TeensMak

بسم الله
استقبال عام دراسي جديد

كل حد هايجبك لسبب او لمصلحة الا الاب ،،،،، مما كانت عيوبك هايحبك وبس وهايفضل يحبك مهما اتغيرت .
انت عارف ؟ ان الاسهل عليه يكبر دماغه منك ويسيبك تعمل اللى انت عايزه !!! لكن هو شاغل دماغه وواجع قلبه معاك لانه بيحبك وبيعمل الاختيار الاصعب علشان يحافظ عليك ، كل الناس هاتقولك فيها ايه يعني ؟ الا الاب هايقولك خلي بالك ده هايضرك .
علشان كده ممكن يبقى طريقة اصحابك معاك احلى لكنها الاضر ليك .
ولو عايز تحسبها بجد ؟؟؟ شوف كام واحد من اصحابك خلال الشهرين الل فاتو قالك : تعالى نذاكر او نصلي ؟؟؟ واكتب العدد
وكام واحد قالك : تعالى نعمل حاجة مش صح ؟؟؟ واكتب العدد
هتلاقيي الاكتر والاغلب بيدفعك للطريق المضر .
افهم أكتر هاترتاح .
الاب هو الاب
الاب هو اللى بيحبك وهايفضل يحبك .

ذنب
ومشاكل صحية
وتقرف من نفسك
بلاش احسن ...

لو انت في اعدادي ؟ ايه الاصعب عليك ؟

اليوم الأول: عن السلاح والعنف
محمد مكروم
Mohammed Makroum

انتهاء معسكر امس بدمياط الجديدة ، وكان من أعلى المعسكرات خلال الستة عشر عاما السابقة ، وذلك :
المجموعة رائعة
كان اسلوبهم حلو جدا
شغفهم بالتعليم مرتفع
ساعة الصلاة كانت أسهل مهمة
الحفظ على المهارت الجديدة
كانت مجموعة حلوة جدا وما تعبنيش
فخور جدا بيكم وبحببكم كلكم وان شاء الله اشوفك ناضجين كبار اصحاب أسر واصحاب عائلات في غاية الروعة,,,,,,,,,,,,,,, محمد مكروم

محمد مكروم

اعمل منشن لكل حد في اعدادي وثانوي ولسه بيبني شخصيته .
اوعى تسيبهم يفهمو ان قيمة الانسان بالحظاظة والساعة اللى لابسها

محمد مكروم

بكل جدية أمسية #دليلك لأنماط الشخصية .
أمسية أقوى من كل اللى فات .
السبت الساعة 4.30 م المكتبة العامة بدمياط ان شاء الله .
محتوى جديد كليا كلام لأول مرة يتقال في مصر .
محتوى قيم مش حماسي ومش نظريات ـ سمات مباشرة وتوصيات مباشرة ، واسأل اللى حضر الأمسية قبل كده ، وكله كوم وانك تاخد مادة علمية مطبوعه تبقى دليلك بجد طول العمر ده كوم تاني ، يعني مافيش ولا كلمه هاتتنسي ولا هاتروح ، ان شاء الله .
ومافيش انسان جزيرة يعيش لوحده بمعاييره ويرفض كل ما يخالف طبعه .
الحياة ناس ، ناس كتير ، كلهم متنوعين ، واختيار الوحدة بيبقى هروب ، نتيجته هنقابل المشكلة بحجم أكبر بس ادام شوية .
طالما الناس قدرت تأذيك وتجرحك ، او تضيع فرصة منك ، او حولو يومك لجحيم ، او بهدلو صورتك ، يبقى انت محتاج بشدة تشتغل على طريقتك في تعاملك مع الناس ، ومحتاج تفهم الناس كتر من كده ، ومحتاج تفهم نفسك وتعرف ازاي بتقع في المشاكل دي باستمرار
ليه تعيش منعزل وتتألم لما ممكن تقدر تحمي نفسك وحياتك من المشاكل اللى بتحصل بسبب الناس .
ليه تنسحب وتعيش وحيد لما ممكن تعرف ازاي نفهم الناس من حواليك وتعرف تتعامل .
أقوى وجبة من المعرفة لفهم الناس وفهم نفسك ، والاستعداد لبكرة .
اشتغل على نفسك وخليك كل بكرة أقوى من النهاردة .
01028177682

