Hoërskool Jan van Riebeeck

Nearby schools & colleges

Comments

❌ SOLD OUT ❌
—
Thrilled to be hearing these choirs this afternoon! 😁

Rallim Preparatory
Hoërskool Jan van Riebeeck
Vivox Voices
Laerskool Bastion
Durbanville Primary School
De Kuilen High School Girls' Choir
Cape Town Youth Choir
-
-
-

UPDATE @ 13:00 today - ❌ SOLD OUT ❌
—
Only 50 tickets left for the concert tomorrow! 😉 We look forward to hearing these choirs:
Rallim Preparatory
Hoërskool Jan van Riebeeck
Vivox Voices
Laerskool Bastion
Durbanville Primary School
De Kuilen High School Girls' Choir
Cape Town Youth Choir
-
-
-

Happy Birthday Hoërskool Jan van Riebeeck! We were honoured to share the festivities with you!

We are looking forward to the Derby Day vs Hoërskool Jan van Riebeeck next Saturday! They will also be hosting a fun carnival.

Filmit Festival News! Aspiring film makers have until this evening at midnight to submit their pitches for the 2nd annual Filmit Festival. Have a look at this video. Go check out the Filmit webpage and submit your creative idea. ClemenGold

https://youtu.be/6_ljwQmfEd0

Hoërskool Garsfontein Hoërskool Waterkloof Reddam House Dainfern College Groote Schuur High School Charlie Hofmeyr Curro Durbanville High School Reddam House Durbanville Hoër Meisieskool Bloemhof Hoërskool DF Malan Voortrekker High School Kylemore High School Fairmont High School Simon's Town High School Hoërskool Stellenberg High School International School of Cape Town The High School for Girls Potchefstroom Hoërskool Jan van Riebeeck Mitchell's Plain High school Kalahari High School Worcester Gymnasium

𝐒𝐊𝐑𝐘𝐅𝐊𝐔𝐍𝐒 𝐕𝐄𝐑𝐓𝐎𝐋𝐊 𝐃𝐄𝐔𝐑 𝐉𝐎𝐇𝐀𝐍𝐍 𝐍𝐄𝐋

Donderdagaand 3 Maart was die leerders van Hoërskool Jan van Riebeeck se aand – aspirantskrywers, -digters, -skilders, -musikante en -fotograwe. By aankoms is gaste begroet met ’n galery van skilderye en foto’s deur van die leerders.

Die bekende stemkunstenaar, Johann Nel, het skryfkuns van die skool se leerders treffend voorgelees aan die ouers van hierdie leerders. Hy het ’n paar gedagtes met die gehoor gewissel oor digkuns en ook verwys na die krag wat ’n baie kort gedig kan hê. Sy voorbeeld van die gediggie oor die sout- en peperpotjies het die gehoor laat glimlag.

“Ons twee is maatjies, presies eenders behalwe ons gaatjies.”

Skryfkuns oor ’n verskeidenheid onderwerpe is voorgelees – hartseer, geluk, drome, taal, skepe en selfs ’n matriekafskeid. Een van die versreëls in Mari van der Merwe se gedig “Afrikaners is plesierig” sê so eg Afrikaans: “Afrikaans is die taal waarin ek dans. Afrikaans is die taal waarin ek jou gaan innooi vir Rooibostee.”

Johann Nel is bygestaan deur Sanet Taljaard, onderwyseres in drama en Afrikaans by die skool, wat ook van die leerders se skryfkuns voorgelees het en as programleier opgetree het.

Musikale vermaak is verskaf deur die leerders. Ethan Britz het “Bohemian Rhapsody” op elektriese kitaar en Andrée van Zyl klassieke werke op hobo en klavier uitgevoer. Lu-Wyk Steyn het “Stilte voor die storm” van Elandré gesing en Peet Karsten en Martin van den Berg ’n lied oor Yzerfontein wat hulle self geskryf het.

