Coach Silvana Mikhail - Be YOUnique - أعرف كنزك

العلاقات مش بطول المدة ولا بشكلها الحلو اللي باين للناس
المهم *الاحترام المتبادل *وحرص ورغبة الطرفين في الاستمرار ..
يخليهم قادرين على *احتواء* بعضهم البعض بحب واحترام وتقدير..

Give what you want to get. Give generously, give love, care and mercy.

اعط ما تتمنى أن تأخذه.
اعط بسخاء، محبة واهتمام ورحمة

عيش اللحظة ..
ماتفكرش في الماضي ولا تشيل هم المستقبل
المستقبل بأيد ربنا .. والماضي انتهى وخلاص..

* من وحي الجلسات *
الخيانة الزوجية **

لو جوزك خانك او مش مقدرك.. ليه تفقد الثقة بنفسك..
ليه تشعر انه فضل عليك العاهرات .. ليه تشوف نفسك اقل منهم !!
مشكلة كثير ستات بتواجهها..

حبيبتي .. المشكلة هنا ..
انت مكنتيش شايفة غيره..
مش شايفة نفسك.. مش شايفة انك تستحق..
ليه مش معطية نفسك قدرها وحقها..
ليه شايفة نفسك اقل من العاهرات!!
💕 تصرفات الناس لا تمثلنا.. قيمتك في ذاتك مش في افعال زوجك..

لو انت شعرت بقيمتك الحقيقية ..
بدون تقليل او تقاخر.. بحب لذاتك مع اتضاع متوازن..
هو هيحس بقيمتك .. ولو محسش مش مهم بالنسبة لك..

المهم انت تحس بقيمة نفسك ..
قيمتك ماتخديهاش من افعالة..
قيمتك بذاتك نابعة من داخلك..
عدد حسناتك واشتغل على نفسك
اللي عايزة تطويره في نفسك من أجل نفسك مش من أجل حد..

مش مهم دلوقتي تستمر او تنفصل..
💕 الأهم اشتغل على نفسك واعرف قيمة نفسك ..
علشان تعرف تقرر وتقدر تتحمل تبعات قرارك..
الله يعينك ويسند كل ست متألمة..

لا تتردد في حجز جلستك لو محتاجة اي مساندة ..

*الخذلان من وعود الاخرين**

ايه اسباب الخذلان .. وهل اللوم لنفسي او للآخر علاج ؟!

"التوقعات هي الآفة المدمرة للعلاقات"
اللوم لا داعي له .. لوم النفس موجع.. ولوم الآخر معاداة

ليه اعلق نفسي بتوقعات او ووعود من الآخرين او حتى توقعات من نفسي ..
الخذلان سببه انني اتعلقت بالحاجة اللى وعدني بها ..

علشان احمي نفسي من الخذلان بلاش اتعلق بشيء ولا وعد ولا اي شخص .. لان كل شيء تحت السموات متغير ..
اوقات نفسنا بتخذلنا لما نتوقع من نفسنا ونتعلق بالتوقع ومنقدرش نوفي الوعد لنفسنا..
الوقايا خير من العلاج .. نحمى نفسنا من الخذلان بعدم التعلق ..
"في التعلق المعاناة وفي التخلي راحة البال والسلام"

اما عن الطرف الآخر.. لو وعد مرة ولم يوفي هعطيه العذر ولو اتكرر الموضوع يبقي هو الشخص غير قادر على الوفاء بوعوده .. وده درس واتعلمته..

الناس بتدخل في حياتنا علشان نتعلم دروس عن نفسنا .. مش عنهم هم ولا علشان نحكم عليهم او ندينهم ولكن علشان نشوف ضعفاتنا ونشتغل عليها ..

ربنا يحمي قلوبنا جميعا من ألم الخذلان ومعاناة التعلق..
في التخلي.. التحلى .. والتجلى..

ان كنت تعاني من الخذلان المتكرر ..
فدرب نفسك على التخلي
ولكن التخلي بدون كبت وقمع مشاعرك واحتياجاتك
لاتتردد في حجز جلستك لنبدأ رحلى التعافي من الخذلان والتدرب على التخلي والتسليم
لنصل إلى راحة البال والسلام..