محمد مكروم

ماما ؟
نعم ؟
انا عايز اشتري موبايل زي صاحبي ؟
ليه ؟
علشان مش عايز اطلب منهم انى اتصل من تليفونهم تاني .
وليه تتصل ؟
علشان لو في حاجة مهمة اقولهالك .
بس كده ؟ والا في حاجة تااني ؟
كمان علشان اصحابي بيقعدو يلعبو بالموبايل في الفسحة وانا بلعب معاهم بس مش معايا موبايل فبطلب منهم وساعات بيدونى وساعات بيقولو لا ، فبروح العب في الحوش بس ببقى زعلان .
طيب يا حبيبي بص
انت في المدرسة مين مسؤل عنك ؟
المس .
طيب انت عارف اهه ، لما تعوز حاجة او يحصل حاجة تكلم مين ؟
المس .
ولو المس ما اتصرفتش يبقى تيجي تقولى وانا اروح تاني يوم اتصرف بنفسي او ابعتلك بابا ، لكن فكرة انك تتصل بي علشان في حاجة في المدرسة معناها حاجتين ، انك ضعيف مش بتعرف تتصرف صح وتقول لشخص الكبير اللى معاك ، ومعناها كمان ان المس مش بتساعدك ولازم بابا وماما يتدخلو .
تمام كده ؟
يعني لما تحصل حاجة اقول للمس ولما ارجع اعرفك يا ماما ؟
ايوة بالظبط انت كده فاهم صح ، ربنا يحميك .
اما بقى فكرة ان زمايلك بيلعبو بالموبايل وانت لا ، هو احنا اتفقنا اللى يمد ايده يبقى سرقة واللى يمد عينه يبقى ايه ؟
طماع .
طيب انت تحب تعمل تصرفات الطماع ؟
احنا بنبص للى في ايدنا بس .
وكمان في سر لازم تبقى عارفه ؟
ايه ياماما ؟
كل الاطفال اللى بيلعبو على الموبايل عارف الموبايل بيعمل ايه فيهم ؟
ايه ؟
بيسرق ذكاءهم ، وبيخلى مخهم ضعيف .
بجد يا ماما ؟
ايوه يا حبيبي .
مش انت لما اصحابك بيرفضو بتلعب في الحوش ؟
ايوة .
شوف انت شوفت كام حاجة واتحركت كام حركة وجريت كام خطوة واتفاعلت مع كام حاجة ، كل ده اتخزن في عقلك وبقى اقوى ، لكن اللى بيلعب على الموبايل بيشوف صور بتتحرك بسرعة وبيحرك معاها صوابعه بس ، فعقله بيضعف .
طيب يا ماما ليه اصحابي مامتهم وافقت ؟
اولا ممنوع تقارن انت باصحابك ، ماما بماما صاحبك ، بابا و بابا صاحبك .
بس انا هاجاوبك المرة دي بس :
ممكن ماماتهم مش عارفه المعلومة دي ، ممكن حاجات كتير اسمها ظروف الناس ، وعيب نسأل عليها وعيب نتدخل فيه ، احنا بنبص للى في ايدينا احنا ، وبنركز في ظروفنا احنا ، وبس .
طيب يا ماما ممكن تقولى لماما اصحابي علشان الموبايل ما يسرقش ذكائهم ؟
حاضر يا حبيبي ، وكده انت ولد رائع وربنا بيحبك ، عارف ليه ؟
ليه يا ماما ؟
علشان ربنا بيحب الناس اللى بيحبو الخير لغيرهم .
حديث الأمهات ، محادثة بسيطة تفرق كتير في عقلية أولادك .
لو شايفها مفيدة شير لكل حد ممكن يستفيد ، ومنشن كل أم تعرفها ونستفيد كلنا .
ربنا ينفع بينا جميعا

محمد مكروم

كل البطولة تنسب للأم ، في اليوم الاول من المدارس ، كل شيء صعب جدا لكنها اد اليوم وأكتر ، ومع اعترافنا وتقديرنا لكل أم تعبت النهاردة ، نحب ننقلك خبر حلو ،،،،،، وهو ان الحالة اللى فيها اولاد اسمها (نوبة تذمر) بتيجى في بداية العام الدراسي ، وبتقعد 3اسابيع او اتنين او اسبوع واحد ، بحسب سرعة اندماج اولادنا مع زمايلهم والدخول في مود اليوم الدراسي ، يعني انتى اصلا قوية ، كملي قوية ، فترة قصيرة وهاتعدي ، مافيش داعي تهدي قاعدة او تلغي مبدأ ، اثبتي وكده كده النوبة هاتعدي ،،،،،،
تحياتنا لكل أم تبذل الكثير من اجل اطفالها .
شير خلي غيرنا يطمن....