Die FAK is opgewonde oor hierdie talentvolle leerders en die bydraes wat hulle ook in die toekoms vir ons mooi taal Afrikaans kan lewer.

Hoërskool Jan van Riebeeck

𝐅𝐀𝐊 𝐕𝐄𝐑𝐄𝐄𝐑 𝐀𝐅𝐑𝐈𝐊𝐀𝐀𝐍𝐒𝐎𝐍𝐃𝐄𝐑𝐖𝐘𝐒𝐄𝐑𝐒 𝐓𝐘𝐃𝐄𝐍𝐒 𝐒𝐊𝐎𝐎𝐋 𝐒𝐄 𝐀𝐅𝐑𝐈𝐊𝐀𝐀𝐍𝐒𝐖𝐄𝐄𝐊

Drie onderwysers van Hoërskool Jan van Riebeeck se Afrikaansdepartement, mnr. Pieter Rademeyer, mev. Roosmaryn Schwartz en mev. Maritha Strydom, is gisteraand tydens ’n funksie by die skool deur die FAK vereer vir tussen 18 en 30 jaar se onderrig van Afrikaans as vak en die groot bydrae wat hulle maak om by hul leerders ’n passie vir Afrikaans te ontwikkel.

As deel van hul Afrikaansweek het Hoërskool Jan van Riebeeck Woensdagaand ’n prestige kaas-en-wyn-funksie aangebied waartydens vier oudleerders van die skool vereer is vir die besondere bydrae wat hulle tot Afrikaans gemaak het.

Marko van der Colff, ’n akteur bekend vir televisiereekse soos Arende, Vallei van Sluiers en Die Byl, onthou ’n sterk Afrikaansdepartement op universiteit onder leiding van professor Merwe Scholtz en ’n wêreldklas-dramaskool.

Le Roux Schoeman, matrikulant in 1996, was in sy skooljare redakteur van die skoolkoerant Onze Jan. Vir hom was die ervaring wat hy hier opgedoen het en die skool se fotografieklub die twee aspekte wat hom op skool reeds gehelp voorberei het vir ’n loopbaan as joernalis. Le Roux is vandag die redakteur van die Kerkbode.

Elsabé Daneel is vandag ’n bekende aktrise en kundige op die gebied van kommunikasiekunde. Sy het haar onderwysers bedank en onthou van haar skooljare dat daar altyd by haar ’n behoefte was om toneel te speel. Dit was die bekende aktrise Babs Laker, wat bokant die skool gewoon het, wat haar by ’n dramaskool gekry het.

Cobus Rossouw, ’n matrikulant van die skool in 1959, is staande toegejuig. Toe hy by die kateder staan, het hy gesê dat hy nou staan waar Anna Neethling-Pohl gestaan het toe sy hulle vertel het hoe om Macbeth te speel. Hy het skrywers, digters en dramaturge bedank wat dit vir akteurs moontlik maak om toneel te speel, vertalers wat dit moontlik gemaak het om Shakespeare in Afrikaans te kon speel en mense soos die Hanekoms wat ’n 100 jaar gelede die pad oopgemaak het vir Afrikaanse toneel.

Die sangeres Hanna de Wet se besondere vertolking van Afrikaanse liedjies soos “Kring om die maan”, “Beautiful in Beaufort-Wes”, “Lisa se klavier” en van haar eie mooi komposisies met klawerbord- en vioolbegeleiding het luister aan ’n baie mooi geleentheid verleen.

Hoërskool Jan van Riebeeck

Hierdie produksie word nie die keer by Die Boer teater aangebied nie, maar maak 'n plan om dit te sien by die Hoërskool Jan van Riebeeck . Marita van der Vyver se storie, verwerk deur Francois Toerien, word ragfyn vertolk deur Cintaine Schutte- onder regie van Nicole Holm.
Net 2 vertonings- 23 Feb om 19:00 en Sondag 27 Feb om 14:00. Kaartjies by Computicket
Magda Vermeulen skryf op facebook: "'n Absolute MOET SIEN!! Ek het uit my maag gelag, soos 'n gieter getjank en myself en my generasie (1963-baby) deurentyd herken en uiteindelik losgekom van daai kettings..."