#مشاعرنا

القبول
لا تقل انا مش كفاية أو منفعش أو مقدرش.. لا تنتظر القبول والكلام الحلو من الناس..
انت أعظم مخلوق خلقه ربنا.. اقبل نفسك وحب نفسك..خليك قوي وواثق من نفسك الناس هتشوفك قوي

الحلة البرستو .. قدرة الضغط**
عارفين الحلة البرستو ..
احنا اوقات بنكون حلة برستو ..
مليانة بخار ومقفولة..
ولو استمرت كدة ممكن تنفجر وتعمل مصيبة ..
ننفجر ونتعصب ونملأ الدنيا غيظ وسخط ورفض ..
كل ده ناتج عن كتم للغضب وتفريغه بلا وعي وفهم لمشاعرنا..

طيب نعمل ايه!!
تعالى نجيب القصة من أولها وتفهمها..
ايه سبب العصبية والغيظ والسخط..
سببهم مشاعر من حقنا نشعر بيها ..
هي مشاعر الغضب ...
ووقتها عندنا حل من ٣
اما العصبية والإنفجار
او كتم الغضب ..نملأ الحلة البرستو
او إدارة الغضب..

طيب ازاي نقدر نتعامل مع الغضب ..
١- ابعد عن الحدث او المكان اللي تسبب في الغضب..
اقفل التليفون .. استأذن تدخل الحمام .. او انسحب بهدوء..

٢- اقبل مشاعر الغضب واعترف بها ..
قول لنفسك انا غضبان .. ومن حقي اغضب
ماتهربش من مشاعرك ولا ترفضها..

٣- ناقش مع نفسك سبب الغضب ..
واوصل للرسالة اللي جاي يبلغها لك ..
الغضب جاي علشان يحميك..
من حد حاول يتعدى حدودك ..
او حد هدد قيمة او معتقد مهم بالنسبة لك..

٤- اسأل نفسك واتأكد ..
ان الرسالة حقيقية وان فعلا في تهديد ..
لان احيانا بنغضب ولنا نهدأ و نفكر ..
نكتشف ان مكنش لنا حق نغضب..
او مش بنفس القدر ..
يبقي نسأل نفسنا ونتأكد ..

٥- لو وجدنا تهديد حقيقي
يبقى نشوف طريقة نعبر بها عن غضبنا تكون مفيدة لنا
وتحدد بالضبط ايه نوع التهديد ونحمى نفسنا ازاي
بشكل مفيد لى ويخدم مصلحتي ..

خلونا نتعلم نتعامل مع مشاعرنا ونديرها ونقبلها..
مشاعرنا جاية تبلغنا رسالة ..
نسمع الرسالة ونسمح لها بالرحيل بهدوء..
تاخد وقتها براحتها .. وتمشي
بلاش نهرب من مشاعرنا..
ولا نغرق جواها ونعمل دراما..
مشاعرنا كلها حلوة ومقبولة ..
مفيش مشاعر سلبية وغيرها ابجابية ..

👆👆 لا تتردد في حجز جلستك معي .. ان كنت لا تتمكن من إدارة مشاعرك
تعالى نتعلم من خلال اتباع تقنيات علمية لتحصل على نتائج فعالة في إدارة المشاعر واكتشاف نفسك ..


#مشاعرنا

*التعامل مع العنف **
لكل حد بيتعرض لأي نوع من الأذى النفسي او الجسدي او كلاهما..
ارفض الأذي واحمي نفسك ..
وارفض تصالح او تتصالح غير بعد وقفة حقيقية
أقف لنفسك واحمي نفسك ..
اتكلم مع المؤذي وارفض الأذى
ولا تقبل الصلح غير بعد حوار فعال
ووعود وعهود واجراءات واتفاق
وعواقب تضمن عدم تكرار الأذى ..

واتفاق على بروتوكول للتعامل يحميك من تكرار الأذي..
زي انك لما الحوار يشتد تتفقوا توقفوا كلام
وكل واحد ياخد فترة ينظم فيها افكاره
وينظم جهازة العصبي ومشاعره
ويقعد لوحده وبعدين ترجعوا تتكلموا..

في أمور وأخطاء ينفع بعدها قبول الاعتذار ..
ولكن في خطوط حمراء منها انواع الايذاء
لايمكن تخطيها لا يقبل بعدها الاعتذار
ولكن لابد من وقفة صارمة بعدها بداية جديدة ..

يعنى قبل الايذاء حمادة .. وبعده حمادة ثاني خالص
أقف لنفسك.. نفسك تستحق الحماية ..

وانا تحت أمركم جميعا في اي تفاصيل ممكن تسند او تساعد اي شخص بيتعرض للأذى..
الحماية للجميع .. بدون تفريق بين رجل وست .. طفل او شاب او عجوز..

