RIHE Economics Faculty Management Department

RIHE Economics Faculty Management Department روښان د لوړو زده کړو موسسه

03/11/2024

د کارموندنې خبرتیا!

۷/عقرب /۱۴۰۳ هـ ش

امیر علي شیر نوایي د لوړو زده‌کړو مؤسسې کار اهل کار ته د سپارلو او د تخصصي او مسلکي ادارې د رامنځته کولو په موخه لاندې بستونه اعلان ته ورکړي دي.

د دندې ځای: ننګرهار، جلال اباد
د دندو عنوانونه:
- عمومي ریاست
- علمي او تدریسي چارو مرستیال
- محصلانو چارو مرستیال
- اداري او مالي چارو مرستیال
- د حقوقو او سیاسي علومو پوهنځي رئیس
- د حقوقو او سیاسي علومو د ډېپارتمنټونو امرین
- د حقوقو او سیاسي علومو پوهنځي تدریسي مدیر
- د ښوونې او روزنې پوهنځي رئیس
- د ښوونې او روزنې پوهنځي د ډېپارتمنتونو امرین
- د هر ډیپارمنټ لپاره څلور تنه دایمي استادان
- د ښوونې او روزنې پوهنځي تدریسي مدیر
- د ریاست د دفتر آمر
- د علمي څېړنو آمر
- بشري سرچینو آمر
- د کتابتون آمر
- د کیفیت لوړونې آمر
- د مسلکي پرمختیا مرکز آمر
- د فارغانو مدیر
- د محصلانو مدیر
- د نتایجو مدیر
- د معلوماتو مدیر
- کارموندنې او مشوره ورکونې مدیر
- د حفظ او مراقبت مدیر
- د آی ټي مدیر
- د تدارکاتو مدیر
- خزانه دار
- مالي مدیر

د ګمارنې شرایط:
نوماند په لوړو زده‌کړو بنسټونو کې د علمي کادري غړو د جذب لایحې او یا په لاندې شرایطو برابر وي.
۱- کم تر کمه د لېسانس په کچه سند ولري، دوکتور او ماسټر ته لومړیتوب ورکول کېږي.
۲- له هېواد څخه بهر د زده‌کړو په ترڅ کې د لوړو زده‌کړو محترم وزارت تائیدي ولري.
۳- د لېسانس په دوره کې لږ تر لږه (۷۵٪) نمرې ولري او په مختلفو مضمونو کې له دوه ځله زیات نه وي مشروط شوی.
۴- د باصلاحیته محکمې لخوا په اخلاقي او جنايي جرمونو نه وي محکوم شوی.
۵- د اکاډمیکو فعالیتونو لپاره جسمي، فکري او رواني وړتیا ولري.
۶- په انګلیسي ژبه بلدیت ولري.
۷- د پوهنتون/ لووړو زده‌کړو موسسو د کیفیت لوړونې د معیارونو سره بلدتیا ولري.

د اسناد سپارلو تګلاره :

په شرایطو برابر کسان کولای شي، چې د لاندې تړوني (لینک) له لارې خپله لنډه پېژندپاڼه (CV) د( ۱۴۰۳/۸/۳۰ هـ ش) نېټې تر پایه لاندې بريښنا لیک ته واستوي.
د بریښنالیک په (Subject) کې د دندې عنوان ولیکئ او [email protected] ته یې واستوئ

نشراتو آمریت

د اقتصاد پوهنځي محصلینو ته د بودیجې د عملي روزنې په اړه عملي کار تر سره شو ! ۳۰ /میزان /۱۴۰۳ هـ ش روښان د لوړو زده کړو ...
22/10/2024

