عيادة طب الأطفال و حديثي الولادة دكتور ياسر

عيادة طب الأطفال و حديثي الولادة دكتور ياسر

Nearby schools & colleges

Egyptian syrian company
Egyptian syrian company
الحى السابع سنتر الدالى .. بجوار المفوضية, 6 October City
Bonjour_mamy_nursery
Bonjour_mamy_nursery
عماره 89شارع الميثاق زهراء مدينه نصر عماره القاهره للعقارات بجوار مكتبة خطوط, Cairo
Kiddy Carnival Nursery
Kiddy Carnival Nursery
عمارة 17 بلوك 14 مدينة الواحة, Cairo
Angel Home Acadmey
Angel Home Acadmey
Egypt, Alexandria
Sunbeam center
Sunbeam center
Cairo
Ava karas nursery حضانه الانبا كاراس
Ava karas nursery حضانه الانبا كاراس
الغردقة الدهبيه ش التلاتيني قرب مستشفى السلام الدولي, Hurghada
Eastlands International School
Eastlands International School
Plot 1, Area East 2, Shorouk 2 (End of El Shahida Farida Dawoud St.), Shorouk City, Cairo, Egypt, Cairo
Decpc مركز إنتاج المقررات الإلكترونيه بدمياط
Decpc مركز إنتاج المقررات الإلكترونيه بدمياط
New Damitta - Faculty of Education - ground floor, Dumyat al Jadidah
حضانة اجيال المستقبل
حضانة اجيال المستقبل
دار السلام -البلابيش قبلي -القوصة, Sohag
International Knowledge . IK Bani Suief المعارف الدولية بني س
International Knowledge . IK Bani Suief المعارف الدولية بني س
شارع السادات برج رنين قبل نزلة كبري الشرق المدخل الرئيسي للبرج, Beni Suef
شركة نيدج لمستلزمات الاسنان
شركة نيدج لمستلزمات الاسنان
شارع الملكة فيصل, Giza
Aliens Space
Aliens Space
امام مطعم حضرموت بجوار مطعم كافيار, Beni Suef
Pretty Jungle Nursery &Pre-School
Pretty Jungle Nursery &Pre-School
building no 5, compound tulip, second district, new helioplis city, Cairo
دار علي بن ابي طالب
دار علي بن ابي طالب
مجاوره ٣٢ خلف مركز الصحه ومدرسة الخلفاء الراشدين الثانوية, 10th of Ramadan City
Kita Luxor
Kita Luxor
ش ماء للذهب للعطور - متفرع من شارع التليفزيون أمام جاسمين للملابس, Luxor

Comments

لو سمحتوا يا دكتور بنتي عنده٢٥ يوم من يوم ماتولدت بيجلها كتمةصوتها يكتم ولو حتي شكتها بدبوس ماتبقاش عرفه تعيط وتقعد تبلع رقها انا بحس كان في حاجه في زورها وبتتنفس وبترضع
بنتي عندها 14 يوم وتعاني من الصفرا النسبه بالجهاز 13 عاوز النسبه كدا خطر عليها ولا لا وعاوز اعرف ادخلها حضانه ولا اعمل ايه شكرا جدا لزوقك ؟
الناس اللي بتسأل عن مؤشر كتلة الجسم في كارت المتابعه لمبادرة ١٠٠ مليون صحة
مؤشر كتلة الجسم =
وزن الشخص (بالكيلو جرام ) ÷ مربع الطول
يعني لو قولنا شخص طوله ١.٨ متر ووزنه ٧٥ كيلو جرام
الأول نربع الطول يعني ١.٨ × ١.٨ = ٣.٢٤ م نقسم الوزن على مربع الطول ده
٧٥ ÷٣.٢٤ = ٢٣.١٥
هذا الرقم (٢٣.١٥) يمثّل مؤشر كتلة جسم الشخص

دلالات مؤشرات كتل الأجسام ( م.ك.ج )
م.ك.ج أقل من 16 نحافة مفرطة
م.ك.ج 16 إلى 16.99 نحافة متوسطة
م.ك.ج 17 إلى 18.99 نحافة
م.ك.ج 18.5 إلى 22.99 الحد الأدنى للوزن المثالي
م.ك.ج 23 إلى 24.99 الحد الأعلى للوزن المثالي
م.ك.ج 25 إلى 27.49 زيادة طفيفة في الوزن
م.ك.ج 27.5 إلى 29.99 زيادة عالية في الوزن
م.ك.ج 30 إلى 34.99 سمنة طفيفة
م.ك.ج 35 إلى 39.99 سمنة متوسطة
م.ك.ج أكبر من 40 سمنة قاتلة