Coach Silvana Mikhail - Be YOUnique - أعرف كنزك
#مشاعرنا

*** عقاب ام تأديب ***
أسوأ شيء يدمر العلاقات هو العقاب..
علاقتك بابنائك هي علاقة نحافظ عليها ..
العقاب لا ينصح به وعمره ماجاب نتيجة ..

افتكر شعورك لما اتعاقبت من اهلك ..
طيب تفتكر وقتها اتعلمت حاجة ..
فاكر شعورك!! .. محفور جواك !! ..
بتاخد نتيجة وقتية خوفا من الأهل ..
ولكن لا يساعد على التربية السليمة والنمو ..
وله آثار نفسية مدمرة ومؤذية..

وفي ناس بتستخدم العقاب مع الزوج او الزوجة .. للأسف
تذكر أن العقاب مدمر للعلاقات ..
وبيترك اثر نفسي مؤلم جدا ..

في اساليب كثير بديلة ..
من الافضل استبداله بتحمل العواقب..
بعد الاتفاق المسبق على عواقب الخطأ..

** العتاب **
ومن الحب ما قتل ..
العتاب هدفه الوصول لبروتوكول افضل للتعامل بين طرفين في علاقة .. مش علشان نحاسب بعض ونتدخل في حياة بعض..

الخوف والحب
مهما كان معك فلوس وحولك ناس وبتحبك ناس
لكن داخلك خوف من الفقد ومن الوحدة وقلة ثقة في النفس
مفيش حاجة من اللي عندك لها قيمة ولا هتسعدك

YOU ARE NOT YOUR MIND..
ECKHART TOLLE
Get rid of your Pain Bodies, Ego & Addiction to Thinking.
Everything Sucks!!

في الزواج .. للرجل والمرأة

عزيزتي
قومي بادوارك وبس ..
انت زوجة وأم وانثى..
قومي بالادوار الثلاثة على أحسن حال حسب مقدرتك..
ركزي في نفسك ..
كوني زوجه له.. ام لاولادك.. وأنثى
الأنثى هي استقبال .. إبداع.. تفهم .. مرح...
قومي بدروك واترك له كل المساحة يقوم بدوره كزوج وأب ورجل

عزيزي الرجل
قم بادوارك كزوج وأب .. ورجل
الرجل هو .. عطاء .. احتواء ورعاية .. حماية .. قدرة ..
كون زوج محب لها ... اب لاولادك.. ورجل بمعنى الكلمة
قم بأدوارك على اكمل وجه .. لتستمتع برجولتك الحقيقية..
واترك لها كل المساحة لتقوم بادوارها كأنثى وزوجة وأم

كل طرف يقوم بدوره ..
مش من حقك تطلب ان حد يتغير علشان يعجبك ..
اقبل شريكك على حاله..
الزواج أساسه قبول واحترام..
اقبلوا بعض بضعفاتكم واحترموا بعض ..
لما تقبلوا وتحترموا بعض ..
ذكورتك هتتوازن يا صديقي
انوثتك هتتوازن... يا صديقتى
وبالتالي حياتكم هتتوازن.. وبيتكم هيكون دافي وسعيد
من حقكم وحق اولادكم تعيشوا التوازن والدفئ والسعادة..

وان تواجه تحديات في أسرتك وتوازن طاقتك ..
لا تتردد ان تتصل بي وتحجز جلستك..
هنشتغل ونتعلم ازاي نعيش وادوارنا وحياتنا تتوازن
نتعلم نعيش راحة البال والسعادة والمتعة ..

* اهل الزوج وأهل الزوجة **

أيها الرجل💕
كن شجاعًا حازمًا وارفع صوتًا عاليًا
👂أنا أصم لا أسمع
أنا أعمى لا أبصر
أنا أبكم لا أتكلم
إلا في الخير واجتماع الأمر كله
بين يديك، شئت أم أبيت

إلى الزوجة 💕
عندما يحب زوجك أمه أو أخته لا يعني -أبدًا -نقص في محبته لك
"القلب دكان وكلٌّ له مكان"
كوني بركة على منزل أهل زوجكِ واجمعي القلوب، فأنتِ تملكين مفتاحًا وهو الحب
جعلك الله مباركة حيثما كنت

إلى أم الزوج 💕
أم الزوج المكرمة عندما يكرم ابنكِ. زوجته لا يعني أنها ستخطفه منكِ،
فقدركِ راسخ كشجرة أصلها ثابت وفرعها في السماء
احتضنيها تكن بنتا لك
ولا تتدخلى في قرارات الاسرة الصغيرة
هم لهم حياتهم وتجاربهم..

