2be

2be

2be - um tú vilt meir 2be er til tín, sum ynskir persónliga hjálp og vegleiðing í øllum teimum lívsins viðurskiftum, sum forað fyri at tú kanst livað lívið fult út.

Tørvurin kann verða sera ymiskur, men fyri at nevna nøkur dømir : tunglyndi, hava mist ein kæran, sjúka, brek, strongd, svøvntrupulleikar, mattrupulleikar, manglandi sjálvsvirði, hendingar í lívinum sum hava likamligan/sálarligan ávirkan á teg, angist, fobi o.s.v.
2be arbeiðir gestaltterapeutiskt. Vit veita:
- Persónlig menning
- coaching
- supervisión
- bráðfeingis hjálp í kreppu, sjúku og sorg.
- terapi
- bólkar
- Spennandi og viðkomandi skeið og fyrilestrar
Meir á www.2be.fo

2be.fo 07/05/2020

Persónlig samrøða - 2be

Hjá 2be fer virksemi nú eisini uppaftur í ferð og møguleiki er at biðja sær tíð til samrøður. Komandi tíðina er kalendarin nokkso fullur, men ynskir tú at bíleggja tíð so lat meg frætta, so finni eg tíð so skjótt tað fer at bera til. Gleði meg til nógvar læruríkar samrøður 😊
Her fært tú eitt lítið innlit í hvat ein persónlig samrøða er 👇🏻

2be.fo Fyri meg er tað umráðandi at tú/tit sum koma til persónligar samrøður føla at tit verða møtt har tit eru, just við tí tit koma við. Eg takið støði í tí eg upplivi saman við tykkum, og vísi á hvat eg síggi, hoyri og upplivi sum so aftur kann skapa tilvitan um "blindar plettir" "...

15/03/2020

Kunning til tykkum sum ganga til viðtalur ella um tú ynskir tíð hjá Sp/f 2be
Nøkur fyrivarni verða tikin í samband við at Corona virus herjar landi júst nú.
Vitandi at fólk sum hava tørv á sálarviðger, kunnu koma rættuliga illa fyri av ikki at sleppa til viðtalur í longri tíð, havi eg fyribils valt at halda á at hava samrøður.
Vil tó takað neyðugu fyrivarni, fyri so væl sum gjørligt, at tryggja at smitta ikki verður førd viðari.
Við hesum sagt at:
- Vit halda frástøðu við t.d. Ikki takað í hondina.
- Eyka reingerð og avsprittan verður millum hvørja samtalu
- Spritt er í viðtaluhølunum, sum tú kanst nýta tá tú kemur og fer
- Tú boðar frá og útsetur samrøðuna um tú hevur nakað sjúkutekin. (Eg geri tað sama)
- Tú útsetir um tú ella onkur í tínum húskid er í frívilligum ella boðnum sóttarhaldi. (Eg geri tað sama)
Møguleiki er at fáa samrøður gjøgnum skype
Tá hetta er sagt, síggi eg fram til góðar og gevandi samrøður um lív og sálarheilsu.
Sigbritt

2be.fo 12/02/2019

2be

Nýggja heimasíðan er nú væl ávegis og longu nú kanst tú forvitnast m.a. hvat ein persónlig samrøða er, um 24/7 tænastuna, um fyritøkuna, lesa viðkomandi greinar og hoyra samrøður. Í næstum verður fari undir at útdjúpa lýsingar av skeið og fyrilestrum og at orða lýsing av komandi traumadepli.

2be.fo Persónligar samrøður, fyrilestrar ella skeið. Kjarnin er at seta lívið í perspektiv. Máli er størri tilvitan. Størri tilvitan gevur møguleika at velja ørvísi. Ørvísi val kann broyta títt lív.

psykiatrifonden.dk 10/01/2019

Det kan lade sig gøre at lægge sygdommen bag sig eller leve et godt liv med den

Hugburðurin at sálarsjúka er ein lívslang støða, er tíbetur við at broytast

psykiatrifonden.dk Morten Engell Thomsen er stadig på vej op ad bakken, men i dag er vejen lige og jævn, hvor den før var snoet og knoldet. Midt i tyverne fik han at vide af en psykiater, at han nok skulle regne med at være alvorligt psykisk syg resten af sit liv. Spiralen bevægede sig da også udelukkende nedad ...

