ChemChemDay

ChemChemDay

Contact information, map and directions, contact form, opening hours, services, ratings, photos, videos and announcements from ChemChemDay, Education, .

Operating as usual

Photos from ChemChemDay's post 10/09/2022

最新2022修訂版
筆記排版更精美,請彩色印製,內容更update!

教學影片火速製作中🔥,影片比舊嘅版本更精準,節奏更明快,再加上大量實用嘅實驗影片加以輔助解說,同學自然學得更加得心應手💪🏼

報讀課程傳送門

https://linktr.ee/chemchemday

07/02/2022

唉!又要停止面授上課,見唔到同學之餘,仲要被逼宅响屋企。但樂觀啲睇,其實只要你係一個主動性高嘅同學,在家學習,你係有絕對嘅優勢。唔需要舟車勞頓返學放學,如果你做好時間管理,多咗嘅時間可以瞓個晏覺之餘,仲可以多咗時間溫吓書,甚或是超前學習。為咗响呢個艱難時期鼓勵大家,chemchemday 決定將所有 chemanimax,全港唯一嘅chemistry動畫教學短片免費重新上載到 YouTube 嘅 chemchemday channel 畀大家睇。希望大家可以响 2022,學得更容易!
大家快啲 subscribe chemchemday 嘅 YouTube channel 啦!

https://youtube.com/channel/UCrcZ79Jiib5P_eFB7255GEw

#免費補習 #化學 #教學影片 #在家學習

02/01/2022

埋嚟睇,埋來揀!
收得平,未必一定唔高汁😆

🌟識揀一定揀chemchemday 深度學習課程🌟

ChemChemDay 中四深度學習課程包含
- Microscopic World I
- Metals
- Acids and Bases
- Fossil fuels and carbon compounds

報讀傳送門👇🏻
https://www.coursez.com/winter-sir/

31/08/2021

眼見好多香港學生跟隨家人移民英倫,响香港嘅學校亦越來越多開始雙軌行車 (IAL / DSE 或者 IB / DSE),亦有學生打算一溫兩考, 响香港考 DSE 之餘亦考埋 international A-level,以提高自己入到英國頂尖大學嘅機會。雖然 IAL 有部份內容跟 DSE 好相似,但亦有部份內容 DSE 係冇函蓋到。如果出去補習,一來選擇唔多,二來學費亦不菲,三來亦好浪費時間。

希望呢啲影片可以幫到有需要嘅香港學生。💪🏼💪🏼

https://youtube.com/playlist?list=PL_bc2HFWQ6mQXacAscJ8iZIWtGp_PRmen

CourseZ | Redefine Courses Online | CourseZ | Redefine Courses Online 02/08/2021

無論你係中三嘅學生,將會升中四選修 Chemistry,想响今個暑假俾人快一步學好中四將會學嘅 topics;

又或者你係中四升中五學生,但係派咗成績表之後,發現自己原來仲有好大進步空間;

又或者你係準備考 2022 DSE 嘅準考生,要响呢個暑假溫返中四學過嘅 topics 再加上要準備好中六要學嘅 elective topics,

ChemChemDay 嘅深度學習網上課程,絕對係你一個好好嘅選擇。

只需要一個月嘅補習費,課程就已經可以俾你睇到考完DSE,仲要係隨時隨地無限次任睇。學習成效絕對唔會比限時限刻限地點嘅補習低 。

中四課程
Microscopic world I
Metals
Acids and bases
Fossil fuels and carbon compounds

https://www.coursez.com/courses/中四課程:chem-深度學習系列組合/

中五課程
Microscopic world II
Redox reactions, chemical cells and electrolysis
Chemical reactions and energy
Rate of reaction
Chemical equilibrium
Chemistry of carbon compounds
Patterns in the chemical world

https://www.coursez.com/courses/中五課程:chem-深度學習系列組合(附送實體筆記)/

中六課程
Industrial chemistry
Analytical chemistry

https://www.coursez.com/courses/中六課程:chem-深度學習系列組合(附送實體筆記)/

(所有深度學習課程均附有全彩色實體筆記一本)

停電救星精讀課程(全DSE課程)

https://www.coursez.com/courses/chemchemday-chem-bundle-2/

CourseZ | Redefine Courses Online | CourseZ | Redefine Courses Online CourseZ 是一個多元網上學習平台,提供全面的 DSE、中小學補習及成人進修課程。用戶足不出戶就可全日無間斷享用高質素線上學習服務。立即註冊,免費體驗線上學習,選擇最適合你的課程,走上成功之路!