محمد مكروم

استني استني يا عسل قبل ما تنزلي ؟
نعم يا ماما ؟
شوفي يا قمر
انتي رايحة المدرسة ، هناك هتلاقي زمايل ليكي كتير
ليهم اب غير بابا ، وام غير ماما ، وبيت غير بيتنا ، وحياة غير حياتنا ،
عارفة مين فيهم أحلى ؟
مين يا ماما ؟
كلهم مختلفين عنك وكلهم حلوين وكلهم قمرات ، وانت كمان قمرة .
مش مطلوب منك تبصي لحد ، ولا تغيري من حد ، ولا تقلدي حد ، مطلوب منك تتعلمي وتبقى اذكي واحدة ، ومطلوب يبقى لقبك البنت اللى اخلاقها جميلة .
وبكده تبقى قمرة بابا ، وقمرة ماما .
وبكده تبقى ساعدت طفلك انه يركز مع القيم والمبادئ علشان ذاته بدلا من التركيز في ارضاء وتقليد الاخرين.
لو شايفها مفيدة شير لكل أم ممكن تستفيد من الكلام ده
الحمد لله رب العالمين

محمد مكروم

10 أسباب لمنع طفلك من استخدام الأجهزة الإلكترونية المحمولة :

1- تعطيل النمو السريع للعقل .
2- تأخر التطور الجسدي .
3- البدانة المرضية .
4- قلة النوم .
5- الاضطرابات النفسية .
6- العدوانية .
7- السرعة الجنونية للإعلام و عدم حفظ الأسرار .
8- الإدمان .
9- انبعاث الإشعاع ( الموجات الكهرومغناطيسية ) .
10- مشكلة الاستدامة .

و هذه الضوابط وُضعت بواسطة " الأكاديمية الأمريكية لطب الأطفال " و جمعية طب الأطفال الكندية بالاشتراك مع جمعيات تعنى بالطفل.
نجتهد في حماية اطفالنا ،ونشير لكل الناس

محمد مكروم

ماما؟
نعم يا حبيبي ؟
حضرتك ممكن تقوليلي #الأناني ؟
انت فاكر اللى يستئذن وياخد حاجة من زميله ؟
ايوة يا ماما .
الأناني بقى هو اللى بيطلب حاجات كتيرة من الناس ، ومش بيحب يساعد هو الناس ، ولا بيقدر الحاجة الحلوة اللى عملوها معاه ، بيحب ياخد من غير ما يعطي .
بس كده يا ماما زمايله مش هايرضو يدوله تاني .
ايوة برافو عليك ، طيب ليه مش هايرضو ؟
علشان هو مش بيرد الحاجة الحلوة بحاجة حلوة .
يبقى ده مين ؟
الأناني يا ماما ، بس انا سمعت صاحبي بيقول للتاني انت طماع .
اه يا حبيبي #الطماع ده صفة وحشة بردو ، انت فاكر اللى يمد ايده على حاجة زميله من غير استئذان يبقى عمل ايه ؟
ايوة يا ماما يبقى سرقة وربنا يزعل منه وماما وبابا كمان ويتعاقب عقاب شديد .
تمام برافو عليك ، اللى يمد ايده على حاجة غيره يبقى سرقة ، واللى يمد عينه على حاجة غيره يبقى طماع .
يعني ايه يا ماما ؟
يعني كل واحد لازم يبص للحاجات الحلوة اللى معاه ، ومن غير ما يبص للحاجات الحلوة التانية اللى مع الناس التانية ، كل واحد معاه حاجات حلوة مختلفة عن التاني ، واللى يرضي بالحاجات الحلوة اللى معاه ربنا يرضي عنه وماما تحبه وبابا يتبسط منه والناس تحب تتعامل معاه ، لكن الطماع اللى بيبص على الحاجات الحلوة اللى مع زمايله ويقعد يتمنها ويطلبها ويقول اشمعني يبقى طماع ، وربنا يزعل منه ، وبابا وماما ، والناس مش بتحبه مش بتحب الطماع .
فهمت ؟
ايوة .
فهمت ايه ؟
ان لازم نبص للحاجة الحلوة اللى معانا ، وممنوع نبص للحاجة الحلوة اللى مع حد .
برافو عليك .
لو شايفها مفيدة شير لكل ام ممكن تستفيد من الكلام ده