[11/20/18]   OBS!!
Tilmeldingarfreistin er 1. des.

Nú kanst tú gerast góðkendur TRE-Provider
Hvat er TRE?
TRE er stytting fyri Tension and Trauma Releasing Exercises, t.e spennings- og traumaloysandi venjingar.
Talan er um eina nýggja, einastandandi tilgongd til strongd- og traumaviðgerð, ment av amerikanska kropsterapeutinum David Berceli. Støðið verður tikið í, at strongd og trauma setur seg í kroppin og overvar organismuna. Støðan kann gerast varandi. Á henda hátt versnar lívsdygdin, og ein kann gerast sjúkur. Siðbundin sálarfrøðilig og heiliváðsviðgerð kann í nógvum førum vísa seg ikki at virka nóg væl, tí kroppurin ikki verður tikin við í viðgerðina. Hetta kann kortini bøtast uppá við hesi venjingarskrá, sum harafturat er lutfalsliga løtt at læra.
TRE hevur víst seg at vera framúr úrslitagott í nógvum ymiskum viðurskiftum, líka frá vanligari overving og gerandisstrongd til viðgerð av álvarsligum og ógvusligum hendingum. Hátturin kann standa einsamallur ella kann vera eitt serstakliga gott ískoyti til aðrar terapeutiskar viðgerðir. David Berceli hevur sjálvur, við góðum úrslitum, arbeitt vid stórum bólkum av fólki í økjum, rakt av kríggi ella náttúruvanlukkum. TRE- hátturin hevur tá virkað sum ein hjálp-til-sjálvhjálps-skrá.
Vit hava sjálvi royndir vid at viðgera og undirvísa strongd- og traumaraktar einstaklingar og bólkar í nógvum ymiskum londum. Venjingarnar virka beinanvegin, og sum heild er tað hetta beinleiðis árinið, sum eggjar luttakararnar at halda fram vid venjingarskránni. Vit eru sannførd um menningarmøguleikarnar, ið liggja í at breiða út vitanina um hesa tilgongdina til strongd- og traumaviðgerð, ikki minst tá samanlíknað verður vid siðvenjubundnar viðgerðarhættir.
TRE-útbúgvingin: Útbúgvingin ger luttakararnar skikkaðar til at leiða onnur trygt gjøgnum TRE-tilgongdina, bæði einstaklingar og bólkar. Hetta kann eisini vera ein møguleiki bert til djúpa persónligari leking. Talan er um eitt altjóða útbúgvingarsnið, har øll nema sær somu førleikar, óansæð hvar í verðini útbúgvingin fer fram. Tú gerst Certified TRE Provider, sum vit á føroyskum kunnu kalla Góðkendur TRE-útbjóðari. Tú fer at útvega tær eitt einastandandi amboð, bæði persónligt, relationelt og fakligt. Útbúgvinign fevnir um 2 modul - 3 dagar hvørt. Afturat hesum koma egnar royndir, starvsvenjing, viðtalur, supervisión, "peer"-bólkar møtast og fakligur lesnaður. Samanlagt varar útbúgvingin umleid eitt ár.
MODUL 1: 3 dagar teoretisk og praktisk innleiðsla. Modul 1 fevnir um:
- Strongd- og trauma anatomi, -fysiologi og neurologi, ið er viðkomandi fyri TRE
- Fatan av risti/tremor-reaktion
- Innførsla i polyvagalu teoriina
- Verjuskipanir, ið hava týdning fyri TRE
- Strategiir til at rúma sterkum kenslum (containment) og varðveita jarðfestið
- Innleiðsla í grundleggjandi førleikar til at arbeiða vid einstaklingum og bólkum
- Persónligar royndir vid TRE og tremor.
Aftaná MODUL 1:
- Eginprosess vid dagbókauppriti (tilsamans 40 sessiónir í allari útbúgvingartíðini)
- TRE-sessiónir vid einum Certified TRE Provider ella einum TRE Certification Trainer (tilsamans 4
sessiónir í allari útbúgvingartíðini)
- Víðari midling av TRE til familju, vinir og kenningar.
- Møtast við "peer"-bólki
- Fyrsti av til samans 6 supervisiónsdøgum
MODUL 2: Við støði í fyribils royndum, heldur teoretiska og praktiska undirvísingin fram. Modul 2 fevnir um:
- Hugdýping í evnum úr fyrsta moduli
- Eftirkunning af egnum praksis- og undirvísingarroyndum
- Gjøgnumgongd av Areas og Awareness í Practice of TRE-grein (verður útflýggjað)
- Týdningurin av fascium í TRE
- Grundleggjandi TRE-interventión
- TRE-modifikatión
- Egið praksis- vitan- og førleikaøki verdur sett í miðdepilin.
- Uppmerksemi um etisk evnir.
Aftaná MODUL 2:
- Eginprosess vid dagbókauppriti heldur fram
- Arbeiði vid í minsta lagi 4 einstaklinga viðskiftafólkum
- Undirvísa TRE í í minsta lagi 4 bólkum
- Bólkasupervisión heldur fram. Roknast kann vid tilsamans 6 supervisiónsdøgum í allari útbúgvingini, íroknað certifiserings-dagin.
- "Peer"bólkur møtist.
- Harumframt verdur roknað við, at kravdur lesnadur og TRE-DVD er kannaður og gjøgnumgingin.

