H.Y. LAU

呢個學生，好值得一個post去紀錄下

有上live嘅同學，可能會見過呢位姐姐喺班房，有人試過問佢問題，有人同我講超研求其捉個人問數學問題都識答，有時story 會見到佢蹤影。

佢係我3年前嘅畢業生，呢3年斷斷續續喺超研幫手。今日lastday，要去醫院實習了。

教學相長，我比到嘅係數學上嘅視野，explore下數學世界。而佢呈視比我睇，係接收理論知識後，如何係現實世界應用出嚟。

你地每一個數學上嘅output ，令我更認識自己，從你哋身上認識超研嘅獨特性。更加重要嘅係，當感到低落嘅時候，你哋話返比我聽，自己嘅付出其實係睇到嘅

實習喇，一切順利呀

#數學老師唔識講嘢
#寶寶心裡祝福但寶寶不說
#補習社見
#餐廳見
#唔好醫院見

“I am invincible as long as I am alive”

長話短說
考試係心態，運氣同努力三合一嘅結果。
運氣我們控制不了，努力不用多說，大家都知超研寶寶係做咩嘅數學題成長。

我想講嘅係心態

“I am invincible as long as I am alive”
「我是所向披靡的」

今日你要嘅唔係操練，而係熱身，拎返應有嘅自信同做卷嘅節奏。

我一直都認為，一個成功嘅人，難免有一種驕傲，而喺考試，呢份正向嘅驕傲就係自覺無敵，自信咁步入考場狀態；

而呢一刻嘅你，必須相信呢個無敵狀態會為你帶嚟考好嘅決心

我會一直喺度陪伴大家，無論係考前，考緊定考完

加油
#考完見

2023 Form 6 -完

希望呢度帶俾大家係一個歡樂而有內容嘅數學堂

各位再會

Ps 如果發現我po見唔到你，唔好sad ，因為我搵自己靚仔嘅相po😂 同埋有啲相我仲未收到，快啲tag返我🫶

#多謝大家聽我最後嘅說話
#有人話覺得好有意思

#記得果架整極都唔好嘅車
#我無喊
#只每次提到自己影響大家數學就會有莫名奇妙嘅感覺

#大家加油

考完再見

Lastday 2023 集一

明明Lastday 每年都有一次，但每一次都獨一無二。因為你哋對我嚟講，每一位都有不同回憶，有一年的，有長達六年的🫶🫶

註：第一次有人帶props 嚟影相（我好似唔係行可愛風）

#有人問我記唔記得佢個名
#當然我答到
#仍然記得當初的說話
#只是記憶力隨年紀下降

出現唔係必然

#久違了的有愛照片
#大家加油

超研開放日
「我記得有一年同學生講過，如果你地5** 就返嚟飲咖啡」
今年，我決定找數。

由決定要搞5**活動，我好堅持，一定要有意義先有意思，所以一直無事先張揚考得好有咩獎咩獎，因為純粹為咗派錢影大合照完全扭曲咗學習嘅原意

為咗呢日嘅Reunion，我去咗一間coffeeshop 試做一日barista學點去沖咁多杯咖啡（雖然我係玩咗咖啡好多年，但我真係未試過要沖咁多🤣）

講下少少背景，就係點解會無啦啦呢日沖咖啡而唔係搞個珍奶放題😂 因為我覺得陪住我去到今日，咖啡係一個我精神既支柱（唔係咖啡因呀🤣 而係沖咖啡呢門藝術），幫咗我舒緩壓力，令自己行得更遠。因為咁，亦都想借呢個機會話比大家聽，除咗日後專注做自己嘅理想，都唔好忘記，適當放鬆，都係令自己行得更遠

聽日，希望除咗能夠比到獎學金你地，仲可以大家比你地感受一下我鐘意既一樣野，可以親手沖杯咖啡比你地。有一個不一樣既scholarship day。 等你哋呢一日係超研，終於唔係勁chur，而係勁chill。