الحمد لله رب العالمين

محمد مكروم

يوم السبت 28/9/2019
#دليلك
لو الناس تاعبينك
وأرهقوك بما في الكفاية
ومش عارف تتعامل معاهم ، وما بين زقهت وتعبت ومش عارف تعمل ايه
والموضوع بقى ماسخ وصعب
لو مهتم تعرف نقاط قوتك ونقط ضعفك
لو نفسك تفهم ليه بتقع في المشاكل دي باستمرار
وممكن تشوف إن 150ج مبلغ قليل جدا في حاجة تساعدك تتخلص من ده كله
وعندك جدية تحل المشكلة دي
وممكن تقعد في ورشة عمل من اربع ساعات
يبقى اهلا بيك في أمسية ( #دليلك)
لفهم أنماط الشخصية
ونقاط قوة وضعف كل نمط
طريقة التعامل مع كل نمط
تعمل ايه في نقط ضعفك وتحمي نفسك
ادخل على الرابط ده وسجل واحضر وهاتبقى أهم حاجة تعملها في السنة الجديدة تغير بيها شكل حياتك ، وتتعامل بيها مع المشاكل المتنوعة اللى بتحصلك بسبب الناس او بسبب طريقتك مع الناس .
*********
ايه اللى بيميز أمسية #دليلك عن كل اللى فات ؟😎
انك هاتعرف نمطك ، ومهما كانت نقط ضعفك هاتعرف ازاي تندمج مع الانماط المتضادة ؟
يعني هتخرج وانت معاك الاجابات الاساسية كلها بالكامل
هاتعرف نصائح الاندماج👩‍👩‍👦‍👦
الوظائف الرائعة بالنسبة لك
هاتعرف الحاجات المحفزة ليك
والحاجات المحبطة
وايه الصفات اللى تعرف بيها نمطك
وهانعرف أقوى عشر نقاط💪
وكمان أخطر عشر نقاط👎
وهانعرف سمات النمط بتاعك
وده سبب نجاح الأمسية والاقبال الشديد💪🙂🤗
وده اللى مخلينا واخدينها تحدي وناوين ما نسيبش كرسي فاضي ان شاء الله .👌👏✊

***********
علشان كده نقدر نقول
هانستفاد ايه من أمسية دليلك ؟
وممكن نستخدم المعلومات دي في ايه ؟
بكل اختصار شديد الوضوح ، هاتعرف تتعامل .
مع الفئات التالية :
نفسك
اهلك
اولادك
شريك حياتك
زمايلك
اهل شريك حياتك
الاطفال لو انت مدرس
المتدربين لو انت مدرب
منافسينك
جيرانك
فريق لو انت قائد
بس خلاص ،،،،،
اقوى مادة علمية طلعت من التسعينات وانت راجع ، قوية جدااااا.
وكل المحتوى جديد بالكامل .
للحجز اتصل بسرعة على 01028177682 وبادر في الحصول على دليلك الخاص للتعامل مع الأشخاص في المرحلة دي وكل المراحل اللى جاية .

