Die Hoërskool Menlopark

Die Hoërskool Menlopark is een van Suid-Afrika se topskole, bekend vir uitnemendheid op vele terre Excelsa Petamus (ons streef die hoogste na).

Die Hoërskool Menlopark is een van Suid-Afrika se topskole, bekend vir uitnemendheid op vele terreine.

Operating as usual

09/01/2025

Die Hoërskool Menlopark se 1ste krieketspan is gereed om 2025 in Bloemfontein af te skop. Geniet elke oomblik van hierdie geleentheid! 🏏🏏🏏

Photos from Die Hoërskool Menlopark's post

12/12/2024

Ons is trots op ons hoofseun van 2025 wat deel kon van die Netwerk24- en Die Burger-jeugleierskonferensie. Wat 'n voorreg om die voorlopers van die toekoms so saam te beleef! Ons sien uit na die pad vorentoe saam met hierdie jong leiers!
Dankie aan Netwerk24 en Die Burger vir 'n ongelooflike geleentheid!

06/12/2024

Terugblik 2024

04/12/2024

Volg gerus die skakel na die Menlo-kalender om te sien wat 2025 inhou! Ons sien uit na 'n vinnige en besige Menlo-jaar!
https://menlopark.co.za/wp-content/uploads/2024/12/Menlo-Kalender-2025_compressed.pdf

29/11/2024

Tuks se swemprogram brei in 2025 na Die Hoërskool Menlopark uit. Ons is opgewonde oor nuwe afrigters en nuwe swemprogramme wat by die vars, blou, opgegradeerde Menlo-swembad wag.
Dankie aan ons hoof, Kobus Hartman, die Menlo-beheerliggaam en Rocco Meiring (oud-Menloparker) van TUKS-swem, vir hierdie inisiatief wat nuwe geleenthede vir Menlo-swem sal skep. Die toekoms is Menlo-blou. 🏊‍♂️🏊‍♂️🏊‍♂️
Klik gerus op die skakel vir 'n bietjie meer inligting oor mnr. Rocco Meiring:
https://x.com/OfficialTeamRSA/status/1860988130217656825

25/11/2024

Die matrieks van 2024 meld vir die heel laaste vraestel aan. Hulle maak die laaste punt op die laaste vraestel van 2024. Tydens opening word die matrieks gegroet en die volgende vir hulle toegewens:

Mag daar altyd 'n lig brand in julle huis
Mag die paddas julle onthou
Mag die appels aljaar soeter word
En die druiweprieel groener.
Mag julle vriende wyn saambring vir die kuier.
Mag die huis wat julle betrek, deurtrek bly
Van die geur van sederhout en malvablare
Mag die walle van julle slote nie te gou inkalwe
En instort nie
Sodat die water nog helderder daarin kan vloei
Mag die sterre en die berg en die stilte
Oor julle en julle gesin bly waak
Nou en môre en môre se aand
En elke van daardie dae se nag.

Breyten Breytenbach

25/11/2024

Baie geluk aan die Menloparkers wat aan die finaal van die Nasionale Natuurwetenskap-ekspo: SA-YESS
(South African Youth Engineering and Science Symposium) deelgeneem het! Hier volg die uitslae:

Kian Müller: Brons
Dea Higgins: Goud
Selie de Villiers & Ruben Janse van Rensburg: Goud en is aangewys as Kategoriewenners vir Biologiese Wetenskappe (Juniors)
Luané Erasmus & Jan-Ernst Weilbach: Goud en is aangewys as Kategoriewenners: Ingenieurswese (Juniors)
Dankie aan die Menlo-personeel vir soveel ekstra myle! 🧪🔬🧫

25/11/2024

Menlo-koor se kerskonsert was weer een vir die boeke. Baie dankie aan Laerskool Menlopark se koor en ouers wat die Kerssangdiens saam met ons gevier het. Daar is heerlik gesing en almal het die vreugdevolle aand terdeë geniet! Dankie aan almal betrokke! 🌲❤️🎄

21/11/2024

Menlo is absolut gereed vir 2025!
Handboeke word uitgedeel en werkboeke word aangeskaf. Nou kan 2025 maar sy verskyning maak!