د اقتصاد پوهنځي محصلینو ته د بودیجې د عملي روزنې په اړه عملي کار تر سره شو !
۳۰ /میزان /۱۴۰۳ هـ ش
روښان د لوړو زده کړو مؤسسې د اقتصاد پوهنځي محصلینو لپاره د بودیجې اړوند یو ورځنی عملي روزنیز پروګرام ترسره شو، چې د مالي او حسابدارۍ څانګې آمر، ښاغلي استاد نقیب الله جبارخیل په لارښوونه او د مؤسسې د مالي او اداري مرستیال، ښاغلي تاج محمد ارمان په همکارۍ پای ته ورسېد.
دا پروګرام د محصلینو د عملي مهارتونو د لوړولو په موخه جوړ شوی و، څو د بودیجې د جوړولو او د مالي چارو په مدیریت کې د محصلینو پوهه زیاته کړي. استاد جبارخیل په خپلو ویناوو کې وویل : بودیجه د مالي نظام یوه مهمه برخه ده، چې له لارې یې کولی شو د مالي اهدافو لاسته راوړنه، د عوایدو او مصارفو تر منځ انډول، او مالي ثبات ترلاسه کړو.
ښاغلي جبارخیل د بودیجې په اهمیت او د هغې په جوړولو باندې تفصیل ورکړ. نوموړي وویل چې بودیجه د یوې ادارې او یا هېواد مالي چوکاټ دی چې د عوایدو او مصارفو د دقیق سنجش او تعادل په خاطر جوړیږي. د بودیجې ښه مدیریت کولی شي په یوه اداره کې د اقتصادي پیاوړتیا سبب شي، او د هغې د غلطې کارونې له امله د مالي ستونزو مخه ونیول شي.
له وینا وروسته، عملي کار پیل شو. د مؤسسې د مالي او اداري چارو مرستیال ښاغلي تاج محمد ارمان، محصلینو ته د بودیجې د جوړولو او ترتیبولو په برخه کې عملي تمرینونه ترسره کړل.
نوموړي محصلینو ته وضاحت ورکړ چې څنګه باید د مالي منابعو دقیقه محاسبه وشي، او څنګه باید مصارف د عوایدو سره همغږي شي. همداراز، محصلینو ته د بودیجې په ترتیب کې مختلف تخنیکونه او وسیلې ور وښودل شول، څو د راتلونکي کاري ژوند لپاره چمتو شي.
په دغه عملي کار کې، د بودیجې د جوړولو پروسه په څو مرحلو وویشل شوه. لومړی، محصلینو ته د عوایدو او مصارفو تخمین ورزده شو، بیا یې د مختلفو مالي اړتیاوو په تحلیل کار وکړ، او په پای کې یې یو بشپړ بودیجه ترتیب کړه چې په واقعي ژوند کې یې د تطبیق وړتیا لرله.
ښاغلي ارمان صیب د بودیجې په څېړنه او سنجش کې د محصلینو سره د مالي تجربو او تخنیکي موضوعاتو په برخه کې مرسته وکړه، او د مالي پلان جوړونې په چارو کې یې هغوی ته لارښوونې وکړې.
دغه یو ورځنی روزنیز پروګرام د محصلینو لپاره خورا ګټور تمام شو، او ګډونوالو د بودیجې د جوړولو او مالي مدیریت په برخه کې عملي پوهه او مهارتونه ترلاسه کړل.
محصلینو د بودیجې په ترتیبولو کې د لا زیاتو پرمختګونو او تجربو لاسته راوړلو په اړه خپله خوښي څرګنده کړه، او په راتلونکي کې یې د دې ډول روزنیزو پروګرامونو غوښتنه وکړه.
د دغه روزنیز پروګرام پای کې، استاد نقیب الله جبارخیل او ښاغلي تاج محمد ارمان دواړو محصلینو ته د لا زیاتو بریاوو هیله وکړه او هغوی ته یې د زده کړو د لا پرمختګ لارښوونې وکړې.
مدیریت ډ‌يپارتمنت

ریسرچ میتودلوژي اړوند دوه ورځنی ورکشاپ تر سره شو!۲۸/میزان /۱۴۰۳ هـ ش روښان د لوړو زده کړو مؤسسې د اقتصاد پوهنځي استادانو...
20/10/2024