Thank you to Hoërskool Jan van Riebeeck for hosting us today at a great Inter Schools Swimming Gala.

Although we weren’t able to field a full team, we still managed to finish in third place! Well done to all our swimmers!

First place went to Jan van Riebeeck, Second to DSK and Herzlia finished behind Camps Bay in fourth place.

400m so/18 Donderdagaand Paarl. Damian Bosch

Die amptelike FB-bladsy vir Hoërskool Jan van Riebeeck. Die gevolge van orde 11 van 1912 (beginsel van moedertaalmedium is voorwaardelik aanvaar en C.J.

Anders as soveel ander skole, is die ontstaan van Hoërskool Jan van Riebeeck te danke aan 'n volkstryd - 'n taalstryd geveg deur die Afrikaanssprekende volksleiers aan die begin van die twintigste eeu. Met die oorname van die Kaap deur die Engelse in die begin van die negentiende eeu, het daar in ons land 'n kultuur en taalstryd ontstaan wat ook in die onderwys weerspieël is, die stryd van die A

Operating as usual

24/09/2023

Photos from Hoërskool Jan van Riebeeck's post

23/09/2023

Baie dankie aan almal wat vandag die Kaapse lentereën -en stormwinde!- trotseer het om ons eerste Plezier Markt te kom ondersteun.

Dit was 'n heerlike dag met groot hoogtepunte en baie lekkertes!

Ons maak volgende jaar weer so!

23/09/2023

Kom loer in by Hoërskool Jan van Riebeeck se Plezier Markt!
Ons is vanaf 10:00 gereed om oud en jonk te verwelkom!

23/09/2023

Baie geluk aan ons nuwe huisleiers en matriekkomitee vir 2023/2024!

HUISLEIERS:

DROMMEDARIS
Heiberg, Kayleen
Humphreys, Charlton
Isaacs, Lenique
Lonte, Leila
Lonte, Neena
Oncke, Teneasha
Snijders, Liezel (HUISLEIER)

REIJGER
Breytenbach, Nicola
Erasmus, Layla (HUISLEIER)
Gildenhuys, Andries
Liebenberg, Anne
Nthurubele, Boka
Stevens, Xanthe
Van Zyl, Andrée

DE GOEDE HOOP
Basson, Annie
Bezuidenhoud, Carla
Karsten, Peet (HUISLEIER)
Schoeman, Michelle
Shaw, Benjamin
Smit, Markus
Vorster, Mia

MATRIEKKOMITEE:
Bezuidenhoud, Carla
Bouwer, Amarissa
Breytenbach, Nicola
De Villiers, Karla
Gildenhuys, Andries
Grobbelaar, Charise
Heiberg, Kayleen
Humphreys, Charlton
Isaacs, Lenique
Kirsten, Farmer
Liebenberg, Anne
Lonte, Leila
Lonte, Neena
Loots, Daniel
Nortje, Mia
Nthurubele, Boka
Oncke, Teneasha
Schoeman, Michelle
Schoeman, Lisa
Shaw, Benjamin
Smit, Markus
Stevens, Xanthe
Van der Linde, Owen
Van der Merwe, Marcelle
Van der Westhuizen, Rikus
Van Zyl, Andrée
Vorster, Mia
Wilson, Tisean

22/09/2023

Ons nuwe roosheining is vanoggend tydens 'n spesiale seremonie ingewy.

Dr. Gwen Fagen het die leerders geïnspireer met haar besondere toespraak - op 99 is hierdie merkwaardige dame nog vlymskerp!

Dankie aan almal wat deel was van hierdie mooi projek - ons kan nie nie meer wag om te sien hoe die heining gaan lyk wanneer die rose blom nie!