Frammanundan certifiseringini verður ein persónligur supervisións- og eftirmetingarfundur vid TRE Certification Trainer hjá bólkinum. Tá kann møguligt eyka útbúgvingarvirksemi verda álagt, ádrenn endaligu certificeringina.
TÌDARÆTLAN:
Modul 1: 15.-17. januar 2019
1. supervisiónsdagur 16. mars
Modul 2: 2.-5. juni
2.supervisiónsdagur 24. aug
3. & 4. supervisiónsdagur 2.-3. okt
5. & 6. supervisiónsdagur/certificering 25.-26. Januar 2020
Einstakliga viðtalur og sessiónir vera eftir avtalu
Vanliga er undirvísingartíðin 10-18 (9-16 seinasta dag í 3-daga modulunum) Tað er krav um uppmøting í allari undirvísingini.
Undirvísarar:
Ole Ry, serlækni í psykiatri certified TRE trainer og høvuðsábyrgdari av útbúgvingini
Colette Markus, psykoterapeut MPF, certified advanced TRE provider og assistentur á útbúgvingini Lene Terkelsen, filosof, certified TRE provider, og assistentur á útbúgvingini
Kostnaður:
Samlaði kostnaðurin er 21.000 kr og er fyri allar 12 undirvísing- og supervisiónsdagar, 4 einstakliga TRE- sessiónir og 2 einstaklinga supervisiónir/eftirmetingar. Kostaður fyri kravt undirvísingartilfar er tó ikki íroknað. Um goldið verður áðrenn 1. des verða 1000 kr latnar í avsláttri. Um alt gjaldið verður goldið í einum, verða latnar 500,- eyka í avsláttri. Gjaldið skal flytast á konto í NS 9865 9875675.
Gjaldið kann deilast í 4: 6.000 kr tá tú meldar teg til + 5.000 kr í seinasta lagi 10/3- 2019, 1/6-2019 og 1/10- 2019.
Undirvísingin verður ávíkavist í Tórshavn og Klaksvík
Vilt tú hava nærri kunning kanst tú venda tær til Sigbritt við Neyst á tlf 298 222338 ella teldupost [email protected]

in.fo 21/02/2018

Kreppur ávirka bæði kropp og sinn

http://www.in.fo/news-detail/kreppur-avirka-baedi-kropp-og-sinn/

in.fo sigur sálarviðgeri

13/09/2017

Skeiðsyvirlit

Eftir ein longri steðg, havi eg játta at seta tvey vikuskifti av til skeiðið "Hvør stjelur tínar dreymar", gjøgnum kvøldskúlan. Sum altíð, vænti eg tað verður stuttligt, hugnaligt og læruríkt. Eg havi fyrireika ymsar framløgur, men leggi stóran dent á at takað støðið í tí, luttakarnir koma við. Gleði meg :)

kks.fo Umvæla føroyskan bát (Grótrætt) Janus Østerø Tíð eftir avtalu Kostnaður: Kr. 600,- Tekning / máling (Listaskúlin) Archibald Black Mánadag 19.00-22.00 Mikudag 19.00-22.00 Byrjar í...