ریسرچ میتودلوژي اړوند دوه ورځنی ورکشاپ تر سره شو!
۲۸/میزان /۱۴۰۳ هـ ش
روښان د لوړو زده کړو مؤسسې د اقتصاد پوهنځي استادانو ته د ریسرچ میتودولوژي په اړه دوه ورځنی ورکشاپ ترسره شو ،چې موخه یې د اقتصاد پوهنځي استادانو ته د څېړنیزو مهارتونو لوړول او د تحقیق نوي میتودونو ورپېژندل وو.
د ورکشاپ په پرانیسته کې د اقتصاد پوهنځي ریئس، ښاغلي عاشق الله کریمي، ګډونوالو ته وینا وکړه. په خپله وینا کې یې د څېړنې په اهمیت ټینګار وکړ او ویې ویل چې علمي څېړنه د پوهې بنسټ دی او د هېواد پرمختګ لپاره اړینه ده، چې استادان د تحقیق په نوو میتودونو ځانونه سمبال کړي. نوموړي د څېړنې په برخه کې د روښان د لوړو زده کړو مؤسسې د ژمنو یادونه وکړه او زیاته یې کړه چې دغه ډول ورکشاپونه به په دوامداره توګه ترسره کېږي.
ورپسې ورکشاپ د استاد مجیب الرحمن حبیب له لوري وړاندې شو. په دې دوه ورځني ورکشاپ کې استاد حبیب د څېړنې په بېلابېلو میتودونو، څېړنیزو منابعو ته د لاسرسي لارو چارو، د معلوماتو د تحلیل او پایلو د وړاندیز کولو پر بنسټیزو اصولو خبرې وکړې. ګډونوالو ته یې د څېړنیزو پوښتنو جوړول، د څېړنیزو مسایلو ټاکل او د څېړنې پروسې مختلفې برخې په عملي ډول ور وښودې.
د ورکشاپ په پای کې د استادانو لخوا د ورکشاپ په اړه مثبت نظریات وړاندې شول او هغوی د تحقیق په اړه د لا زیاتو زده کړو لپاره د دغه ډول علمي غونډو د زیاتوالي غوښتنه وکړه.
مدیریت ډیپارتمنت

د اسلام اقتصادي نظام په اړه د محصلینو تر منځ رقابتي سیالي تر سره شوه!۲۴/میزان / ۱۴۰۳ هـ ش روښان د لوړو زده کړو مؤسسې د ...
20/10/2024

د اسلام اقتصادي نظام په اړه د محصلینو تر منځ رقابتي سیالي تر سره شوه!
۲۴/میزان / ۱۴۰۳ هـ ش
روښان د لوړو زده کړو مؤسسې د اقتصاد پوهنځي له خوا د اسلامي اقتصادي نظام په اړه د اقتصاد پوهنځي محصلینو تر منځ رقابتي سیالي ترسره شوه.
پیل یې د قرآنکریم د څو مبارکو ایتونو په تلاوت سره وشو.
د اقتصاد پوهنځي ریئس، ښاغلي عاشق الله کریمي د پرانیستې وینا وکړه، چې پکې یې د اسلامي اقتصادي نظام اهمیت او د دغه ډول سیالیو د زده کړو په برخه کې یې ګټورتیا په ډاګه کړه.
سیالي په ګروپي ډول ترتیب شوې وه، چې ګډونوال محصلین په درې ګروپونو (A، B، او C) وویشل شول. د سیالۍ بڼه د سوال او ځواب پر اساس وه، چې د ژوري هیئت له لوري ګډونوالو ته د اسلامي اقتصادي نظام اړوند پوښتنې وړاندې کېدې، او هر ګروپ د خپلې پوهې له مخې ځوابونه ورکول.
د سیالۍ په پای کې، د C ګروپ د خپلو دقیقو او غوره ځوابونو له امله د سیالۍ ګټونکی اعلان شو.
دا سیالي نه یوازې د محصلینو لپاره د زده کړو یو مهم تمرین و، بلکې د هغوی لپاره یوه هڅوونکې تجربه هم وه ؛ ترڅو په اسلامي اقتصاد کې ژوره پوهه ترلاسه کړي.
په پای کې، د ګډونوالو له هڅو او د سیالۍ له بریالیتوب څخه ستاینه وشوه، او ګټونکي ګروپ ته چمتو شوې ډالۍ ورکړل شوې.
یاده سیالي په دعا سره پای ته ورسیده.
مدیریت ډیپارتمنت

محصلینو ته د څېړنې میتودلوژي په اړه علمي سیمینار وړاندې شو !۲۳/ میزان /۱۴۰۳ هـ ش روښان د لوړو زده کړو مؤسسې د اقتصاد پوه...
14/10/2024