محمد مكروم

ياماما ؟
نعم يا حبيبي ؟
مش انتي قولتلي هابقى اقولك ينفع اخد من صاحبي بعد ما استئذن والا لا ؟
حبيب ماما ، اسمها ممكن يا ماما لو سمحت ، ما ينفعش نقول للى أكبر مننا في السن (انت) نقول حضرتك ، ونقول لو سمحت ، عايز تعرف اجابة سؤالك ؟
ايوة .
طيب اطلب بالشكل المناسب .
ممكن يا ماما لو سمحت تقوليلي ؟
حاضر يا حبيبي ، الاسئذان حاجة بتاعت المحترمين الاقوياء اللى الناس بتحبهم وبتحب تتعامل معاهم ، وانت اصلا رائع وانا بحبك ، بس الاستئذان ليه طريقة ؟
ايه هي يا ماما ؟
انك تطلب من زميلك لما تبقى محتاج بس ؟ مش عمال على بطال ؟ وكمان ليه تمن .
تمن ؟ انا هاخد منه مش هاشتري يا ماما .
ايوة يا حبيبي التمن مش فلوس .
امال ايه ؟
انت لو حد طلب منك حاجة ممكن تديله وممكن لا ، براحتك لانها حاجتك ، وكل حد هاتطلب منه بردو نفس الكلام ممكن يوافق ممكن لا ، تحب انت بقى لو حد طلب منك حاجة وانت رفضت يقول عليك وحش او يكرهك او يزعل منك ؟
لا يا ماما .
ده اول تمن ، انك تطلب وانت قابل ان زميلك يوافق او يرفض براحته وانت ما تزعلش منه لو رفض ، كل واحد بحريته .
فهمت ؟
ايوة .
فهمت ايه ؟
انى لما استئذن وزميلى ما يرضاش ما ازعلش منه .
تمام ، التمن التاني ، لو زميلك وافق لازم تعمل ايه ؟
اشكره يا ماما .
برافو .
وتاني يوم تعمل ايه ؟
مش عارف ؟ اعمل ايه ؟
لازم تعمل معاه موقف حلو وتقوله انا مقدر انك ساعدتني امبارح .
ليه يا ماما ؟
علشان لازم نرد الموقف الحلو بموقف حلو ، علشان الناس تحب تتعامل معانا وربنا يحبنا .
فهمت ؟
ايوة ؟
فهمت ايه ؟
ان لازم ارد الحاجة الحلوة بحاجة حلوة .
تمام .
طيب قولى تحب زمايلك يسئذنوك ويطلبو منك حاجات كل شوية وكتير ؟
اممممممممممممممم ، عادي ، بس هابقى متضايق .
برافو عليك ، يعني اللى بيطلب كتير حتى لو بيسئذن دي حاجة وحشة نعملها على الاد خاااااالص ، واللى بيقدم المساعدة دي حاجة حلوة .
طيب هانتكلم ازاي مع الكبار ؟
هانقول (من فضلك ولو سمحت ) وحضرتك
طيب مين اللى ينفع نقولهم ( انت ) ؟
اللى من سني يا ماما
تمام المرة الجاية هاعرفك يعني ايه #أناني
يالا نعمل الواجب

حديث الأمهات : دقيقتين كلام بصدر رحب يرتبو حاجات كتيرة في شخصية أولادنا.
لو شايفها مفيدة شييييييير ومنشن لكل حد ممكن يقابل المشكلة دي ، وخلينا نفيد بعض
الحمد لله رب العالمين

محمد مكروم

تعالى لما نعمل الواجب
حاضر ياماما
ايه اللى في شنطتك دى ؟ ايه البراية دي ؟
دي بتاعت صاحبي يا ماما .
وبتعمل ايه في شنطتك؟
مش عارف ؟
ايه ده ؟ وفين المسطرة بتاعتك مش في المقلمة ؟ هي فين ؟
مش عارف ؟
طيب قوم اقف ، ،👌
ايه ياماما ،🙄؟
تعالى ادامي ،،،، هات ايدك الاتنين ،،،، بصلي .
الحاجات اللى في شنطتك دي ، بتاعتك ، بابا اشتراهالك بفلوس تعب علشان يجيبهالك.
وحاجات زميلك اللى في شنطته ، بتاعته ، باباه اشتراها له بفلوس تعب علشان يجيبهاله .
فلو نسيتها تبقى مهمل ، وربنا يزعل منك علشان بتهين النعمة ، ولما ترجع البيت انا هازعل منك وهاعقبك ، وبابا لما يعرف هايزعل منك ، كل ده هايحصل لما تهمل وتنسي حاجاتك .
فهمت ؟
ايوة يا ماما .
فهمت ايه ؟
احافظ على حاجتى علشان هي نعمة وانتى ماتزعليش انتى وبابا منى .
طيب تمام ، بصلي .
حاجة زميلك في شنطتك دي غلطة تانية .
اي حاجة مش بتاعتك ، يعنى مش بابا او ماما اشترهالك ، ولا انت شاريها بمصروفك ، ممنووووووووع ايدك تمسكها لاي سبب .
لو مديت ايدك واخدت حاجة مش بتاعتك دي اسمها سرقة ، وليها عقاب شديد منى ومن بابا وربنا هايزعل منك جدااا ، والناس هاتبعد عنك ومش هاتحب تتعامل معاك ولا تصاحبك ، هو تحب حد ياخد حاجة بتاعتك ؟
لا يا ماما .
ولا اي حد يحب حاجته تتاخد .
بس انا مكنش قصدي .
ما انا عارفة يا حبيبي علشان كده بفهمك ، انت لو قاصد كان زمانك دلوقتي بتتعاقب عقاب شديد ، لكن انا عارفة انك مش قاصد ، انا فهمتك علشان المرة الجاية عقاب .
لان لو حد اخد حاجتك هاتزعل وهاتضايق منه لو هو قاصد ولو مش قاصد ، علشان كده وانت بتلم حاجتك خلى بالك جدا اوعى تاخد حاجه زميلك بالغلط .
فهمت ؟
ايوة .
فهمت ايه ؟
اخلى بالي من حاجتى ، وما اخدش حاجه حد بالغلط ، بس يا ماما ؟
ايه يا حبيبي؟
ينفع اخدها بس اقوله الاول ؟
بكرة ان شاء الله اعرفك الموضوع ده ، يالا دلوقتى نعمل الواجب.
ونقول المنشور الجاي ملف #الاستئذان
لو مفيدة وصلها لاكبر عدد من الأمهات ، وشير وخلينا نفيد بعض.
اللهم اجعلنا مفاتيح للخير ، مغاليق للشر ، واياكم.