Foto's: Lukas Wasserman

22/09/2023

Die inhuldiging van ons nuwe matriekraad is vanoggend by Welgemeend gevier.

Ons nuwe leerderleiers het tydens 'n spesiale seremonie, met hul ouers/voogde ook teenwoordig, die matriekraad-erekode onderteken en hul op hierdie manier verbind tot die groot verantwoordelikheid wat hierdie nuwe rol inhou.

Die drie graad 11-VRL-lede is ook aangekondig. Baie geluk aan Toby de Ruiter, Amber Roberts en Mari Swanepoel! Een van hierdie drie leerders sal op 10 Oktober as die nuwe JvR-Hoofleier aangekondig word.

Sterkte aan al ons nuwe leiers - ons sien uit na 'n baie mooi jaar!

Foto's: Lukas Wasserman

22/09/2023

WAT 'N INSPIRASIE!

Dr. Gwen Fagen was vanoggend die eregas en gasspreker toe ons tydens die Vrydagverrykingsperiode ons nuwe spesiale roosheining ingewy het!

Dr. Fagen word eerskomende Maandag 99 jaar oud (ja,99!) en sy het ons Jan van Riebeeckers geïnspireer om elke dag voluit te leef - en 'terug te klap' as die lewe se uitdagings hul wil onderkry.

Ons staan verstom hoe hierdie merkwaardige en vlymskerp dame (sy het in haar leeftyd as mediese dokter én as doktor in landskapwerk gekwalifiseer!) die lewe met gróót passie leef!

Haar treffende boodskap het ons almal se dag gemaak. Luister gerus na 'n videogreep van haar praatjie vanoggend.

21/09/2023

Puik nuus!

Ons Thomas Boshoff in graad 8 is binnekort te sien as Friedrich in 'The Sound of Music' wanneer hierdie geliefde musiekblyspel Desember en Januarie op die Artscape-verhoog te sien is.

Thomas moes vele rondes van oudisies deurgaan (en meer as 200 kinders het oudisies afgelê!) om eindelik as een van die Von Trapp-kinders gekies te word.

Ons is baie trots op jou, Thomas!

Bespreek nou jou kaartjies by https://www.webtickets.co.za/v2/Event.aspx?itemid=1529270247 en beleef ons Jan van Riebeecker in aksie!

21/09/2023

Puik nuus!

Gerard Snijders en Johann Jordaan is vroeër vanaand aangewys as die algehele wenners in die graad 12-afdeling van vanjaar se Universiteit van Kaapstad-Wiskundekompetisie!

Hierdie twee Jan van Riebeeckers stof hiermee al die ander Wes-Kaapse leerders uit in hierdie jaarlikse prestige kompetisie vir wiskunde-boffins!

Wel gedaan, Manne - ons is baie trots op jul!

21/09/2023

Ons is trots dat hierdie geleentheid vandag by Welgemeend hier by ons skool aangebied is. Baie geluk!

20/09/2023

Sluit aan by ons dinamiese sportspan!

20/09/2023

Ons nooi graag geskikte kandidate om aansoek te doen vir 'n aflospos by ons skool!

19/09/2023

Kyk net hierdie oulike advertensie wat Vrydag hier by ons skool geskiet is!

16/09/2023

Moenie ons spesiale Fondsinsameling Gala-aand op 11 November misloop nie!

16/09/2023

Ondersteun asseblief ons vriende by die SA Kinderhuis!

12/09/2023

Ons rugbyseuns het die seisoen op 'n goeie noot afgesluit met hul deelname aan die Marius Schoeman-sewestoernooi in die Paarl.

Mooi so, Manne!

10/09/2023

JvR-produksie in Top 10 in Suid-Afrika!

Ons Jan van Riebeeckers neem vanaf 3 tot 6 Oktober in Gauteng (Lyric-Teater, Gold Reef City) aan die nasionale finaal in vanjaar se ATKV-Tienertoneelkompetisie deel.

