Alharamain Islamic Primary School

Alhamdulillah 🤲 ទិដ្ឋភាពបងប្អូនប្រជាពលរដ្ឋជាសាសនិកឥស្លាមបានអញ្ជើញចូមរួមយ៉ាងច្រើនកុះករ នៅយប់ ISRA MI'RAJ 27 RAJAB 1446 H / 2025 ដែលរៀបចំឡើងនៅក្នុងសាលាបឋមសិក្សាអុីស្លាម អាល់ហារ៉ម៉ៃន៍ ស្ថិតនៅភូមិនរា ឃុំនរា ស្រុកសង្កែ ខេត្តបាត់ដំបង។

Alhamdulillah🙏គណៈគ្រប់គ្រងសាលាបឋមសិក្សាបឋមសិក្សាអុីស្លាម អាល់ហារ៉ម៉ៃន៍ បានរៀបចំពិធីប្រគល់ប័ណ្ណសរសើរ និងចែករង្វាន់ ដល់សិស្សពូកែប្រចាំឆ្នាំ២០២៤ នៅថ្ងៃអាទិត្យ ទី២៩ ខែកញ្ញា ឆ្នាំ២០២៤ ក្រោមអធិបតីភាព ឯកឧត្តម ទីន សារាវុធ អភិបាលរងនៃគណៈអភិបាលខេត្តបាត់ដំបង និង បានការការចូលរួមពីអាជ្ញាធរមូលដ្ឋាន ហាកឹម ភូឈួយ នាយកសាលា នាយករង លោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្ស យ៉ាងច្រើនកុះករ។
>>>សូមគោរពថ្លែងអំណរគុណយ៉ាងជ្រៀលជ្រៅចំពោះសប្បុរសជនទាំងអស់ដែលបានចូលរួមជួយឧបត្ថម្ភគាំទ្រដល់កម្មវិធីទាំងមូល។ សុំឌូអ័រទទួលបានសេចក្តីសុខ សុភមង្គល និងជោគជ័យគ្រប់ភារកិច្ចការងារ។ សូមអរគុណ។

Assalamualaikum ! គណៈគ្រប់គ្រងសាលាបឋមសិក្សាអុីស្លាម អាល់ហារ៉ម៉ៃន៍ នឹងរៀបចំពិធីប្រគល់ប័ណ្ណសរសើរ និងចែករង្វាន់ ដល់សិស្សពូកែចំនួន៨៥នាក់ ដែលបានខិតខំប្រឹងប្រែងរៀនសូត្រក្នុងឆ្នាំសិក្សា ២០២៣-២០២៤ ដែលនឹងប្រព្រឹត្តធ្វើឡើងនៅថ្ងៃអាទិត្យ ទី២៩ ខែកញ្ញា ឆ្នាំ២០២៤ វេលាម៉ោង១រសៀល។ ដើម្បីជាការរួមចំណែក លើកទឹកចិត្តដល់សិស្សដែលបានខិតខំរៀនសូត្រ គណៈគ្រប់គ្រង សូមអំពាវនាវដល់ឯកឧត្តម លោកជំទាវ លោក លោកស្រី ជាមាតាបិតា អាណាព្យាបាលសិស្ស និង សប្បុរសជនទាំងក្នុង និងក្រៅប្រទេស មេត្តាចូលរួមជួយឧបត្ថម្ភគាំទ្រដោយសទ្ធាជ្រះថ្លា ដើម្បីបង្ហាញនូវការស្រលាញ់ គាំទ្រ និងជម្រុញឱ្យការសិក្សាអប់រំអុីស្លាម កាន់តែមានវឌ្ឍនភាព។ សូមអរគុណ🙏🙏🙏

ថ្ងៃទី២២ ខែសីហា ឆ្នាំ២០២៤ គណៈគ្រប់គ្រងសាលាបឋមសិក្សាអ៊ីស្លាម អាល់ហារ៉ម៉ៃន៍ ស្ថិតនៅភូមិនរា ឃុំនរា ស្រុកសង្កែ ខេត្តបាត់ដំបង បានរៀបចំការប្រលងឆមាសទី២ បញ្ចប់ឆ្នាំសិក្សា២០២៣-២០២៤ ដែលមានសិស្សានុសិស្សចូលរួមប្រលងសរុបចំនួន៣៣១នាក់ ស្រី១៧០នាក់។ សិស្សពូកែដែលជាប់ជ័យលាភីលេខ១ ដល់ លេខ៥ គ្រប់កម្រិតថ្នាក់ទាំងអស់នឹងត្រូវទទួលប័ណ្ណសរសើរ ថវិកា និងរង្វាន់លើកទឹកចិត្ត នៅក្នុងពិធីចែករង្វាន់សិស្សពូកែនាពេលខាងមុខ។

