Универзитет „Св. Климент Охридски“ - Битола

Универзитет „Св. Климент Охридски“ - Битола

You may also like

Ecokudrovo.ru
Ecokudrovo.ru

http://www.uklo.edu.mk/
Универзитет “Св. Климент Охридски” - Битола, УКЛО.

Универзитетот “Св. Климент Охридски” - Битола, познат со акронимот УКЛО, е вториот државен Универзитет во Република Македонија, најзначајна установа од областа на високото образование во Регионот на Југозападна Македонија. Специфичната хетерогена, образовна понуда на Универзитетот којашто покрива најразлични научни дисциплини и едуцира профили компатибилни со барањата на актуелниот пазар на трудот

06/06/2024

ℹ Технолошко-технички факултет Велес, Универзитет"Св.Климент Охридски"-Битола по повод одбележување на 7 ЈУНИ - СВЕТСКИОТ ДЕН ЗА БЕЗБЕДНОСТ НА ХРАНАТА организира on-line дискусија на тема: „Да се подготвиме за неочекуваното“

🕑Почеток 14:00 ч.
🌐линк: https://meet.google.com/rrz-mpyk-ggs.

➡️Гостин на настанот: Маја Лукарева, инспектор за храна во одделение за следење на измами со храна, Агенција за храна и ветеринарство, Скопје.

Photos from Универзитет „Св. Климент Охридски“ - Битола's post 06/06/2024

ℹ ИНФО ДЕН-CAREER TRANSITION SUPPORT MACEDONIA

Факултет за биотехнички науки - Битола при Универзитетот „Св. Климент Охридски“-Битола, беше домаќин на ИНФО ден во организаиција на WUS Germany (Светски универзитетски сервис) и УКЛО претставуван преку КРЕДО центарот.
📅Настанот што се одржа на 30.05.2024 г. им овозможи на студентите да се запознаат како може да бидат дел од Програмата.
➡️Инаку, CAREER TRANSITION SUPPORT MACEDONIA на УКЛО се реализира веќе три години и преку неа 40-тина студенти беа селектирани и избрани да бидат дел од истата.
✅CAREER TRANSITION SUPPORT MACEDONIA, им овозможува на студентите да реализираат платена практична работа во траење од 3 до 6 месеци, со нето месечен надомест од 250 евра, средствата што се обезбедени од владата на германската покраина Северна Рајна Вестфалија.
✅Како резултат на успешно реализираните активности во изминатите две години, најновиот Инфо ден на ФБН предизвика големо вимание и заинтересираност на
студенти кои се пред дипломирање или дипломирале во последните шест месеци.


#укло #уклостуденти

05/06/2024

✨Голем успех за УКЛО на државниот Ораторски натпревар 🥇

🎓Студентката Ева Нешкоска од Педагошки факултет - Битола го освои првото место на државниот Ораторски натпревар. На 4.6.2024 година, Европското движење ЕММК, во соработка со Фондацијата Конрад Аденауер и Центарот за европски студии Вилфред Мартенс од Брисел, организираше настан за одбележување на Денот на Европа. Во целодневниот настан, беше вклучен младински клуб. Манифестацијата опфати и ораторски натпревар на тема, „Младите и демократските вредности: Дали сакам, дали можам и како да бидам активен граѓанин?“ Оратори беа студенти од универзитетите од целата држава. Ева Нешкоска го освои првото место, а забележителен беше и настапот на студентот на втор циклус студии, Антонио Чоневски. Во врска со наградата Ева Нешкоска изразува задоволство особено заради можноста да ги сподели нејзините идеи, со млади луѓе што се стремат кон квалитетна иднина.
✅Ораторската тема ја поврзала со одговорноста – како млад човек може да биде активен, при што ја истакнала граѓанската активност - дејстување, поткрепено со знаење и критичко мислење, на кое му следи глас. Таа вели дека нејзиниот говор потенцира дека активноста почнува од свеста и информираноста кои нѐ подготвуваат за активност. А зад секоја активност, стои затишје, внимателно следење на она што се случува (или она што не се случува).
✅Успехот на Ева Нешкоска е силно поткрепен од менторот, проф. д-р Билјана Граматковски од Педагошкиот факултет – Битола, која е редовен член на жири - комисиите на ораторскиот натпревар УКЛО ТРИВИУМ. Професорката Граматковски со својот наставен и воннаставенен ангажман е посветена на нагување на оратрството и јавното говорење како уметност .
➡️Инаку, годинашниот државен лауреат во ораторство Ева Нешкоска е студент во четврта година на прв циклус академски студии, на студиската програма Македонски јазик и книжевност и годинава е промовирана во талент на УКЛО. Таа покажува натпросечни резултати во текот на студирањето, активно учествува во настани организирани на Педагошкиот факултет - Битола - трибини, литературни читања, јазични работилници и сл. Нејзината надареност се огледува и во препевот на десетина песни од богатиот опус на Ацо Шопов на англиски јазик.
💯УКЛО ја вброи Ева Нешкоска како еден од авторите на првото Студентско списание УКЛО КОЛОРС, поради нејзините новинарски вештини стекнати преку активностите на студентскиот новинарски клуб, како и поради веќе споменатите преведувачки и толкувачки познавања од македонски на англиски јазик и обратно. Меѓу успесите посебно месо има и нејзината победа на овогодишениот Ораторскиот натпревар УКЛО Тривум кој се одржа во април, каде на дело ги покажа и своите ораторски способности и афинитети.