والسبب في إن المبادره مهتمه و بتحسب مؤشر الكتله ده بسبب إن بهذه الأيام و كنتيجةٍ لاستحداث العديد من أنماط الطعام الغير الصحية
والمأكولات السريعة
والمواد الحافظة المنتشره في كثير من الأطعمه المعبأه
والحلويات

وعشان نعرف نحافط على وزن مناسب من خلال متابعة نظامنا الغذائي وطبيعة الطعام الذي نتناوله
بننصح تجنّب الزيوت والدهون والبروتينات واللحوم الحمراء وتقليصها قدر الإمكان والعمل على تعويضها بالفيتامينات والمعادن والمصادر النباتية المختلفة
كما ينصح بعدم تناول كميات كبيرة من السكريات والحلويات والمشروبات الغازية

و ده طبعاً بينطبق علي كل الأطفال

دمتم جميعاً بخير
لو سمحت ممكن مواعيد الحجز فى العيادة وممكن الحجز عن طريق التليفون
لوسمحت ممكن مواعيد الحجز فى العيادة والحجز بالتليفون ولا فى العيادة نفسها
ممكن راي حضرتك يا دكتور
لو سمحت يادكتور بنتى عندها 50 يوم ومن اسببوعين جالها زكام واستخدمت ماء بحر وفنستيل وبببيببى ريست لمدة ثلاثة اسابيع ومفيش اى نتيجة غيرنا الدكتور كتب لها على كالوببين وماء بحر وببردوا مفيش نتيجة ومش عارفة تنام من الببلغم مش طالع باى طريقة وصوتها تعبان ممكن حضرتك تقولى اعمل ايه لانها تعبانة وحاسة ان العلاج مش ماثر وشكرا لحضرتك
#ABE #VINNO
#CARES_ABOUT_DETAILS
https://www.facebook.com/ABEEgypt/
السلام عليكم إبني عنده 5اشهر وكانت درجه الحراره 40والحمد لله نزلت لحد35ولكن دلوقت ترجيع علي طوول وعياط مستمر ومش بينام الليل وكحه مستمره ومش عارفه اعمل ايه والله
تنصحوني بايه

دكتور ياسر شعلان
دكتوراه و مدرس طب الأطفال و حديثي الولادة
إستشاري حساسية الصدر و المناعة و التغذية العلاجية
كلية الطب . جامعة الأزهر دكتور ياسر شعلان
دكتوراه و مدرس طب الأطفال و حديثي الولادة
استشاري حساسية الصدر و المناعة و التغذية العلاجية
كلية الطب . جامعة الأزهر

Operating as usual

24/10/2020

‎عيادة طب الأطفال و حديثي الولادة دكتور ياسر شعلان‎'s cover photo

24/10/2020

‎عيادة طب الأطفال و حديثي الولادة دكتور ياسر شعلان‎'s cover photo

21/10/2020

Take your Attention

28/06/2020

طول النهار وأحنا في العيادة عمالين نعيد في الكلام ده

14/06/2020

إلي كل ال و أم

[05/31/20]   👈تحليل مهم من خلال التعامل مع حالات الكورونا على مدار ال ٣ شهور الماضيه...

●_المرضى بينقسموا إلا ٣ أنواع حسب الأعراض:•

👈١_حاملين للمرض (carrier) بدون أى أعراض وبيمثلوا 85% من إجمالى الحالات ولا خطر عليهم ولكنهم معديين ولكن ملاحظتى أن العدوى من حامل المرض بتكون ضعيفه جدا جدا ولو حصلت بتكون بلا أعراض أو بأعراض بسيطه لأن الفيروس بيكون خامل جدا جدا وجهاز المناعه سيطر عليه بشكل كبير.

👈٢_ذوى الأعراض البسيطه كأحتقان الحلق وحرقان الزور وجفاف الريق بالفم والحلق وحكه الأنف مع فقدان لحاستى الشم والتذوق وأرتفاع متباعد وعلى فترات بدرجه الحراره ودول بيمثلوا 10% من إجمالى الحالات ولاخوف عليهم ولكنهم معديين ولكن أيضا عدواهم بتكون ضعيفه بدون أعراض أو أعراض بسيطه لأن الفيروس بيكون عاجز قدام جهاز المناعه القوى .

