𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Vini banm bouste sèvo w
Nan Ti Kozri ak Dorasmé

La vie est une émergence il faut apprendre à émerger dans les situations difficiles.

Lè lavi sòti pou l baw defi se mete konfyans ou nan Bondye epi kite Bondye twoke kòn avèk li pou ou, gen detay kap pase nan viw se pa paske Bondye pa la non men se paske w pa bal misyon entèvni pou ou ki kòz wap soufri ladan'l toujou.

Banm diw pouvwa ki nan ou a sèlman paka fè tout bagay men lap bezwen yon enèji ki pou bouste l aprann kreye enpak yo nan bon moman , Gen moman ki mande fòk ou fè silans pou kite se Bondye kap pale.

Si'w nan yon relasyon Bondye pa baw okenn siy de li malgre lap mache swa byen ou mal pou l diw si'w byen asire ak mal asire ou dwe kontinye pale ansanm avèk li, paske se li ki konn bay flash lè sitiyasyon yo depase nou menm lòm, raple w Bondye ap pi vit pale ak gason an avan paske se li l konnen kòm chèf fanmi an.

Sispann apiye sou moun ki bò kote w la, apiye sou Bondye epi kale zye w kite Bondye moutre w sou kiyès pou apiye si'w evite pran echèk ou devan.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Si'w pap ka la pou li nan move tan pa fèl kwè nan ou nan bon tan ke wap toujou la pou li.

Youn nan espas la vi rezève pou nou chak pou n dekouvri kiyès ki renmen nou tout bon c'est le temps. Se avèk tan wap vin konn eske w byen chita ak si'w mal asire.

Pa eseye chame l ak bèl atansyon avèk yon vizaj mouton 🐑 pou l livre w tout li menm pandan w konnen ou pral abandone nan mitan fènwa san l pa gen flash nan men l.

NB : Gen moun kap diw Je t'aime nan telefòn dèyè ekran Lal griyen dan sou ou nan baz li, e li konnen konbyen li pa bezwen w vre men li jis pran tèt ou, chavire lòlòj ou jis paske l te yon moun ki blese deja li vin tire revanch, domaj ou te bezwen sa ou pat konn si se plan sa li te genyen pou ou, ou te livre tout ou menm bay yon Lyon 🦁 kap tann chamo pou l devore.

Fè atansyon ak moun nan renmen san nou pa konn kiyès li ye tout bon.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Banm ajoute yon ti bemòl nan kèk relasyon isit la kap mache bwate jis pou ti detay sa yo fè lòt moun prèske pran moun ki renmen w anpil la nan menw.

Pa okipe pèsòn kap rele w egare paske wap trete yon moun ou renmen byen, ou fèl viv sa lòt moun pap janm ka fèl viv, ou kreye listwa paw nan vil e nan panse l, pran swen moun ou renmen ak trete l byen pa yon feblès se yon siy ki devwale moun nan nan ki nivo ou renmen l.

Detay sa yo fè anpil lòt gason jwe gwo wòl Jènjan sou nou, paske nou manke nan responsabilite nou yo, nou pa bay atansyon yo lè pou n bay yo, nou toujou ap repouse bezwen ak dezi moun nan, nou pap chita dyaloge avèk li panse nou se pi gwo matcho men an reyalite se pa vre.

Depi l renmen w lap rele w vini chita pou n pale sou sa kap pase yo, lap prè pou l tande w, lap anvi pataje avi yo ansanm e lap diw men tout sal vle men ki feblès ou genyen men sa ki fèl atire pa lòt moun, e depi l ka avwe w verite sa yo ki se bagay pèsonèl se paske l renmen w li pata swete pèdi w.

Pran swen moun ki nan vi nou e bal atansyon konsa , mwen pa diw wap gen pi bon relasyon an men mennaj ou ka konprann ou ou vit nan kèk bagay ki ta dwe fèt.

Se te jis yon konsèy pa yon obligasyon



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Si'w gen 2 nèg kap fè tèt ou cho kòm Fanm e ou wè tou 2 vle nan viw, malgre chwa yo ka difisil men aprè w fin li tèks sa wap konprann avèk anpil fasilite meyè chwa a nan 2 moun yo.