#укло #уклостуденти

04/06/2024

УКЛО ДЕЛ ОД ГЛОБАЛНОТО ДВИЖЕЊЕ НА TIMES HIGHER EDUCATION 🌍

➡️Универзитетот „Св. Климент Охридски“ - Битола стана дел од глобалното движење на Times Higher Education (Impact Rankings 2024).
➡️Мисијата на Times Higher Education е да биде релевантен извор на податоци и поддршка на високото образование ширум светот.
➡️За УКЛО, приклучувањето кон ова респектабилно рангирање е доказ за посветеноста кон извонредност во образованието, истражувањето и влијанието во заедницата, нагласува проректорот за наука, проф. д-р Горан Илиќ.
➡️Тој од име на менаџментот на Универзитетот „Св. Климент Охридски“ – Битола го акцентира задоволството и гордоста дека УКЛО како дел од ова стратегиско движење станува препознаен на глобалната платформа и на тој начин се отвораат видици и нови можности за студентите, универзитетот во целина и за пошироката заедница.
➡️Оваа нова етапа на УКЛО во стремежот кон извонредност, се очекува воедно да генерира и активности и ефекти што ќе резултираат со потребно, трајно влијание врз заедницата.


04/06/2024

Втор Тениски турнир UKLO OPEN COLOURS 2024 🎾

👉Универзитетот ,,Св. Климент Охридски“ - Битола го организира вториот по ред Тениски турнир UKLO OPEN COLOURS 2024 г.
На турнирот покрај студенти и вработени на УКЛО поканети се и може да учествуваат партнери од КОЛОРС Алијансата и претставници од средните училишта.
✅Целта е оваа спортско - рекреативна активност да се искористи како добра прилика за меѓусебно запознавање и дружење на учесниците и популаризација на УКЛО меѓу матурантите и средношколците воопшто.
Турнирот има рекреативно -забавен карактер и не е потребно искуство за да се учествува.
📅UKLO OPEN 2024 ќе се одржи на 12 и 13 јуни 2024 г. во попладневните часови на тениските терени кај Градскиот стадион во Битола.
📝Пријавувањето е до 10 јуни 2024 г. на следниот линк:
https://docs.google.com/forms/d/1Latn3Mns8Ky7P3xZpMBNzB7HoKmuZQLVOQrEm7zjzbk/edit
распоредот на натпреварите ќе се објави на 11 јуни.
ℹЗа учесниците кои немаат своја тениска опрема, тениски рекети ќе обезбедени организаторот.