👈٣_ذوى الأعراض التنفسيه ال (Active patients ) وهما دول أخطر فئه وبيمثلوا 5% فقط من إجمالى المرضى وأعراضهم سعال جاف متقطع بيزيد مع النوم او بذل المجهود او الكلام،ضيق بالتنفس ، ثقل بالصدر أو نغزات وعدم شعور بالراحه أو حرقه الصدر ، دول بقى بيبقوا معديين جدا جدا جدا لدرجه أن كل المتعاملين معاهم بيتعدوا ودول هم المستحقين للعزل بالمستشفيات نظرآ لنشاط الفيروس وتخطيه قدره المناعه.

● العدوى بنسبه 99 % بتحصل نتيجه التعامل مع مريض ظاهر عليه الأعراض بشكل نشط ، ونادر جدا جدا أنها تتنقل عن طريق الأسطح أو المفروشات أو متعلقات المريض لأن الحد الأدنى من جرعه الفيروس المعديه على الأسطح بتكون مش متوفره عاده وبتكون أقل من أنها تسبب عدوى.

●كل من أصيب بإلتهاب رئوى شهر نوفمبر وديسمبر الماضيين لم تحدث له الأصابه مجددآ حتى بعد التعامل مع حالات مصابه ونشطه مما يرجح وجود الفيروس فى مصر منذ ديسمبر الماضى فى صوره بؤر محدوده جدآ جدآ غير ملحوظه ، كما يرجح وجود مناعه قويه ضد الفيروس فى حاله الإصابه به سابقآ حتى فى حاله الأصابه بسلاله أخرى من الفيروس بتكون الأصابه بدون أعراض أو بأعراض بسيطه نظرآ لقيام ال ( cross matching immunity ) بالدور الفعال.

●حالات الوفيات المفاجأه للشباب ترجح أصابتهم بمرض تنفسى او قلبى او مناعى صامت أو غير مشخص قبل الأصابه بالفيروس مما يتسبب فى إنهيار جهاز المناعه فى خلال أيام.

●فتره الحضانه من ٣ أيام إلى ١٤ يوم ولكن فى حاله الإتصال بمريض خطر من ذوى الأعراض التنفسيه النشطه تظهر الأعراض فى خلال ٣ أيام على أقصى تقدير.

●كل إلتهاب رئوى هو كورونا إلى أن يثبت العكس بإجراء ٣ مسحات سلبيه الفاصل الزمنى بينها 72 ساعه.

●متعملش مسحه إلا لو أنت مخالط لحاله إيجابيه مؤكده وكانت نشطه وظاهر عليها أعراض تنفسيه ، ومش بس كده أنت كمان ظاهر عليك أعراض تنفسيه( سعال جاف متقطع، ضيق بالتنفس، آلم بالصدر،حرقه بالصدر، ثقل بالصدر) غير كده اكتفى بعزل نفسك لمده ١٤ يوم مع شرب سوايل كتير وراحه عن المجهود البدنى العنيف مع متابعه تلفونيه مع طبيب متخصص.

● الحالات الإيجابيه المؤكده بمسحه وكانت بدون أعراض أو أعراض بسيطه تعزل نفسها منزليآ فقط مع تواصل مع طبيب يوميآ بشرط عدم وجود أعراض تنفسيه متقدمه.

● تجنب أى تصرف ممكن يدخلك فى أعراض مشابهه ممكن تسببلك تهيؤات وهلاوس الإصابه بالفيروس زى النوم تحت التكييف أو مروحه موجهه عليك أو شرب مشروبات ساقعه جدآ أو شرب سجاير بكميات مهوله.

● الأطفال فى مأمن ومفيش خوف عليهم حتى لو أصيبوا.

● الفئات الحساسه المهدده بالخطر ( كبار السن ، مرضى الأمراض المزمنه والحالات الحرجه والأمراض المناعيه)
دون ذلك أنت فى أمان إلا لو فى مرض مزمن أو حرج كان غير مشخص قبل الإصابة بالفيروس .