Premye chwa

Moun ou renmen nan yo 2 a ka pa renmen w jan w renmen l lan, e li ka pa gen ase elegans pou l trete w byen, fèw viv moman ou tap reve yo, saw te swete viv yo, se vre li chita nan lespri w men raple w avni w pi enpòtan ke moso lanmou ou ka resanti pou yon moun, e sak kòz ou renmen moun nan plis se abitid nou devlope nan kominikasyon yo otomatikman nou redui sou kominikasyon nou nap wè lanmou an vle disparèt. Premye chwa a parèt trè nyanse e li nan enterè moun ou renmen an pa nan enterè paw paske se ou ki renmen l.

Dezyèm chwa

Moun ki vle w la kapab se ou ki renmen w tout bon an, moun ki vle fèw viv alèz la, swete wè bonè ak souri sou lèv ou a, moun sa fasil prè pou fè nenpòt sakrifis pou ou paske l vle w, li bezwen w, anndan tout sa yo lap respekte w lap trete w byen lap rann ou Heureuse nan tout viv.

NB : Pami 2 chwa sa yo ou dwe kapab chwazi moun kap trete w byen an nan plas moun ou renmen an....le temps est défini sur l'avenir.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Pwovèb la di "Dim kiyès ou frekante map diw kiyès ou ye"

Rezo a laj se vre menm jan li gen bon moun li chaje ak move moun tou, gen sa ki gen misyon pou detwi karaktè lòt moun, detwi diyite ak fè parèt sal vizaj yon lòt moun.

Tout moun pa gen menm objektif sou rezo sosyal yo se sak fè yo san limit, men ou menm ou dwe bay tèt ou limit sou yo, Mwen pap janm konseye yon moun swa renmen sou rezo, pale vi prive ak yon moun ou pa konnen sou rezo, damou sou rezo, e pran manti nan men yon moun sou rezo sosyal istwa sa ka fini trè mal antre nou 2.

Moun rezo sosyal moun yo ki gen pasyans, yo toujou diw san ou yo paka viv, pafwa yap karese swa mari oubyen Madanm yo epi ou menm yap baw manti diw yo pa ka viv san ou, yap fou pou ou, e yo sou moun e yo awogan yo rele w lè yo vle e jan yo vle nan telefòn paske l konnen li gen yon misyon pou ou men w pa Konnen.

Pafwa Medam yo konn al wè foto n**e yo nan Haitian Pie oubyen Mesye yo wè yap avili yo sou rezo a kòm vòlè oubyen moun ki pa okipe pitit yo.

Antouka pridan ak rankont rezo sosyal nou yo.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Ou ka wè pitit moun yo bèl sou katye a sevre, li anfòm li byen kanpe e byen abiye ou menm santi rad sou li baw feeling, toujou sonje li pa nan laj ou, toujou sonje li pa nan ran w.

An 2024 e menm ane avan yo fenomèn sa devlope an Ayiti anpil, kote anpil timoun ap sibi zak vyolans domestik seksyèl, ki neglije swa pa otorite yo ou òganizasyon yo, anpil Gwo granmoun pran plezi nan abize timoun yo, jwe nan tèt yo, antre nan relasyon seksyèl ak yo.

Anpil fwa laj foli timoun yo fè yo panse yo tou pare e yo prè pou tout bagay, men an reyalite se yon sòt de pwovokasyon seksyèl li pou ou menm ki pa ka mezire sansasyon w. Li enpòtan pou w bouche zye w sou sa kap pase sinon ou riske pran nan gwo cho.

Ou gen moun ki laj ou, nivo w, kap tann ou, sispann jwe nan tèt timoun yo pou n kapab abize yo seksyèlman, paran yo dwe pran angajman yo anvè timoun yo, pa gen kesyon se mond lan kap fini, pa gen kesyon tout se menm, se nou ki pou veye sou yo.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Olye wap chache anpil zanmi ak relasyon chache chimen lajan pito , bagay sa yo gen pou vini san fòse depi w gen lajan. Sam diw la mwen konnen l.

Gen imilyasyon ou pran se paske w pa gen lajan wi ki fèw pran l, Gen yon relasyon ou ladan'l se paske l pa gen lajan wi ki fèl kraze.