195 produksies van regoor die land het vanjaar ingeskryf in 10 streeksfeeste.

Bespreek jou kaartjies hier: https://linktr.ee/atkv_tienertoneel

Wat 'n puik kultuurprestasie - ons bars van die trots!

10/09/2023

PUIK NUUS!

Hoërskool Jan van Riebeeck is die o.17-Wes-Kaapse Fast 5-netbalkampioene!

Wat 'n dag van puik netbal by Hoërskool Paarl Gimnasium:

Wen Hoërskool Bredasdorp 27-22
Wen Hoërskool Parel Vallei 14-13
Wen Hoër Meisieskool Bloemhof 24-10
Wen Hoërskool Swartland 21-15

Ons eindig eerste in ons poel, met Parel Vallei tweede.

Semi-finaal:
Wen Hoërskool Hermanus 30-25

Finaal:
Wen Hoërskool Parel Vallei 31-29

Die finale uitslae vir o.17's is:
1. Hs Jan van Riebeeck
2. Hs Parel Vallei
3. Hs Stellenberg
4. Hs Hermanus

Baie geluk aan elke speler, ouer, ondersteuner betrokke asook ons afrigter, René Venter!

JvR kwalifiseer nou om op 2 en 3 Oktober aan die nasionale netbaltoernooi by Hoërskool E.G. Jansen in Boksburg deel te neem.

Ons bars van die trots!

Rawson Properties City Bowl - Gardens

08/09/2023

Parkour raak nou al hoe gewilder by JvR!

Ons Jan van Riebeeckers geniet dit om Vrydaemiddae toertjie in en om die skool te doen - en hul vaardighede in hierdie adrenaliensport te slyp.

Kontak gerus vir Zack indien jou kind ook die opwinding wil beleef!

08/09/2023

Plezier Markt: 23 September 2023

Hoërskool Jan van Riebeeck bied op Saterdag, 23 September 2023 die Plezier Markt by ons skool aan. Die Plezier Markt gaan oor die viering van die verskillende kos en kulture binne die Kaapstad-stadskom. Kom geniet 'n wye verskeidenheid van stalletjies en verskeie kosse op ons skoolterrein. Daar vind ook verskeie opvoerings gedurende die dag by ons nuwe amfiteater plaas.

Bestel gerus solank jou hoenderpasteie (1kg), biltong en Aioli op die Karri-toep vroegtydig. Dit kan by die mark op 23 September afgehaal.

Indien jy daarin belangstel om 'n stalletjie by die dag te hê, volg gerus die skakel vir inskrywings en meer inligting. Ons verwelkom innoverende produkte vanuit ons gemeenskap. https://forms.gle/FT98V24AY46oq8DR8.

Sien jou daar!

08/09/2023

Graad 9-Markdag!

Die graad 9-leerders het vanjaar hul ondernemingsgees uit die saal na die gewilde studentesentrum, meer algemeen bekend as Die G*t, verskuif.

Daar was 12 ondernemings wat 'n verskeidenheid produkte of speletjies aangebied het. Dit was 'n kleurvolle en jolige geleentheid met winsneming as hoofdoelwit.

Indien die glimlagte na die tyd as maatstaf gebruik kan word, was daar 'n hele paar wat suksesvolle entrepreneurs.

Daar word ook vemoed dat 'n paar huishoudingsekstra koekies of roomys moes eet!

Mooi so, graad 9's!

08/09/2023

JvR se graad 1's besoek ons matrieks vandag

Wat 'n spesiale oomblik!

Die graad 1-leerders van Laerskool Jan van Riebeeck het vanoggend ons matrieks met spesiale kaartjies verras om hul voorspoed toe te wens met die res van die rekordeksamen.

Dit was 'n besondere oomblik toe die Jannies elke matrikulant spesiaal by hul eksamenbanke kom groet het en toe die spesiale kaartjies met mooi wense oorhandig het.

