20/07/2026
حامد الساحر التائب
الجزء الرابع
كنا واقفين اخر حاجه في أنه حامد انتهي من الخلوه وظهر ليهو سهسهوبي وفرض عليه شروط عشان يخدمو واختار حامد أنه م يصوم رمضان كان بصلي بدون وضوء وبدأ في ممارسه السحر اعتقادا منو أنه دا كلام كلو مكتوب في اللوح المحفوظ كما اوهمو الشيخ وسهسهوبي ومن كرامتو انو كان في المجلس بتاعو أنه الشاي بتوزع براهو يعني انت تكون قاعد الصينيه تجيك في مكانك تشيل كبايتك وتشرب وبعد تنتهي تجيك راجعه تخت فيها الكبايه وكان برضو بخت عصا رقيقه من القش فوق للبئر بتاع المويه وبقطع للطرف التاني بدون تنكسر العصا وطبعا الكلام دا كلو كان بخدمو فيهو الجن وقال أنا كنت بمشي علي كفوف بتاعت الجن وبقطع البئر والناس مفكره اني ماشي في العصا والشاي كان بوزعو الجن وقال من كرامتو أيضا أنو في مره كبيره في السن بتجمع الثمار بتاعت النبق واللالوب وتمشي يوم السوق تبيعهم مع الناس وترجع ب الحمار بتاع مع الناس في مره من المرات المره دي اتأخرت وراجعه براها علي الحله قريب المغرب لاقاها مرفعين المره خافت وكوركت ي الشيخ حامد قام الجن اتشكل ليها في شكل الشيخ حامد وعندو جناحين وجاء شال المرفعين وفات المره اتبسطت وقال الا تشتري عتوت وتمشي للشيخ حامد تدي ليهو في خلوتو وفعلا اشترت العتوت ومشت للشيخ حامد ولمن وصلت الجن كلم الشيخ حامد قال ليهو المره دي اسمه بتول وهي جابت العتوت دا عشان لاقاها مرفعين وقالت ي الشيخ حامد انقذني ونحن اتشكلنا في صورتك وشلنا المرفعين من قدامه وهي جابت العتوت دا عشان تشكرك قام الشيخ حامد قال ليها ي بتول اتفضلي انتي جاي تشكريني عشان العملتو معاك في الخلا وانقذتك من المرفعين صاح وكرامتك مقبوله قامت بتول حكت القصه وأنه الشيخ أنقذه والناس كبرت وهللت ومن قصصو برضو انو في واحد كان خابط واحده وينفق عليها وبعدم م كملت تعليمه اتفقت مع واحد تاني انو تخلي خطيبه وتعرسه قام خطيبه جاء للشيخ حامد والشيخ عمل ليهو سحر والبت هربت من بيت أهله ومشت لي خطيبه دا في بيتهم وبقت قاعده معاهو الاب جاء لي شيخ حامد وطلع صاحب الشيخ وكلمة ب الموضوع والشيخ حامد عرف أنو هو السحر البت قام فكه العمل وكان ممارس السحر لمده 17 سنه الجزء الجاي نوريكم كيف تاب الشيخ حامد