Pran yon ti tan reflechi sou tèt ou, epi pran bon desizyon yo, pou w bouske lajan mete nan pòch ou tande....Map pale ak ni Fanm ni Gason.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Ou dwe kapab rann moun plis rekonesans ke engratitid jis pou evite bouche tou yon lòt moun ki pral nen nesesite menm jan avèw.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Ou dwe toujou disponib pou moun ki te konn sipòte w nan moman difisil ou yo, lè lavi te konn baw frap, lè lavi te sòti pou l trayi w.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Ou dwe kapab byen gade moun ki avèk ou pandan w cheni wap trennen an, pou lèw vin devni papiyon pou konn sou kiyès pou repoze.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Gen moun kap chache repoze sou zepòl ou pandan lespri l ap swete nanm ou repoze nan yon tonbo, Aaah la vi sa fòkè.

NB : Aprann konn kiyès ki vle w pou w ka vle l an retou, Si yon Malfektè abiye ak yon vès epi li pran yon bib kenbe wap fasil rele l pastè paske l bouye lespri w avèk yon aparans zye w te swete wè. Antouka



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

𝐋𝐢 𝐩𝐚𝐩 𝐟𝐚𝐬𝐢𝐥 𝐝𝐢𝐰 𝐚𝐧𝐧 𝐚𝐫𝐚𝐧𝐣𝐞 𝐬𝐚 𝐥è𝐰 𝐯𝐥𝐞 𝐚𝐥𝐞 𝐬𝐢𝐥 𝐩𝐚 𝐫𝐞𝐧𝐦𝐞𝐧 𝐰, 𝐩𝐚𝐬𝐤𝐞 𝐠𝐞𝐧 𝐩𝐚𝐰ò𝐥 𝐤𝐢 𝐩𝐚𝐤𝐚 𝐝𝐢 𝐩𝐨𝐮 𝐛𝐥𝐚𝐠. 𝐌𝐞𝐧 𝐭𝐨𝐮𝐭 𝐟𝐰𝐚 𝐥 𝐩𝐚 𝐫𝐞𝐧𝐦𝐞𝐧 𝐰 𝐯𝐫𝐞 𝐥è𝐰 𝐝𝐢𝐥 𝐨𝐮 𝐤𝐫𝐚𝐳𝐞 𝐬𝐚 𝐬𝐞 𝐟è𝐭 𝐚𝐤 𝐞𝐥ò𝐣 𝐥𝐚𝐩 𝐟è 𝐧𝐚𝐧 𝐛𝐚𝐳 𝐥𝐢, 𝐬𝐚 𝐯𝐥𝐞 𝐝𝐢 𝐝𝐞𝐬𝐢𝐳𝐲𝐨𝐧 𝐬𝐚 𝐬𝐚𝐧 𝐞𝐟è 𝐬𝐨𝐮 𝐥𝐢.

𝕃𝕚 𝕖𝕟𝕡ò𝕥𝕒𝕟 𝕡𝕠𝕦 𝕨 𝕡𝕣𝕒𝕟 𝕪𝕠𝕟 𝕞𝕠𝕦𝕟 𝕜𝕒𝕡 𝕡è 𝕡è𝕕𝕚 𝕨, 𝕪𝕠𝕟 𝕞𝕠𝕦𝕟 𝕜𝕚 𝕡𝕒𝕡 𝕛𝕒𝕟𝕞 𝕡𝕣è 𝕡𝕠𝕦 𝕝 𝕤𝕖𝕡𝕒𝕣𝕖 𝕒𝕧è𝕨, 𝕪𝕠𝕟 𝕞𝕠𝕦𝕟 𝕜𝕚 𝕣𝕖𝕟𝕞𝕖𝕟 𝕨 𝕟𝕒𝕟 𝕥𝕠𝕦𝕥 𝕟𝕚𝕧𝕠 𝕧𝕣è𝕞𝕒𝕟, 𝕪𝕠𝕟 𝕞𝕠𝕦𝕟 𝕜𝕚 𝕡𝕣è 𝕡𝕠𝕦 𝕗è 𝕥𝕠𝕦𝕥 𝕤𝕒𝕜𝕣𝕚𝕗𝕚𝕤 𝕡𝕠𝕤𝕚𝕓 𝕡𝕠𝕦 𝕠𝕦 𝕒𝕜 𝕣𝕖𝕝𝕒𝕤𝕪𝕠𝕟 𝕒𝕟, 𝕞𝕖𝕟 𝕞𝕠𝕦𝕟 𝕤𝕒 𝕪𝕠 𝕡𝕒 𝕗𝕒𝕤𝕚𝕝, 𝕞𝕠𝕦𝕟 𝕜𝕒𝕡 𝕕𝕚 𝕤𝕖 𝕡𝕒𝕤𝕜𝕖 𝕞 𝕣𝕖𝕟𝕞𝕖𝕟 𝕨 𝕞𝕨𝕖𝕟 𝕡𝕒𝕥𝕒 𝕤𝕨𝕖𝕥𝕖 𝕨 𝕒𝕝𝕖, 𝕞𝕨𝕖𝕟 𝕧𝕝𝕖 𝕣𝕖𝕪𝕒𝕝𝕚𝕫𝕖 𝕣è𝕧 𝕞𝕨𝕖𝕟 𝕪𝕠 𝕒𝕧è𝕨. 𝕎𝕒𝕡 𝕤𝕒 𝕡𝕒 𝕗𝕒𝕤𝕚𝕝 𝕖 𝕝è𝕨 𝕛𝕨𝕖𝕟𝕟 𝕝𝕚 𝕒𝕟 𝕨𝕒𝕡 𝕨è𝕝 𝕔𝕙𝕒𝕛𝕖 𝕒𝕜 𝕕𝕖𝕗𝕠 𝕤𝕚'𝕨 𝕡𝕒 𝕘𝕖𝕟 𝕓𝕠𝕟 𝕖𝕟𝕥è𝕝𝕚𝕛𝕒𝕟𝕤 𝕠𝕦 𝕜𝕒 𝕤𝕖𝕡𝕒𝕣𝕖 𝕒𝕧è𝕜 𝕝𝕚 𝕡𝕠𝕦𝕥𝕒𝕟 𝕤𝕖 𝕥𝕖 𝕝𝕚 𝕜𝕚 𝕞𝕠𝕦𝕟 𝕡𝕒𝕨 𝕝𝕒.

