روښان د لوړو زده کړو مؤسسې ستوماتولوژي پوهنځی Stomatology Faculty RIHE

خبرتیا!
روښان د لوړو زده کړو مؤسسه کې‌ د لوړو زده‌کړو ټولو مينه والو ته خبر ورکول کېږي، چې سبا (جمعه) زمونږ دفتر د ۱۴۰۴ خزاني سمستر لپاره د نوم لیکنې په موخه خلاص دی.

غوښتونکي کولی شي له سهار 7:00 بجو څخه تر مازیګر 4:00 بجو پورې د نوم لیکنې لپاره روښان د لوړو زده کړو مؤسسې ته مراجعه وکړي او د نوم لیکنې ټولې مرحلې بشپړې کړي.

اړین اسناد
- اصلي تذکره او د هغې دوه کاپيانې.
- شهادت‌نامه/ د درې کلنو نمرې او د هغوی دوه کاپيانې.
- ۱۲ قطعې عکسونه.
- د نوم لیکنې فیس.

علمي څېړنیزه مقاله په نړیوال معتبر ژورنال کې نشر شوه!

۱۲/ سرطان /۱۴۰۴ هـ ش

د علمي څېړنیزو هڅو په دوام دا ځل د ستوماتولوژي پوهنځي دوه تنه استادان ډاکتر فضل الله حبیب، او ډاکټر علی محمد سلامزي، چې روښان د لوړو زده کړو موسسې ستوماتولوژي پوهنځي علمي کادر غړي دي، د سیګرټو (تنباکو کارولو) او پیریډونټل ناروغیو ترمنځ اړیکي
(SMOKING AND PERIODONTAL DISEASE: A COMPREHENSIVE REVIEW)
تر عنوان لاندې علمي څیړنیزه مقاله ولیکله، چې د پاکستان هیواد په نړیوال معتبر ژورنال (The Research of Medical Science Review) کې نشر شوه. په دې علمي څیړنیزه مقاله کې د 60 معتبرو اوتازه (اپډیټ) څېړنو،ماخذونو (ریفرینسونو) څخه استفاده شوي ده.
په دې مقاله کې ستوماتولوګ (غاښونو ډاکترانو) لپاره په پیریوډونټل نسجونو (ورۍ، الویولر هډوکی، پیریوډونټل لیګامنټ، غاښ سمنټوم)، پیریوډونټل ناروغۍ او سیګرټو (تنباکو) عمومي کتنې سربیره په پیریوډونټل ناروغۍ د سیګرټو اغیزو په اړه بحث شوی.
همداراز دا څیړنیزه مقاله د اوس عصر سره سم ستوماتولوګ (غاښونو) ډاکترانو ته په سیګرټ څښونکو (تنباکو کارونکو) کې د پیریوډنټل ناروغیو د درملنې لکه: د ورۍ التهاب، ورۍ څخه وینه بهیدنه، د غاښ ملاتړ کوونکو نسجونو التهاب، د غاښونو منګ (calculus)، ریجینریشن درملنه او په ځانګړي توګه د غاښ امپلانټ په اړه لارښووني هم کوي.
د یادوني وړ ده، چې د استاد فضل الله حبیب او استاد علي محمد سلامزي د دې علمي څېړنيزې مقالې سربیره د ستوماتولوژي په برخه کڼ شمېر نورې علمي مقالي هم نشر شوي.

د مقالې لینک

https://thermsr.com/index.php/Journal/article/view/1338:

https://thermsr.com/index.php/Journal:

د ستوماتولوژي پوهنځي علمي شورا دایره شوه!

۱۹/ حمل /۱۴۰۴ هـ ش

روښان د لوړو زده کړو مؤسسې د ستوماتولوژي پوهنځي علمي شورا د یاد پوهنځي د رئیس ډاکټر فضل الله حبیب په مشرۍ دایره شوه.
پیل یې د قرآن کریم د څو مبارکو آیتونو په تلاوت سره وشو، ورپسې د پوهنځي رئیس ډاکټر فضل الله حبیب ګډونوالو ته ښه راغلاست ووایه او د غونډې د هدف، اهمیت او اجنډا په اړه يې لنډې څرګندونې وکړې. نوموړي د علمي شورا د غړو رول مهم وباله او له هغوی یې وغوښتل، چې د پوهنځي د علمي پرمختګ لپاره خپل نظریات او وړاندیزونه په شورا کې شریک کړي.
د اجنډا مطابق په بېلابېلو مهمو علمي موضوعاتو باندې بحث وشو. ګډونوالو هر اړخیزې څرګندونې وکړې او د علمي چارو د لا ښه والي لپاره لازمې پرېکړې وشوې.
شورا د دعا په ویلو سره پای ته ورسېده.

Semester 5th
Batch 22th
Subject: Oral Medicine
Lecturer: Dr Fazlullah Habib

د ډینګي تبې( Dengue Fever) په اړه علمي سیمینار وړاندې شو !

۲۶/قوس /۱۴۰۳ هـ ش

روښان د لوړو زده کړو مؤسسې د ستوماتولوژي پوهنځي محصلینو ته د "ډینګي تبه" په اړه علمي سیمینار وړاندې شو.
په یاد سیمینار کی د دې ناروغۍ د پیژندنې، خطرونو او مخنیوي اړوند په علمي موضوعاتو باندې بحث وکړ.