除左收到invitation嘅大家，都歡迎歷年舊生上黎傾下計，飲杯野

Btw今朝9點連上到5點，再同同事夾手夾腳SET好聽日個場，啱啱先有時間打埋呢個post！

有個小彩蛋想講，留意聽日咖啡杯杯套印咗句說話
“How to eat an elephant ? A bite at a time !”
話我知，你get到咩😎

期待聽日見到大家

放榜有令你很緊張嗎？

「唔駛緊張啦，都大局已定。人生仲有好多更緊張嘅事情」

你聽厭咗未？

真係大局已定嘅，不過我唔認同人生仲有好多比放榜更緊張嘅事情㗎！

因為至少到今天，我仍然記得十幾年前嘅放榜前夕。

那一夜，很多胡思亂想，回想自己呢幾年夠唔夠努力，想想萬一失手或者未如理想，可以點算。

雖然話放榜都算人生最緊張之一，但關乎未來嘅路，的確有太多比放榜更有影響力嘅未知數。

每年都有好多同學會問吓升學意見，自問稱唔上俾到咩具體建議，因為我只係由衷地、好真心咁叫大家用「鐘意讀咩就讀咩嘅心態」，少啲理世俗，少啲諗收入。

我真係一個理想出發嘅人，因為我一直都相信，只要有心，對喜歡嘅事情有passion，就會做得好。以身作則，我親身示範緊比你哋睇。

放榜日，有人歡喜、有人失望。為理想而行嘅路，有長有短，重要係路程上，有奮不顧身咁努力過

#希望超研喺你心裡留低嘅係開心
#相內外嘅都祝放榜順利

超研Chur嘅文化 - Mock卷之誕生

唔少同學係story 表示想聽下我講個mock 嘅製作 ，我都想趁機會好好紀錄吓每份mock係點樣誕生。

講咗傳統先，由8年前開始，超研每一年都會搞兩次mock比中一至中六，卷一卷二加埋，每年tutor team要出24份試卷。

呢24份卷，內容全新、每一個粒字同數字都完完全全由超研團隊創作、要求高到係唔會翻炒我哋自己出過嘅題目嘅試卷呀！！

每年製作24份大家所講「難到死」嘅卷，究竟有耗時呢？我對tutor們又有咩要求呢？

Stage 1 - Set好出卷deadline

其實一整年都係度出卷。
大概每年8月至11月，tutor team就籌備F.1-F.5 term 1 mock exam ；11月至3月籌備F.6；3月至6月籌備term 2 exam。 即係每年絕大部分時間都係度整緊mock；仲未計平時有嘅quiz、note等等其他教學材料，超研tutor team真係好忙

Stage 2 - 「難到死」試卷之鍊成

可能你地會問，點解出卷要用咁耐時間呢？

因為我嘅要求係，出過嘅問題唔要、普通問題唔要、故事結尾唔靚唔要、個圖唔夠特別唔要。

由零到有，首先就要睇哂過往超研出過嘅所有試卷，按往年唔同課題學生performance 先去決定每個題號出嘅內容；

跟住要擬訂每題嘅「深度」，想考/想教識大家啲乜野，題目嘅鋪排，長題目嘅故事， mc 入面隱藏啲咩，係超研，每一條題目真係認真「度」出嚟；

就係咁，一個又一個「度題會議」，去到第一個draft ，都未開始出題，已經用咗超過1個月。出到試卷雛形，再去到第二個draft，一般已經會改走40%，然後再進入另一個出題地獄…

