Dolphin S WimmigAcademy

مروان القماش يحقق المركز الرابع في نهائي سباق ٤٠٠م حرة ورقم قياسي جديد بزمن ٣:٤٠.٩٤ بفارق اجزاء من الثانيه عن المركز الثالث وذلك خلال مشاركته في بطولة كأس العالم للسباحة بمدينة برلين 🇪🇬🇪🇬💪🏻💪🏻🔥🔥🔥

حاجات متعلمهاش لو عايز ابنك بطل في السباحه

١.مينفعش تتمرن ٣ شهر الصيف بس وتريح في الشتا كده هوه بيريح بمعدل ٩ شهور ....ال٣ شهور مش هتخليه بطل

٢.متشتغلش نفسك بكلام الناس الكتير ديما البطل بيركز ع هدفه

٣.متشتغلش نفسك بمستوي غيرك ركز ع نفسك ومستواك انتا فين وبقيت فين لان لو ركزت مع كل واحد شويه هتلاقي الاحسن منك و الاقوي منك وطاقتك هتخلص

٤.متشكتيش من صعوبه التمرين ومشوار التمرين لان البطل مش بتحقق ليه كل سبل النجاح

٥.ابعد عن الصحاب السئيه واصحاب الطاقه السلبيه خاليك ديما مع الناجحين واللي ديما بيدولك طاقه ايجابيه

٦.مهما كان تطورك بطئ انتا احسن من اللي نايم ع السرير لا تياس

٧ .مش لازم تتوفر ليك كل سبل الراحه من اهتمام ليك في التمرين وحد يحضر ليك الاكل وعربيه توديك وتجيبك لان في الغالب اللي بيتوفر ليه كل ده مش بينجح بص ع معظم قصص الناجحين هتلاقي في معاناه ومشقه للنجاح

٨.واخيرا مش عايز افكرك باهتمامك بنومك واكلك الصحي لان دول عمود الرياضه واساس النجاح لاي رياضي

دمتم بخير. الكابتن

اية الفرق بين القوة العضلية والتحمل العضلي
اية الفرق بين العضلة القوية والكبيره..👌👌👌

هل الاتنين واحد هل معني ان دة عضلاتة كبيرة يبقا عضلاتة قوية وعندة تحمل عضلي ويقدر يشيل وزن تقيل .....💪💪💪

ولية احنا بنشوف العكس لاعيبة رفع الاثقال بتشيل اوزان تقيلة جدا وجسمها صغير عكس لاعيبة كمال الاجسام جسمها ضخم جدا وممكن متقدرش تشيل الوزن دة بشكل الرفعة وراء الرأس ..😥💪

ما هيا العوامل التي تجعل عضلاتك اقوي واكبر
What makes stronger

١. الجهاز الصعبي Cns كل ما كفائة الجهاز العصبي عندي عالية كل ما كان انتاج العضلات احسن واكبر كل ما كان التناغم بين العضلات وسرعة الاستجابة احسن و تحفيز الالياف احسن واسرع الجهاز العصبي هوة المدير بتاع الكلام دة ... تشبية بسيط
شبة العضلات كانها موظفيين والمدير هوة الجهاز العصبي بالتالي كل ما كان المدير نشيط المواظفيين بردة هيكون عندهم نشاط والعكس

٢.النسبة بين الالياف العضلية السريعة والبطئية فية ناس عندها عضلات سريعة اكتر وفية ناس عندها عضلات بيطئة اكتر وفية ناس عندها الاتنين متساويين دة بيرجع للوراثة والجينات... كل ما كان الالياف السريعة اكتر .. كل ما كان القوة عندي بكتير بس قوة التحمل التنفسي اقل والعكس كل ما كان الالياف البطئية اكتر كل ما التحمل الدوري التنفسي اكتر والتحمل العضلي اقل ومن هنا نقدر نصنف لاعيبة السرعات من التحملات في السباحة

٣.العضلات المقابلة او العكسية .. بتاثر بشكل كبير في شكل العضلة وقوتها وحجمها لو عندك ضعف في عضلات ضهرك دة هياثر ع قوة عضلات جسمك لو حضرتك عايز تزود وزنك في الاسكوات بس الخلفيات ضعيفة هياثر علي وزن الاسكوات لانها بتاثر ع العضلات الامامية الخ ......