18/07/2021

眼見越嚟越多學校開辦 IAL 課程可以俾學生作為 DSE 以外嘅另一個選擇。但係一睇個 iAL 嘅 specification (syllabus),原來都唔少嘢喎。有人話, 2018年改咗 syllabus 之後比之前深咗好多。我都認同,真係唔容易。而坊間上,如果要補 iAL,收費一啲都唔便宜。小組都要閒閒哋都要四五佰蚊收費。而外國網上課程,仲誇張,要成三四萬蚊😱。咁啱,我外甥女都要讀iAL chemistry,咁就索性試吓自己做份筆記,拍埋片俾大家參考一下。希望幫到大家。

https://youtube.com/playlist?list=PL_bc2HFWQ6mQXacAscJ8iZIWtGp_PRmen

www.youtube.com

29/06/2021

暑假限定🎉🎉

無錯!暑假期間,大家可以响呢度Chemchemday 新設嘅 telegram 頻道問問題,不過就冇得揀$380問 50題,定係$680月費無限問,因為只有一個 plan ,就係免費 plan!
而答你問題嘅導師亦都冇得揀,因為呢度只一個「碩士🤮」級,有超過廿年真正教學經驗嘅導師幫你。你無須撞彩,遇到一個真係可以幫到你的導師,因為 Winter Sir 一定可以幫到你。
Tag 你兩個好朋友拍住一齊上,inbox 我,我就會話俾你知點樣入嚟。名額有限,快啲行動啦!👊🏼👊🏼

10/06/2021

大家絕對有自由選擇你點樣過你嘅Summer。Hea過白過都係你自由意志嘅選擇。
雖然我都有Summer放,而且仲係有人工添,但我選擇用我嘅summer 投資係我嘅將來。因為我知道,環境與惡劣,越要自強面對。

你哋要知道,同一個決定,唔同時間做,後果可以好唔同。適當嘅時候做適當嘅決定,永遠係一門必學嘅功課。

如果我係你哋,我一定會好好利用呢個 summer,將中四所學嘅嘢重新溫一次。因為如果你唔咁做,中六你一定冇時間俾你可以你溫故又知新!

調校,係要改變,係要刻意將你嘅生活習慣改變。係要令你從安舒區跳出嚟,因為要跳出安舒區先會有突破。

https://www.coursez.com/winter-sir/?gid=52

02/05/2021

🐑🐑致中三迷途小羔羊🐑🐑

就嚟到學期尾,部分中三嘅同學仔都可能已經揀定咗高中想讀嘅選修科目,亦都可能有部份嘅同學,仲喺度心大心細緊。本來已經決定咗讀 chem,心諗,每年都咁多人讀,跟大隊諗住冇死錯人啦。
但係又聽啲師兄師姐講,呢科好伏㗎!話讀咗之後先知到上錯賊船,每年都好多人搶住 drop。當然啦,意見係免費嘅,包括我講嘅呢啲都係,最終做決定嘅都係要靠自己。所以人哋嘅意見你要聽,但人家嘅意見又未必真正適合你,所以一定要自己諗清楚,畢竟揀咗之後,起碼有三年都要朝夕相對。
我响一間英中教咗廿幾年書,做咗科主任都十幾年,俾我摧殘過嘅學生都超過 4 位數字,佢哋所遇到嘅困難,我都會略知一二。希望可以我所知嘅可以幫到大家做個聰明嘅決定。