Универзитетско студентско собрание УКЛО- Битола
#укло #уклостуденти

Photos from Универзитет „Св. Климент Охридски“ - Битола's post 03/06/2024

УКЛО ја продлабочува соработката со кинеските универзитети

➡️По покана и во организација на Кинеската образовна асоцијација за меѓународна соработка (CEAIE), ректорот на УКЛО, проф. д-р Игор Неделковски учествуваше во Кинеската едукативна програма, заедно со 17 други високи претставници (ректори, проректори или нивни репрезенти) од девет земји на Централна и Источна Европа (Бугарија, Грција, Романија, Србија, Хрватска, Босна и Херцеговина, Словенија и Полска).
➡️Кинеската едукативна програма нуди можност, европски носители на важни позиции во високото образование да се запознаат со кинескиот систем за високо образование и преку лични искуства да истражуваат потенцијални соработки.
➡️Учесниците од Европа имаа прилика преку посетата на кинески образовни, административни организации, универзитети и претпријатија да отворат дијалог со нивните кинески колеги и благодарение на непосредниот контакт и меѓусебно учење да овозможат зајакнување на постојната соработка и создавање нови мрежи за обете страни.
➡️Европските гости имаа прилика да посетат и неколку врвни институции меѓу кои: Министерството за образование на НР Кина, Центарот за изучување странски јазици и соработка, Пекиншкиот Универзитет за странски студии, Кинескиот совет за стипендии, Пекиншкиот Институт за технологии, Криптонит паметната фабрика во Нингбо, Универзитетот Нотингем – Нингбо и Универзитетот Нингбо. Во рамки на Центарот за изучување странски јазици и соработка кој е дел од Универзитетот за странски студии во Пекинг, македонскиот јазик се изучува како факултативен предмет. Постои и Оддел за македонски јазик кој го води професорката Chen Qiao (помеѓу странците позната со нејзиното преведено име на македонски - Милена) и лекторката Рената Пенчова. Минатата година македонскиот јазик како факултативен предмет го избрале осум студенти. Со нив ректорот Неделковски имаше пријатна средба што се оствраи на македонски јазик.
➡️Во рамки на програмата, во градот Нингбо, се одржа 9-тата Конференција на CCHEIC - Конзорциумот помеѓу високообразовните институции од Кина и Земјите од Централна и Источна Европа. Конзорциумот е основан во септември 2014 и има 349 институции – членки, а од Република Северна Македонија од 2017 членови се УКЛО и УКИМ. На Конференцијата на CCHEIC во воведниот панел се обрати и ректорот Неделковски кој се осврна кон соработката помеѓу универзитетите, поврзана со зелената агенда и дигиталната трансформација, области во кои и Европа и Кина прават големи напори за подобрување на состојбата.
➡️На отворањето на Кинеската едукативна програма во Пекинг и на 9-тата Конференција на CCHEIC во Нингбо присуствуваше и се обрати македонскиот амбасадор во Кина д-р Сашко Насев.
✅Ректорот на УКЛО, Игор Неделковски договори начела за соработка со неколку кинески универзитети. При посетата на Пекиншкиот Институт за технологии (еден од водечките универзитети во светот) најавено е дека наскоро пет студенти од УКЛО ќе добијат стипендии да учествуваат на летна школа организирана од овој универзитет. Исто така, преку Кинескиот совет за стипендии и преку фондови на кинеските универзитети постојат можности за стипендирање на студенти и наставници, за што наскоро ќе следат посебни информации за студентите и вработените на УКЛО.
✅При посетата на Министерството за образование на НР Кина, ректорот на УКЛО, Игор Неделковски ја истакна потребата од повторно активирање на програмата за билатерални научни проекти помеѓу Кина и РС Македонија, во рамки на која во периодот 2015-2019, УКЛО преку својот Факултет за информатички и комуникациски технологии - Битола реализираше два научни проекти. Истовремено, промовирана е и постојната соработка помеѓу Факултетот за туризам и угостителство – Охрид, единица на УКЛО и CIS Истражувачкиот центар на Универзитетот за технологии од Далиан.


#укло

Photos from Универзитет „Св. Климент Охридски“ - Битола's post 03/06/2024

УКЛО активен учесник на Третата меѓународна конференција „Унапредување на безбедноста во сообраќајот на патиштата“.

УКЛО учествуваше со свои претставници. Проректорката за студентски работи, д-р Јасмина Буневска Талевска, професор на Техничкиот факултет Битола на Отсекот за сообраќај и транспорт и деканот на Факултетот за безбедност Скопје, проф. д-р Никола Дујовски на Конференцијата активно партиципираа и како членови на Програмскиот одбор.

Тие беа дел од 150-те учесници, домашни и странски стручњаци од областа на безбедноста во сообраќајот кои низ презентации на научно-стручни трудови разменија искуства и добри практики на теми кои ги опфаќаат безбедноста на сообраќајот и на учесниците во сообраќајот на патиштата, сообраќајното инженерство и проектирањето, интелигентните транспортни системи и новите технологии, сообраќајната политика и регулативите, националната и меѓународната соработка и многу други прашања во функција на подобрување на безбедноста во сообраќајот на патиштата.

✨На деканот, проф. д-р Никола Дујовски, му е доделена плакета за долгогодишната соработка којашто Факултет за безбедност - Скопје ја остварува со Републичкиот совет за безбедност на сообраќајот на патиштата.

Инаку, Третата меѓународна конференција „Унапредување на безбедноста во сообраќајот на патиштата“ се одржа на 30 мај 2024 година, во организација наРСБСП, во хотелот „Холидеј Ин“ во Скопје.



#укло

Photos from Универзитет „Св. Климент Охридски“ - Битола's post 31/05/2024

✨Презентирани образовните и воннаставни понуди на единиците на УКЛО

✅На Отворениот ден на Универзитетот „Св. Климент Охридски“ – Битола единиците на УКЛО ги претставија своите образовни понуди, односно студиските програми на сите три циклуси на студирање, но и сите дополнителни содржини надвор од основната високообразовна понуда, коишто го комплетираат повеќегодишното студентско искуство и го прават подинамично, поразнолико и, секако, поквалитетно.
Централниот настан на којшто ширум се отворени вратите и на УКЛО и неговите единици, се одржа на Факултетот за туризам и угостителство – Охрид, со што продолжи традицијата востановена од минатата година, високообразовните институции да добијат можност својата понуда да ја презентираат и надвор од седиштето на Универзитетот, односно во другите градови во коишто УКЛО има свои конститутивни членки.