29/05/2020

بسم الله الرحمن الرحيم

ان شاء الله
اعتبارا من يوم السبت القادم 30/5/2020

لن يسمح بدخول العيادة الا لمن يرتدي الكمامة الطبية سواء مرضى او مرافقين حفاظا علينا وعليكم

وذلك طبقا لقرار اللجنة العليا لادارة ازمة فيروس الكورونا

ولن يسمح بدخول اكثر من مرافق واحد بغرفة الكشف

كما يرجى الاتصال مسبقا لاخذ موعد وذلك لعدم التزاحم ،

13/04/2020
18/12/2019

من اجل صحه أفضل لأطفالنا
يشرفنا حضوركم جميعا

[12/02/19]   ‐😀😀 للأسف بقالنا أسبوعين ما بنشوفش يوم عدل في العياده .

###الانفلوانز تضرب من جديد

- العيال حرارتها ٤٠ ما بتنزلش بالمخفضات ،الحراره ممكن تستمر ٥ ايام كاملين و تتحسن يومين و ممكن بعد ما تتحسن تعلي يومان تاني و بعد كده تروح (عدا لو حصل مضاعفات لا قدر الله ) .

- الكحه رهيبه ما فيش دوا بيوقفها و ممكن تطول أسبوعان تلاته بعد ما الحراره تقف .

- الاطفال ال بتعرف تعبر تلاقيهم بيشتكو من وجع في جسمه و عضمه و مفاصله و الام جامده في الزور و صداع .

‐ للأسف العدوي سريعه جدا و ممكن البيت كله يتضرب في يومان .

- كلهم بلا أستثناء تكشف عليهم ما تلاقيش أي حاجه تفسر الأعراض الرهيبه دي .

‐ تحاليلهم كلها بتؤكد انها عدوي فيروسيه ، مع كل الأعراض دي التشخيص غالبا أنفلونزا.

- كالعاده بس الناس بتنسي، كل سنه في الوقت ده ، حالات الإنفلونزا بتزيد ( بما أنه الموسم) . و الأنفلونزا زي أي فيروس المفروض في أغلب الأحوال بيخف لوحده بعد ما ياخد الدوره بتاعته.

وفي بعض الحالات بيحصل مضاعفات و أشهرها :
ان عدوي بكتيريه انتهازيه تستغل انشغال الجهاز المناعي بمحاربة دور الإنفلونزا و تهاجم الجسم مسببه حاجه من الآتي:
- التهاب الأذن الوسطي
- التهاب الجيوب الأنفيه
- الالتهاب الرئوي

طب احنا المفروض نعمل ايه عشان نحمي نفسنا و أطفالنا من الأنفلونزا و مضاعفاتها :

- نقوي الجهاز المناعي (تغذية سليمه، نوم متوازن، رياضه)
- ناخد تطعيم الإنفلونزا اول ما ينزل كل سنه (بغض النظر عن آراء الناس المتضاربه في الموضوع ده مع احترامي لكل الآراء العلم خلص الموضوع ده. اي بني آدم علي وجه الأرض من سن 6 شهور لازم ياخد التطعيم، خصوصا بعد ما سلالة الH1N1 بقت موجوده في التطعيم) .

للأسف السنه دي التطعيم لسه ما نزلش و غالبا مش هينزل قبل نص ديسمبر أول ما ينزل يا ريت نديه و ما نقولش ما الموسم خلص خلاص .

-العيان يعد في البيت يا أخوانا بلاش حضانه بلاش مدرسه بلاش شغل ( بلاش النظريه الانتقاميه بتاعه ما هو لقط الدور منهم لازم أردلهم الصاع صاعين).

- لو الطفل أقل من سن سنتان لما يعييا بلاش نحط التاتش بتاعنا، خديه للدكتور ، لو أكبر من كده ممكن تحاولي معاه الأول لمده يومان بالكتير (سوايل و مخفضات). ما اتحسنش ما تستنيش روحي للدكتور.

- طب روحنا للدكتور و قال غالبا انفلونزا و كتب علاج تحفظي 3 أيام و الطفل ما اتحسنش لازم ترجعي للدكتور تاني ممكن يكون أي حاجه من المضاعفات الي انا قلتها حصلت لا قدر الله الدكتور مش ساحر ممكن يكتب علاج مبدأي و الأمور تتطور

(ده طبعا مش معناه ان أحنا نرزع الواد 3 مضادات حيوية من الأول تحسبا للمضاعفات)


ده معناه أن أدوار الأنفلونزا اليومين دول ممكن تحتاج أن الدكتور يبص علي الحاله مره و اتنين و تلاته.
- بعد أذنكم ممكن الدكتور يطلب تحاليل دم و أشعة علي الصدر (صدقني مش غاوي يعذبك و أكيد هو مش مشارك في المعمل ولا بياخد عمولة من بتوع الأشعة) هو بس محتاج يشخص احسن عشان يوصف علاج مناسب لمصلحة ابنك أو بنتك. فبعد أذنك أسمع الكلام.