នៅថ្ងៃទី០២ ខែឧសភា ឆ្នាំ២០២៤ គណៈគ្រប់គ្រងសាលាបឋមសិក្សាអ៊ីស្លាម អាល់ហារ៉ម៉ៃន៍ បានបើកកិច្ចប្រជុំប្រចាំខែ ដើម្បីជជែកពិភាក្សា អំពីបញ្ហាផ្សេងៗមួយចំនួន ទាក់ទងនឹង ការងារអប់រំ គុណភាពផ្ទៃក្នុង ទិសដៅការងារបន្ត និង ផែនការ ការងាររៀបចំ ត្រៀមលក្ខណៈ ក្នុងការបង្រៀន និងរៀន ក្នុងស្ថានភាពអាកាសធាតុឡើងកំដៅខ្លាំង។

នារសៀលថ្ងៃទី០១ ខែវិច្ឆិកា ឆ្នាំ២០២៣ គណៈគ្រប់គ្រងសាលាបឋមសិក្សាអ៊ីស្លាម អាល់ហារ៉ម៉ៃន៏ បានបើកកិច្ចប្រជុំពិភាក្សា ស្តីពីការត្រៀមលក្ខណៈរៀបចំ ប្រចាំឆ្នាំ២០២៣ ចំនួន៨០នាក់ ដែលគ្រោងនឹងរៀបចំឡើងនៅថ្ងៃទី០៩ ខែវិច្ឆិកា ឆ្នាំ២០២៣ ខាងមុខនេះ វេលាម៉ោង១រសៀល នៅសាលប្រជុំ(អគារក) នៃសាលាបឋមសិក្សាអ៊ីស្លាម អាល់ហារម៉ៃន៍។

ការប្រកាសលទ្ធផលសិស្សពូកែប្រចាំឆ្នាំសិក្សា២០២៣នៃសាលាបឋមសិក្សាអ៊ីស្លាម អាល់ហារ៉ម៉ៃន៍ ដែលសិស្សជាប់ជ័យលាភីលេខ១ដល់លេខ៥មានចំនួន៨០នាក់ ពីថ្នាក់មត្តេយ្យកម្រិតទាប រហូតដល់ថ្នាក់ទី៦។ អបអរសាទរចំពោះសិស្សដែលបានខិតខំរៀនសូត្រពេញមួយឆ្នាំរហូតទទួលបានលទ្ធផលល្អប្រសើរនៅថ្ងៃនេះ។

ថ្ងៃអង្គារ ១២ កើត ខែភទ្របទ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២៦ ខែកញ្ញា ឆ្នាំ២០២៣
គណៈគ្រប់គ្រងសាលាបឋមសិក្សាអ៊ីស្លាម អាល់ហារ៉ម៉ៃន៏ បានរៀបចំការប្រលងបំណាច់ឆ្នាំសិក្សា២០២៣ ដើម្បីកំណត់សិស្សដែលត្រូវឡើងថ្នាក់, សិស្សត្រួតថ្នាក់ និង សិស្សពូកែប្រចាំឆ្នាំ ដើម្បីទទួលរង្វាន់ និង ប័ណ្ណសរសើរនៅចុងឆ្នាំនេះ។

===បាត់ដំបង, ថ្ងៃទី០៦ ខែកញ្ញា ឆ្នាំ២០២៣
គណៈគ្រប់គ្រងសាលាបឋមសិក្សាអ៊ីស្លាម អាល់ហារ៉ម៉ៃន៍ បានបើកកិច្ចប្រជុំនៅទីចាត់ការសាលា ដើម្បីបូកសរុបលទ្ធផលការងារ និង ជជែកពិភាក្សា ផ្លាស់ប្តូរយោបល់ ដើម្បីបំពេញចន្លោះខ្វះខាត និង បន្តការខិតខំពង្រឹងគុណភាពអប់រំ ឲ្យកាន់តែប្រសើរឡើង។