㊙️點解咁多人覺得 chem 係頭號中伏科?
首先講吓 DSE chemistry 嘅課程設計係點。成科分成三部份,compulsory part 一共有 12 課,佔成科嘅 60%。而 elective
part 就有 3 個 topics 揀 2 個考,佔成科嘅 20%。最後校本評核SBA 佔整科嘅 20%。
人比人就比死人啫,但科比科,响揀科之前點都要做吓。人家話貨比三家,咁我哋就比較一下理科三寶,phy chem bio 有啲乜嘢分別。Phys 嘅課程,就有 5 課compulsory part 加 4 揀 2 嘅 elective part,再加 SBA。而 bio 嘅課程,就有 6 課 compulsory part ,同埋 4 揀 2 嘅 elective part,再加 SBA。
淨係睇吓三寶嘅 compulsory part topics 嘅數目,chem 呢科簡值係完勝!咁多個 topic 又代表乜呢?未就係要學嘅嘢比較闊囉!而且有別於其他兩科,例如 phy 咁,如果你唔熟 force and motion 呢課,係未必會影響到你對 wave and motion 呢一課
嘅理解。又例如 bio 咁,你唔熟 genetics 又未必影響到你對 organism and environment 嘅理解。但係 chem 呢,如果你响 microscopic world I 嗰課,背唔熟 compounds 嘅 chemical formulae,咁你响 metals 嗰課,就會 balance 唔到 chemical equation,咁自然你就計唔到有關 mole 嘅數。如果唔識計 mole 數,咁你就唔冼旨意可以响 acids and bases 嗰課,識得計 titration 同 chemical equilibrium 嘅數。我想講,响 phy 同 bio 呢兩科,如果你想响咁多個 topics 裡面重點揀兩三個 topics 嚟讀都有可能搏到合格,但响 chem 呢一科死亡之科呢,基本上係 mission impossible,因為每一個 topics 其實都環環相扣。每年其實都有同學諗住用呢個笨策略去應付 DSE,去到最尾呢?都會「磷P鉀K」收場,直頭想放棄佢嘅化學人生,唔想再响呢科努力。而且chem 係集合咗 phy 同 bio 嘅特性於一身,因為 chem 好似
physics 咁係要計數,但又要好似 bio 咁要明 concept,仲要用大量文字去作答。所以我覺得 chem 係真心難讀。如果你覺得你係一個未練精就會學懶、冇恆心、好容易就會放棄嘅人嘅話,我勸你都係諗清諗楚先揀,唔好因為多人揀你就揀。但當然,chem 話雖難讀,但考生都表現都唔錯,每年都有超過一半嘅考生攞到 4 或以上,即係大概攞到 60% 以上嘅分數。所以只要你肯努力一點、主動一點,其實都應該可以 handle 得到。
🧪🧪🧪🧪🧪🧪🧪🧪🧪🧪🧪🧪🧪

㊙️明知係伏,但點解仲有咁多人中個頭埋去?
既然咁難讀,但又點會有咁多人揀呢? 根據考評局嘅統計數字, 2021 年,全港最多人報讀嘅報考課目係 bio, 一共有 13115 人報考,緊隨其後嘅就係 chem,一共有 12389 人報考。我一直認為,一個好嘅選擇,應該係可以令我哋之後會有更多嘅選擇。除非你已經一早諗好哂你未來嘅路係點樣行。但係,你只係一個 15 歲嘅小朋友,又點會諗到咁長遠吖!所以點解咁
多人揀 chem 同 physics 呢?就正正因為,高中修讀 chem 同physics,响大學揀科嘅時候,可以話係宇宙無敵,因為基本上,你乜科都可以揀,包括你冇讀過嘅文學院同商學院嘅學科,例如 history 同 econ。但掉返轉,如果你冇修讀 chem 呢,你就唔可以响大學揀醫科同埋藥劑。所以如果你仲未有頭緒你未來條路點樣行嘅話呢,修讀 chem 應該係一個幾好嘅選擇。

🚀最重要嘅係,除咗學校嘅支援之外,ChemChemDay 亦都係大家嘅一個堅實嘅後盾。希望不久嘅將來,Chemchemday 能夠同你地並肩同行,齊上齊落!Fighting

Photos from ChemChemDay's post 27/04/2021

感恩能與你們同行,能夠在你們需要幫助的時候給予支援。
希望未來,大家都能夠有能力,去幫助身邊的人。
餘下的科目,大家繼續撐住呀💪🏼💪🏼

Photos from ChemChemDay's post 22/03/2021

仔女覺得化學科好難讀,好想幫佢哋又唔知點幫?