NB : Jwenn yon moun ki pè pèdi w pa fasil men yo egziste ou jis ka poko jwenn moun sa.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Maten an pandan mwen rive nan yon zòn, map pale ak yon pèsonaj 75 ane, epi li di Pitit mwen map kite w avèk grenn pawòl sa.

Mwen dil kisa l ye la ?

𝐋𝐢 𝐝𝐢𝐦

Epi m di banm pataje pawòl sa isit la ak moun nou yo, li dim nan lavi pa janm bat pou m an afè ak yon moun swa ki renmen Mari l ou Madan l li anpil, pou m panse m ka foure kòm nan relasyon sa pou m kraze l, li di menm anba Tè zonbi m gen pou pase move moman.

Li dim sonje sam diw yo konsa wap gen ase konesans pou enstwi moun kap swiv ou yo, sou bèl platfòm sa ou genyen an.

NB : bouch granmoun santi men pawòl nan bouch li pa santi, mwen swete w konprann.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Manyen fè tèt ou rare gen moun se moman sa li pral konn enpòtans ou. Bon Dimanch 🌹

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Li ka ap baw dandi se jis paske nan moman l bezwen w ou neglije l pandan l renmen w li pa ta swete ranplase w.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Li kapab jwenn lòt moun kap ofri l opòtinite, li refize kòz li ta renmen se nan men w li resevwa sa yo jamè yon lòt.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Li ka ap bay yon lòt atansyon se jis li vle w fè jalouzi pou w rele l chita pale, kòz li ta renmen w chanje ansanm avèk li pou w trete l pi byen.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Li ka grangou men yon moun ki ap file l mande l sil manje li di wi, jis paske li pa vle moun sa konn feblès relasyon li.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Ou mèt fè saw vle gen moun ki pap dakò pèdi w, si se pye pou l foure nan dife 🔥 pou l genyen w e fèw rete la lap fèl, kòz li renmen w anpil.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Se pa paske l renmen w pou wap maltrete l, ni fèl pase mizè, moun ki renmen w pa ale fasil li plis kwè nan chanjman w, li plis vle frete w olye li abandone w.

𝓔𝓼𝓴𝓮 𝔀 𝓽𝓮 𝓴𝓸𝓷𝓷𝓮𝓷 ?

Li ka ap pran lajan nan men w, baw bèl atansyon men an reyalite li pa renmen w tout bon vre, li pa rete sou ou vre, se jis yon moman lap pwofite.