- بيجيلي حالات كتير جديده لأول مره و بالذات في الموسم ده من عند دكاتره كتير بيتابعوا معاهم من زمان بسبب أنه راح الزياره الأولانيه لدكتوره و الطفل ما أتحسنش فقرر يغير الدكتور.

أبص علي روشته الدكتور الاقيها قمه في الأحترام. يا سيدي الفاضل أرجع لدكتورك الراجل عمل كل حاجه زي الكتاب ما بيقول و دي مضاعفات واردة معايه و مع غيري من الزملاء الإفاضل. الدور ده ممكن يحتاج استشاره و اتنين و تلاته و ممكن نحتاج حجز في المستشفي كمان. مش معني ان انت جيتلي في مرحله المضاعفات (التهاب الأذن الوسطي أو الالتهاب الرئوي) أن انا الفتك الي جبت التايهه و ان دكتورك ما لقطش الموضوع من الاول لا يا سيدي دي مرحله و دي مرحله صدقني لو كنت روحتله الاستشاره بدل ما تجيلي كان هيعرف برضه و كان هيعمل معاك اللازم.

لو أتبعنا النصائح دي بأذن الله الموسم ده يمر بسلام علينا كلنا و ما نحتاجش نحبس عيالنا أو نخبيهم .
دامت اطفالنا بخير
#دكتور_ياسر_شعلان

[08/03/19]   بسم الله ...

كلمتين ورد غطاهم فى موضوع الأكل بتاع الأطفال عشان بوّخ أوى ..

٩٩٪؜ من الأطفال اللى مش بياكلوا ومغلبين أهلهم معاهم والأم بتجرى وراهم بالطبق بيكون سببه حاجتين :

الأول

وجود الأكل "المدمر" صحياً فى جدول اليوم ..
أعرف أطفال لازم كل يوم ياكلو شوكولاته ،، بسكوت ، عصير ، حلويات ،، شيبسي ، بيبسي .. مش مهم المهم أى "زفت" مضر من برا مليان مواد خافظه وزيوت مهدرجة ومكسبات طعم ورائحة بتدمر " حرفياً " النظام البيولوچى بتاع الأمعاء .. بتأثر على الهضم والإمتصاص .. ب "تسد النفس" بطريقة وهمية .

معلش أنا كطفل قدامى أكل مليان سكر وأكل من غير سكر هاكل ليه البروتين والخضار ؟؟
أكل سكره واضح وصريح وظاهر وسهل الذوبان ومتزين كده هاكل ليه فاكهة واقعد استحمل الألياف عشان احس بطعم السكر ؟؟
عارفين ؟ لو عملتو تحليل براز لمعظم أطفالنا هتلاقو +++++++++ أو بالبلدى "بلاسّات" قدام معظم الأكل .. ليه ؟ بالضبط كده عشان نمط الأكل اللى بنقدمهولهم .

من ٣ أيام أم جاتلى في العياده بتقولى يا دكتور انا أول ما منعت الأكل اللى برا البيت ابنى بدأ يطلب أكل البيت .. يعنى بتنفع اهو والله .. معادلة سهلة جداً .

الثانى

استمرار تعويد الطفل على الاعتماد "الكلى" على أمه فى الأكل ..

سبحان الله .. تلاقى الطفل ٥ سنين .. ٥ سنين يا مؤمن وبيركب عجل ويلعب سباحه و كورة و بلاي ستيشن و بيحل معادلة فيثاغورث ..

وييجى عند الأكل ميمسكش المعلقة وأمه لسه بتحط الأكل فى "بؤه" لغاية دلوقتى .. أو "لازم" تفتح التليفزيون يا إما مياكلش !!!!

معلش يا ست الأكل انتى اللى عودتيه على كده ..
من ٣ سنين يقدر يمسك المعلقة .. من ٤ ياكل ١٠٠٪؜ زى الكبار ( أساساً المهارة دى بتتكون عند سنة ونص والأم بتنمى أو تهمل).

عارف انك بتأكليه عشان كده أسرع .. بتأكليه عشان تضمنى انه أكل كل حاجة .. بس صدقينى الصعوبة فى الأول بس بعد كده هيتعود .!

