Aksir Sharq Private School ASPS اكسير شرق خصوصي ښوونځی

نن ورځ زموږ د ښوونځي زړه راښکونکې لمحې !!!
باران ورېدلو سپینو ورېځو اسمان پوښلی وو. د باران څاڅکو ، شنو ونو او ګلونو شاګردانو د ښوونځي صحن ته لا ښکلا وربخښلې وه ،د باران څاڅکو ځان سره د ښېرازۍ ، او پرمختګ پيغام راوړی، ښوونکو په ټوله مینه خپلو ګرانو زده کوونکو ته تدریس وکړ، ټول چاپيریال د زده کړې او طبعیت په خوښۍ سیرابه وو...
اکسیر شرق د تعهد او تخصص زانګو!
دنشراتو څانګه...

خبرتیا!!!
د اکسیرشرق خصوصي ښوونځی ټولو ګرانو زده کوونکو ته خبر ورکول کېږي چې د نېکمرغه کمکي اختر رخصتۍ د کار او ټولنیزو چارو وزارت د خبرتیا په اساس نن یکشنبه پای ته رسېږي او سبا دوشنبه چې د ١٤٠٥/١/٣ نېټې سره سمون لري د ښوونځی ټول اداري او تدریسي بهیر بېرته په عادي ډول پیلېږي.
له ټولو ګرانو زده کوونکو څخه هیله کېږي چې خپلو درسونو ته حاضر شي ...

کوچنی اختر مو مبارک او نېکمرغه!
اکسیر شرق خصوصي ښوونځي ټولو استادانو، ګرانو شاګردانو، ستاسو له طریقه ستاسو کورنیو او ټولو هیوادوالو ته د کوچني اختر مبارکي وایی.
د سوکاله او خوشحاله افغانستان په هیله!

د رخصتۍ خبرتیا!!!
د اکسیرشرق خصوصي ښوونځي اداري او تدریسي پرسونل او همدارنګه ګرانو زده‌کوونکو ته په درنښت خبر ورکول کېږي، چې د نېکمرغه کمکي اختر د مبارکو ورځو د درناوي په پار په رسمي توګه د 1404/12/28 تاریخ څخه تر 1405/1/2 تاریخ پورې عمومي رخصتي اعلان شوي ده.
هیله مند یو چې د رخصتۍ د پوره کیدو په صورت کې خپلو درسونو ته منظم او پر وخت را وګرځئ.
دخوشحاله،سوکاله او باسعادته ژوند په هېله مو...
#اکسیرشرق د تعهد او تخصص زانګو!

نن سه شنبه چې د ۲۶/۱۲/۱۴۰۴ نېټې سره سمون خوري داکسیرشرق خصوصي ښوونځي په انګړ کې د نبوي سیرت سیالۍ ممتاز زده کوونکې وستایل شول!
غونډه دقرآن عظیم الشان په تلاوت سره پیل شوه
دغونډې دښه راغلاست او پیل وینا د ښوونځي مؤسس څارنوال صاحب صایم الله (ملکزي) ترسره کړه.
ښاغلي ملکزي د استادانو څخه د مننې ترڅنګ له زده کوونکو څخه غوښتنه وکړه چې د دغه ډول برنامو څخه په پوره ډول استفاده ترسره کړي.
ښاغلي ملکزي دسیالۍ داهمیت او اهدافو په تړوا هم خبرې ترسره کړې چې په وینا یې د دغو سیالیو څخه لاندې اهداف ترلاسه کول اړین ول.
په سالمه توګه د زده کوونکو تربیت،
دخوږ نبي کریم صلی الله علیه وسلم د صورت(شکل) او سیرت (ژوند) سره د زده کوونکو بلدتیا،
د څلور ځوابه سوالونو سره دزده کوونکو بلدتیا،
د زده کوونکو په خپل ځان باندې باور ترلاسه کول
او داسې نورو.....
ښاغلي ملکزي د دغې سیالۍ اهمیت ته په اشارې سره زیاته کړه چې د دغې سیالۍ څخه وروسته به زده کوونکې وکولای شي چې د کانکور ملي عمومي ازموینې سوالونو سره هم بلدتیا پیدا کړي.
هغه دبرنامو له تنظیم کوونکو څخه دمننې ترڅنګ جدي غوښتنه وکړه چې دغه ډول برنامو ته خپله توجه لا کړندۍ کړي ترڅو په تمامه معنی روزل شوي بچیان ټولنې ته وړاندې کړي.
د زده کوونکو په نماینده ګۍ ځینو زده کوونکو دسیالۍ په تړاو خبرې ترسره کړې هغوی دسیرت د زده کړې په برخه کې ترلاسه شوې ګټې له نورو زده کوونکو سره شریکې کړې زده کوونکو له ادارې څخه دمننې ترڅنګ غوښتنه وکړه چې دغه ډول نورې اړینې برنامې ورته په لاره باندې واچول شي.
دغونډې په وروستۍ برخه کې هغه زده کوونکې چې په ازموینه کې ښیې نمرې ترلاسه کړې وی د ادارې لخوا دهغوې د تشویق په موخه په مادي او معنوي ډالیو باندې ونازول شول.
په درنښت
نشراتو څانګه ...
#اکسیرشرق د تعهد او تخصص زانګو!