✅Единиците на свои штандови изложија брошури за студиските програми, разни пишани и електронски изданија – книги, учебници, монографии, научни списанија, студентски информатори и сл. и презентираа бројни национални и меѓународни награди на студентите и на тој начин, на заинтересираните посетители им се претставија поблиску.

✅Секоја единица имаше свои претставници, како од академскиот кадар, така и од студентите, кои непосредно одговараа на прашањата околу поединостите и специфичностите на студирањето на поодделните студиски програми.
✅Покрај штандовите на единиците на УКЛО, свое место најде и штандот на Центарот за кариера на Универзитетот КРЕДО / Студентскиот информативен центар, како обединувачка точка на т.н. „додадена вредност“ на Универзитетот, преку бројните можности што овој Центар им ги нуди и ги обезбедува за сите студенти на УКЛО.


#укло #уклостуденти

Photos from Универзитет „Св. Климент Охридски“ - Битола's post 28/05/2024

🔸Посета на Ректорот на UNWE Софија на УКЛО🔸

➡️На 23 мај 2024 година, во просториите на Ректоратот, се реализира работна средба помеѓу делегација на Универзитетот за национална и светска економија (University of National and World Economy – UNWE) од Софија и дел од раководството на УКЛО. Домаќин на ректорот на UNWE, проф. д-р Димитар Димитров и проректорот за меѓународна соработка, проф. д-р Јанко Христозов, од името на ректорот Неделковски беше проректорката за студентски работи на УКЛО, проф. д-р Јасмина Буневска Талевска, заедно со генералниот секретар, м-р Теодора Михајловска.
ℹНа состанокот, делегациите продискутираа за формите и начините за реализација на меѓусебна, академска соработка и договорија проширување и институционализирање на веќе постоечките релации. Покрај воспоставените Еразмус интер-институционални договори, проширувањето на соработката треба да придонесе за олеснување на заедничкото настапување на двете академски заедници на собири со меѓународен предзнак, за зголемување на опфатот во делот на публикувањето и секако, за подобрување на перспективите за успешно, заедничко аплицирање за научно-истражувачки проекти во европските фондови.


#укло

Info day University St Kliment Ohridski Bitola 30.05.2024 27/05/2024

❗ИНФО ДЕН ЗА ПЛАТЕНА ПРАКТИКАНСКА РАБОТА

✅Бидете дел од програмата на Career Transition Support Macedonia и приклучетесе на 40-тината успешно реализирани платени практиканства кои успешно се реализираа во изминатите две години, активност која е во реализација нa КРЕДО центарот при УКЛО и Светскиот универзитетски сервис WUS Germany.
📅Инфо денот ќе се одржи на 30.05.2024 година со почеток во 🕚11,00 частот на
📍Факултетот за биотехнички науки - Битола.

🌐Можете да се пријавете на следниот линк:

Info day University St Kliment Ohridski Bitola 30.05.2024 In this info-meeting we announce the Career Transition Program. "We" - this is the World University Service of Germany (WUS), in cooperation with the State of North-Rhine Westphalia and the Tetovo University as well as all North Macedonian State Universities. The aim is to strengthen career opportun...

