Jurisprudence yessenov university

Yessenov University "Бизнес және құқық" факультеті "Құқықтану" кафедрасының оқытушысы Г.Б. Шахаева және 4 курс студенттерімен "Жемқорлыққа жол жоқ" тақырыбында шара өткізілді.
Шара барысында студенттер топқа бөлініп, өздерінің сыбай жемқорлыққа қарсы фактілері мен аргументтерін ортаға салып, пікірталас өткізді.
Шара мақсаты- сыбайлас жемқорлыққа қарсы күрес туралы заңдарды негізге ала отырып, құқықтық мағлұмат беру,білімдерін қалыптастыру; саяси өмірден хабардар жеке студенттің еркін сөйлеуіне, еліне, жеріне деген өз ой - пікірлерімен бөлісуге жағдай жасау.

Ағымдағы жылдың 26 желтоқсан күні “Құқықтану” кафедрасының ұйымдастыруымен 4- ші курс білім алушылары арасында “Абай жолы” романы-абайтанудың оқулығы” атты интеллектуалды сайыс өтті. Шара барысында сайысқа қатысушы студенттер Абай жолы романы, Ұлы Абайдың өмірі мен шығармашылығы туралы сұрақтарға жауап беріп жарысты.

12.12.2023 жылы Құқықтану БББ 3 курс студенттері топ аға кураторы Колдасов Берик Сериковичпен Ә. Кекілбайұлы атындағы Маңғыстау облыстық тарихи-өлкетану музейіне барды. . Студенттер өздерінің танымдық- тарихи сауаттарының кеңеюіне мұндай саяхаттардың әсері зор екенін жеткізді. Білім алушылар Тәуелсіз Қазақстан жетістіктерімен, Маңғыстау өлкеснің тарихына үңілді.

Академиялық адалдық кодексін, ішкі тәртіпті талқылауға арналған кураторлық сағатта «Академиялық адалдық кодексі», «Ішкі тәртіп ережесі» бойынша профессор ассистенті Кобегенова Г.Ж. «Құқықтану» кафедрасының 2 курс білім алушыларына жекелеген тараулар түсіндіріліп, университет тарихы, университеттің міндеттік тұғыры, бірлескен құндылықтар, бірлескен ұстанымдар, бірлескен мінез-құлықтың негізгі этикалық ұстанымдары, жұмыскерлердің міндеттері, ұжым мүшелерінің іскерлік этикеті, жетекші мен бағынышты арасындағы қарым-қатынастар, оқытушы әдебі, білім алушылар әдебі, жиналыстар мен кеңестер өткізу, телефон арқылы сөйлесу әдебі бойынша құжаттар таныстырды.

Yessenov University «Бизнес және құқық» факультеті «Құқықтану» мамандығының 2 курс студенттері аға оқытушы Г.Ж. Кобегенованың жетекшілік етуімен «Менің өмірімде қолданатын мақал-мәтелдер» жобасы аясында «Мақалдың астарлы мағынасы» атты кураторлық сағат өткізді.
Тәрбие сағаты кезінде студенттер позитивті және шабыттандыратын кеңістікті қамтамасыз ете алды, онда олар тек білім алып қана қоймай, сонымен бірге өздерінің әсерлері мен эмоцияларын халық арасында кең тараған мақал-мәтелдермен бөлісе отырып, қарым-қатынастан ләззат алды.
Шараның мақсаты салт дәстүрді сүйюге тәрбиелеу, мақал-мәтелдерді еске түсіру, мағынасын ашу.

«Тәуелсіздік ел тұғыры»

Yessenov University «Бизнес және құқық» факультеті «Құқықтану» кафедрасының аға оқытушы Г.Ж. Кобегенова «Құқықтану» БББ, «Құқық қорғау қызметі» БББ, «IТқұқық» білім беру бағдарламасының 2 курс студенттеріне «Тәуелсіздік ел тұғыры» атты тәлім сағатын өткізді.
Шараның мақсаты: білім алушыларға Тәуелсіздіктің мән-мағынасы мен маңызын түсіндіре отырып, олардың Отанға деген сүйіспеншілігін арттыру, өз елін, жерін қастерлейтін саналы да парасатты азамат етіп тәрбиелеу.

Білім алушылардың ойлау процесінде, танымдық қызмет, сыртқы әлеммен қарым-қатынас жасау арқылы зияткерлік және талдамалық ойлауын қалыптастыру мақсатына университет жанында ұйымдастырылған студенттік спорттық ұйымдар мен шығармашылық клубтардың рөлі туралы кураторлық сабақ өткізілді.
«Бизнес және құқық» факультеті «Құқықтану» кафедрасының 2 курс студенттері «Жайдарман», «Кемел», «Домбыра», «Жетіген», «Би», «Бейнелеу», «Ән» үйірмелерімен таныстырылды.

Yessenov University «Бизнес және құқық» факультеті «Құқықтану» кафедрасының 2 курс студенттері Маңғыстау облысы Мәдениет басқармасы Н.Жантөрин атындағы облыстық музыкалық-драма театрына «Жаза» қойылым тамашалады. Театр актерлері керемет өнер көрсетіп, жастарды қазіргі өмір мәселелерінің шындығына шынайы көзқарастарын қалыптастыруға мәжбүр.
Шараның мақсаты: рухани-адамгершілік мәдениеті деңгейін арттыру және бос уақыттарын тиімді пайдалану.

2023 жылдың желтоқсан айында «Құқықтану» кафедрасының оқытушысы Колдасов Б.С. ұйымдастыруымен және "Құқықтану" БББ 3-курс қазақ тобы студенттерінің қатысуымен тәрбие және әлеуметтік жұмыс ұйымдастыру шараларының бірі ретінде топтарда ағымдағы үлгерім, сессияға дайындық мәселелері бойынша кураторлық сағаты өткізілді. Кураторлық сағат барысында студенттердің үлгерімдерін талқылап, бағыт бағдар берілді. Білім алушылар өздерінің емтиханға байланысты сұрақтарына жауап алды.

2023 жылдың 8 желтоқсан күні Yessenov University "Бизнес және құқық" факультеті "Құқықтану" кафедрасының оқытушысы Г.Б. Шахаева 4 курс білім алушыларына кураторлық сағатта Академиялық адалдық кодексі аясында білім алушының құқықтары мен міндеттерін талқылап, білім алушылардың емтихан барысында шпаргалкаларды,электронды заттар қолданбауын,ұялы телефон пайдаланбау керектігі, этикаға сай аудиторияда өзін - өзі ұстау туралы түсіндірме жұмысын жүргізді. Білім алушылар академиялық адалдықты сақтамағаны үшін жауапкершілік туралы білуі керек және студентке осы саясат аясында шаралар қолданылатыны айтылды. Аталған талаптарды бұзған білім алушыға бұзушылық актісі жасалады, содан кейін студент келу парағында шығарылу фактісін көрсете отырып, емтиханнан шығарылатыны ескертілді.