ننګرهار ابدالي خصوصي عالی لېسه

الحمدالله ثم الحمدالله
نن د یکشنبې په ورځ دکلنۍ ازموینو لړۍ د ارام، منظم او مناسب فضا په ترڅ کې د معارف د لایحې مطابق په بریالیتوب سره پای ته ورسېده.
په همدې مناسبت د ننګرهار ابدالي خصوصي لېسې مؤسس ښاغلي سید فیروز سادات د لېسې له ټولو اداري او خدماتي کارکوونکو څخه د زړه له کومې مننه او قدرداني وکړه، چې په پوره هماهنګۍ، ژمنتیا او هڅو سره یې د ازموینو دا مهم بهیر په ښه او شانداره ډول تر سره کړ او په بریالیتوب سره یې پای ته ورساوه.داکال زموږ د ښوونځي لپاره د پرمختګ، هڅو او لاسته راوړنو کال و.د الله تعالی په فضل او د ښوونکو، زده‌کوونکو او والدینو په ګډو همکاریو مو ډېرې علمي او تربیوي موخې ترلاسه کړې.زده‌کوونکو نه یوازې په زده‌کړو کې ښه پرمختګ وکړ، بلکې د اخلاقو، نظم او تهذیب په برخه کې یې هم د ستاینې وړ هڅې ترسره کړې. دا کال زموږ د ښوونځي لپاره د علمي او اخلاقي لاسته راوړنو کال و. د ټولو ښوونکو، زده‌کوونکو او اداري کارمندانو له هڅو څخه مننه کوو او د الله تعالی شکر ادا کوو چې دا تعلیمي کال یې په بریالیتوب سره پای ته ورساوه.
په درنښت.

د ستاینې او ویاړ شېبه
نن د دوشنبې په ورځ، په ننګرهار ابدالي خصوصي لیسه کې د سرمعلمیت د چارو مسؤل هجرت الله (احساس) ته د هغه د غوره ښوونیزو خدمتونو، ژمنتیا او اغېزمنو هڅو په ستاینه، د لیسې د مؤسس سید فیروز (سادات )له لوري ستاینلیک ورکړل شو. د نوموړي هڅې د ښوونیز بهیر د پیاوړتیا او د زده‌کوونکو د بریالیتوب لپاره ارزښتناکې بلل کېږی. په پای کې ښاغلي (احساس)د دې ویاړ له امله مننه وکړه او ژمنه یې وکړه چې د لیسې د لا پرمختګ، د علمي کیفیت د لوړولو او د زده‌کوونکو د روښانه راتلونکي لپاره به خپلو نه ستړې کېدونکو هڅو ته دوام ورکړي.
به درنښت.

په ننګرهار ابدالي خصوصي لېسه کې کلنۍ ازموېنه جریان لری😍

۱۴۰۵تعلیمي کال دکلنۍ ازموینې پینځمه ورځ ✍️📖
ننګرهار ابدالي خصوصي لېسه❤️

دکلنۍ ازموینې څلورمه ورځ📓✍️📝