Photos from Универзитет „Св. Климент Охридски“ - Битола's post 20/05/2024

🟡УКЛО домаќин на манифестацијата „Денови на универзитетскиот спорт во Битола“🟠

➡️Во организација на Универзитетската спортска федерација на Македонија, во соработка со Општина Битола и сесрдна поддршка од УКЛО, се одржа трибина на тема: Спортот версус Универзитетскиот спорт во градот Битола, како и дуалната кариера во спортот како најнов глобален тренд и предизвик.
➡️Ректорот на УКЛО, проф. д-р Игор Неделковски ги претстави сите активности кои досега нашиот универзитет ги прави за своите студенти и најави нови спортски содржини со кои ќе се збогати спортско – рекреативната понуда на УКЛО. Toj истакна дека УКЛО и понатаму ќе продолжи со поддршка на универзитетскиот спорт и ја потенцира важноста на соработката помеѓу УКЛО, Општина Битола и Универзитетската спортска федерација на Македонија во наредниот период која уште повеќе ќе се интензивира. Професорката Ленче Алексовска – Величковска од Факултетот за физичко образование, спорт и здравје, која воедно е претседател на Универзитетската спортска федерација на Македонија го нагласува фактот дека и Универзитетот и градот Битола остваруваат обединувачки поттик и изрази уверување дека тоа е начинот за унапредување на универзитетскиот спорт.
➡️Гордана Цветковска – Бошевска, соработник за спорт и млади во Општина Битола од име на градоначалникот Тони Коњановски се осврна кон условите и помошта кои општината ги дава за развој на универзитетскиот спорт, посебно иницијативата за обезбедување финансиски средства за континуиран развој на универзитетскиот спорт во градот и за Универзитетот.
➡️Марјан Љамчевски, виш соработник за култура и спорт на УКЛО и одговорен за универзитетскиот спорт во Универзитетот ги претстави бројните спортско – рекреативни активности на УКЛО во изминатиот период, спортовите што се дел од универзитетската лига, како и нововодените, меѓу кои веслање, едрење, тенис, куглање и други екипни спортови, кои Универзитетот им ги нуди на своите студенти.
➡️На крајот се обрати и г-дин Зоран Петковски, советник од Општина Битола, и само ја потврди решителноста на општината за вложувања во развојот на универзитетскиот спорт како гранка која е најблиску до професионалниот спорт во нашата држава.
➡️Тематскиот настан според ректорот на УКЛО, проф. д-р Игор Неделковски е извонредна прилика да се нагласи дека УКЛО продолжува да работи на планот на унапредување на универзитетскиот спорт и здравјето на младите, екипните и индивидуалните спортови кои воедно ќе бидат мост за поврзување на универзитетите и на овој план.
Манифестацијата се заокружи со спортски настан, Државен универзитетски куп на Македонија во ракомет во машка конкуренција што се одржа во Универзитетската спортска сала „Павел Шатев“ со учество на екипи од гостинските универзитети УКИМ – Скопје и УГД – Штип.


#укло #уклостуденти

Photos from Универзитет „Св. Климент Охридски“ - Битола's post 20/05/2024

🔸Прв работен настан на УКЛО во рамки на Алијансата КОЛОРС🔸

➡️Партнери од девет универзитети членови на Алијансата КОЛОРС од работниот пакет 5, академски, административен кадар и студенти, одржаа состаноци посветени на актуелни прашања за еднакви можности и услуги во високото образование.
Честа да биде домаќин му припадна на УКЛО. И овој, како и другите настани во европската универзитетска алијанса КОЛОРС се одржуваше хибридно, со што вклученоста на сите партнери и соработници е максимална. Од 16-18 мај 2024 г. УКЛО ги обедини партнерите и повеќе надворешни актери во проблемска дискусија чии главени приоритети се диверзитетот, еднаквоста и инклузијата.
➡️Проректорот од УКЛО, проф. д-р Горан Илиќ, раководител на пакетот 5 на УКЛО нагласува дека главната цел на проектот е деветте универзитети на КОЛОРС да се трансформираат во универзитети кои се наклонети да работат во полза на заедницата со суштинска и конкретна ориентација кон вакви актуелни теми.
➡️Професорот Мартин Јенс Персон, од партнерскиот универзитет Кристијанштад, Шведска, раководител на работниот пакет 5 на ниво на Алијансата, осврнувајќи се кон инклузијата во високото образование смета дека академијата го облагородува општеството се вклучување на лица независно од аспектите на различност и попречност, од различни возрасти и профили.
✅На работните средби се констатираа сличностите и разликите на политиките за еднаквост, диверзитет и инклузија во деветте партнерски институции, како и на ниво на држави и ЕУ, а се воспоставија и заеднички категории и принципи со кои ќе се работи на унапредување на истите на ниво на Алијанса.
✅Преку Алијансата КОЛОРС, ние како УКЛО успеваме да го манифестираме фактот дека УКЛО е рамноправен член на една ваква значајна, историска и богата Алијанса со знаење, компетенции, предизвици, порив и желба да се напредува на колективно ниво, оценува академскиот раководител на КОЛОРС УКЛО, проф. д-р Рената Петревска Нечкоска.
✅Ректорот на УКЛО, проф. д-р Игор Неделковски оценува дека дејствувањето на КОЛОРС ќе донесе тотална промена во работата на УКЛО на ниво на Алијанса и пошироко, став што го потврдува и Сана Гета, потпретстедател за меѓународна соработка на Универзитетот Ле Ман во Франција и кораководител на пакетот 5 на Алијансата. Таа ја нагласува важноста од одржување на вакви средби на членовите на Европската универзитетска алијанса КОЛОРС и истакнува дека за ефектите од Алијансата во регионот и за нивно влијание во општеството, потребно е повеќе време.
✅Состанокот на работната група 5 на КОЛОРС е заокружен со заклучоци произлезени од меѓусебната конверзација на претставници од училишта, организации и невладиниот сектор, при што се детектирани и идентификувани одредени перцепции, практики и конкретни активности, насочени за подобрување и унапредување на културата на еднаквост, диверзитет и инклузија како прашања кои ги засегаат сите општествени чинители.
✅Хибридниот настан од работниот пакет 5 својата практичност ја потврди благодарение на заедничка дебата и вклученост на различни општествени чинители во напорите да се унапредат сознанијата и пристапите за инклузија во високото образование со акцент на следење на индикаторите за инклузивна средина, како што се градење инклузивна култура, креирање инклузивна политика и развивање инклузивна практика.
✅Во фокус на анализираните конструкции се активирани темите за инклузивна средина, инклузивни вредности, универзитет за сите, преку промовирање на различноста, организација и мобилизирање на ресурси според мислењето на училишни и универзитетски педагози и стручњаци од други комплементарни области.
✅На состанокот на работната група 5 на Колорс се констатираа разликите, но и сличностите на политиките на универзитетите членки на Алијансата, како и на државните и меѓународните регулативи во однос на инклузивноста, и се започна со утврдување на заеднички пристап за унапредување на истите.
✅Заложбата е единствена, достапноста на универзитетското образование за сите е нужен стандард што треба да се поседува и да биде јасно изразен и применлив.


