Mathezer.tn

نتائج تلاميذي في مادة الرياضيات – الثلاثي الثاني

في هذا الفيديو، نشارك معكم الأعداد التي تحصّل عليها تلاميذ السنة الأولى ثانوي خلال الثلاثي الثاني في الرياضيات.

النتائج تعكس مجهودهم، تطوّرهم، والخدمة اللي خدمناها مع بعضنا طوال الفترة الماضية 💪

كل عدد هو خطوة في طريق التقدّم، والأهم هو التحسّن المستمر وبناء ثقة التلميذ في قدراته

برشا تلامذة يعتقدوا اللي الرياضيات وحدها كافية باش تبرهن إنك فاهم ومتميّز…
أما الحقيقة مختلفة شوية 👀

تنجم تكون فاهم مليح،
تنجم تكون ذكي،
أما إذا ما تعرفش تعبّر، ما تحكيش، وما تفسّرش فكرتك…
الأستاذ ما ينجمش يشوف فهمك 💭

اللغة والتواصل موش حاجة ثانوية،
اللغة هي الجسر بين فكرتك و عقل الأستاذ.
هي اللي تخليك تبرهن، تفسّر، تدافع على حلك، وتبيّن إنك فاهم مش حافظ.

للأسف، برشا تلامذة ماهمش واعيين بقيمة اللغات،
ويحسبوا اللي الرياضيات وحدها كافية للتميّز…
والعكس هو الصحيح.

في هذا الفيديو من الحصة المباشرة،
حبيت نفسّر لتلامذتي علاش اللغة، التعبير، والتواصل
جزء أساسي من النجاح في الرياضيات وفي الدراسة بصفة عامة.

اسمع، ركّز،
وخلي فكرتك توصل 👌

في الفيديو هذا نحكي على نقطة نعتبرها أساسية برشا في التعلّم 👇
📌 تصحيح العمل الفردي لكل تلميذ.

التلميذ كي يخدم، لازم شكون يوقّفو على الغلطة متاعو،
مش باش نحبطو،
بل باش نوريه وين غلط وكيفاش يصلّح.
التصحيح الحقيقي هو اللي يخلي التلميذ يتطوّر ويفهم، مش اللي ينقل الإصلاح فقط ويكتفي بذلك.

🔸 والنقطة الثانية اللي ركّزت عليها:
ركّز على روحك… وما تخافش من نظرة الناس.

نظرة الغير لا تزيدك قيمة
ولا تنقّص منك
اللي يهم هو تقدّمك إنت، فهمك إنت، وطريقك إنت.

التعلّم رحلة شخصية،
وكل واحد يتقدّم بالنسق متاعو 💪
#تعليم

ً



#تربية

كالعادة… نتائج تفرّح وتثبت أن الرياضيات للجميع! 📊✨
كالعادة نشارككم مرة اخرى نتائج أبناءنا لا لشيء إلا لنبرهن لكم ان الرياضيات ليست صعبة وأن النتائج الطيبة ليست حكرا على التلاميذ المتميزين❤️🙏

�✨ كل ورقة امتحان… هي قصة.
اليوم خذيت نتائج فروض المراقبة متاع تلامذتي ، وكل نتيجة خلاتني نفكّر قداش الطريق هذا مليان تعب، محاولات، وأحياناً إحباط…
أمّا زادة فيه أمل، وإصرار، وعيون تلامذة تحبّ تفهم وتنجح ❤️📚
نحمد ربّي على الفرصة باش نرافقهم خطوة بخطوة،
ونتعلّم منهم قبل ما يتعلّموا مني 🙏
ربي يبارك في مجهوداتهم،
وإن شاء الله القادم أفضل للجميع 🌟💛
#التعليم ‌ ‌ #تونس ‌ ‌ #الأستاذ ‌ ‌ #تلامذتي ‌ ‌ ‌ ‌ ‌ ‌ ‌ ‌ ‌ ‌ #نجاح ‌ ‌ ‌ ‌ ‌ ‌

في عالم الرياضيات، الفرق بين الخطأ والتميّز هو التركيز…
والسر الحقيقي للتفوّق هو إعادة قراءة الحلّ بعين هادئة وذهن مركز.
كل مسألة لها مفتاح، لكن المفتاح لا يعمل إلا عندما تكون حاضرًا ذهنيًا وتراجع خطواتك كما يجب.
✨ خذ وقتك… ركّز… وأعد القراءة. هنا يبدأ الذكاء الحقيقي.
#رياضيات #تركيز

️ سلسلة “اقرأ” | حلقة جديدة
في هذه الحلقة المميزة، استضفنا القامة الفكرية الزاكي العبيدي، أستاذ الفلسفة المتقاعد والمبدع، في حديثٍ عميق وصادق عن واقع الأستاذ والتلميذ التونسي.
حلقة غنية بالأفكار، نقدية في العمق، وإنسانية في الجوهر — مزجت بين التجربة، التحليل، والحنين إلى زمن كانت فيه الفلسفة تُعلّم كيف نفكر قبل أن نحفظ.
استمع إلى حديثٍ يُعيد الاعتبار للمعلم، ويفتح أسئلة جريئة حول التربية، القيم، والمعنى الحقيقي للتعلّم.
🎧 #فلسفة #تربية #تعليم #تونس

الرياضيات هي رخصة قيادة الذكاء الاصطناعي
الرياضيات ليست مجرد مسائل نحلّها، بل هي رخصة القيادة الحقيقية لعصر الذكاء الاصطناعي.
نحن ندرسها لننمّي عقولنا، نصقل تفكيرنا، ونتعلّم كيف نصبح قادة للتقنية لا أتباعًا لها.
من يتقن الرياضيات يمتلك المفاتيح لفتح أبواب المستقبل وقيادة الذكاء الاصطناعي نحو الإبداع والتميّز
#رياضيات #تعليم #تعلّم #إبداع #نجاح

� اليوم السر متاع النجاح ماهوش كان في القراية ✍️، السر هو تعلم كيفاش تتعلّم وحدك 🚀.
وإحنا في Mathezer نعطيوك المفاتيح! 🔑

🚫 برشا أساتذة يزرعوا الخوف في قلوب التلامذة من شعبة الرياضيات… وكأنها جحيم ما يتعداش 😔
✅ الحقيقة؟ المستحيل ما فماش! 💪 إذا تحط الحلم في قلبك، وتنظم وقتك، وتخدم بالجدية اللازمة… توصل، وتنجح، وتفرح.
📚 الرياضيات ما هيش وحش… هي مفتاح لمستقبل مليان فرص!