Saloon-e-Qalb

رُوحانیت کے کمالات قَدْ أَفْلَحَ مَنْ تَزَکّٰيo
بے شک وہی بامُراد ہوا جو (نفس کی آفتوں اور گناہوں کی آلودگیوں سے) پاک ہو گیاo
(الاعلیٰ، 87 : 14)
تزکیہ و تصفیہ کے طریق سے حاصل ہونے والی اُسی رُوحانی مِقناطیسیت کا کمال تھا کہ تاجدارِ کائنات صلی اللہ علیہ وآلہ وسلم کی صحبتِ جلیلہ میں تربیت پانے والے صحابۂ کرام مادّی ذرائع اِختیار کئے بغیر ہزاروں میل کی مسافت پر موجود سپہ سالارِ لشکرِ اِسلام کو ہدایات دینے پر قادِر تھے۔ سیدنا ساریہ بن جبل رضی اللہ عنہ کی زیرقیادت اِسلامی لشکر دُشمنانِ اِسلام کے خلاف صف آراء تھا۔ دُشمن نے ایسا پینترا بدلا کہ اِسلامی اَفواج بُری طرح سے اُس کے نِرغے میں آ گئیں۔ اُس وقت مسلمانوں کے دُوسرے خلیفہ سیدنا عمر فاروق رضی اللہ عنہ مدینہ منورہ میں بر سرِ منبر خطبۂ جمعہ اِرشاد فرما رہے تھے۔ آپ رضی اللہ عنہ کی رُوحانی توجہ کی بدولت میدانِ جنگ کا نقشہ آپ کی نظروں کے سامنے تھا۔ دورانِ خطبہ بآوازِ بلند پکارے :
يَا سَارِیَ الْجَبَل.
اے ساریہ! پہاڑ کی اوٹ لے۔
(مشکوٰة المصابيح : 546)
یہ اِرشاد فرما کر آپ دوبارہ اُسی طرح خطبہ میں مشغول ہو گئے۔ نہ آپ کے پاس راڈار تھا اور نہ ہی ٹی وی کا کوئی ڈائریکٹ چینل، ہزاروں میل کی دُوری پر واقع مسجدِ نبوی میں خطبۂ جمعہ بھی دے رہے ہیں اور اپنے سپہ سالار کو میدانِ جنگ میں براہِ راست ہدایات بھی جاری فرما رہے ہیں۔ نہ اُن کے پاس وائرلیس سیٹ تھا، نہ موبائل فون۔ ۔ ۔ کہ جس سے میدانِ جنگ کے حالات سے فوری آگہی ممکن ہوتی۔ یہ رُوحانی مِقناطیسی قوّت تھی، اندر کی آنکھ سب کچھ دیکھ رہی تھی۔ حضرت ساریہ بن جبل رضی اللہ عنہ نے سیدنا فاروقِ اعظم رضی اللہ عنہ کا پیغام موصول کیا اور اُس پر عمل درآمد کرتے ہوئے پہاڑ کی اوٹ لے کر فتح پائی۔ دُشمن کا حملہ ناکام رہا اور عساکرِ اِسلام کے جوابی حملے سے فتح نے اُن کے قدم چومے۔
فیضانِ نبوی اور فیضانِ صحابہ ہی کی خوشہ چینی کی بدولت اولیاء اللہ عبادت، زُہد و ورع، اِتباعِ سنت، تقویٰ و طہارت، پابندئ شریعت، اَحکامِ طریقت کی پیروی اور اللہ تعالیٰ کے امر کی تعمیل کے ذریعے اپنے قلب و باطن کا تزکیہ و تصفیہ کر کے زِندگی سرورِ انبیاء صلی اللہ علیہ وآلہ وسلم کے عشق و محبت اور اِتباع میں گزار کر اپنے اندر ’’رُوحانی مقناطیسیت‘‘ پیدا کرلیتے ہیں۔
سرکارِ غوثِ اعظم سیدنا عبدالقادر جیلانی رحمۃ اللہ علیہ فرماتے ہیں:
نَظَرْتُ إلٰی بِلَادِ اﷲِ جَمْعًا
کَخَرْدَلَةٍ عَلٰی حُکْمِ التَّصَالِیْ
ترجمہ : میں اﷲ کے تمام ملکوں کو ایک ساتھ اِس طرح دیکھتا ہوں جیسے میری ہتھیلی پر رائی کا ایک معمولی دانہ (میری نظر میں ہوتا ہے qurankareem #

« عقلمند عورت لاکھوں مَردوں سے بہتر ہوتی ہے »
`سلطانِ اجل مجاہد اعظم صلاح الدین ایوبی` رحمة الله عليه کی زوجہ محترمہ *عصمة الدين* یومیہ طور پہ اپنے مجاہد شوہر کو خط لکھتی تھیں
تین ماہ بعد سلطان ایوبی کو اپنی زوجہ کی وفات کا پتا چلا کیونکہ محترمہ عصمة الدين رحمة الله عليها نے اپنی خادمہ کو حکم دیا تھا کہ میری وفات کے بعد بھی `میرے طریقے کے مطابق خط لکھتی رہنا تاکہ صلاح الدین ایوبی کو جہاد کے دوران پریشانی نہ ہو`

*مجاہدین کی خواتین بھی مجاہدہ ہوتی ہیں*
ان کو نہ کھانے پینے کا شکوہ ہوتا ہے نہ شوہر کے توجہ دینے کی طلب نہ خوامخواہ کی فرمائشوں سے شوہر کو پریشان رکھتی ہیں
`لیبیا کے عظیم مجاہد عمر مختار کی زوجہ ان کی تعظیم حد درجے کی کرتی تھیں` حتی کہ ان کے خیمے میں آنے پر پردہ اٹھاتی تھیں تاکہ مجاہد کا سر نہ جھکے
*اندلس میں لڑکی اپنی سہیلی کو عار دلاتی تھی* کہ تمہارے بھائی کی تلوار کو زنگ لگا ہوا ہے یعنی وہ جہاد پر نہیں جاتا
گھر کے مَردوں کو جہاد پہ بھیجنے کا جذبہ تبھی سچا ہوگا جب جہاد بالنفس میں عورت شوہر کا ساتھ دیتی ہو
`اس دور میں حلال رزق بقدرِ ضرورت کمانا بھی جہاد ہے`

اولاد کو بس یہ ہوتی ہے کہ ہماری ہر خواہش پوری کی جائے خواہ کہیں سے بھی ہو تو جہاد کے لیئے مجاہد کیسے پیدا ہوں گے ؟
*عصمت خاتون پہلے سلطان نور الدین زنگی کی زوجہ تھیں ان کی وفات کے بعد سلطان صلاح الدین ایوبی سے نکاح کیا*
کیسی خوش نصیب خاتون تھی اسلام کے دو عظیم سپہ سالاروں کی صحبت میں وقت گزارا
انہوں نے مدراس و خانقاہیں تعمیر کروائیں
*عصمت خاتون نے تہجد کے وقت طبل بجا کے رات کے اخری پہر اٹھنے کی رسم شرع کی* تاکہ جو تہجد میں از خود نہ اٹھ سکتے ہوں وہ اس آواز سے اٹھ جایا کریں
`اتنی عقلمند تھیں کہ سلطان ایوبی ان کی رائے لیا کرتے تھے`
جب عورت علم و فضل والی پھر عبادت گزار ہو صبر و شکر کرنے والی ہو تو *لاکھوں مَردوں سے زیادہ عقل والی ہوتی ہے* اس سے مشورہ لیا جائے اس کی تدبیر بڑے کام کی ہوتی ہ #