#укло #уклостуденти

Photos from Универзитет „Св. Климент Охридски“ - Битола's post 16/05/2024

Ева Нешкоска - талент на УКЛО 👏

🎓Универзитетот „Св. Климент Охридски“ - Битола продолжува со идентификација, промоција и поддршка на талентираните студенти, преку востановена структурна и содржинска форма, што овозможува прецизно детектирање на талентираните студенти преку високо конкурентен квалитативен процес, којшто вклучува неколку основни сегменти детално елаборирани во Универзитетскиот Правилник за надарени и талентирани студенти. Дополнителна алатка во насока на признавање на студентските вештини, знаења, ангажмани, преку доделување ЕКТС кредити надвор од предвидениот број кредити со студиските програми е и Правилникот за воннаставни активности на студентите, прв Универзитетски акт од ваков тип во државата, што претставува реален доказ во додатокот на диплома за способностите, вештините и индивидуалните предности и раст и развој на студентите, пред потенцијалните работодавци, што ја оценуваат соодветноста на студентите за пополнување на различните работни позиции.
➡️Оваа академска година, постапувајќи според критериумите од Универзитетските акти, Универзитетот одлучи високото признание наменето за талентирани и надарени студенти да го понесе Ева Нешкоска, студент во четврта година на прв циклус академски студии, на студиската програма Македонски јазик и книжевност.
➡️За постигнувањата на Ева, како и за причините поради коишто таа го заслужила ова високо признание, во рамки на Отворениот ден на УКЛО, елаборираше проф. д-р Силвана Нешковска. Меѓу другото, професорката истакна дека, покрај тоа што Ева е студент кој покажува натпросечни резултати во текот на студирањето, што е евидентно од остварениот висок просек, таа секогаш активно учествува во сите настани организирани на Педагошкиот факултет - Битола - трибини, литературни читања, јазични работилници и сл., на тој начин задоволувајќи ја интелектуалната љубопитност и надградувајќи ги своите знаења. Според проф. Нешковска, Ева својот раскошен талент и префинето чувство за апликативно преведување и толкување го покажа со учеството во преведувачкиот проект на Педагошкиот факултет на препев на песни на македонскиот поет Ацо Шопов. Нејзината надареност што се огледува во препевот на десетина песни од богатиот опус на Шопов на англиски јазик добива на уште поголемо значење ако се знае дека Ева препевите ги направи на јазик којшто не е нејзина основна студиска преокупација.
➡️Ева, не е само преведувач. Таа активно твори и се потврдува како млад, но веќе изграден поет. Па, така, литературното читање посветено на Шопов, во декември, минатата година, го збогати со својот рецитал на поезијата на Шопов, со што уште еднаш ја потврди нејзината посебна поврзаност со поезијата, односно книжевноста воопшто. Притоа, литературното читање беше отворено и затворено токму со стихови напишани од Ева, инспирирани од великанот Шопов.
✅УКЛО ја вброи Ева како еден од авторите на првото Студентско списание УКЛО КОЛОРС, поради нејзините новинарски вештини стекнати преку активностите на студентскиот новинарски клуб, како и поради веќе споменатите преведувачки и толкувачки познавања од македонски на англиски јазик и обратно.
✅Ако досега не беа доволни набројаните постигнувања на Ева, како круна на успесите доаѓа нејзината победа на овогодишениот Ораторскиот натпревар УКЛО Тривум кој се одржа во април, каде на дело ги покажа и своите ораторски способности и афинитети.
✅Ова беше и повеќе од доволно Ева Нешкоска да биде прогласена за Талент на УКЛО!


