Монголын Нууц Товчоон

📖Дэлхийн номын өдрийг угтан зарласан "Монгол мийм" уралдаан амжилттай болж өндөрлөлөө. 🥳
Бидний эрхэм нандин өв болох "Монголын нууц товчоо"-г үеийнхэндээ сонирхолтойгоор хүргэхийг зорьсон 9-18 насны хүүхэд, залуус маань үнэхээр бүтээлч байлаа. Уралдааны бүтээлүүдийг агуулга, уран сэтгэмж болон цахим орчин дахь хандалтаар нь дүгнэж, ялагчдаа тодруулав.🏆
Мөн шагнал гардуулах ёслолд хүрэлцэн ирсэн хүүхэд, залууст түүхийн ухааны доктор Ш.Мөнхбаатар "Монголын нууц товчоо"-ны тухай сонирхолтой яриа хийв. Түүнчлэн сурагчдын дунд АХА тэмцээн зохион байгуулж ялагчдыг "Монголын нууц товчоон 1: Тэнгэрийн тэмдэг" график зохиолоор шагналаа.
Ингээд уралдааны шилдгүүдтэй танилцъя.
🥇 Тэргүүн байр: А.Төгөлдөр (Архангай, I сургууль, 6г анги)
🥈 Дэд байр: Д.Уянга (Архангай, I сургууль, 11а анги)
🥉 Гутгаар байр: Б.Баяржавхлан (Говь-Алтай, III сургууль, 12а анги)
Уралдаанд оролцсон сурагчдадаа баяр хүргэж, илүү их амжилт хүсье. Дараа дараагийн сонирхолтой уралдаануудаараа эргэн уулзацгаая. 👋✨
#монголыннууцтовчоо #дэлхийнномынөдөр #болорсудар #монголмийм

"МОНГОЛ МИЙМ" БҮТЭЭХ УРАЛДААНЫ ШИЛДГҮҮД ТОДОРЛОО
Дэлхийн номын өдрийг угтаж "Болор судар" хэвлэлийн газраас "Монгол мийм" бүтээх уралдаан зарласан билээ. Ингэхдээ монголчуудын эрхэмлэн дээдэлж явах нандин өв болсон "Монголын нууц товчоо" бүтээлийн агуулгыг орчин цагийн өнгө аясаар хүүхэд, залуусын дунд түгээн дэлгэрүүлэхийг зорьж, орон даяар 9-18 насныхны дунд нээлттэй зарлав. Улмаар 25 хүүхэд 28 бүтээлээр уралдаанд оролцсонд зохион байгуулагч нар тухайн бүтээл дэх агуулга, уран сэтгэмж болон цахим орчин дахь үзэгчийн сэтгэгдэл, хуваалцсан байдлыг оноогоор дүгнэн эхний гурван байрын эзнийг тодрууллаа.
Уралдааны шагнал гардуулах ёслол дөрөвдүгээр сарын 20-ны өдрийн даваа гарагийн 10 цагт "Азхур" номын их дэлгүүрийн төв салбарт болно. Энэ үеэр түүхийн ухааны доктор Ш.Мөнхбаатар "Монголын нууц товчоо"-ны тухай сонирхолтой лекцийг ерөнхий боловсролын сурагчдад зориулан тавих юм. Тиймээс уг арга хэмжээ сурагч бүрд нээлттэй болохыг дуулгахад таатай байна. Мөн ирсэн хүүхэд бүрд БЭЛЭГТЭЙ.

Ном хүүхдийн төсөөллийг өнгөлдөг