15/02/2026
بسم الله الرحمن الرحيم
د اقصیٰ ښوونيز مرکز د (CEL) دوهمې دورې د فارغانو د فراغت او ستاينغونډه په ډېره شانداره او منظم ډول ترسره شوه. په دې غونډه کې د فارغانو د بريا د لمانځلو ترڅنګ، د لومړي نمبر زده کوونکو ته د تصديق پاڼو او د ډاليو د ورکړې ځانګړې مراسم هم وشول.
غونډه د قرآن کريم په مبارکو آيتونو پيل شوه. وروسته د اقصیٰ ښوونيز مرکز يو تن ښوونکي نورالدين "جلالي" د علم د ارزښت، زيار او استقامت په اړه ګټوره وينا وکړه او فارغانو ته يې د راتلونکي لپاره نېکې هيلې وړاندې کړې. ورپسې داقصیٰ ښوونيز مرکز مدير صاحب احمد "توتاخيل" د ادارې د لاسته راوړنو، د دوهمې دورې د زده کوونکو د برياوو او د راتلونکو پلانونو په اړه خبرې وکړې او له ښوونکو او زده کوونکو څخه يې مننه وکړه.
په دې پروګرام کې د زده کوونکو له لوري هم اغېزمنې ويناوې وړاندې شوې، چې پکې يې د خپلو زده کړو د مودې خاطرې، تجربې او مننې څرګندې کړې.
د غونډې په مهمه برخه کې، د دوهمې دورې فارغانو ته د فراغت تصديق پاڼې ورکړل شوې او هغه زده کوونکي چې لومړی مقامونه يې ترلاسه کړي وو، په مډالونو او ځانګړو تصديق پاڼو ونازول شول. دا شېبې د خوښۍ او ویاړ ډکې وې.
دا غونډه نه يوازې د يوې دورې د پای نښه وه، بلکې د نوي پيل، لوړو هيلو او روښانه راتلونکي پيغام هم و.
#فراغت
#بريا
#علم