محصلینو ته د څېړنې میتودلوژي په اړه علمي سیمینار وړاندې شو !
۲۳/ میزان /۱۴۰۳ هـ ش
روښان د لوړو زده کړو مؤسسې د اقتصاد پوهنځي محصلینو ته د څېړنې میتود لوژي سیمینار وړاندې شو.
دغه سیمینار د محصلینو د څېړنیزو مهارتونو د پیاوړتیا او د څېړنې په اساسي اصولو پوهېدو په موخه جوړ شوی و.
سیمینار د قرآنکریم د څو مبارکو ایتونو په تلاوت سره پیل شو. د پرانیستې وینا د اقتصاد پوهنځي ریئس ښاغلي عاشق الله کریمي وکړه. نوموړي د څېړنې ارزښت او په ملي او نړیوالو اقتصادي پروسو کې د څېړنیزو پایلو اهمیت په ګوته کړ. ښاغلي کریمي صیب وویل، چې د څېړنې په میتودولوژي پوهه تر لاسه کول د محصلینو د پرمختګ او عملي کارونو لپاره بنسټیزه موضوع ده.
یاد سیمینار استاد ضیاء الحق عمري له خوا وړاندې شو. نوموړي د څېړنې د مختلفو میتودونو، د څېړنیزو پوښتنو جوړولو، د ډاټا راټولولو طریقو، او د تحلیل میتودونو په اړه مفصل توضیحات وړاندې کړل. استاد عمري په دې اړه محصلینو ته مختلف عملي مثالونه هم وړاندې کړل او هغوی ته یې وښودله ، چې څنګه کولای شي خپلې څېړنې په سمه توګه ترسره کړي.
د سیمینار په پای کې محصلینو ته د پوښتنو او ځوابونو وخت ورکړل شو، چې د پوشتنو له ځوابولو وروسته یاد سیمینار پای ته ورسیده.
د اقتصاد پوهنځي محصلینو د سیمینار د موضوع ستاینه وکړه او دا یې د خپلو علمي هڅو په پرمختګ کې یوه ګټوره زده کړه وبلله.
د څېړنې میتودلوژۍ اهمیت په علمي او عملي چارو کې خورا ستر دی. دا محصلینو ته لارښوونه کوي، چې څېړنه په علمي او منظم ډول ترسره کړي او د معتبرې پایلې ترلاسه کولو لپاره اغېزمنې لارې چارې وکاروي. د څېړنې میتودلوژي پوهه محصلینو ته علمي ځواک ورکوي، ترڅو په هر علمي ډګر کې خپلواکې او دقیقې څېړنې ترسره کړي.
مدیریت ډيپارتمنت

د افغانستان په ملي اقتصاد د نشه یي توکو د اقتصادي زیانونو د اغیزو په اړه علمي سیمینار وړاندې شو!۱۵ / میزان /۱۴۰۳ هـ ش رو...
09/10/2024

د افغانستان په ملي اقتصاد د نشه یي توکو د اقتصادي زیانونو د اغیزو په اړه علمي سیمینار وړاندې شو!
۱۵ / میزان /۱۴۰۳ هـ ش
روښان د لوړو زده کړو مؤسسې د اقتصاد پوهنځي محصلانو ته د "افغانستان په ملي اقتصاد د نشه یي توکو اقتصادي زیانونو اغیزې" تر عنوان لاندې علمي سیمینار ترسره شو.
دغه سیمینار د قرآنکریم د څو مبارکو ایتونو په تلاوت سره پیل شو، د موضوع وړاندې کوونکی د اقتصاد پوهنځي ریئس، ښاغلی عاشق الله کریمي و.
په سیمینار کې، ښاغلي کریمي صیب د اقتصاد پېژندنه، د ملي اقتصاد پېژندنه، په ملي اقتصاد د نشه یي توکو اغیزې، د نشه یي توکو پېژندنه، د نشه یي توکو د ډولونو پېژندنه، د نشه یي توکو د تولید، قاچاق او غیر قانوني کاروبار د افغانستان په ملي اقتصاد د ناوړه اغیزو په اړه مفصلې خبرې وکړې.
هغه وویل چې نشه یي توکي په افغانستان کې نه یوازې د ټولنیز او روغتیایي ستونزو سبب ګرځي، بلکې د هېواد د اقتصاد په ټولو برخو کې لوی زیانونه هم رسوي.
ښاغلي کریمي صیب روښانه کړه، چې د نشه یي توکو قاچاق د افغانستان صادرات او واردات متاثره کوي او د اقتصادي ودې مخه نیسي. هغه وویل چې د نشه یي توکو غیر قانوني کاروبار د پانګوالو اعتماد کموي، چې له امله یې بهرني او داخلي پانګوال له پانګونې څخه ډډه کوي. په دې سره د افغانستان د صنعت او سوداګرۍ په سکتورونو کې پرمختګ ټکنی کیږي او د کاري فرصتونو کموالی رامنځته کیږي.
هغه همدا راز وویل،چې د نشه یي توکو تولید او قاچاق د افغان دولت بودیجې ته هم زیان رسوي. په ځای د دې چې د ملي عوایدو ډېره برخه په پرمختیایي پروژو ولګول شي، ډېرې پیسې د نشه یي توکو د مخنیوي او د هغې سره د تړلو امنیتي ننګونو په مقابل کې په جګړه او د قانون د پلي کولو په برخه کې لګیږي.
د سیمینار په اوږدو کې، ښاغلي کریمي د ټولنیزو زیانونو په اړه هم خبرې وکړې، په ځانګړې توګه د هغو کسانو په اړه چې له نشه یي توکو سره روږدي شوي دي. هغه زیاته کړه چې د دې کسانو درملنه او بیا ټولنې ته راګرځول لوی لګښتونه غواړي، چې مستقیم اغیز یې د ملي اقتصاد په مالیې او روغتیايي بودیجه وي.
د سیمینار په پای کې د ګډونوالو پوښتنو ته ځوابونه وویل شول او یاد سیمینار په دعا سره پای ته ورسیده.
مدیریت ډیپارتمنت