إلى أم الزوجة 💕
زوج ابنتك هو ابنك..
احترميه وساعدي بنتك تحترمه وتقدره ..
ادعم بنتك ولا تكسريها ولا تقويها..
ولا تتدخلى في قرارات الاسرة الصغيرة
هم لهم حياتهم وتجاربهم

الى أخت الزوج💕
عندما يكرم أخوك زوجته فهذا يدلّ على أصالة معدنكم وحسن تربيتكم، فخيركم خيركم لأهله

إلى اخو الزوجة 💕
كن حنون على اختك واسرتها، احترم زوجها فقد زاد اخ لعائلتك..
كن داعم لاختك، أسمع لها وانصحها حين تطلب النصح من موقعك كرجل وفهمك للرجولة

إلى الأقارب والنسايب 💕
ما رأيكِ أن نترك المسابقات والمنافسات ... والمقارنات ..
فنحن أول مَن نكتوي بنارها ..

أخو وأخت الزوجة 💕
المحبة موصولة مع ابنتكم وعائلة زوجها
اتتم عائلة واحدة الآن..

إلى الجميع 💕💕
إحذر التجسّس والتحسّس:
سؤال الخادمة والطفل تجسس
وتتبع الأحوال وتكشف العورات تجسس
وهذا كله يورث حفيظة رحمك ضدك ويحزنهم
فما منّا إلا له سر يريد له سترًا

احذروا تتبع الاخبار والاسرار..💕
تتبع الأخبار ونشرها قاصمة للأرحام
ويورث أحقاد وكراهية
👌«إنصح حينما تطلب النصيحة
ولا تفضح، وعاتب دون أن تجرح !!
🌺👌

في الزواج .. للرجل والمرأة
عزيزتي
قومي بادوارك وبس ..
انت زوجة وأم وانثى..
قومي بالادوار الثلاثة على أحسن حال حسب مقدرتك..
ركزي في نفسك ..
كوني زوجه له.. ام لاولادك.. وأنثى
الأنثى هي استقبال .. إبداع.. تفهم .. مرح...
قومي بدروك واترك له كل المساحة يقوم بدوره كزوج وأب ورجل
عزيزي الرجل
قم بادوارك كزوج وأب .. ورجل
الرجل هو .. عطاء .. احتواء ورعاية .. حماية .. قدرة ..

كل طرف يقوم بدوره ..
مش من حقك تطلب ان حد يتغير علشان يعجبك ..
اقبل شريكك على حاله..
الزواج أساسه قبول واحترام..
اقبلوا بعض بضعفاتكم واحترموا بعض ..
لما تقبلوا وتحترموا بعض ..
ذكورتك هتتوازن يا صديقي
انوثتك هتتوازن... يا صديقتى
وبالتالي حياتكم هتتوازن.. وبيتكم هيكون دافي وسعيد
من حقكم وحق اولادكم تعيشوا التوازن والدفئ والسعادة..

عود نفسك على
النظرة البسيطة التى ترى فيها فضائل الناس..
نظرة رحيمة بلا احكام.. بلا إدانة
نظرة قبول ..
أما أخطائهم فتلتمس لهم العذر فيها

رفقا بنفسك.. انت تستحق..
انت تستحق الراحة والنعيم حتى تستمر وتكمل المشوار..
انت تستحق من أجل نفسك ومن أجل من تحب ..
حب نفسك..
رفقا بالجميع كل واحد عنده همه..
رفقا بنفسك حتى تكون قادر ان تترفق بالآخرين..
كل واحد بياخد رزقه اللي ربنا كتبه .. ماتشلش الهم ..
سيبها على ربنا
الله هو مفرح القلوب..
اطلب من ربنا الفرح.

** العلاقات السعيدة الجميلة المريحة **
احنا محاطين بعلاقات كثير .. حب وزاوج .. صداقة .. عمل .. اهل واقارب ..
ازاي نستثمر في العلاقات دي ونحافظ عليها علشان تكون سبب سعادة وراحة لينا وتكون اضافة لحياتنا ..