01/06/2017

Framløga um Brekkustovu á einum Pecha Kucha tiltaki í Spaniustovu í gjárkvøldi.
Pecha Kucha hevur ein serligan struktur har tú skalt nýta 20 slides og hevur 20 sek til hvørt slide. Tú hevur sostatt einans 6.40 min at fortelja tína søgu. Á kvøldinum vóru 6 ymiskar framløgur. Eitt áhugavert og gevandi kvøld 👌🏻

19/04/2017

Samtalan um lívið.
Ein løta har høvi er at hyggja nærri inn í lívið hjá tær sum menniskja og sum menniskja ímillum menniskju. Tínar dreymar, tína sorg, tína gleði, títt potentiali, tínar avbjóðingar, tíni sambond við onnur menniskju, privat og í arbeið.

[02/11/17]   Ynskja vit okkara børn og ung í ella úr boksum ?

levlykkeligt.dk 29/01/2017

Psykoterapi hvad er Psykoterapi? Læs om Psykoterapi her

Ein donsk grein um arbeiði hjá einum sálarviðgera. Av tí at sálarviðgeri ikki er eitt vart heiti, hevur tað týdning at tú tryggjar tær at sálarviðgerðin hevur kravdu góðkenningar at hava samtalur.
Við ynskjum um eina gevandi nýggja viku.
Sigbritt ❤
http://levlykkeligt.dk/hvad_er_psykoterapi

levlykkeligt.dk Psykoterapi og Psykoterapeuter; en psykoterapeut hjælper dig med angst, sorg, krise, stress, spiseproblemer, incest, m.m. Læs på Levlykkeligt.dk

[01/02/17]   “To be awake is to be alive.” ~Henry David Thoreau. Á ársins fyrsta arbeiðsdegi fari eg at ynskja tykkum eitt ríkt og mennandi 2017. Kenni meg eyðmjúka um allar tær løtur eg havi havt í djúpum samrøðum um nakað so mystiskt og áhugavert sum "lívið". Ver væl um teg sjálvan

02/12/2016

Brekkustova sum karmur um jólaveitslu 🍸🎄

21/11/2016

Brekkustova verður leiga út til skeið, fundir, tiltøk og onnur høvi. Tá høli er fult uppdekka er pláss til uml 46 pers. Ver vælkomin 🍽🍨🍸🍰 tlf 222338 fyri nærri upplýsing 😊

01/11/2016

Eftermeting av serstøku tænastuni hjá 2be.
Sálarliga bráðfengistænastan hjá 2be hevur nú virka í 10 mánaðir. Tænastan tryggjar at tú sleppur til samrøðu við góðkendan sálarviðgera innan 8 tímar um tú ynskir ella hevur tørv á tí.
Nú ein eftirmeting er gjørd kann staðfestast at hetta er ein tænasta sum tørvur er á og at tænastan er komin fyri at vera.
Tað er sera ymiskt hvat tænastan er blivin nýtt til men vit síggja aftur og aftur hvussu stóran týdning tað hevur fyri nógv at vit kunnu tryggja skjóta hjálp.
Úr notatum kann eg nevna at vit hvønn mána hava havt 1-3 uppringingar um bráðfengishjálp og at vit hava kunna verið klár til at móttaka øll sum hava havt tørv á bráðfengishjálp úr 20 min upp til 2,5 tímar - also nógv minni enn teir tryggjaðu 8 tímarnar. Ver væl um teg sjálvan ❤️ Sigbritt

2be hevur nú møguleika at tryggja tær samrøðu við ein góðkendan sálarviðgera innan 8 tímar.

[10/14/16]   Steðga á, hugsa teg um, næstu ferð tú sigur um nakran at tey eru sálarliga veik.