۱۴/جوزا/۱۴۰۳نړیوال معتبر ژورنال کې علمي مقاله نشر شوه روښان د لوړو زده کړو مؤسسه وياړي چې د څيړنيزو فعاليتونو او د څيړنې...
03/10/2024

۱۴/جوزا/۱۴۰۳نړیوال معتبر ژورنال کې علمي مقاله نشر شوه
روښان د لوړو زده کړو مؤسسه وياړي چې د څيړنيزو فعاليتونو او د څيړنې کلني پلان په اساس د اقتصاد پوهنځي د دوو تنو استادانو محترم استاد اختر محمد صافی او محترم استاد عرفان الله ستانکزی څيړنيزه مقاله د (RELATIONSHIPS AMONG PROJECT MANAGER’S LEADERSHIP STYLE, TEAMWORK AND PROJECT PERFORMANCE ) تر عنوان لاندې نشر شوه.
روښان د لوړو زده کړو مؤسسه د خپل لرليد، ماموريت، استراتيژيکو موخو او د تضمين کيفيت او اعتبار ورکؤنې د دویم اصلي معيار(د ټولنې په انکشاف کې ونډه اخيستل) او شپږم اصلي معيار(څيړنه) په اساس متعهده ده چې خپل څيړنيز فعاليتونو ته پرمختګ ورکړي او د ټولنې ستونزو ته د حل په موخه معياري علمي څيړنو ته زمینه سازي وکړي.
د لاندې لينک له لارې کولای شئ مقاله ولولئ:
https://ijciss.org/index.php/ijciss/article/view/862

علمي څېړنيزه مقاله په معتبر نړيوال ژورنال کې خپره شوه!۳۱ /سنبله /۱۴۰۳هـ ش روښان د لوړو زده کړو مؤسسه وياړي، چې د څېړنيزو...
03/10/2024

علمي څېړنيزه مقاله په معتبر نړيوال ژورنال کې خپره شوه!
۳۱ /سنبله /۱۴۰۳هـ ش
روښان د لوړو زده کړو مؤسسه وياړي، چې د څېړنيزو فعالیتونو او د څېړنې کلني پلان په اساس د اقتصاد پوهنځي دوه تنه قدرمن استادان، محترم استاد مجبیب الرحمن حبیب او محترم استاد جمیل حسنزوی ګډه علمي څېړنیزه مقاله د
(THE EFFECT OF LIQUIDITY AND
SOLVENCY ON THE PROFITABILITY OF
COMMERCIAL BANKS IN AFGHANISTAN )
تر عنوان لاندې په نړیوال معتبر ژورنال (TIJER - INTERNATIONAL RESEARCH JOURNAL ) کې خپره شوه.
روښان د لوړو زده کړو مؤسسه د خپل لرليد، ماموريت، ستراتيژيکو موخو او د تضمين کيفيت او اعتبار ورکونې د دویم اصلي معيار(د ټولنې په انکشاف کې ونډه اخيستل) او شپږم اصلي معيار(څېړنه) په اساس متعهده ده،چې خپل څېړنيزو فعاليتونو ته پرمختګ ورکړي،او د ټولنې ستونزو ته د حل په موخه معياري علمي څېړنو ته زمینه سازي وکړي.
د یادې څېړنې د لوستلو په موخه لاندې لینک باندې کلیک وکړئ!
https://tijer.org/tijer/viewpaperforall.php...
مدیریت ډیپارتمنت

