشتنۍ فکري دوره پیل کړه، چې پکې به په درېیو مهمو موضوعاتو( اسلامي سیاست او نړۍ والې اړیکې، سیاسي ایډیالوژیۍ او د اهل السنة والجماعة عقیده) د باتجربه فکري استادانو له لورې بحثونه وشي. ۱۴۴۷/۱۱/۲۲

دا دوره چې د ګڼ شمېر ګډونوالو په حضور کې پیل شوه، په پیل کې یې د اعداد تربیوي مرکز مسؤل خیال محمد توحیدیار د دورې اړوند جزئیات ګډونوالو سره شریک کړل، د ده په وینا دا فکري دوره چې پر ۱۲ درسونو مشتمله ده، یوه میاشت په بر کې نیسي او د سیاست، فکري ایزمونو او عقیدې په برخه کې به خورا مهم بحثونه وړاندې کړي.

ورپسې د پکتیا پوهنتون حقوقو پوهنځي او په دې دوره کې د اسلامي سیاست برخې استاد نامزاد پوهنیار ولي عبدالله عمادي د فکري جریانونو پر اړتیا او مؤثریت د خبرو ترڅنګ له تېر سره تړاو ته په اشارې وویل چې “تېر برم ته د اعادې لپاره ایله راځئ سل کاله وړاندې مراجعو ته رجوع وکړو، هغه دوره چې موږ د معنوي عروج په اوج کې و.”

د یادې دورې د سیاسي ایډیالوژۍ برخې استاد دادمحمد ناوک دا ډول فکري مرکزونه او مجلسونه د ځوانانو د معنوي ځواک لپاره اړین وبلل او په وینا یې لکه څنګه چې بدن د فزیکې ودې لپاره غذا ته اړ دی، همداراز د معنوي تقویت لپاره ورته فکري او رونیز مجلسونه او بحثونه اړین دي.

فکري اعداد یوه میاشتنۍ دوره چې په اونۍ کې به درې تدریسي ورځې ولري د پیل ناسته یې د قاري صاحب عمر په تلاوت او نورالله نوري په دریځوالي پیل او د مولوي سمیع الله محمود په دعایې پای ته ورسېده.

#اعداد #تاریخ #سیاست #ایډیالوژي

د فکري اعداد یوې میاشتنۍ برنامې د پرانیستې مجلس د مولوي سمیع الله محمود په دعایې پای وموند.

استاد دادمحمد ناوک:
معنوي شخصیت جوړونې ته اړتیا ده!
لکه څنګه چې د انسان فریکي وجود غذا ته اړتیا لري همدارنګه یې معنویات فکري مجالسو او درسونو ته اړ دي.
د دې مجالسو او دورو اصلي موخه د معنویاتو تقویت او د ځوان نسل فکري ځواک لوړول دي.

خیال محمد توحیدیار:
فکري اعداد یوه میاشتنۍ دوره ده، چې ټولټال په درې برخو(اسلا..مي سیاست، سیاسي ایډیالوژۍ، د اهل السنة والجماعة عقیده) کې ۱۲ درسونه لري، چې د مجربو استادانو له لوري به تدریس شي.

د پکتیا پوهنتون استاد محترم عمادي صاحب:
تېر برم ته د اعادې لپاره ایله راځئ سل کاله وړاندې مراجعو ته رجوع وکړو، هغه دوره چې موږ د معنوي عروج په اوج کې و.