#укло #уклостуденти

Photos from Универзитет „Св. Климент Охридски“ - Битола's post 15/05/2024

✨УКЛО ќе претседава со УниАдрион во периодот јуни 2025 – мај 2026

🔹На редовната, пролетна сесија на Генералното собрание на УниАдрион, што се одржа на 14 мај 2024 на Универзитетот во Сплит, со мнозинство гласови на УКЛО му е доверена извонредната прилика да претседава со Јадранско-јонската асоцијација во периодот од 1 јуни 2025 до 31 мај 2026 година, во рамки на ротирачкото претседателство како прва членка од Република Северна Македонија.

🔸Во работата на Собранието, каде што беа присутни редовните членови на Управувачкиот одбор на Асоцијацијата, учествуваше проректорката за студентски работи, проф. д-р Јасмина Буневска Талевска и го претстави Универзитетот од името на ректорот, проф. д-р Игор Неделковски којшто е член на Одборот и претставник на македонските високообразовни институции во УниАдрион.

🔸Во рамките на придружните настани на Собранието, проректорката Буневска Талевска учествуваше и на потпишувањето на Сплитската декларација за зачувување и промовирање на медитеранскиот начин на исхрана во Регионот, за бенефитите од овој начин на исхрана, културата и одржливоста на истата, што се случи во просториите на Сплитската регионална стопанска комора.

🔹Инаку, Универзитетот во Сплит е актуелен претседавач на УниАдрион и на крајот на мај ќе го предаде претседателството на грчкиот претставник во Асоцијацијата, Универзитетот во Јанина.


#укло

Photos from Универзитет „Св. Климент Охридски“ - Битола's post 15/05/2024

🥗Со вкусни закуски од вештите раце на студентите, Факултет за туризам и угостителство - Охрид успешно и на дело ја претстави практичната компонентна на студиската програма Гастрономија и прехранбена технологија, користејќи ја улогата на домаќин на Отворениот ден на Универзитетот.
Учесниците, организаторите, студентите, посетителите имаа можност да ги вкусат закуските подготвени од вештите раце на студентите кои ги изучуваат тајните на кулинарството, под менторство на професорот Климент Наумов, како и со сесрдна помош од професорот Момчило Цониќ, од Академијата за стручни студии, Лесковац, Република Србија, со којашто Факултетот за туризам и угостителство негува долгогодишна соработка.
🍜🍮Преполните трпези со различни солени и слатки специјалитети беа потврда за многупати наградените кулинарски вештини на студентите на ФТУ. Од натпреварите и освоените награди се истакнува заслуженото Гран При на Светското кулинарско натпреварување во Истанбул и добивањето на најпрестижната награда „Златно тавче“.
Присутните уживаа во врвни кулинарски мајстории, што ги задоволуваат најпрефинетите и најпребирливите сетила за вкус и кулинарска естетика на аранжирањето на меѓународните судии - готвачи.


#укло #уклостуденти

Photos from Универзитет „Св. Климент Охридски“ - Битола's post 15/05/2024

➡️Содржинскиот дел на Отворениот ден на Универзитетот „Св. Климент Охридски“ - Битола беше збогатен со одржувањето на Панелот насловен како „Повеќе од образование“, на којшто учествуваа ректорот на УКЛО, проф. д-р Игор Неделковски, заменик градоначалникот на Општина Охрид, г-дин Перчо Божиноски, претставничката на Стопанската комора на Северна Македонија, г-ѓа Наташа Јаневска, деканката на Факултетот за туризам и угостителство – Охрид, проф. д-р Снежана Дичевска и деканката на Економскиот факултет – Прилеп, проф. д-р Драгица Оџаклиеска. Модератор на панелот беше проф. д-р Јасмина Буневска Талевска, проректор за студентски работи.