Tiana van den berg se graad 1-boetie het spesiaal sy kaartjie vir haar gegee - ’n trotse en mooi oomblik!

Dankie aan al die graad 1-Jannies - oor 11 jaar sit hul ook in hierdie banke as trotse Jan van Riebeeckers!

08/09/2023

o.17 Netbalspan dring deur na Wes-Kaap Fast 5-ronde!

Ons o.15- en o.17-netbalspanne het aan die CTHSN (WP)-ronde van die Fast 5-netbaltoernooi deelgeneem.

Die spanne moes die oggend om 7:15 by Hoërskool Durbanville vir die dag se verrigtinge aanmeld. Ons spanne se eerste rondes het beide teen Durbanville afgeskop. Die o.15-span het ongelukkig die knie teen Durbanville gebuig, maar ons o.17-span het gedurende die power-play-kwart die wedstrydtelling verander en 30-28 gewen.

Beide spanne moes drie wedstryde speel om te bepaal of hul vir die finaal sal kwalifiseer. Ons o.15-span het ongelukkig nie die mas opgekom nie, maar ons o.17-span het boaan die poel geëindig en vir die finaal gekwalifiseer! Daar was drie moontlike teenstaanders: Stellenberg, DF Malan en Fairmont.

Die spanne se doelgemiddeldels is gebruik om te bepaal wie mekaar in die finaal sou uitdaag. Die somme is gemaak en die finale wedstryd is voor 17:00 die middag teen Fairmont gespeel. Ons spelers het hulle weer uitstekend van hulle taak gekwyt en het met 'n telling van 21-19 geseëvier.

Ons o.17-span kwalifiseer dus om môre aan die Wes-Kaap ronde by Paarl Gimnasium deel te neem.
Ons wens die span alles van die beste toe en glo dit gaan 'n onvergeetlike dag vir almal wees.

Rawson Properties City Bowl - Gardens

08/09/2023

Gasvryheidstudie-uitstappie groot pret!

Die graad 12-gasvryheidklas het 'n heerlike afsluitingsuitstappie na Stellenbosch geniet.

Die leerders het die geleentheid gehad om 'n wonderlike eet-ervaring by The Table @ da Maje Restaurant te geniet.
Hier is hul met 'n heerlike driegang-ete van hoogstaande gehalte bederf.

Nie net was die kos uitstekend nie, maar die Jan van Riebeeckers is met hartlikheid ontvang en het deurlopend net die beste diens ontvang.

Brandon, Leigh en die personeel het seker gemaak dat ons tevrede die pad huis toe kon aanpak.

Dankie ook aan al die leerders wat die dag so aangenaam gemaak het.

08/09/2023

Ons is baie trots en opgewonde om nou deel te wees van BOOST Advanced Procurement!

Op hierdie uitstekende webblad en platform kan jy alledaagse gebruiks- en skoolitems (van boeke en skryfbehoeftes tot sportskoene!) en ander spesiale produkte teen baie goedkoper pryse aankoop - en 5 tot 10% kontant word boonop aan JvR terugbetaal. Gratis aflewerings geld ook vir groter aankope.

Registreer NOU by https://boostprocurement.co.za en kies Hoërskool Jan van Riebeeck as jou voorkeurskool.

By voorbaat dankie aan die hele JvR-familie vir jul ondersteuning van hierdie deurlopende fondsinsamelingsinisiatief!

08/09/2023

Baie opwindende nuus!

Vanaf 1 Februarie 2024 kan ons Kaapse jongspan hier op ons pragtige kampus - met Tafelberg in die agtergrond - die wonderwêreld van kennis, interaksie en speel kom geniet.

RIEBEECK STOLKE bied met trots aan 1 tot 3-jariges in Afrikaans áls wat hul nou nodig het: die aanleer van belangrike vaardighede, verdere mooi ontwikkeling - maar bowenal liefde en omgee.