7 حاجات لو عملناهم تضمن استمرار علاقتنا بهدوء وسعادة:::
** الاحترام المتبادل .. نحترم بعض في الحديث مع بعض او امام ناس اخرين في الخفاء والعلانية .. امام الطرف الاخر او من وراه..
** التقدير .. التعبير عن التقدير بمصداقية .. كلمة شكرا .. يسلم ايدك ..بتريح
** القبول التام .. قبول كامل لسلبيات الاخر بمحبة غير مشروطة .. ماعدا الإساءة لا يمكن تقبلها ..
** التسامح ..نتصالح ونغفر ونتسامح ونتفاهم لاستمرار العلاقات بهدوء ومحبة
** التعبير عن المحبة .. بكلمة حلوة.. بهدية .. بتقديم خدمة .. بلمسة .. بقضاء وقت جميل سويا..
** احترام الخصوصية .. مهما كان نوع العلاقة.. كل طرف له مساحته الخاصة.. واموره الخاصة .. ومساحة من الاستقلالية لضمان النمو والتطور
** الحوار المستمر البناء .. احنا بننمو ونكبر ونتغير مع الوقت .. الحوار بيقرب.
** الحفاظ على الحدود الشخصية والنفسية .. ضع حدود للتعامل .. وضح ايه اللي بيضايقك والطرف الاخر عليه احترام هذه الحدود..
وأخيرا..
** النية الطيبة الصالحة .. اهم شيء في اي علاقة .. نيتك ايه من العلاقة .. من كل كلمة او تصرف بتعمله ..
هل نية خير للغير .. ولا ضرر للغير .. ولا شر للغير .. ولا خير للذات ..
ربنا بيبارك بس لو النية صافية وصالحة بالخير للغير ..
لان لو النيه من العلاقة خير للذات.. دي انانية او استغلال .. وعلاقة مبنية على الاحتياج مش الحب الحقيقي..

العلاقات الصحية مافيهاش انتقاد ولا عتاب ولا فرض نصايح ولا أحكام ولا سيطرة ولا إساءة .. ولكن فيها قبول تام لكل سلبياتك مع ايجابياتك.. وفيها ممكن اطلب اللي يريحني ويرضيني..

لو كنت في علاقة فيها النقاط السابقة .. مبروك عليك العلاقة الصحية المريحة .. رجاء تحافظ عليها ..

ولو كنت في علاقة سامة .. وحابب تغير مسار العلاقة .. ممكن يبدأ الطرفين تنفيذ النقاط اللي مع بعض بنية اصلاح العلاقة للخير ..

بدل ما نقع في علاقات سامة ومؤذية ..
اختار تقرب من مين وتبعد عن مين..

اتمنى لكم علاقات سعيدة تضيف فرحة وراحة بال لحياتكم ..
لا تتردد في طلب المساعدة والمشورة لو كنت في علاقة مش سعيدة مش مريحة ومش قادر تطبق النقاط السابقة ..
تواصل معي على الخاص او ابعت رسالة لحجز جلسة مشورة زوجية وعلاقات

لينك العلاقات السامة لفهم افضل ..
https://www.facebook.com/108492027654709/posts/143372457499999/

Everyday, tell yourself
I am good enough.
I am growing.
Do not stay in your comfort Zone.

الاستحقاق الذاتي
يعني ايه؟ يعني معرفتي بقدر نفسي..
يعني اعرف ان انا انسان ربنا خلقه وكرمه ويستحق كل شيء طيب في الحياة..
من غير ما انسى ان غيري كمان يستحق كل شيء طيب..
استحق الحب .. الاحترام .. التقدير..
ولأني انسان .. فأنا عندي مميزات عارفها كويس ..
وكمان متقبل كل نقاط ضعفي بكل سعادة وبشتغل عليها..

يعني واجب على ارفض اي معاملة وحشة.. واحمي نفسي من الاستغلال بكل أشكاله..
وكمان احب كل الناس واحترمهم واقدرهم واقبلهم بكل ما فيهم..

لو انا متقبل ضعفاتي ومتسامح مع نفسي .. هقبل ضعفات غيري بكل تسامح ومحبة..

ارجوك انتبه لنفسك .. العقل اللا واعي هو اللي بيحركنا
لو انا بحترم نفسي بجد .. هحترم غيري
ولو انا بحترم نفسي بجد .. مش هزعل من كلام الناس او تصرفاتهم...
لكن هعمل حدود للمؤذي علشان يعرف حدودي ويقف عندها ..
هنتكلم عن الحدود .. لاحقا

دمتم سعداء.. محبين لذواتكم ومحبين للجميع
محترمين ذواتكم وعارفين استحقاقتها.. ومحترمين الجميع ومقدرينهم