➡️Учесниците на Панелот, во линија на мотото „Повеќе од образование“, говореа за образованието како концепт што излегува надвор од Универзитетските (факултетските) ѕидови, образование на коешто му е тесен просторот врамен содржински со студиските програми, а просторно со универзитетските предавални, холови, кабинети, амфитеатри, лаборатории, аули,...
Ректорот Неделковски како прв говорник се осврна кон тоа што Универзитетот им го нуди на студентите, но и на пошироката јавност, поконкретно на потенцијалните вработувачи на Универзитетскиот производ - дипломираните студенти, повеќе од она што значи основна студентска наобразба. Тој се ги посочи активностите со коишто досега Универзитетот го градеше концептот „Повеќе од образование“, како и на идните планирани „дополнителни вредности“, коишто ќе го унапредат и ќе го зголемат квалитативно, но и квантитативно овој процес, на којшто УКЛО му дава стратешки приоритет.
➡️Заменик градоначалникот на Општина Охрид, Перчо Божиноски, ја истакна долгогодишната соработка што ја негуваат и ја спроведуваат на дело со Факултетот за туризам и угостителство - Охрид. Од особена важност ја истакна поддршката што локалната управа им ја дава на студентите, изразена во паричен надоместок, како олеснување на финансиските потреби за време на студирањето.
Претставничката на Стопанската комора, г-ѓа Наташа Јаневска, се задржа на концепт на дуално образование и на неговото значење и воведување во високото образование. Таа ја нагласи потребата од паралелно водење на процесите на зголемување на делот на практичната работа на факултетите, но и на дефинирање на високообразовните квалификации во Националната рамка за квалификации, за појасно дефинирање и полесно прифаќање на високообразовните квалификации на дипломираните студенти од страна на реалниот сектор.
➡️За тоа дека УКЛО ги следи трендовите што ги наметнуваат потребите на пошироката јавност, односно потенцијалните вработувачи на дипломираните студенти на нашиот Универзитет, како и тековните барања на студентите, претставувајќи успешни приказни, говореа деканките на Економскиот факултет - Прилеп, проф. д-р Драгица Оџаклиеска и на единицата домаќин - Факултетот за туризам и угостителство - Охрид, проф. д-р Снежана Дичевска. Преку нивните излагања, УКЛО се потврди како водечки регионален понудувач на високообразовни содржини, за коишто стопанствениците се согласни дека обезбедуваат применливи знаења за студентите, високо ценети од страна на работодавците во јавниот и во приватниот сектор, владини институции и други организации. Исто така, деканките посведочија дека факултетите во рамки на УКЛО, имаат воспоставено силни партнерства и со високообразовни институции од странство и со корпоративниот сектор како резултат на што студентите можат да реализираат престои во партнерските институции, да следат предавања од еминентни визитинг-професори, да остваруваат посети и пракса во реномирани компании и да спроведуваат многубројни други активности предвидени со договорите за соработка.
➡️Од изнесените ставови на панелистите се заклучува дека концептот „Повеќе од образование“ на Универзитетот може успешно да опстојува само преку функционална врска со реалниот сектор; континуирана комуникација со заедницата, за да се детектираат и препознаваат проблемите, со цел академијата заедно со стопанската комора и другите чинители од општествената заедница да ги мобилизираат силите во градењето единствен став и донесувањето добри одлуки врз основа на националните и Универзитетските стратегии за раст и развој на високото образование.


#укло #уклостуденти

Want your school to be the top-listed School/college in Битола?

Click here to claim your Sponsored Listing.

Videos (show all)

📍На Технички факултет Битола - ТФБ на 27 март 2024 г. се одржа вториот Саем за вработување, практикантство и стипендии, ...
✨УКЛО е дел од Алијансата на европскиот универзитет Колорс. ✨ℹКолорс е пресвртница. За уште посилна меѓународна мрежа шт...
🔶По повод  Европската недела на Мобилност, Europe House Bitola во соработка со Универзитетот „Св. Климент Охридски“ - Би...
I 💜UKLO, a oва е нашата Кристина Димитриеска, Претседателка на Факултетското студентско собрание на Економскиот факултет...
🎬 Од промоцијата на нобеловецот Ден Шехтман за Почесен професор на УКЛО #укло #uklo
●На 25.04 на платото во офицерски дом Битола, се одржа отворен ден "УКЛО И ПРИЈАТЕЛИТЕ", по повод 44 години од постоењет...
Од обраќањето на Ректорот Проф. д-р Игор Неделковски посветен на мисијата на УКЛО ▪️ Сакаме младите луѓе да остануваат д...
Дисеминирани резултатите  од УСК УКЛОПо  успешно одржаната Универзитетска студентска конференција, УКЛО ги објави резулт...
УКЛО учесник во јавна дебата за урбана мобилностТим од студенти, професори и административен кадар од УКЛО зедоа активно...
Хибриден форум по повод активностите на УКЛО за борба против корупцијата и судир на интереси на тема „Универзитет без ко...
”Потребна е поголема поддршка  на талентираните студенти и вработување на најдобрите дипломирани студенти на државните У...
Е-Форум „Универзитет без корупција“ по повод Меѓународниот ден за борба против корупцијата 9-ти декември во организација...

Location

Address

Булевар 1-ви Мај бб
Битола
7000
Other Colleges & Universities in Битола (show all)
Факултет за информатички и комуникациски технологии - Битола Факултет за информатички и комуникациски технологии - Битола
Студентска б. б
Битола, 7000

Официјална Facebook страница на Факултетот за информатички и комуникациски технологии - Битола