نن یکشنبه چې د ۲۴/۱۲/۱۴۰۴ نېټې سره سمون لري اکسير شرق خصوصي ښوونځي په انګړ کې نبوي سیرت سیالۍ ترسره شوه.
د روژې مبارکه میاشت په ټوله کې د عبادت،طاعت،ایثار،صبر،زغم،استقامت او په ځانګړې ډول د قرآن عظیم الشان د نزول مياشت ده، نو په همدې مناسبت د اکسیرشرق خصوصي ښوونځي د ادارې په لارښوونه او ددیني کمېټې په همغږۍ دګرانو زده کوونکو دظرفیت لوړولو او د خوږ نبي کریم ﷺ دافعالو،اقوالو ،اخلاقو او د ژوند ټولو اړونده برخو د پوهاوي او په هغه باندې په ورځني ژوند کې د عمل په پار د سیرت النبي ﷺ سیالۍ د زده کوونکو ترمنځ د سالم رقابت په پار ترتیب او تنظیم کړه،
غونډه د قاري صاحب ثاقب په ښکلي تلاوت سره پیل شوه ورپسې د اجنډا مطابق د ښوونځي بنسټګر څارنوال صایم الله (ملکزي)زده کوونکو ته د یادې سیالۍ د ارزښت په اړه چې په کانکوریزه بڼه ترتیب شوې وه هر اړخېزه رڼا واچوله ضمنا یې زده کوونکي وهڅول چې په اینده کې لا هڅاند او فعاله شي،ترڅو په تعلیمي برخه کې یې فوق العاده پرمختګ رامنځته شي،نوموړي زده کوونکو ته ډاډ ورکړ چې اداري او تدریسي ټیم یې ژمن او متعهد دی ترڅو په سمه معنی د خپل وطن کړیدلي بچیانو ته خدمت وکړي.
په درنښت نشراتو څانګه
#اکسیرشرق د تعهد او تخصص زانګو!

د اکسیر شرق خصوصي ښوونځی د څلورنیم میاشتنیو ازموینو پایلې په خورا ارامه او منظمه فضا کې اعلان شوي.
البته د یادونې وړ ده هغه ممتاز زده‌کوونکې چې د امتحانونو په پایله کې یې ښې نمرې تر لاسه کړی وی، د ادارې له لورې په معنوي او مادي ډالیو وستایل شول.
دریم انځوریز البم
د نشراتو څانګه...
#اکسیرشرق د تعهد او تخصص زانګو!!!

د اکسیر شرق خصوصي ښوونځی د څلورنیم میاشتنیو ازموینو پایلې په خورا ارامه او منظمه فضا کې اعلان شوي.
البته د یادونې وړ ده هغه ممتاز زده‌کوونکې چې د امتحانونو په پایله کې یې ښې نمرې تر لاسه کړی وی، د ادارې له لورې په معنوي او مادي ډالیو وستایل شول.
دوهم انځوریز البم
د نشراتو څانګه...
د تعهد او تخصص زانګو!!!

د اکسیرشرق خصوصي ښوونځي ادارې د 1405/1404ښوونیز کال د څلور نیم میاشتینېو ازموینو نتایج غونډه ترسره کړه.
یاده غونډه د اجنډا مطابق د یو تن ګلالي زده کوونکې لخوا دڅو مبارکو آیتو نوپه تلاوت سره پیل شوه.
په ابتداءکې د اکسیرشرق خصوصي ښوونځي او ښوونېز بنسټ د تعلیمي،تدریسي او اداري پروګرامونو د څار عمومي مسؤل د پوهنتون استاذ پوهنیار طارق الله 《ملکزي》 د غونډې ګډونوالو،والدینو او میلمنو ته د ښه راغلاست وینا وکړه، ورپسې د ښوونځي بنسټګر استاذ ډاکټر احسان الله 《اتل》 د ښوونې او روزنې د کیفیت لوړولو، تدریسي بهېر د لا پیاوړتیا، د نظم ټینګښت، د زده‌کوونکو د لاسته راوړنو او راتلونکو تعلیمي پلانونو په اړه مفصل معلومات وړاندي کړل.
د اولایاو په نماینده ګې مولوی صاحب عصمت الله 《حنفی》 خبرې وکړی، نوموړي د ښوونځي د ښوونېز او روزنېز فعاليوتونو د بهتروالې په غرض د ښوونځي د مسؤلینو،اداري او تدریسي پرسونل هڅې وستایلي او دټولو یې په دغه پار ځانګړې مننه وکړه. له دې څخه وروسته ګلالیو زده کوونکو خپلې چمتو شوې مقالې، ترانې، شعرونه او مؤثر تمثیلونه د غونډې ګډونوالو ته په نوبت سره وړاندې کړل، چې د غونډې ګډون والو لپاره جالب او ګټور ول.
د غونډې په وروستۍ برخه کي د ازموینو ممتاز زده کوونکې د ادارې لخوا په معنوي او مادي ډالیو ونازول شول . یاده غونډه د دعايه کلام په ویلو سره پای ته ورسېده...
په درنښت د نشراتو څانګه...
اکسیر شرق د تعهد او تخصص زانګو!