Stage 3 - 試卷，真係要試吓份卷

多謝歷屆咁多5星星寶寶返黎幫手，一般都會由佢哋去試做第一轉份卷，

搵下bugs ，評下深淺。雖然，最後comment 都係好難🤯，做卷時長即使係5星星都用咗兩倍時間。（其實年年都係咁，即係出多咗1倍內容）

Stage 4 - 斷臂

即使幾唔捨得都好，做卷時長超出兩倍時間係唔理想，呢個時候會開始改淺，改短，如是者version 5、version 6…. 一般會改多3轉。中途即係做多3次。所以我必須話比大家聽，你地做緊嘅卷，上面其實仲有份好難，同好_難嘅卷。正式出卷後，我哋仲跟足dse format ，用多一星期去寫marking。

Stage 5 - 無限延伸解卷

去到解卷呢part，其實呢幾年，轉咗online解卷，令每題可以無限時咁詳細解釋，從而將題目想考嘅底蘊、想你識嘅內容清清楚楚咁詳述，結果一個年級最少拍4個鐘頭片，對學生嚟講，係一條極度好用嘅溫習片，而對我同其他tutor，其實真係好瘋狂，我哋要係仍然要教班嘅日子擠時間拍片，超研真心chur，唔單止係學生，tutor都係。

感謝 - 呢個一齊顛嘅Mock團隊

有人問，Mock為咩？點解唔出得普通d？搵好多錢既咩？我好肯定咁講，mock絕對無令超研收入多咗，反之一份mock用嘅時間係超越大家想像。

但對於我來說，mock唔單止係一個考試嘅機會，更加係我每年比大家嘅「最後一堂」，希望可以用呢個試比大家學到更多。

係呀，可能呢度嘅mock嘅分數比起學校低幾多，因為我訓練緊唔係一個表面嘢熟到8、90分嘅人，而係對每一課最深層都能夠好透徹咁理解、隨時recall 到唔同方法去做、一個準備去拎5**既數學人。

我希望係度嘅同學都為住下一個試做得更高分而努力，希望無論我出一份幾深入既卷嘅時候，大家都可以秒殺。

其實好想趁呢個機會多謝呢個mock 嘅團隊，人數眾多，大家忍受住我咁多次改動都無怨言，一齊都為份卷去努力，係超研教數，就係咁CLS地喜歡教好數學

#對唔住字太多 #我們都愛上數學

大眾總喜歡用星星嘅總數去評價一個老師，但我自己最在乎，係有幾多學生，肯用6年時間係超研呢度上堂，因為時間唔會呃人，用6年去建立嘅，一定唔單止係知識，更加係對我教學嘅肯定。

作為最top-tier嘅超研寶寶，點都要介紹下等佢哋沾沾一下

呢3位學生，陪足我6年，佢哋個名，係我唔需要諗就能夠叫得出，思力妹、方同學（費事開你全名）、子瀚；數學5⭐️⭐️係基本，當中兩位會成為醫生，另一位讀緊QFRM 要做炒股專家。

真心㗎，作為一個補習老師，能夠係學生生命中出現六年，去聽我講書講爛gag，更甚係大家遇上唔同人生難題時，會諗起我同我傾訴甚至搵我幫手解決，真係有份好大嘅滿足感。

6年嘅師生情，應該係超研獨有？無咩邊間教育機構有老師咁專一，能夠同一個老師教哂六個年級，連日校都無啦😎

係超研呢十年，我評價自己嘅教學成績，已經唔單單數住有幾多5星星，而係學生有幾喜歡同願意係呢度上堂；超研一路走來，最重要同要繼續做好嘅，就係踏踏實實咁令大家鍾意自己學緊嘅野。

Btw今日食飯大家講到，今時今日去做私補時，先驚嘆我教數嘅條理（而家先知教書唔易嚟咩😜？）

「憑一口氣，點一盞燈，有燈就有人」

終於復課，終於可以係課室見面。
我依然好珍惜每一次堂上互動，抬頭一個眼光我已經分到你哋係度笑緊、諗緊定迷惘緊；
很久不見，我依然係會用盡120分努力去教好每一堂嘅HY，期待見返大家，chur到大家有個你同我都滿意嘅成績。

P2

Section B Q19

Section B Q15-18