02/10/2026
طول ما أنت:
1️⃣ لسا مفكر انو اللغة كورس واحد، وبدها منك شهر أو شهر ونص تفرّغ… وبعدها خلص صرت بتحكي إنجليزي.
2️⃣ لسا شايف انو تطوير لغتك أقل أهمية من أي مهارة بتتعلمها بشغلك، مع انو أوقات اللغة هي يلي بتفتحلك الباب لتستفيد من كل مهاراتك التانية.
3️⃣ لسا متكبّر عالقواعد وبتقول:
«أنا بعرفن هدول!»
اي بتعرفن… بس وقت بدك تحكي، ما بتعرف توظفن.
وما في عيب ترجع تتعلمن من أول وجديد إذا هالمرة رح تتعلمن صح وتستخدمهن بالحكي.
4️⃣ لسا ما عندك حس المبادرة انك تشلف حالك وتحكي بأي فرصة المدرب بيعطيك ياها، لأنك خايف تغلط أو يطلع شكلك مو منيح.
إذا ناطر تحكي لما تصير إنجليزيتك كاملة… غالباً رح تضل ناطر.
5️⃣ لسا ما عندك طولة بال.
بتتحمس أسبوعين، بتضغط عحالك، بعدين بتضجر وبتترك… وبدك اللغة تصير معك «كن فيكون».
اللغة تراكم، مو كبسة زر.
6️⃣ لسا ما جربت تتعلم معنا بـ Say it with Soubhy 😌
لأن جزء كبير من شغلنا أساساً هو انو نغيّر كل الأفكار يلي فوق، مو بس نشرحلك كتاب ونقولك: خلصنا الكورس.
7️⃣ والأهم…
لسا عم تقول: «ما عندي وقت.»
بس عندك وقت للسوشال ميديا، والمسلسلات، والطلعات، وألف شغلة تانية.
غالباً المشكلة مو إنك ما عندك وقت…
المشكلة إنو الإنجليزي لسا مو أولوية عندك.
واللغة ما بدها منك تختفي عن حياتك 6 شهور.
بدها منك وقت واقعي + استمرارية + ممارسة + صبر.
إذا قريت السبع نقاط وحسيت انو تنتين أو ثلاثة منهن عم يحكوا عنك…
يمكن صار الوقت تغيّر طريقة تعلّمك، مو كل مرة تغيّر الكورس. 😉
📩 ابعتلنا كلمة «تحديد»، ومنعملك تحديد مستوى مجاني ومنقلك من وين لازم تبدأ وشو الأنسب إلك.