محمد مكروم

عملت إيه بمصروفك النهاردة يا حبيبي ؟
اشتريت بيه حاجة لصاحبي .
ليه ؟
اصل هو كريم معايا ، فانا عايز ابقى كريم زيه .
كريم عمل ايه معاك ؟
بيجيب حاجات كبيرة وناكل معاه ، وبيدينا من حاجته .
طيب تمام ؟ برافو عليك انك عملت كده بس .......
لما حد يبقى كريم معاك لازم تعرف ماما لما ترجع ، وتطلب حاجة تعطيها له تاني يوم وتبقى انت كمان كريم ، وكل مرة يبقى كريم معاك لازم تردها بمرة ، ولو مش هاتقدر تردها يبقى مش مسموح تقبل منه ، فهمت ؟
ايوة .
فهمت ايه ؟
انه لازم قبل ما اخد حاجة من حد اكون قادر ان اردها .
برافو عليك .
طيب لو حد طلب منك فلوس من مصروفك او طلب منك تشتريله حاجة ؟ هاتعمل ايه ؟
مش عارف يا ماما .
انت عايز تديله ؟
ممكن اه ممكن لا .
طيب شوف لما حد يطلب منك فلوس من مصروفك علشان مش معاه ، او يطلب منك تشتريله حاجة علشان مش معاه فلوس ، خليك كريم معاه ، في ازاي تعرف انه مش شرير وبيستغلك ؟
ازاي يا ماما ؟
تروح للمس وتقولها صاحبي طلب منى كذا وانا هاعطيله علشان الكريم صفة حلوة ، وصاحبي مش معاه ، وتعطيله الفلوس او تشتريله بعد المس ما تعرف .
ليه يا ماما ؟
علشان هو لو شرير ، او مش مؤدب ، او طماع وبيكذب عليك المس هاتبقى عارف وهاتقولك ، تبقى كريم مع مين ؟ وتحمي نفسك من مين ؟
آآآآآه فهمت .
فهمت ايه يا حبيبي ؟
اني لازم أكون كريم علشان هي صفة حلوة ، ولازم اكون قوي وارجع للكبير علشان احمي نفسي من الاشرار .
الله يحميك ويبارك فيك .
روح يالا كمل اللى بتعمله
حديث الأمهات : دقيقتين كلام بصدر رحب يرتبو حاجات كتيرة في شخصية أولادنا.
لو شايفها مفيدة شييييييير ومنشن لكل حد ممكن يقابل المشكلة دي ، وخلينا نفيد بعض .

محمد مكروم

📚🎒
في أطفال كتير جدا فاهمين انك بتوديهم المدرسة علشان تتخلصي منهم ....
حضن وانت مهم ووحشتني وانت غالى جدا عندي ❤ تطمنه وتخلص الف شك جواه👍 ...
فمعظم حالات الصعبة من رفض الأطفال للمدرسة بتبقى مبنيه على الشعور ده .
بسيطة لكن مستاهلة🙂
شير ووصلها لغيرك
01028177682

محمد مكروم

اصرف خمس دقايق وعبى دماغ أطفالك💡
هانروح المدرسة 📖
هانشوف كتييييييييييير جدا
التقليد للقرود🐒
اما الانسان بيفكر ويختار ويقبل ويرفض 🚶‍♀️🚶‍♂️
مش مطلوب منك تقلد حد ، مطلوب منك تكون أفضل حد
والناس كلها تقلدك انت💪 ......
بسيطة لكن مستاهلة
شير ووصلها لغيرك
01028177682