♦️終極停電救星筆記 hard copy 終於面世♦️

結集所有停電救星課程筆記,由 Microscopic word I 到 electives 嘅 Industrial chemistry 同 analytical chemistry,一共277頁,頁頁都係精華。

只需24小時,就可以將3年所學嘅精華,濃縮吸收。

📌📌📌📌📌📌📌📌📌📌

終極停電救星課程已在courseZ 上架。一個課程三年任睇,所以真係早買早享受,就越着數。

📍📍📍📍📍📍📍📍📍📍📍

停電救星系列,係為幫助同學應付考試而設計嘅精讀課程。
每個停電救星系列嘅課程都會响一、兩個鐘頭𥚃面,超濃縮將每個 topic 嘅重點講解一次。了解咗每個重點之後,都會用一啲貼近 DSE past paper 嘅習題俾同學即學即用。透過習題,同學可以提升答題技巧之餘,亦都可以知道評分準則。對於考到好成績,絕對會好有幫助。

報名傳送門🚪
https://www.coursez.com/courses/chemchemday-chem-bundle-2/

02/03/2021

剩返幾個星期就要打大佬。响你備戰嘅期間,一定有好多問題想搵人幫你快速解決。只要你唔自私,tag 多2個同學仔入嚟,我就會無償邀請你入 Chemchemday 2021 DSEr 專區。到時只要你有乜問題,WhatsApp 俾我,我就會盡快盡量幫大家解決你嘅問題。仲要係完全免費。名額有限,立即行動!

https://www.coursez.com/winter-sir/?gid=52



Photos from ChemChemDay's post 31/01/2021

chemchemday 正式登陸 courseZ!
三個課程系列,共近40個課程,涵蓋整個 DSE 考核範圍。全港最整全的化學科網上課程。總有 一個啱你。
——————————————————-
Chemanimax 系列課程
全港首個針對 DSE 課程而設的動畫教學課程。內容精要,讓學生能在短短數分鐘的教學影片掌握課題最核心的概念。
——————————————————-
深度學習系列課程
課程附有一份以精簡文字撰寫,並附有大量infographics 圖畫的筆記。有效提升學生對於課題的理解。課程亦加上適量的例題和練習,能提升學生的答題技巧。有透徹的理解加上答題技巧,學生就能輕鬆應付考試。
——————————————————
停電救星系列課程
課程適合學生考試前作快速精讀之用。每個課
程都會在幾兩三小時內,超濃縮將每個課題的重點精要地講解。務求在短時間內將學生之前所學的概念從新整理。並以貼近 DSE 所考的例題提升學生的閱題能力、分析能力和答題能力。

👉🏼報名傳送門👈🏼
https://www.coursez.com/winter-sir/?gid=52

#補習 #網上補習

02/11/2020

中三同學專屬福利

完全免費

完整網上教學

https://youtube.com/playlist?list=PL_bc2HFWQ6mSD8DBM2StC2p7JhS-RhTbe

只要 like post 再 tag 兩個同學仔然後DM 我,我就會 send 份精美彩色筆記 pdf 俾你,一邊睇 video,一邊寫低啲重點,咁就事半功倍啦!💪🏼💪🏼

Free give away

Photos from ChemChemDay's post 02/11/2020

可能係香港學界最精美嘅chemistry note。

其實精美還是其次,最重要係讀者用心研讀。各位HKdser,加油💪🏼

https://www.kosmic.io/courses/277/

23/10/2020

臨近統測加上幾日長假期,停電救星精讀系列係幫你溫書嘅好幫手!
短短兩個鐘就可以幫你將成課嘅Concepts融會貫通。
加上用最常考嘅題型做例子,可以幫大家輕鬆將所學嘅concepts 具體化,靈活運用。

#臨急抱佛腳系列
#精讀班

[DSE Chem 深度學習] Chemical cells and redox reactions - YouTube 08/02/2019

有同學向我反映,就算睇完我簡化版教學 animation 之後,都好難將所學到嘅 concepts 扣入去 notes 𥚃面,所以當溫 notes 時就會感到困難⋯⋯😞。

為咗幫大家解決以上嘅學習困難,我唯有再努力尐,雙線發展,再做多一輯深度學習自學片。根據我精心編輯嘅全彩筆記,深入淺出再同大家一齊一次過KO晒所有要識嘅化學 concepts。

#仲洗乜嘥時間去補習
#補習天皇可以俾你話停就停咩
#你想你就課程定課程就你
#補親補習天皇就攞5**

https://www.youtube.com/playlist?list=PL_bc2HFWQ6mQ8LSv7w565ndb2DvHcFuZ7

[DSE Chem 深度學習] Chemical cells and redox reactions - YouTube

Photos from ChemChemDay's post 02/02/2019

咁樣嘅 infographic 碌屎好唔好呢?

又要用三粒鐘先攪得三頁🤮

31/01/2019

**免費 mock 卷 + 影片解說**

喂埋嚟睇,埋嚟㨂!
嚟緊考DSE 化學科嘅同學想唔想做多一份 mock 卷呢?
而且每一條問題都有一個QR code,嘟一嘟就可以睇到嗰題題解嘅 video。係唔係好jeng呢?