Jógvan og Jákup vóru úti á bønum og hoyggjaðu. Aftaná eina løtu noyðist Jógvan inn og má leggja seg seg eina løtu. Eyguni eru hovin og tað rennir úr teimum og tað kennist sum hann ikki fær anda so væl. Jógvan má læra hvussu hann kann umgangast at hetta hendir, ella má hann takað heilivág sum ger at hetta ikki aktiverast í organismuni. Er Jógvan veikur, kann hann yvirvinna tað um hann tekur seg saman og tvingar seg at hoyggja meir ?
Anna var sum barn ofta við pápa sínum til arbeiðis. Hann arbeiddi á einari verksmiðju har framleiðslan bar við sær at nógv ymisk evnir blivu nýtt. Seinni fann man útav at hesi evni kunnu verða skaðilig fyri heilsuna, serliga fyri børn. Anna var ein av teimum sum merkti avleiðingarnar av hesum. Hetta hevði rakt hennara immunverju, og bar við sær at hon ofta var sjúk og fekk ikki røkt sítt arbeið so væl sum hon gjarna vildi og so væl sum hennara starvsfelagar. Anna mátti fáa serligt tillaga arbeiðstilboð. Er Anna veik, skal hon ikki bara takað seg saman ?
Tá Birgir var lítil fann man útav at tað kann vera lívshættisligt fyri hann at eta nøtir. Hann hevur tvær systrar og eina beiggja sum øll kunnu eta nøtir uttan at nakað hendir. Hann hevur verið fleiri ferðir innlagdur, verið á skaðastovuni og fingið ráð og vegleiðing frá ymiskum fakfólkum og neyðugt var at fortelja í barnagarð og skúla hvussu serligt atlit skuldi takast til Birgir. Er Birgir veikari enn hansara systrar og beiggi, skal hann ikki bara venja seg við nøtir ?
Elisabeth fekk sclerose sum 40 ára gomul. Nú nøkur ár seinna hevur hetta stóra ávirkan á hennara lív og virki. Er hon veik, skal hon ikki bara takað seg saman ?

Í samfelagnum finnast menniskju har teirra psykologiska system og organisma reagerar sterkt uppá ymisk tey møta í lívinum. Summi eru fødd við einum sensitivum systemi sum aktiverast uttan at tey fáa stýrt tí, eins og Jógvan ikki fekk stýrt hansara reaktión uppá gras.
Tey vera ofta søgd at vera veik og trúgva tí eisini oftast sjálvi.
Onnur hava liva í skaðiligum og eitrandi umhvørvi sum hevur stóra ávirkan á teirra vaksna lív við at tey lættari kenna seg óttafull, stúrin o.a. Psykologiska immunverjan er rakt. Tey fáa eisini stempli sum veik og trúgva tí oftast.
Tað finnast nógv mennisku sum eins og Birgir hava verið innløgd og eru farin bráfengis á skaðastovu í síni sálarstøðu. Tey kunnu hava fyri neyðini at fáa ráð og vegleiðing frá fakfólkum og tað kann vera neyðugt at tey sum eru rundan um skulu taka serligt atlit. Hví munnu hesi ofta blíva kallaði sálarliga veik tá Birgir ikki blívur sæddur sum veikur. Hesi fólk fara ofta sjálvi at trúgva at tey eru veikari enn systrar og beiggin og veikari enn mong onnur. Harafturat kunnu tey hava ilt við at søkja neyðuga ráð og vegleiðing og fortelja teirra umhvørvi hvussu tey noyðast at takað serligt atlit, tí tey royna at umgangast at vera sædd sum veik og kenna skomm.
Elisabeth hevur ikki tørv á at blíva sædd sum tann veika og slett ikki sum ein sum bara manglar at takað seg saman. Hon hevur tørv á at blíva sædd og viðurkend fyri tann hon er og at hon kann sleppa at mennast og virka við teim atliti sum nú einaferð mugu takast.