Kontak gerus vir Jana Rademeyer op 083 459 9965 om jou kind se plek te bespreek of om meer uit te vind oor dié besondere nuwe tuiste.

Nou kan álmal hul skoolloopbaan hier op die JvR-skoolgronde begin - én eindig!

Olke Bolke... Riebeeck Stolke!

08/09/2023

Matriekraadopleiding 2023/2024

Ons nuwe leiers het gister koppe bymekaargesit en die rol van 'n leier, die ware betekenis van leierskap en eienskappe van 'n goeie leier bespreek.

Portefeuljes is uitgepak en daar is begin met beplanning aan 'n splinternuwe termyn.

Ons benader leierskapontwikkeling by JvR op 'n praktiese manier, maar lê ook klem op die waarde van kennis en opleiding.

Ons nuwe leiers is kreatief en baie opgewonde om saam met hul maats en die hele skoolgemeenskap te bou aan ons skool se visie, etos en saam die trotse skoolgees-ervaring te beleef - soos nooit te vore nie!

Die leiers kon ook tussendeur die harde werk, lekker sosiaal verkeer. Vroeg vanoggend is hul Tafelberg uit en kon net weer daardie waardering ervaar van waar ons skool geleë is.

Dit was werklik 'n genotvolle; leersame ervaring!

06/09/2023

BAIE GELUK aan ons nuwe koshuishuiskomitees vir 2023/2024!

Huis Van der Merwe
1. Darren Cloete
2. Toby de Ruiter
3. Charlton Humphreys
3. Steven Motaung
4. Markus Smit (Primarius)

Huis Jordaan
1. Nichola Breytenbach
2.Lenique Isaacs
3. Ann Liebenberg
4. Teneascha Oncke
5. Amber Roberts (Primaria)

06/09/2023

BAIE GELUK aan ons nuwe VRL (Verteenwoordigende Raad van Leerders) vir 2023/2024!

Graad 9 (2024)
1. Helene Greeff
2. Albert Griesel
3. Cara Swanepoel
4. Owen Wiese

Graad 10 (2024)
1. Fredrich Erasmus
2. Mia Symington
3. Luca Zulch

Graad 11 (2024)
1. Anuran Bester
2. Stephan Griesel
3. Lara-Lisa Senekal

06/09/2023

BAIE GELUK aan ons nuwe Matriekraad vir 2023/2024!

1. Lisa Best
2. Danielle Brand
3. Daniella Coetzee
4. Darren Cloete
5. Toby de Ruiter
6. Layla Erasmus
7. Jospehina Hellman
8. Zazzie Henderson
9. Mienke Herbst
10. Peet Karsten
11. Steven Motaung
12. Amber Roberts
13. Liezel Snijders
14. Mari Swanepoel
15. Martin van Bergen

Foto's: Lukas Wasserman

03/09/2023

Eers is daar HARD gekonsentreer - die neutralisasie moet 'n eindpunt bereik en die indikator moet net-net van blou na smaraggroen verander - gevolg deur groot vreugde.

Goeie werk, graad 11's! (Julle lyk nogal oulik in jul laboratoriumjasse.)

03/09/2023

Ons is baie trots op ons Rotary-debatspan wat al die top Engelse skole uitstof om deur te dring na die FINAAL van dié prestige Engelse debatkompetisie vir Wes-Kaapse skole.

Ons span pak môreaand die gedugte span van Springfield met nog wennerargumente nadat hul vandeesweek Herzlia in die semi-finaal uitgeskakel het.

Ons hou vir jul duimvas, Jan van Riebeeckers - en is baie trots op jul groot prestasie!

03/09/2023

Baie geluk aan Mari en Cara Swanepoel wat beide 5de in hul ouderdomsgroep by die Paul Roos-bergfietsuitdaging op Stellenbosch geëindig het!

Ons is baie trots op jul!

03/09/2023

Puik nuus!

Ons senior rugbymanne neem die afgelope naweek aan die baie bekende Villagers 7's-toernooi deel en tree as wenners uit die stryd in die 'bowl'-finaal.