روښان د لوړو زده کړو موسسې اقتصاد پوهنځي محصلینو ته د کیفیت لوړاوي معیارونو په اړه د عامه پوهاوي سیمینار وړاندې شو !۱۴...
03/10/2024

روښان د لوړو زده کړو موسسې اقتصاد پوهنځي محصلینو ته د کیفیت لوړاوي معیارونو په اړه د عامه پوهاوي سیمینار وړاندې شو !
۱۴۰۳/میزان /۱۱
د اقتصاد پوهنځي محصلینو محصلینو ته د کیفیت لوړاوي معیارونو عامه پوهاوي سیمینار وړاندې شو ، د سیمنار شروع د قرانکریم په مبارکو ایتونو سره وشوه ، اقتصاد پوهنځي رئيس استاد عاشق الله کریمي پرانیستي وینا وکړه ، دا ډول سیمینارونو په ارزښت یې خبرې وکړې ، نوموړې د کیفیت لوړاوي پروسې په تاریخي سیر ، مراحلو ، اصلی ، فرعي معیارونو او شاخصونو په اړه بحث وکړه ، همدارنګه د سیمینار وړاندې کوونکي استاد څخه یې مننه وکړه !
یاد سیمینار د اقتصاد پوهنځي استاد ضیاءالحق عمري له لورې وړاندې شو ، پدې برخه کې محصلینو ته د کیفیت لوړاوي په مانا او مفهوم بحث وشو ، په هیواد کې د یادې پروسې تاریخي سیر ته لنډ کتنه وشوه ، د کیفیت لوړاوي یوولس (۱۱) اصلي معیارونو او نهه څلویښت (۴۹) فرعي معیارونو په اړه تمرکز وشو ، پدې پروسه کې د محصلینو د ښکیلتیا په ارزښت معلومات وړاندې شو همدارنګه د استاد له لورې ورته د یادې پروسې د تطبیق په اهمیت خبرې وشوې .
په اخر کې محصلینو پوښتنو ته ځوابوونه ویل شول ، سیمنار په دعایې سره پای ته ورسیده !
مدیریت ډيپارتمنت

په نړيوال نندارتون کې محصلانو ګډون وکړ! ۵/ میزان /۱۴۰۳ هـ ش د ننګرهار د صنعت او سوداګرۍ ریاست له لوري په ننګرهار کې د کو...
02/10/2024

په نړيوال نندارتون کې محصلانو ګډون وکړ!
۵/ میزان /۱۴۰۳ هـ ش
د ننګرهار د صنعت او سوداګرۍ ریاست له لوري په ننګرهار کې د کورنيو او بهرنيو توکو درې ورځني نړیوال نندارتون جوړ شوی،چې پکې د افغان سوداګرو ترڅنګ د ګاونډيو هېوادونو سوداګرو له لوري هم د خوراکي او غير خوراکي توکو، لاسي صنايعو او بېلابېل ډوله تولیدات نندارې ته اېښودل شوي دي.
له دغه فرصته په ښې استفادې روښان د لوړو زده کړو مؤسسې د اقتصاد پوهنځي محصلینو په دې نړیوال نندارتون کې ګډون وکړ، چې له بېلابېلو توليداتو څخه يې له نږدې ليدنه وکړه، د کورنيو توليداتو د ارزښت په اړه يې معلومات ترلاسه، همدارنګه یې د کاروبارونو د مدیریت کولو په اړه ورته د سوداګرو او استادانو لخوا معلومات وړاندې شول.
یادو محصلینو هم په دې خوښی وښوده، چې د مؤسسې له لوري نندارتون کې د ګډون موقع ورته برابره شوه، او یاد فعالیت یې وستایه.
د اقتصاد پوهانو له نظره: نړیوال نندارتونونه د هېوادونو او شرکتونو لپاره د خپلو محصولاتو او خدماتو نندارې ته وړاندې کولو ښه فرصت برابروي. دا نه یوازې د نوو مشتریانو په جلبولو کې مرسته کوي، بلکې پانګونه او نړیوال تجارت ته وده ورکوي.نړیوال نندارتونونه نوې ټکنالوژۍ، ساینس او اختراعاتو ته وده ورکوي. هیوادونه او شرکتونه د نوو او ابتکاري حللارو په ننداره کولو سره د نړۍ په کچه پرمختګونه څرګندوي. او همدا راز ګرځندویانو ته ځانګړې جاذبه برابروي، چې له دې سره د کوربه هېواد اقتصاد ته وده ورکوي. خلک له بېلابېلو هېوادونو څخه نندارتون ته د ګډون لپاره سفر کوي، چې له دې سره د سیاحت صنعت هم وده کوي. په عمومي توګه، نړیوال نندارتونونه د نړیوال اقتصاد، ساینس، ټکنالوژۍ، او کلتور په پراختیا او ودې کې مهم رول لوبوي.
مدیریت ډیپارتمنت

