07/07/2026
ګرانو او درنو محصلینو!
په ډېره خوښۍ او ویاړ سره تاسو ټولو هغو نویو محصلینو ته، چې د هېواد له بېلابېلو ولایتونو څخه د پکتيا پوهنتون د کمپیوټر ساینس پوهنځي د شبکې انجنيري او معلوماتي سيستمونو څانګو ته بریالي شوي یئ، د زړه له کومې ښه راغلاست وایو.
ستاسو بریا او زموږ د علمي کورنۍ سره یوځای کېدل د خوښۍ او ویاړ ځای دی. هیله لرو چې د خپلې زدهکړیزې دورې په اوږدو کې به له زیار، ژمنتیا، نوښت او لوړې ارادې سره د علم او مهارتونو په ترلاسه کولو کې نه ستړې کېدونکې هڅې وکړئ.
کمپیوټر ساینس د معاصرې نړۍ له مهمو او اغېزناکو علومو څخه دی، چې د ټکنالوژۍ، نوښت او پرمختګ بنسټ جوړوي. زموږ موخه دا ده چې تاسو ته یو مناسب علمي، عملي او مسلکي چاپېریال برابر کړو، ترڅو وکولای شئ خپل استعدادونه وغوړوئ، مسلکي وړتیاوې پیاوړې کړئ او د هېواد د پرمختګ لپاره د اغېزناکو کدرونو په توګه وروزل شئ.
ستاسو لپاره د بریاوو، لاسته راوړنو او روښانه راتلونکي هیله لرو.
د پکتیا پوهنتون
د کمپیوټر ساینس پوهنځي اداره