21/11/2024

Beleef gerus weer die opwinding van ons Menlo-revue van 2024 deur op die volgende skakel te klik:

https://youtu.be/Nqm-nnkkm-s?si=e6PKdD7No28YlLbX

19/11/2024

In 2024 het 33 matrikulante aangemeld om hulle lewens met Alpha Wiskunde te verryk. Baie geluk aan elkeen vir die vasbyt en toewyding. Ons is trots op elkeen.
Geluk aan Lelize van der Walt (95%) en Ruben van Biljon (94%) wat in die top-20-leerders in die land is.
Die volgende leerders het onderskeidings vir Alpha Wiskunde behaal:
Christiaan Moodie; Ewald Meyer; Juan le Roux; Marike Louw; Devan Matthee; Altus Malan; Clarise Janse van Rensburg; Danielle de Wet; Rudolph Jordaan; Marlѐ van Wyk

15/11/2024

Spring in en word deel van die Menlo-familie!

14/11/2024

Sluit by ons aan vir 'n aand van kleur en klank. Menlo-koor se kersfeeskonsert is elke jaar 'n hoogtepunt! Moet nie hierdie viering van KersFEES in 'n KersGEES misloop nie.

12/11/2024

Baie geluk aan al die leerders wat hierdie jaar aan die Afrikaans Ekspo deelgeneem het - dit was 'n vreugde om elkeen se entoesiasme vir die taal te beleef!
Die volgende leerders het met GOUE sertifikate weggestap:
Alitha Oberholzer, Altus Malan, Clara Serfontein, Imme Kromhout; Reeze Zeuner en Rian Knoesen.
Baie geluk aan Shimei Visser en Jeanne-Marie van Brummelen wat as kategoriewenners aangewys is! Ons weet Afrikaans is in GOUE hande!

07/11/2024

Menlo-Insig 32 van 2024

01/11/2024

Menlo-matrieks van 2024 sê so oor Wiskunde en Wiskundige Geletterdheid vraestel 1!

28/10/2024

Menlo-krieket is trots op die volgende o. 17-krieketspelers wat in die o. 17-Titansspan opgeneem is. Baie geluk aan al Menlo se krieketspelers wat deur die jaar so hard werk en aan die Menlo-afrigters wat altyd soveel ekstra myle op Menlo-bodem aflê. 🏏🏏🏏

Claim ownership or report listing

Want your school to be the top-listed School/college in Pretoria?

Click here to claim your Sponsored Listing.

Excelsa Petamus
Ons streef die hoogste waardes na

As Parkies is dit ons visie...

om Christelike waardes te handhaaf

om lojale burgers van die Republiek van Suid-Afrika te wees

om ons moedertaal met trots en waardigheid te gebruik

om uitnemendheid op alIe terreine van die skool te bevorder

om op die tradisies van ons skool voort te bou

Die missie wat Parkies rig...

Integriteit

Parkies se lewenshouding en optrede wek soveel vertroue dat daar altyd onvoorwaardelik op hulle staatgemaak kan word.

Lojaliteit

Uit hulle waardering vir unieke geleenthede groei Parkies se trou aan die mense en instansies wat hulle lei en vorm.

Respek

Parkies se diepgewortelde agting vir hulle medemens, vir eiendom en vir waardes vorm die ondertoon van hulle lewensbenadering.

Ywer

Die kenmerkende geesdrif waarmee Parkies alles aanpak, maak hulle besonder toegewyd en diensbaar.

As Parkies is ons verbind...

tot die bevordering van goeie verhoudinge tussen leerlinge en personeel; tussen leerlinge onderling en tussen die verskillende taal - en kultuurgroepe in ons land.

tot liefde vir die eie en respek vir andere.

tot aanvaarding van gesag, respek vir ons leiers en om self positiewe leiding te gee.

om aan elke leerling die geleentheid te gee om sy/haar volle potensiaal optimaal te ontwikkel.

om ’n gesonde balans tussen deelname en prestasie in ons skoolwerk, sport en kultuur te handhaaf.

Omdat Parkies deur die waardes hierbo gerig word, aanvaar hulle die uitdaging en verantwoordelikheid van...

rentmeesterskap

ware heer en ware dame

sportmanskap

Ons tradisie is om te vernuwe

Die Hoërskool Menlopark wil leerders dinamies kreatief en met relevante vaardighede toerus om die uitdagings van die toekoms manhaftig op te los en skeppend ons land welvarend vir al sy inwoners maak.

Bogenoemde vind plaas binne die raamwerk van ’n sterk Christelike etiek en gemeet aan ons vier gesonder waardes, naamlik: Integriteit, lojaliteit, respek en ywer.

