https://www.facebook.com/503025566228377/

هډې عالي لېسه/Hada high school

Home
Afghanistan
Jalalabad
هډې عالي لېسه/Hada high school

د هډې عالي لېسې رسمي صفحه.
پوهه د پرمختګ بام ته زینه ده او ناپوهي د پرمختګ په لار کې لوی ديوال دی.

��

07/06/2026

د هډې عالي لېسې د کلنيو ازموينو بهير په ښه نظم او مناسب تعليمي چاپېريال کې روانې دي. زموږ زده کوونکي په پوره هڅه، تمرکز او اعتماد سره د خپلې يو کلنې زده کړې ارزونه کوي.
موږ هيله لرو چې د هر زده کوونکي زيار د بريا په خوږو پايلو بدل شي.

02/06/2026

د هډې عالي لېسې کلنۍ ازموينه په ښه او شفاف ډول پر مخ روانه ده.

31/05/2026

د هډې عالي لېسې د کلنۍ ازموينې د پيل مراسم ترسره شول.

نن د هډې عالي لېسې په انګړ کې د ۱۴۰۵ ښوونيز کال د کلنۍ ازموينې د پيل مراسم د زده کوونکو، استادانو او سيمې د مشرانو په ګډون ترسره شول.
غونډه د لېسې د امر ښاغلي زاهد الله همتيار په پرانيستې وينا پيل شوه. ورپسې د لېسې دايمي همکار ښاغلي ډاکټر محمد شفيق مشفق او د هډې کلي مخور مشر حاجي صالح محمد د زده کړې د ارزښت، ازموينو د اهميت او د زده کوونکو د بريا په اړه خبرې وکړې.
د مراسمو په ترڅ کې د لېسې ادارې له لوري د روان ښوونيز کال غوره استادان د سيمې د مشرانو په لاسونو په ستاينليکونو ونازول شول.
غونډه د استاد عبدالمطلب سالک د دعا په کولو سره پای ته ورسېده او ورسره د کلنۍ ازموينې بهير په رسمي ډول پيل شو.

30/05/2026

خبرتیا
د هډې عالي لېسې ټولو قدرمنو زده کوونکو او محترمو والدینو ته خبر ورکول کېږي چې د ۱۴۰۵ تعلیمي کال کلنۍ ازموینې د ټاکل شوي مهال‌وېش له مخې سبا یکشنبه د جوزا/غبرګولي د مياشتې په لسمه نېټه پیلېږي.
له ټولو زده کوونکو څخه هیله کېږي چې د ازموینو لپاره بشپړ چمتووالی ونیسي، په ټاکلي وخت(7:30) لېسې ته حاضر شي او د ازموینې اصول او مقررات په جدي توګه مراعات کړي. همدارنګه له محترمو والدینو څخه غوښتنه کېږي چې د خپلو اولادونو د زده کړو او ازموینو په برخه کې لازمه پاملرنه او همکاري وکړي.
ستاسې برياليتوب زموږ هيله ده!
درنښت

27/05/2026

د لوی اختر مبارکۍ پیغام!

د هډې عالي لېسې اداره د نېکمرغه لوی اختر د رارسېدو په مناسبت، قدرمنو والدینو، محترمو ښوونکو، ګلالیو زده کوونکو او ټولو هېوادوالو ته د زړه له کومې مبارکي وړاندې کوي.

الله تعالی دې دا مبارکې ورځې زموږ د ټولنې لپاره د سولې، یووالي، خوشحالۍ او برکت سبب وګرځوي، قربانۍ مو قبولې او عبادتونه مو منظور شه.

اختر مو بختور، خوشحاله او له خوښیو ډک شه! 🌸

په درنښت
د هډې عالي لېسې اداره

19/05/2026

نن د هډې عالي لېسه کې د روان ۱۴۰۵ تعليمي کال د کانکور ازموينې د لا ښه چمتووالي په موخه د لېسې د ځوان، باتجربه او مسلکي استاد ښاغلي صفت الله قلميار له لوري د کانکور ګډونوالو زده کوونکو ته يو ګټور او ارزښتناک سيمنار تدورکړل شو.
په دې سمينار کې زده کوونکو ته د کانکور ازموينې د تيارۍ مهمې لارې چارې، د پوښتنو د حل تګلارې او د بريا اړينې لارښوونې وړاندې شوې. ورپسې د لېسې قدرمن مدير قاضي زاهد الله همتيار د زده کوونکو ته د دوي د ښه راتلونکي او په پار ګټورې مشورې او لارښوونې وړاندې کړې.د هډې عالي لېسې اداره د خپلو زده کوونکو د روښانه راتلونکي او علمي پرمختګ لپاره خپلو هڅو ته دوام ورکوي.
«د بريا زينه له ښه چمتووالي څخه پيلېږي.»