NB : 𝐍𝐚𝐧 𝐭𝐨𝐮𝐭 𝐬𝐚 𝐲𝐨 𝐤𝐢𝐬𝐚 𝐰 𝐩𝐨𝐭𝐤𝐨 𝐤𝐨𝐧𝐧𝐞𝐧 𝐝𝐞𝐣𝐚, 𝐞 𝐧𝐚𝐧 𝐤𝐢 𝐩𝐚𝐭𝐢 𝐫𝐞𝐥𝐚𝐬𝐲𝐨𝐧 𝐰 𝐥𝐚𝐧 𝐲𝐞 ?



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Gen kote yon moun vle antre se kite l antre malgre li ta diw sa, paske si'w ta dil kote lap antre a pa bon pou li lap rayi w, lap ènmi w, li ka menm panse se egri w egri de sal pral jwi kòm privilèj, li ka panse w pa vle wè l reyisi.

Kite l fin antre ale gade sak gen anndan an lèl wè se pa anyen serye la fè bak pou kont li pou l tounen, konsa la va diw te gen rezon, se li ki pat ka konprann ou.

Bonjour et bonne journée



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

𝐄𝐜𝐡è𝐤 𝐨𝐮 𝐩𝐚 𝐝𝐞𝐩𝐚𝐧𝐧 𝐝𝐞 𝐅𝐚𝐧𝐦𝐢 𝐰 𝐥𝐢 𝐝𝐞𝐩𝐚𝐧𝐧 𝐝𝐞 𝐨𝐮. 𝐌𝐞𝐧 𝐛𝐚𝐧𝐦 𝐝𝐢𝐰 𝐲𝐨𝐧 𝐛𝐚𝐠𝐚𝐲, 𝐅𝐚𝐧𝐦𝐢 𝐰 𝐤𝐚 𝐫𝐚𝐲𝐢 𝐰 𝐰𝐢 𝐨𝐮 𝐭𝐞 𝐤𝐨𝐧𝐧 𝐬𝐚 ?

𝐋è𝐥 𝐰è 𝐥𝐢 𝐩𝐚𝐬𝐞 𝐭𝐨𝐮𝐭 𝐯𝐢𝐯 𝐧𝐚𝐧 𝐞𝐬𝐞𝐲𝐞 𝐲𝐨𝐧 𝐬è𝐥 𝐩𝐰𝐨𝐬𝐞𝐬𝐢𝐬 𝐞𝐩𝐢 𝐥 𝐩𝐚𝐤𝐚 𝐛𝐚𝐲 𝐫𝐞𝐳𝐢𝐥𝐭𝐚 𝐥𝐚𝐝𝐚𝐧'𝐥, 𝐨𝐮 𝐦𝐞𝐧𝐦 𝐨𝐮 𝐣𝐢𝐬 𝐟è𝐥 𝐩𝐨𝐮 𝐩𝐫𝐞𝐦𝐲𝐞 𝐟𝐰𝐚 𝐰 𝐫𝐞𝐲𝐢𝐬𝐢 𝐨𝐮 𝐩𝐚𝐧𝐬𝐞 𝐬𝐚 𝐚𝐩 𝐟è𝐥 𝐛𝐲𝐞𝐧 ?

𝐁𝐚𝐧𝐦 𝐝𝐢𝐰 𝐲𝐨𝐧 𝐛𝐚𝐠𝐚𝐲 𝐬𝐢'𝐰 𝐯𝐥𝐞 𝐤𝐰è, t𝐢 𝐠𝐰𝐨𝐮𝐩 𝐤𝐢 𝐭𝐚 𝐫𝐞𝐧𝐦𝐞𝐧 𝐰 𝐫𝐞𝐲𝐢𝐬𝐢 𝐭𝐨𝐮𝐭 𝐛𝐨𝐧 𝐚𝐤 𝐊è 𝐲𝐨 𝐚, 𝐲𝐨 𝐩𝐚 𝐚𝐧𝐩𝐢𝐥 𝐧𝐨𝐧, 𝐥𝐚𝐩 𝐟𝐚𝐬𝐢𝐥 𝐩𝐨𝐮 𝐰 𝐠𝐞𝐧 𝐩𝐥𝐢𝐬 𝐞𝐧𝐩𝐚𝐯 𝐤𝐢 𝐭𝐚 𝐫𝐞𝐧𝐦𝐞𝐧 𝐰 𝐞𝐜𝐡𝐰𝐞 𝐤e 𝐦𝐨𝐮𝐧 𝐤𝐢 𝐭𝐚 𝐬𝐰𝐞𝐭𝐞 𝐰 𝐫𝐞𝐲𝐢𝐬𝐢 𝐭𝐨𝐮𝐭 𝐛𝐨𝐧 𝐯𝐫𝐞 𝐰𝐢.