اقتصاد پوهنځي محصلانو ته د ستراتیژیک پلان، لرلید او ماموریت په اړه د عامه پوهاوي سیمینار وړاندې شو!۱۰/میزان /۱۴۰۳ هـ ش ر...
02/10/2024

اقتصاد پوهنځي محصلانو ته د ستراتیژیک پلان، لرلید او ماموریت په اړه د عامه پوهاوي سیمینار وړاندې شو!
۱۰/میزان /۱۴۰۳ هـ ش
روښان د لوړ زده کړو مؤسسې د اقتصاد پوهنځي د محصلانو لپاره د پوهنځي او ډیپارټمنټونو ستراتیژیک پلان، لرلید او ماموریت په اړه د عامه پوهاوي یو مهم سیمینار ترسره شو.
دغه سیمینار چې د محصلانو د پوهې لوړولو او د پوهنځي په راتلونکي لید باندې تمرکز درلود،
پیل یې د قرآنکریم د څو مبارکو ایتونو په تلاوت سره وشو.
د اقتصاد پوهنځي ریئس ښاغلي عاشق الله کریمي د پرانیستې وینا وکړه.
ښاغلي کریمي صیب په خپله وینا کې وویل: "موږ غواړو چې محصلان مو د زده کړې او څېړنې په برخه کې د نړیوالو معیارونو سره برابر کړو او د هېواد اقتصادي پرمختګ کې مثبت رول ولوبوو. موږ ستراتیژیک پلان د همدې موخو لپاره جوړ کړی دی."
د سیمینار موخه دا وه ،چې محصلانو ته د اقتصاد پوهنځي او اړوند ډیپارټمنټونو ستراتیژیک پلانونه او راتلونکې موخې په ګوته کړي، ترڅو محصلان وکولی شي د خپلې زده کړې مسیر روښانه کړي او د مسلکي پرمختګ لپاره واضح لیدلوری ولري.
یاد سیمینار د اقتصاد پوهنځي د مدیریت ډیپارتمنت آمر او د پلان اوپالیسۍ کمېټې مسؤل ضیاءالحق عمري له لورې محصلانو ته د پوهنځي او ډیپارتمنتونو په لرلید او ماموریت بحث وشو، چې څنګه ټاکل شوي او په کومه برخه تمرکز کوي. همدا راز د پوهنځي او ډیپارتمنتونو ستراتیژیک پلان د جوړښت په مراحلو بحث ترسره شو، چې د کمېټې په تشکیل، د محیطي عواملو تحلیل ، ستراتیژیک اهداف ، تطبیق پلانونه ، راپورونه او د څارنې په برخه تمرکز وشو،
دغه مسایل ورته په عملي ډول وښودل شول.
د یاد سیمینار په وروستۍ برخه کې د ګډونوالو پوښتنې ځواب شوې او هغوی ته یې د راتلونکو کلونو لپاره د زده کړې پر فرصتونو او ننګونو روښانه معلومات وړاندې کړل.
په پای کې، محصلانو د دغه سیمینار ستاینه وکړه او ویې ویل، چې دا ډول پروګرامونه د هغوی لپاره ګټور دي، ځکه دوی ته د خپل مسلکي راتلونکي په اړه د لا ښه تصمیم نیولو فرصت برابروي.
مدیریت ډیپارتمنت

Address

Nangrahar
Jalalabad
25000

Telephone

+93786951668

Website

Alerts

Be the first to know and let us send you an email when RIHE Economics Faculty Management Department posts news and promotions. Your email address will not be used for any other purpose, and you can unsubscribe at any time.

Contact The School

Send a message to RIHE Economics Faculty Management Department:

Shortcuts

Share

Category