11/05/2026

د هډې عالي لېسې د ۱۴۰۵ ه ش کال عمومي کانکور محترمو ګډونوالو ته خبر ورکول کېږي، چې د کانکور اي ډي کارتونه لېسې ته را رسېدلي دي. ټول زده کوونکي دې سبا د لېسې ادارې ته مراجعه وکړي او خپل اي ډي کارتونه دې ترلاسه کړي.
درنښت

04/05/2026

قدرمنو او ګلاليو زده کوونکو د پام وړ!
د افغانستان امارتي پوهنتونونو کې د ۱۴۰۵ کال جذب ظرفيتونه او د رشتو کوډونه د مل لینک له لارې تر لاسه کولای شئ!
ــــــــــــــــــــــــــــ
کود رشته‌ها و ظرفیت‌ های جذب پوهنتون های امارتی افغانستان در سال ۱۴۰۵ را می‌توانید از طریق لینک ضمیمه دریافت نمایید!
https://nexa.gov.af/fa/downloadable-files/11/file-items

03/05/2026

۱۴۰۵/۲/۱۳
نن د هډې عالي لېسې د ادارې له لورې هغو زده‌کوونکو ته د
ستاینې او هڅونې په موخه انعامونه ووېشل شول، چې تېره ورځ يې د انګلیسي ژبې په ازموینه کې غوره پایلې ترلاسه کړې وې او لوړ مقامونه يې خپل کړي وو.
دغه مراسم د ښوونځي په انګړ کې ترسره شول، چې پکې د ادارې غړو، ښوونکو او زده‌کوونکو ګډون درلود. د لېسې مسؤلینو د خپلو خبرو پر مهال د زده‌کوونکو هڅې وستایلې او نور زده‌کوونکي يې هم وهڅول چې د علمي سیالیو له لارې خپل ظرفیتونه وده ورکړي.
بايد ووايو چې،بهرنۍ ژبې زده کول يو ضرورت دی. څوک چې ژبه نه لري، د معلوماتو، زده‌کړې او حتی د کار له ډېرو فرصتونو بې‌برخې پاتې کېږي. نننۍ نړۍ له اړیکو چلېږي او ژبه د همدې اړیکو وسیله ده.
نو که څوک غواړي چې بريا تر لاسه کړي، باید د خپلې مورنۍ ژبې تر څنګ لږ تر لږه یوه نړیواله ژبه په ښه ډول زده کړي

26/04/2026

نن يکشنبه 1405/2/6 نېټه د بهسودو ولسوالۍ د پوهنې آمریت محترم آمر مولوي صاحب يار محمد روحاني د هډې عالي لېسې له اداري، تدریسي او خدماتي چارو څخه لیدنه ترسره کړه.
یاده لیدنه د تعلیمي بهیر د کیفیت د ارزونې، د اداري شفافیت د تأمین او د تدریسي چارو د لا پیاوړتیا په موخه ترسره شوه. د لیدنې په ترڅ کې نوموړي د زده کړو پر ارزښت، د زده‌کوونکو پر تشویق، نظم او اخلاقو په اړه ګټورې خبرې وکړې.
همدارنګه یې د لېسې اداري چارې وڅارلې، د تدریسي بهیر ارزونه یې وکړه او د ټولګیو څخه یې لیدنه ترسره کړه. نوموړي د ښوونځي د ترسره شوو هڅو ستاینه وکړه او د لا ښه پرمختګ لپاره یې لازمې سپارښتنې وړاندې کړې.
دغه ډول لیدنې د تعلیمي بنسټونو د کیفیت لوړولو، اغېزمنتیا او اصلاحاتو لپاره مهم ګام بلل کېږي.
د هډې عالي لېسې اداره يې هر وخت راتګ ته سترګې په لار ده او زړه له کومې ترې مننه کوي.

Address

Najmlden Akhonzada Hada
Jalalabad

Website

facebook.com

Alerts

Be the first to know and let us send you an email when هډې عالي لېسه/Hada high school posts news and promotions. Your email address will not be used for any other purpose, and you can unsubscribe at any time.

Want your school to be the top-listed School/college in Jalalabad?