22/06/2026
الفلاح د ځیرک سیستمونو نندارتون ترسره شو
د الفلاح پوهنتون د کمپیوټر ساینس پوهنځي د سافټویر انجینري څانګې په نوښت « الفلاح د ځیرک سیستمونو نندارتون» جوړ شوی و.
په دغه نندارتون کې محصلانو هغه عملي زده کړې، نوښتونه، تخنیکي مهارتونه، ماډلونه او شاوخوا ۵۰ سافټویر او هارډویر پروژې نندارې ته وړاندې کړې، چې د پوهنتون په سافټویر هاوس او د معلوماتي ټکنالوژۍ په لابراتوار کې یې ترلاسه او عملي کړې وې.
په دې نندارتون کې د ننګرهار ولایت مقام، امارتي او خصوصي سکتوري ادارو استازو، همدارنګه کورنیو او بهرنیو ګډونوالو ګډون کړی و. دوې د محصلانو له پروژو لیدنه وکړه او د اړوندو محصلانو له لوري ورته د پروژو په اړه هر اړخیز معلومات وړاندې شول.
د یادونې وړ ده چې الفلاح پوهنتون تر دې وړاندې د اقتصاد، انجینري او کمپیوټر ساینس پوهنځیو اړوند بېلابېل علمي او تخنیکي نندارتونونه هم جوړ او نندارې ته وړاندې کړي دي، چې موخه یې د محصلانو د علمي لاسته راوړنو، نوښتونو او عملي وړتیاوو معرفي کول دي.
د عامه اړیکو او نشراتو امریت.
21/06/2026
الفلاح د ځيرک سیستمونو نندارتون خبرتیا!
نن یکشنبه، الفلاح پوهنتون د کمپیوټر ساینس پوهنځي سافټویر انجینري څانګې په نوښت د سافټویر او معلوماتي ټیکنالوژۍ د پروژو نندارتون ترسره کوي.
په یاد نندارتون کې به د کمپیوټر ساینس پوهنځي محصلان د پوهنتون په سافټویر هاوس او د معلوماتي ټيکنالوژۍ لیب کې ترلاسه کړې عملي زده کړه، نوښتونه، تخنیکي مهارتونه، ماډلونه او ترسره شوې پروژې د پیژندنې لپاره نندارې ته وړاندې کړي.
نيټه: ۳۱/جوزا/۱۴۰۵
وخت: مازدیګر ۵:۰۰ بجې
ځای: الفلاح پوهنتون
په نندارتون کې ګډون وکړئ او زموږ د محصلانو تخنیکي او مسلکي مهارتونه له نږدې وګورئ.
الفلاح د معیاري لوړو زده کړو او نوښتونو معتبره ملي اداره.
د عامه اړیکو او نشراتو امریت.
20/06/2026
د الفلاح پوهنتون د ۱۴۰۵ لمریز کال د پسرلني سمستر فراغت غونډې دویم او وروستی انځوریز البم.
د عامه اړیکو او نشراتو امریت.
22/06/2026
21/06/2026
20/06/2026