پیل یې د قرانکریم د څو مبارکو ایتونو په تلاوت سره وشو. د پرانیستې وینا د ستوماتولوژي پوهنځي مرستیال ښاغلي عبیدالرحمن ساپي وکړه. نوموړي د ډینګي ناروغۍ د خپریدو په اړه اندېښنه څرګنده کړه او د داسې علمي غونډو د ارزښت په اړه یې ګټورې خبرې وکړې.
سیمینار د ستوماتولوژي پوهنځي د استاد ښاغلي ډاکټر زبیر خاکسار لخوا وړاندې شو. نوموړي د ډینګي تبې د ویروس ډولونه، د ناروغۍ نښې نښانې، د خپریدو لارې، درملنه او د وقایې تدابیرو په اړه تفصیلي معلومات وړاندې کړل.
هغه زیاته کړه، چې د دې ناروغۍ کنټرول لپاره د عامه پوهاوي لوړول اړین دي، ترڅو د ناروغۍ د خپرېدو مخه ونیول شي.
په پای کې ګډونوالو خپلې پوښتنې مطرح کړې، چې له ځوابولو وروسته د سیمینار ارزونه د کلينيک ډيپارټمنټ امر ډاکټر خالد فایز له لوري تر سره شوه چی دغه سیمنار یی مثبت ارزیابی کړ او په دعا سره پای ته ورسیده.

د محصلینو تر منځ د کتاب لوستلو رقابتي سیالي ترسره شوه!

۲۰/ قوس /۱۴۰۳ هـ ش

روښان د لوړو زده کړو مؤسسې د ستوماتولوژي پوهنځي د درېیم سمستر محصلینو تر منځ د کتاب لوستلو رقابتي سیالي ترسره شوه.
یاده سیالي د قرآنکریم د څو مبارکو ایتونو په تلاوت سره پیل شوه.
د پوهنځي مرستیال ډاکتر عبیدالرحمن ساپي د پرانیستې وینا وکړه، نوموړي د محصلینو تر منځ د رقابتي سیالیو د اهمیت په اړه خبرې وکړې او ورپسې د پروسې تشریح یې وکړه.
د سیالۍ لپاره د اناټومي مضمون کتاب ټاکل شوی وو، چې درې ورځې وړاندې محصلینو ته خبرتیا ورکړل شوې وه؛ ترڅو چمتووالی ونیسي. سیالي د درې ګروپونو (A، B او C) تر منځ په سوال او ځواب بڼه ترسره شوه، چې په هر ګروپ کې شل تنه محصلین ګډونوال ول.
د سیالۍ د شفافیت او عادلانه ارزونې لپاره ژوري هیئت ټاکل شوی وو، چې غړي یې په لاندې ډول وو:
ډاکتر عبیدالرحمن ساپی (د ستوماتولوژي پوهنځي مرستیال)
ډاکتر فرمان شینواری (د تضمین کیفیت آمر او استاد)
ډاکتر خالد فایز (د کلنیک څانګې آمر)
ډاکتر زبیر خاکسار (د پارا کلنیک څانګې آمر)
په سیالۍ کې د C ګروپ ګډونوالو تر ټولو زیاتې پوښتنې په بریالیتوب سره ځواب کړې او د سیالۍ ګټونکي شول. همدارنګه، هغه محصلین چې تر نورو زیات ځوابونه یې ورکړي وو، د ژوري هیئت لخوا په ځانګړو ډالیو ونازول شول.
دغه ډول رقابتي سیالۍ نه یوازې د محصلینو علمي ظرفیت لوړوي، بلکې هغوی ته د مضمون په ژوره توګه د پوهېدو لپاره یوه مثبته انگیزه ورکوي.

ستوماتولوژي پوهنځی د خپلو محصلینو د علمي کچې د لوړولو لپاره دا ډول فعالیتونه په منظمه توګه ترسره کوي.

د پوهنځیو تر منځ د کرکټ سیالۍ پیل شوی!
4/قوس/1403 ه ش
روښان د لوړو زده کړو مؤسسې د پوهنځيو تر منځ د کرکټ سیالۍ په شانداره مراسمو پیل شوي.
د دغو سیالیو پرانستغونډه د محصلانو چارو مرستيال حضرت بلال ظریفي په خبرو وشوه
په لومړي سیالۍ کی د‌معالجوی طب پوهنځي لوبډله د اقتصاد پوهنځی لوبډلي سره مخ شوه سیالي په زړه پوري وه او د معالجوي طب پوهنځي لوبډلي په غوره لوبی کولو سره بریا خپله کړه
په دوهمه سیالۍ کی د ستوماتولوژي پوهنځي لوبډله د حقوقو پوهنځی لوبډلي پر واړندې ولوبيده او په زړه پوري سیالی تر سره شوه، پای کې د ستوماتولوژي پوهنځی لوبډلي بريا خپله کړه.
د ستوماتولوژي پوهنځی کپټان افتاب فهیم شینواري د لوبی غوره لوبغاړی اعلان شو چې 3 وکټي او 27 مڼدی یی ترسره کړي
د دې سیالیو په پایله کې طب او ستوماتولوژي پوهنځیو لوبډلو لومړني بریا ترلاسه
د لوبغاړو د تشويق په موخه د ستوماتولوژي پوهنځي کلينيک او پارا کلينيک ډيپارټمنټونو امرينو هم تشريف وړی وو.
چی فاینل لوبه به سبا ترسره کیږی