يا أمهات دا انتو بتقضوا نص حياتكم فى تأكيل العيال
!
باعتماده على نفسه .. ومع الوقت .. هوا اللى هيطلب .. ووظيفتك "بس" اختيار الطعام المناسب .. ووضعه أمامه .. مأكلش ؟؟ مره على مره هيجوع ويطلب بعد ما تكونوا خرجتو مثلاً فيتعلم إنه ياكل ويبطل دلع .. ومتقلقيش مفيش طفل بيموت م الجوع .

طيب وهل فى أمراض بتسبب فعلاً فقدان الشهية ؟؟

أكيييد ...

05/05/2019

كل عام و كل المصريين بخير
الأطفال فوق سن 8 سنين يصومو جميعاً

[03/24/19]   النصائح الذهبية لمناعة طفل قوية

مفيش موضوع اهم عند اي ام و اب من مناعة طفلهم . يوميا بتسال السؤال ده اكتر من 10 مرات : ازي مناعة ابني يا دكتور ؟ و ارفعها ازاي ؟

موضوع المناعة ده من اصعب الامور جدا خصوصا ان الاهتمام بيها بيبدا من لحظة الولادة و ده اللي ناس كتير مش واخده بالها منه .

عشان كده جمعت اغلب النصايح الخاصة للمناعة و قسمتها ع جزئين .. الاول خاص بمناعة الاطفال حديثي الولادة و التاني خاص بمناعة الاطفال الكبار

كلنا عايزين ولادنا ميتعبوش و عشان كده اقري النصايح دي و حاولي تعمليها ع قد ما تقدري

ازاي احافظ ع مناعة طفلي حديث الولادة ؟

1.مناعة طفلك بتتبني من اول لحظة ميلاده .. متستهونيش بلبن السرسوب ده بيرفع المناعة جدا فركزي عليه في اول 3 ايام من عمر الطفل .

2. المعروف ان الرضاعة الطبيعية بترفع المناعة جدا و دي حقيقة . بس مش معنى كده ان اللي بيرضع صناعي منعرفش نساعده .
نوع اللبن الصناعي و جودته بتفرق كتير . فيه البان بتبقى جودتها عالية و كمان عليها مواد ترفع المناعة و دي انصحك بيها جدا
زي ايه؟
زي سيميلاك نيو شور .. زي s26 جولد .. زي هيرو بيبي نيتروديفنس .. زي ليبتوميلك بلس .. زي نان ..
الالبان المدعمة و المنتشرة دي منصحكيش بيها .

3.الطفل حديث الولادة عامل زي المغناطيس بيشد اي تعب ليه بسهولة . حرصي ع طفلك و خلي بالك من الناس حواليه لو حد تعبان اعزليه عنه و حطي عينك ف وسط راسك في اوقات الزحمة دي السبوع و الاعياد و المناسبات .

4. لو انتي اللي تعبانة البسي ماسك طبي هتلاقيه ف كل الصيدليات بسهولة عشان متعديهوش

5. صحة طفلك مش هزار . متتكسفيش تمنعيه ع اي حد تعبان زي جده جدته عمه خالته اخواته والده .. لو تعب مناعته هتتدمر و هيتعب كتير بعدين .

6. التطعيمات حاجه ضرورية جدا بس كتير مش عارفين ان فيه تطعيمات اضافية كتيرة مش بياخدها الطفل في الصحة . اسالي عن جداول التطعيم الاضافية و طعمي طفلك كل التطعيمات عشان تحميه بشكل كبير من اي خطر في المستقبل .
في امريكا و الدول الاوربية الاطفال بيطعموا ضد انواع كتيرة من الجراثيم و ده بيخلي مناعتهم تبقى قوية جدا للدرجة اللي الطفل ع سن سنة و نص مش بياخد اي مضاد حيوي الا ما ندر . ياريت اطفالنا يبقوا كده و احسن .
التطعيمات الاضافية زيها زي الدورية بتبدا م سن 2 و 4 و 6 شهور و سنة و سنة و نص . وبتحمي طفلك م امراض كتير مهمة و منتشرة زي النزلات المعوية و الالتهابات الصدرية و الجديري المائي و الالتهاب السحائي و خلافهم فضروري تطعميه لو تقدري .

7.الاكل بدري بيتعب طفلك . اكلنا مليان بحراثيم كتيرة بتضغط ع جهاز مناعة الطفل . حاولي متدخليش الاكل قبل سن 6 شهور عشان تحافظي ع مناعته و ميتعبش بسرعة منه .