كل العوامل دي بتاثر علي الحجم الضعلي وبتاثر ع كفائة التمرين بنسبة ٣٠% لو تك مراعاة هذة العوامل هيكون في استفادة كبيرة زي لاعيبة رفع الاثقال بتوصل الاستفادة دي بنسبة ٩٠% وكمان ٩٥%

ازي ازود التحمل العضلي عندي باختصار اركز علي التمرينات المركبة الاسكوات والdead lift وتمرين الpull up وتمرين push up وتمرين ع جاهزV Dips

الفرق بين التحمل العضلي والقوة العضلية؟
التحمل العضلي: وهو الاستطاعة على اداء اكبر عدد من التكرارات في عملية حركية واحدة او اكثر.
مثال: اذا كنت تؤدي تمرين الضغط للصدر او تمرين سكوات وهدفك تكرارات عالية، فـ كلما كان عدد التكرار اكبر كل ماكان التحمل العضلي عندك اعلى. ايضا المثال يذهب الى الجري والسباحة وحمل الاوزان لوقت اطول.
اختبر تحملك العضلي ل أي عضلة عن طريق اداء تكرارات عالية.
القوة العضلية: وهي رفع اعلى وزن تستطيع حمله في تكرارات منخفضة او حتى تكرار واحد بشكل الصحيح. ايضا القوة على الجري بسرعة لمسافات قصيرة وغيرها.
اختبر قوتك برفع وزن عالي في تكرارات منخفضة.

مايكل فريد فيلبس ..👌👌💪💪💪🏊‍♂️🏊‍♂️🏊‍♂️
. العلم بجد عجز عم تفسير ظواهر كتير عندة من النواحي الفنية والمقايس الجسمية 🤔
بعيدا عن انة دخل رياضة السباحة بالصدفة لانة يكره المدرسة ليس لسبب الإهانة المستمرة ولكن بسبب عدم قدرته على الحصول على علامات مرتفعة في مواده الدراسية، اختلطت الأمور عليه وزادت المشاكل لطفل مازال صغيراً الأمر الذي أصابه بمرض نفسي وجسدي دفع والدته للذهاب به إلى أحد الأطباء النفسيين والذي نصحها بأن تجعله يمارس الرياضة يومياً🇱🇷
من هنا بدا قصة عجيبة جدا من الارقام 👇

فيلبس في سن ١٩ سنة قدر يحقق ٨ مدياليات اولمبيا ودة رقم محدش حققة في السن دة سنة ٢٠٠٤ في اتينا
٦ذهب و٢ برونز وقدر يكسر ٢ رقم امريكي و ٣ ارقام اولمبية و٢ عالميين🥇🥇🥇


بعدها في ٢٠٠٨ في اليابان قدر يحقق ٨ ميداليات دهب وكسر ٧ ارقام عالمية .. معجزة مكدش كان مصدق في الوقت دة ٨ دهب في دورة واحدة محصلش حتي الان في جميع الالعاب

في نهاية اولمبياد ٢٠١٦ قدر يوصل برصيدة من الميداليات برقم خرافي ٢٨ ميدالية في تاريخة منهم ٢٣ دهب .. ارقام فلكية دة في دول وقارات مجابتش نصف الارقام دي

انتا متخيل ان الرقم القياسي للميداليات كان١٨ ميدالية فقط تخيل لما حد يجي ويكسر الرقم ب ١٠ ميداليات .....😥

وكان الرقم القياسي للميداليات الدهب ٩ تخيل يجي حد ويكسر الرقم بفارق ١٤ ميدالية ... انتا متخيل الارقام ...

كل الامكانيات دي مكانتش بترجع للتدرييب ولا التغذية والاستشفاء ولا الحسابات التدريبية المعقدة فقط لاء خالص.....

بترجع للمقايس الانثروبومتريه... اللي هيا مقياس الجسم الطول والعرض والوزن

اي انسان في العالم لية طول وعرض المفروض النسبة بين الطول والعرض بتبقي من واحد لواحد تقريبا 🤔🤔

بس فيلبس مختلف مقايسة مختلفة جدا ...
طولة 193cm بس عرضة بالدراعات 201cm يعني عرض اكتر من طولة ودي مبنشوفهاش كتير ولا بنشوفها خالص

بالتالي لما بينزل يعوم الحركة الميكانيكية عندة غير اي سباح قدرة حركات ذراعاتة قوية جدا وقدرتة ع مسك المية والسحب والشد والتخلص بالتالي بيعوم اسرع ودي نقطة الفرق بين فيلبس واي سباح تاني

بجد غواصة بشرية

You can send a message directly to Dolphin S WimmigAcademy.

You can send a message directly to Dolphin S WimmigAcademy.

Dolphin S WimmigAcademy updated their phone number.

Dolphin S WimmigAcademy updated their phone number.