Seuns en dogters behoort die volwasse leefwêreld waarin hulle eendag gaan leef, lief hê, aanbid en werk alreeds nou in ’n gemengde skool te beleef. Die werksplek-arbeidsveld is te kompeterend om later nog aan te pas om met iemand van die teenoorgestelde geslag saam te kan werk.

Ons d**k vernuwend om ’n styl van outydse, outoritêre dissipline te omvorm in selfdissipline waar leerders met relevante uitdagings die regte keuses sal kan maak en dan die regte dinge sal kan doen.

Ons leer ons kinders om “street wise” te wees, met ander woorde die spreekwoordelike “speakers corner” te gebruik om met verantwoordelikheid hulle sê te kan sê.

Kreatiewe denke word in elke faset van die skool aangemoedig eerder as om van leerders te verwag om in konformerende kassies te d**k.

Leerders word geleer om waardegedrewe self verantwoordelikheid vir hulle doen en late te aanvaar en om sodoende nie afhanklik te wees van ouers en onderwysers se goed- en afkeuring nie, deurdat hulle self weet wat verkeerd en reg is.

Engels word op ’n huistaalbasis (moedertaal) aangebied sodat leerders ewe tuis in albei landstale sal wees. Onder andere word daar in elke vak moeite gedoen met terminologie wat leerders nodig vind om in vaktaal te kommunikeer.

Ons omvattende kampus bied ’n vriendelike, doeltreffende tuiste vir ons leerders wanneer hulle besig is met ’n verskeidenheid aktiwiteite. Daar is sportakademies vir bykans elke sportsoort met hulle eie leefstyl klubhuise. Op kulturele gebied het ons 'n doeltreffende eie dramateater. Ons musieksentrum is argitektonies uitstekend ontwerp om vir leerlinge met musiektalent die geleentheid te gee om in doelgemaakte musiekkamers te kan oefen.

Vakdidaktiek vind in die klaskamer al hoe meer op ’n moderne manier plaas, byvoorbeeld deur witborde, dataprojektors en interaktiewe borde. Daar is vier rekenaarsentrums waarin IT-verwante vakke en vaardighede aangebied word (byvoorbeeld leeslaboratorium). Ons toekomsvisie is ook om internet “hotspots” op die kampus daar te stel. Inligting wat die leerders raak, is vir 24-uur op ’n elektroniese bord beskikbaar.

Naas goeie akademie word vaardighede aan leerlinge geleer wat onontbeerlik in hulle beroepslewe sal wees. Leerders besoek beroepsomgewings sodat hulle eerstehands direk kan sien wat in bepaalde beroepe kan gebeur, so byvoorbeeld gaan die Rekeningkundeleerders saam met ouditeure na hulle kliënte om die beroep in praktyk te kan beleef.

Ons leierleerders word verkies om gesonde kommunikasie met ander leerders te laat plaasvind, sodat die leerders ervaar dat hulle nie net gesien word nie, maar ook gehoor word. Daar is Å‰ matriekraad wat die hele skool bedien sowel as ’n graadraad vir elke graad. Dit het tot gevolg dat die basis van leerderleierskap, sowel as die kommunikasie tussen leerders baie vergroot word.

Die skoolbestuur beplan alle aktiwiteite sodat dit kindvriendelik en kinddeelnemend sal wees. (Leerders word byvoorbeeld geken in die opstel van eksamenroosters).

Ons hou van ons leerders,

ons hoor wat hulle sê,

ons is aan dieselfde kant as ons leerders en

ons het ’n toekomsplan vir ons leerders en saam met ons leerders.

Ons tradisie is om innoverend te wees

Ons skool word deur ’n holistiese benadering bestuur.

Die Hoërskool Menlopark is op stewige boublokke na volwassewording gebou:

Die Hoërskool Menlopark is ’n skool vir gewone kinders met wie daar op ’n ongewone manier gewerk word sodat hulle buitengewone hoogtes kan bereik.

Ons is ’n skool wat ’n besonder wye verskeidenheid geleenthede bied aan betrokke en entoesiastiese leerders wat kanse wil aangryp en vasgryp om sy/haar maksimumpotensiaal te bereik.

Ons ontwikkel leerders met ’n positiewe werksetiek wat gemaklik die eise van universiteitsopleiding en ’n veranderende samelewing kan hanteer en bestuur.

Ons kweek analitiese en laterale denke by ons leerders om probleemoplossing as uitkoms te bied.