8. انواع الاكل اللي بتدخليها لطفلك مهمة . ياريت تاجلي منتجات الالبان لسن 9 شهور . متدخليش الالبان قبل سن سنة .

9. حساسية الالبان من المواضيع المهمة جدا و بتظهر من سن صغيرة و بتبقى موجودة في الرضاعة الطبيعي و الصناعي و المختلطة . ياريت لو شكيتي فيها اكشفي ع دكتور كويس عشان الحساسية دي بتضغط دايما ع مناعة طفلك و بتجهدها طول الوقت .

10. حساسية الانف موضوع منتشر جدا اليومين دول . وجودها برضو بيمثل ضغط ع مناعة طفلك ده غير انها بتعتبر مركز لانتشار الجراثيم داخل جسم طفلك و مصدر اساسي لتكرار التعب عليه في وقت قصير . لو شكيتي ان عنده حساسية انف اكشفي عليه متتاخريش .

11. لو طفلك تعب لا قدر الله ياريت تطلبي من دكتورك ياجل دخول المضاد الحيوي . ولو ضروري يبقى الشراب اكتر امان من الحقن . المضادات الحيوية بصفة عامة بتدمر المناعة خصوصا الحقن .

12. الحقي طفلك في التعب بدري و متستنيش تجربي ادوية عليه . التعب لو لحقناه بدري العلاج اللي هياخده هيبقى اخف بكتير من لو استنيتي عليه .

13. بلاش تكرري الروشتة القديمة . مش كل تعب بيبقى بنفس الميكروب او بنفس الدرجة او محتاج نفس العلاج . العلاج الغلط بيدمر المناعة مش بيفيدها .

14. مع احترامي لاخواتي الصيادلة لو طفلك تعبان متكشفيش عند صيدلي و تخليه يديلك دوا . عادة ده مش بيفيد طفلك و حالته بتسوء ده غير ان الادوية اللي بياخدها بتدمر المناعة .. فخلي بالك .

15. لو طفلك تعب فجأة بالليل في وقت مفيش دكاترة فيه روحي لاقرب صيدلية هيديلك حاجه تهدي الدنيا شوية . متستنيش بقى يومين تلاتة و بعدها تكشفي . اكشفي تاني يوم و متصبريش لحد الدنيا تبقى وحشة .

16. متخليش الصيدلي يديكي مضاد حيوي . متروحيش تشتري م نفسك مضاد حيوي . بلاش مضادات حيوية خالص الا بامر الطبيب و برضو ياريت ميكتبوش .

17. مفيش حاجه اسمها ابني مبيخفش م غير مضاد حيوي حقن . فيه حاجه اسمها مناعة ابني متدمرة و انا بالحقن دي بدمرها اكتر و مش بخليها ترجع تاني .

18. العقل السليم ف الجسم السليم . و الجسم السليم ف الاكل السليم . اكلي طفلك اكل صحي وبلاش العك بتاع السوبرماركت ده .

19. انتي اللي بتعودي طفلك ع ندامه الغذائي . مفيش حاجه اسمها ابني ملوش نفس ياكل اكل البيت فيه حاجه اسمها انك دخلتيله اكل السوبرماركت من وهو صغير. مفيش حاجه اسمها نايتي الطفل ياكله وهو عنده 6 شهور . ولا طفل يتفطم ع شيبسي و كراتيه و النبي .

20. الانيميا من الحاجات المهمة اللي بتاثر بشكل مباشر ع الشهية و المناعة . خصوصا انيميا نقص الحديد
دوريا م سن 6 شهور اعملي فحوصات صورة دم كاملة لحد سن المدرسة . كل 6 شهور لسنه اعملي الفحص ده و ع حسب نتيجته تابعي مع دكتورك و هو هيكتبلك اللازم لو طفلك محتاج .

21. السن المناسب للفطام هو سنة و نص . ياريت متزوديش و تاخري الفطام لان التركيز ع الرضاعة كتير بعد السن ده بيضر بالمناعة مش بيفيدها .

22. الطفليليات و الفطريات و الديدان و عسر الهضم كلها حاجات بتاثر ع هضم طفلك و مدى استفادة جسمه من الاكل . واظبي ع فحوصات تحليل البراز من بعد سن سنة لحد سن المدرسة . و تابعي مع طبيبك لو فيه حاجه ف التحاليل .

