ناصري ننګرهار خصوصي عالي لېسه

دوهمه دوره دولسم ټولګي زده‌کوونکو فراغت غونډه راتلونکي دوشنبې ورځ ، انشاءالله

د ناصري ننګرهار خصوصي لېسې ګلالیو زده‌کوونکو ته د ۱۴۰۴–۱۴۰۵ تعلیمي کال کلنۍ پایلې اعلان او اطلاع‌نامې ورته ووېشل شوې.
د لېسې اداره ټولو هغو زده‌کوونکو ته چې په خپلو زده کړو کې یې بریالیتوبونه ترلاسه کړي دي، مبارکي وړاندې کوي او د دوی د لا زیاتو علمي پرمختګونو هیله څرګندوي. همدارنګه له محترمو استادانو او والدینو څخه مننه کوو چې د زده‌کوونکو په روزنه او تعلیمي بهیر کې یې ارزښتناک رول لوبولی دی
په درنښت
د ناصري ننګرهار خصوصي لېسې اداره
🎓🎓🎓.د دولسم تولګي زده کوونکو فراغت غونډه ډیر ژر

ناصري ننګرهار خصوصي لېسه په کم وخت کې د زرګونو زده‌کوونکو روزنې ستر ویاړ له ځان سره لري!
الحمدلله، نن زموږ د لېسې څخه ۲۹ تنه زده‌کوونکي د دولسم ټولګي څخه فارغ شول. موږ ټولو فارغانو ته د زړه له کومې مبارکي وایو او د دوی لپاره په لوړو زده‌کړو، مسلکي ژوند او راتلونکو بریاوو کې د لا زیات پرمختګ او سوکالۍ هیله لرو. موږ د دوی لپاره یو روښانه، بریالی او له لاسته راوړنو ډک راتلونکی غواړو، ترڅو د خپل هېواد او ټولنې لپاره ګټور او اغېزمن شخصیتونه وګرځي. الله تعالی دې دوی ته په هر ګام کې بریا او نېکمرغي ور په برخه کړي. آمین

د کلنۍ ازموینو جریان!

ګرانو زده کوونکو!
د روان لمریز کال د جوزا(غبرګولي) د میاشتې په لسمه نېټه چې سبا د یکشنبي ورځې سره سمون خوري؛ کلنۍ ازموينې پيل کېږي.
هيله ده چې ازموينو ته د درکړل شوي مهالوېش سره سم حاضر او ګډون پکې وکړئ.

قدرمنو والدینو!
د امتحانونو ورځې د زده‌کوونکو د راتلونکي لپاره ډېرې مهمې دي. هیله ده خپلو اولادونو ته په دې حساسو ورځو کې ځانګړې پاملرنه وکړئ، او هڅه وکړئ چې هغوی د بې‌ځایه لوبو او د مبایل له استعمال څخه منع کړئ، تر څو خپل زیات وخت مطالعې او درسونو ته ځانګړی کړي.
ستاسو همکاري او ملاتړ کولی شي چې زموږ زده‌کوونکي په ښه ډول خپلو امتحانونو ته چمتو شي او په لوړو نمرو سره نویو ټولګیو ته بریالي شي. دا زموږ او ستاسو ګډ مسئولیت دی، او په دې برخه کې موږ ستاسو صادقانه ملاتړ ته اړتیا لرو.
په درنښت
ناصري ننګرهار خصوصی لېسه

الحمدلله!
د سږني کانکور ګډونوالو زده کوونکو لپاره مو د ازموینې کارتونه لېسې ته راورسېدل او ګرانو زده کوونکو ته مو توزیع کړل.
موږ د الله جل جلاله له درباره دعا غواړو چې زموږ ټول زده کوونکي د کانکور په ازموینه کې د خپلو خوښو پوهنځیو ته بریالي شي، خپلې لوړې هیلې او ارمانونه ترلاسه کړي او د خپل کورنۍ، ټولنې او ګران هیواد د خدمت جوګه وګرځي.

د ناصری ننګرهار خصوصي لېسې د ټولو ټولګیو هغه زده کوونکي وستایل شول او تشویقي ډالۍ ورکړل شوې، کوم چې هره ورځ پاک، منظم او په ښو اخلاقو سره ښوونځي ته راتلل. د دوی د ښه چلند، ادب، درناوي او زده کړو ته د پاملرنې له امله ښوونکي او اداره ترې ډېره خوښه وه.
همدارنګه نورو زده کوونکو ته هم سپارښتنه وشوه چې د نظم، پاکوالي او ښایسته اخلاقو ساتلو ته پاملرنه وکړي.