大家只需要 tag 兩個應屆Chemistry考生,share 呢個 post,响 comment 上留言 Chemchemday,我就會 inbox 份卷連答案俾大家!

記住
Chemistry a day, 5* is not far away!

Subscribe Chemchemday YouTube Channel 啦!𥚃面有好多高汁自學影片可以幫你响 study leave 作最後衝刺!

https://www.youtube.com/channel/UCrcZ79Jiib5P_eFB7255GEw

[DSE Chemistry] Metals: Reaction with acids 01/01/2018

https://youtu.be/9UjNRjTIU58

趕得切响2018年的第一日出片。
好的開始,祝自己ChemChemDay channel 業務蒸蒸日上,每日都有成mole成mole既新subscribers,不斷制作出高質素,內容豐富清楚既短片,可以幫到大家响DSE考到更好成績。可以令大家唔需要浪費大量時間去補習,留返多尐時間可以思考更重要既課題,學懂明辨是非,擴闊自己既眼界,了解更多社會發生既事情,多尐關心身邊既人。讓自己成為一個更好,更有能力既人,未來能夠為香港🇭🇰加油,守護我城!

祝願大家找到安身立命的能力!

[DSE Chemistry] Metals: Reaction with acids

02/10/2017
16/07/2017
16/07/2017
15/07/2017

當你响旺角、銅鑼灣、尖沙咀,甚至响全港大部份嘅九巴、新巴同城巴都見到各大補習社,各個所謂補習天皇都大賣廣告,你就知道响香港,教育業段一盤幾大嘅生意啦!而尐廣告費又响邊到嚟嘅呢?咁就要多謝各位總理囉!
之但係,山長水遠去到補習社,上一尐一對100、200,甚至去到只係望住個screen睇直播,對大家有幾大幫助呢?大家心中有數啦!可能你會話,補習天皇嘅學生有好多攞到5**喎。傻豬嚟嘅,唔通攞1甚至U嗰尐都同你講咩?不過叫得名師,都應該有料嘅,就好似名醫都係好有料㗎,但你有病去睇名醫,但睇完之後都唔會自已好番㗎。補完習唔去自已溫書,就好似睇完醫生唔食藥一樣,後果不堪切想!但係最大鑊係補習社係唔會就你,永遠同學校唔同步,補習社教緊嗰尐同學校教緊嗰尐Topic永遠都唔同。啊!媽呀!好亂呀,究竟我溫補習社教嗰尐定係學校教緊嗰尐呀?定係兩邊都溫呀?傻啦!星期一至日你都要去補習,邊到唧尐時間出嚟溫呀?
唔想咁樣,可以點樣呀?

15/07/2017

當你响旺角、銅鑼灣、尖沙咀,甚至响全港大部份嘅九巴、新巴同城巴都見到各大補習社,各個所謂嘅補習天皇都大賣廣告,你就知道响香港,教育業係一盤幾大嘅生意。而廣告費又响邊到嚟呢?未就要多謝各位總理囉!
之但係山長水遠去到補習社,上一尐一對100、200,甚至去到只係望住個Screen睇直播,對大家有幾大幫助呢,大家心中有數啦!可能你會話,補天皇嘅學生有好多攞到5**喎。傻豬嚟嘅,攞到1甚至U嗰尐唔統都同你講咩?不過叫得天皇梗係有料啦,就好似名醫都係好有料㗎,但你有病去睇名醫,睇完之後都唔會自已好番,除非你睇嗰個係耶穌啦!補完習唔去自已溫書,就好似睇完醫生唔食藥一樣,後果不堪切想!但係最大鑊係補習社係唔會就你,永遠教緊嗰尐同學校教緊嗰尐Topic都唔同,啊!好亂呀!究竟我溫補習社嗰尐定係學校教嗰尐呀?定係兩邊都溫晒?傻啦!星期一至日都要補習,邊有時間自已溫書呀!
唔係咁,可以點呀?

13/07/2017

連Oxiation number都唔識計就即係等如冇讀過Redox Reaction。之但係Oxidation number事實上又係好鬼玄,讀咗都未必識,咁就快尐埋黎睇埋黎揀啦,睇完包你明白點樣計oxidation number。

13/07/2017
Want your school to be the top-listed School/college?

Videos (show all)