𝐀𝐧𝐭𝐨𝐮𝐤𝐚 𝐬𝐨𝐧𝐣𝐞 𝐧𝐨𝐮 𝐝𝐢𝐰 𝐌𝐞𝐧𝐦 𝐌𝐚𝐧𝐦𝐚𝐧 𝐰 𝐤𝐚 𝐬𝐰𝐞𝐭𝐞 𝐞𝐜𝐡è𝐤 𝐨𝐮.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Ou pa bezwen tèlman etone lèw wè se menm bouch ki te konn ap diw bon moun nan, kap fè dyòlè pou ou a, kap temwanye kiyès ou a, kap defann ou tout kote a, Jounen jodiya kap lapide w tout kote san rezon fè moun pran w pou sa w pa ye.

Nan Politik moun ka diw bon leader jodiya paske l bal yon koulwa pou l s***e zo, paske chyen ki gen zo 🍗 nan bouch li pa gen tan pou jape. Wap sezi wè demen lè zo 🍗 sa fini se menm moun sa kap di yo dwe lapide leader sa paske l se vòlè li pa bon moun. Antouka 😂😂

NB : Si w wè yap flate w jodiya chache konn rezon an e raple yo demen tout ka trayi w lè yo pa jwenn rezon pou flate w ankò.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Vini banm bouste sèvo w.

Ki konsèy ou panse yon pastè ap bay yon Pitit ougan ke dil asepte Jezi pou w ka sove, ougan an ap toujou dèyè konvenk Pitit la fèl kwè se nan kwè a ki bon e ki gen lavi.

An reyalite ni Pastè ni Ougan an tou 2 gen rezon, sak fè sa ?

Lèw antoure ak moun sòt sèlman se nòmal pou yo fèw vin sòt tou, paske yap enfliyanse sou ou pou efektif ak majorite, se pa pou san rezon depi w pran pa ak move moun ou paka bon moun an retou, saw frekante se li ou ye.

Ou pa wè gen moun depi lèw antoure w avèk yo, ou rete la wap pran yon pakèt desizyon tèt anba, san dimansyon, san fòm e menm yon esplikasyon valab ou paka bay dèyè desizyon sa yo, rezon an senp se paske w mal antoure, moun sa yo paka baw yon bon konsèy yo pa diw pa fè li pap bon pou ou paske tout devouman yo se wèw sanble ak yo nan eta yo ye a.

NB : Dim kiyès ou frekante map diw kiyès ou ye, pawòl sa pa gen manti ladan'l. Swete w pote chanjman depi jodiya menm.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Bondye pa janm bliye pwomès li te fèw la, li sèlman pa aji sou emosyon lezòm, byento gen moun kap sezi wè chanjman ki fèt nan lavi w yo.

Men 3 chanjman mwen deklare sou lavi w

1 - Lajan (sajès)
2 - Adrès (lanmou)
3 - Pwosperite (Charite)

Lèw vle Bondye beni w e tande priyè w aprann padone sila ou kenbe sou kèw yo.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦

Mwen kwaze anpil mesaj nan box mwen konsa, men franchman Lèm fin li yo mwen di banm prete Platfòm sa pou m reponn tout moun sa yo.

Kisa w dwe konnen : Moun pa ta diw men ki relasyon kap bon pou ou, moun pa dwe ka fè chwa pou ou depi w bay yon moun tout dwa sa yo ou tou bal pouvwa pou l deside sou rès avni w pou ou.

Siw nan yon relasyon sa ap mal mache se ou ki dwe wè sa, si pou w repliye se ou ki dwe konn sa, si pou w avanse se ou ki dwe konn sa, yon zanmi, fanmi elatriye pa dwe ka gen pouvwa pou yo oze diw ou pap ka reyisi ak moun sa, ou dwe kraze kite sa ak moun nan.

Fè atansyon ak moun kap pran konsèy sou relasyon yo, pafwa se egri, se fristrasyon, se echèk moun nan pran deja nan vi pal epi li vle w echwe menm kote a tou. Kale je w , fè je w klè tande. Emosyon se ènmi pwogrè.



𝐅𝐚𝐦𝐢𝐥𝐲 𝐏𝐨𝐝𝐢𝐮𝐦