اهتزاز علم خصوصي ښوونځی - Ehtezaz Elm Private School

لوی اختر او قرباني

د قربانۍ حکم:
قرباني پر هغه عاقل، بالغ او مقیم مسلمان واجب ده چې د ضرورت له شیانو پرته د نصاب اندازه مال ولري.

د نصاب اندازه:
نصاب هغه مال ته ویل کېږي چې ارزښت یې د شاوخوا (۵۲.۵) تولو سپینو زرو یا د هغې د بیې معادل وي. که څوک دومره مال، نغدې پیسې یا سوداګریز توکي ولري، قرباني پرې واجبېږي.

د قربانۍ وخت:
د لوی اختر د لومړۍ ورځې د اختر له لمانځه وروسته پیلېږي او د درېیمې ورځې تر لمر لوېدو پورې دوام کوي.

د قربانۍ حیوانات او عمرونه یې:
اوښ: لږ تر لږه ۵ کلن وي
غوا او مېښه: لږ تر لږه ۲ کلن وي
وزه او پسه: لږ تر لږه ۱ کلن وي
(البته داسې قوي او ښه پسه چې د یو کلن په شان ښکاري، د شپږو میاشتو په عمر هم روا ګڼل شوی.)

د قربانۍ حیوان باید څنګه وي؟
حیوان باید روغ، سالم او له ښکاره عیبونو لکه ړوندوالي، سختې ناروغۍ، ماتې پښې یا ډېرې کمزورۍ څخه پاک وي.

په لویو حیواناتو کې برخه:
په اوښ، غوا او مېښه کې تر اوو کسانو پورې شریکېدای شي، خو د هر شریک نیت باید د قربانۍ یا ثواب وي.

د غوښې وېش:
غوره ده چې غوښه درې برخې شي:
۱- د خپل کور لپاره
۲- خپلوانو او دوستانو ته
۳- بېوزلو او اړمنو خلکو ته

مهمه سپارښتنه:
د قربانۍ پر مهال نظافت، د چاپېریال پاکوالي او د اسلامي اصولو مراعت ته پاملرنه وکړئ، د قربانۍ د مالونو پوستکي او نور پاتې شوني په عامه لارو، کوڅو او د استوګنې ځایونو ته څېرمه مه اچوئ، چې له ناروغیو څخه خوندي پاتې شئ.

اختر مو مبارک او قربانۍ مو قبولې شه!

📢 د رخصتۍ خبرتیا!
د نیکمرغه او مبارک لوی اختر د رارسېدو په مناسبت، ټولو درنو استادانو، کارکوونکو او زده‌کوونکو ته خبر ورکول کېږي چې له سبا سې‌شنبې ورځې څخه تر راتلونکې یکشنبې پورې عمومي رخصتي اعلان شوې ده.
هیله ده چې دا مبارکې ورځې له خپلې کورنۍ سره په خوښۍ، سوکالۍ او نېکمرغۍ تېرې کړئ.
🌙 لوی اختر مو مبارک شه
✨ په درنښت
اداره

میاشتنۍ ارزیابي ازموینې !
د ثور میاشتې پایلې
دوهم با ټولګي .
اول نمره : عباس ولد محمد خان
دوهم نمره : یاشر ولد پرویز
درېیم نمره : سمیر ولد لایق خان
ټولو زده کوونکو ته دې مبارک وي

میاشتنۍ ارزیابي ازموینې !
د ثور میاشتې پایلې
دوهم الف ټولګي .
اول نمره : احسان الله ولد عبدالحمید
دوهم نمره : کاینات ولد نجیب الله
درېیم نمره : حمیرا ولد ډاکټر شکرالله
ټولو زده کوونکو ته دې مبارک وي

میاشتنۍ ارزیابي ازموینې !
د ثور میاشتې پایلې
اول الف ټولګي .
اول نمره : سارا ولد نورالرحمن
دوهم نمره : ګلثوم ولد مسعود
درېیم نمره : اسحاق ولد ذاهدالله
ټولو زده کوونکو ته دې مبارک وي

د دوولسمې تعلیمي حوزې د نظارت مسلکي او د څار محترمو غړو د اهتزاز علم خصوصي ښوونځي څخه رسمي لیدنه ترسره کړه.
د یادې لیدنې پر مهال د ښوونځي تدریسي بهیر، اداري چارې، د زده کوونکو وضعیت او د ښوونیز چاپېریال بېلابېلې برخې له نږدې و ارزول شوې.
د نظارت پلاوي د ښوونځي د لا پرمختګ، معیاري تدریس او اغېزمنو ښوونیزو فعالیتونو په موخه لازمې سپارښتنې او رغنده مشورې وړاندې کړې ،همدارنګه نوموړو د اهتزاز علم خصوصي ښوونځي د مسئولینو هڅې، ښوونیزې کړنې او ترسره شوي فعالیتونه مثبت وارزول او د ښوونځي د دوامدار پرمختګ لپاره یې د لا بریاوو هیله څرګنده کړه.
د اهتزاز علم خصوصي ښوونځی اداره ژمنه وکړه چې د معیاري او اغېزمنې زده کړې د وړاندې کولو لپاره به خپلو هڅو ته لا دوام ورکړي او د زده کوونکو د روښانه راتلونکي لپاره به لا غوره خدمتونه ترسره کړي.
ښه انتخاب ،ښه پایله

♥️