Dit is die 52ste jaar dat dié toernooi in Kaapstad aangebied word en 18 top-rugbyskole neem weer deel.

Ons klop vir Bishops 19-17 in die finaal!

Baie geluk, Manne en afrigter, CJ Velleman - ons is baie trots op jul!

02/09/2023

Hoërskool Jan van Riebeeck bied op Saterdag, 23 September 2023 die Plezier Markt by ons skool aan!

Die Plezier Markt gaan oor die viering van die verskillende kos en kulture binne die Kaapstad-stadskom.

Kom geniet 'n wye verskeidenheid van stalletjies en verskeie kosse op ons skoolterrein. Daar vind ook verskeie opvoerings gedurende die dag by ons nuwe amfiteater plaas.

Indien jy daarin belangstel om 'n stalletjie by die dag te hê, volg gerus die skakel vir inskrywings en meer inligting.
Ons verwelkom innoverende produkte vanuit ons gemeenskap. https://forms.gle/FT98V24AY46oq8DR8.

Sien jou daar!

02/09/2023

Puik nuus!

Baie geluk aan ons o.17-netbalspan wat vandag in die Top 3 eindig van die WP se Fast 5-netbaltoernooi!

Jan van Riebeeck dring nou deur na die Wes-Kaapse kampioenskappe wat volgende Saterdag in die Paarl aangebied word.

JvR wen HS Durbanville A 30-28
JvR wen HS Durbanville B 22-2
JvR wen Milnerton High 17-10
JvR wen Nomzamo High 31-15
JvR wen Fairmont High 21-19

Ons is baie trots op ons puik spelers en afrigter, René Venter!

Rawson Properties City Bowl - Gardens

02/09/2023

Baie geluk aan Scarlett van der Merwe wat vandag by die Wes-Kaapse Landloopkampioenskappe 'n derde plek én persoonlike-beste-tyd (15:53) loshardloop!

Sy is ingesluit in die Wes-Kaapspan wat nou in Gauteng aan die SA-kampioenskappe deelneem.

Ons is baie trots op jou, Scarlett!

02/09/2023

WOW Distrik-spelfees

Nege Jan van Riebeeckers het hul Afrikaans Huistaal-spelvernuf in die distrik gaan toets en hul baie goed van hul taak gekwyt.

Die uitslae lees soos volg:

Graad 8
Cara Swanepoel - Eerste
Helene Greeff - Tweede
Albert Griesel - Derde

Graad 9
Mia van den Berg - Eerste
Mia Symington - Tweede
Mia Fouché - Derde

Graad 10
Hanré Roos - Eerste

Ons is baie trots op ons leerders en sien daarna uit om hul vordering dop te hou.

Hul meet verder kragte op 9 September 2023 by Hoërskool Luckhoff in Stellenbosch, waar hulle aan die Wes-Kaapse provinsiale ronde sal deelneem.

Ons hou styf duimvas!

31/08/2023

Cambridge A2-Wiskunde en IGCSE-Wiskunde: Puik Junie 2023-uitslae!

Die Cambridge Wiskunde-eksamens word internasionaal erken. In Junie 2023 het ons vyfde groep hul Wiskunde A2-eksamens en Wiskunde IGCSE-eksamens afgelê.

Die groep se harde werk is beloon met puik resultate!

Ons spog graag met Hein Muller en Zaheer Marney in graad 10 wat beide 87% behaal het vir die IGCSE-Wiskunde-eksamen.

Gerard Snijders en Johann Jordaan het beide die A2-Wiskunde-eksamen geskryf en het hul baie goed van hul taak gekwyt: Johann behaal 87% en Gerard 81% - dit ook nadat hierdie leerders gedurende 2022 A+-simbole vir die AS-eksamens, wat in Junie 2022 afgelê is, behaal het.

Baie geluk - ons is baie trots op julle!