Eg havi sæð eina ófatiliga styrki í menniskjum sum ofta vera sædd sum sálarliga veik. Teirra sensitivitetur ger at tey koma djúpt niður í teirra sansa- og kenslulív og harfrá kunnu skapa tónleik, list, yrkingar og kunnu ríka onnur menniskju við lívsvísdómi sum bara finst djúp inni í sálini. Styrkin liggur eisini í at tey sansa djúpt tað sum gongur fyri seg ímillum menniskju og kunnu hava empati sum fá.
Tann sum sleppur at uppliva eina djúpa samrøðu við ein sensitivan persón sleppur at uppliva lívið við einari heilt aðrari dimensión.
Kann bara ímynda hvussu nógvur kreativitetur, lívsneistar og potentiali verður køvt av at blíva sædd og eisini trúgva at tú ert veik/ur.
Tey gjalda mangan ein høgan prís fyri løttu atgongdina til teirra sansa- og kenslulív tí at tey eisini merkja myrkur og ótta mangar ferðir sterkari enn onnur og skulu stríðast við daprar og nívandi tankar og kenslur og tað skal ofta ófatilig styrki til. Kanst tú ímynda tær hvussu tað, afturat tí, so kennist at vera sæddur og sjálv trúgva at hetta er tí eg eri veikari enn onnur ? Júst hetta kann vera við til at fasthalda støðuni so at tann sum møtir sálarligar avbjóðingar ikki fær neyðuga hjálp, tillaging og vegleiðing og tí ofta ikki mennist og ongantíð kemur at nýta SÍTT fulla potentiali.
Steðga á, hugsa teg um næstu ferð tú sigur um nakran at tey eru sálarliga veik.
Sigbritt

13/10/2016

Títt lív í perspektiv !
Tað er eitt stórt álit sum verður víst okkum sum dagliga arbeiða sum sálarviðgerar.
Vit leggja stóran dent á at møta tær, menniskja til menniskja, við størstu virðing fyri ymiskleika og virðing fyri tann opinleika og erligheit um djúpastu sannleikarnar um teg sum tú kemur við.
Hjá mongum kann tað tykjast sum eitt stórt stig at takað at søkja professionella hjálp og viðgerð, í ymiskum lívsins viðurskiftum. Her er tað umráðandi at hugsa at hetta møguliga er fyrsta stig til eitt betur, sunnari, vakrari og innihaldsríkari lív. Vit eru her um/tá tú hevur tørv á at seta lívið í perspektiv.
Sigrun Heldarskarð og Sigbritt við Neyst

10/10/2016

At koma har til í lívinum at góðtaka at ein ivaleyst ongantíð fer at passa í kassan har tey normalu finnast er fantastiskt. At flyta fokus frá stríðnum at broyta seg, tilpassa seg ella latað sum um, til at fokusera á egnu dygdir, eginleikar og fyrimunir og at uppliva, liva og útrykkja seg júst so sum man er opnar fyri stórum lívskreativieti.
At uppliva hvussu potentiali hvønn dag meir og meir útfoldar seg, javnt við at ein viðurkennir at ein er júst tann ein er ❤️
Hugleiðingar eftir samrøðu við vísari kvinnu sum eigur niðanfyri standandi citat.
Ver væl um teg sjálvan. Sigbritt ❤️

Sted

Type

Telefon

Internet side

Adresse

Klaksvík
700
Andre skoler i Klaksvík (vis alle)
Húsarhaldsskúli Føroya Húsarhaldsskúli Føroya
Stoksoyravegur
Klaksvík, 700

Ein innbjóðandi skúli, eitt heimligt stað, sum angar av nýbakaðum og osar av kreativiteti. Ein skúli har næmingarnir sleppa at útfolda síni skapandi evni, bæði tá tað snýr seg um mat og handverk.

Matvøruútbúgvingin - Tekniski skúlin í Klaksvík Matvøruútbúgvingin - Tekniski skúlin í Klaksvík
Heygavegur 1A
Klaksvík, 700

Hug at gerast Kokkur ella Føðsluatstøðingur, ella bara fáa størri vitan og læradóm um mat, og matgerð, so er hendan útbúgvingin tað rætta fyri teg.

Gamla Seglhúsið Gamla Seglhúsið
Klaksvíksvegur 48
Klaksvík, FO-710

Í teim sera hugnaligu kørmunum í Gamla Seglhúsinum fyriskipa vit listaframsýningar umframt útleigan av hølum, ið kunnu nýtast til fundarvirksemi, framløgur, frálæru, temadagar vm. Í Gamla Seglhúsinum húsast eisini reklamuvirkið Grafia.

Tekniski Skúlin í Klaksvík Tekniski Skúlin í Klaksvík
Heygavegur 1 A
Klaksvík, 700

Bókligt og handaligt