23. مفيش حاجه اسمها فواتح شهية . متستسهليش و نظمي عادات طفلك الغذائية . م غير كده كله بلح .

24. الحضانة مكان معروف بانه مركز انتشار الاوبئه . كل ما تاخري طفلك عن انه يروح حضانة كل ما مناعته تبقى احسن .

25.لما تودي طفلك حضانة متختاريش الاقرب و اختاري الافضل . روحي بنفسك و شوفي الحضانات و نضافتها و جودتها .

26. راقبي حضانة طفلك كل شوية و زوريهم كتير . طفلك بيقعد ساعات كتير هناك شوفي التهوية و النضافة و اماكن تغيير البامبرز . الحاجات دي مهمة .

27. علمي طفلك ازاي يستخدم ادوات العناية الشخصية زي جل غسيل اليد زي سانوسان و ديتول و خلافه .

28. فيه اوقات بتنتشر فيها الاوبئه . لو كل اللي حواليكي تعبان متوديش طفلك الحضانة . اكيد هيتعب ساعتها .

29. لو طفلك بدا يتعب كتير اطلبي من دكتوره انه يديه حاجات تقوي المناعة . فيه انواع كتيرة لادوية بتساعد في ده

30. طفلك كائن ثوري بطبيعته . مش هيلتزم بنظامه الغذائي ع طول خصوصا ف سن الحضانة و المدرسة . ركزي ع التزامه ب lunch box بتاعه و لو حسيتي بتغيير ف نظامه الغذائي راجعي كل حاجه بياكلها و ادخلي بسرعة قبل فوات الاوان .

31. المناعة القوية محتاجة تكون ليها خبرة كويسة ضد الامراض . الطفل السليم بيتعب ع مراحل متباعدة و ده طبيعي . ساعتها متقلقيش . عدم التعب المطلق ف السن الصغيرة مش علامة كويسة لان كده كده طفلك هيخرج م بوقتة البيت للعالم برا سواء ف حضانة او مدرسة فضروري يتعب كل شوية . متقلقيش .

32. عملية اللوز مش ضروري تكون مفيدة لطفلك . اللورزتين جزء م جهاز المناعة و عاملين زي الحراس ع جسم طفلك . لو انشالوا م غير سبب مناعة طفلك هتتاثر .

33. الرياضة شيء اساسي في بناء الجسم و بالتالي في تقوية المناعة . اشتركي لطفلك في اقرب نادي عشان يمارس رياضة بعد ما يكبر .

34. باختصار طفلك بياكل شيبسي و مولتو و نايتي و الحاجات دي يبقى معندويش صحة كويسة ولا مناعة قوية و اي فاتح شهية او ادوية مناعة او تطعيمات مش هتجيب نتيجة . امنعيهم و ده هيكل مشاكل كتير .

لو طفلك كبير و تعبه بيتكرر كتير حاولي تقري النقط دي هتفيدك شوية ..

1. المضادات الحيوية الكتيرة خصوصا ورا بعض بتدمر مناعة طفلك تماما و مبتديش فرصة لمناعته انها ترجع قوية . اطلبي م دكتورك انه ياجل شوية دخول المضادات الحيوية و ياريت يمنع الحقن تماما قدر المستطاع .

2. التعب عادة بيلقطه طفلك م اللي حواليه . شوفي لو فيه حد تعبان بشكل مزمن زي جده او جدته مثلا و اعزليه شوية عنهم .

3. التدخين مضر جدا لصحة اطفالنا امنعيه ع اي حد بيدخن و امنعي التدخين تماما ف البيت .

4. السفر الكتير بيجهد مناعة طفلك لو بتسافروا كتير وقفي السفر شوية .

5. اعملي فحوصات زي صورة دم كاملة و تحليل بول و براز . عالجي اي خلل فيهم بسرعة .

6. راجعي نظام طفلك الغذائي و امنعي اي حاجه م برا البيت تماما . فيه ادوية فيتامينات بتساعدك ف المرحلة دي زي فيروبيلا و هيربالاند و مستر تومي استخدميها .

7. اطلبي م دكتور طفلك يكتبله ادوية ترفع مناعة طفلك لو
عنده تعب متكرر بالحلق زي برونكوفاكسوم و اميوجارد .

8. اطلبي م دكتور طفلك يكتبله ع ادوية تقوي مناعة طفلك لو عنده تعب متكرر ف الصدر زي سينجيولير و كوكاست و ازماكاست و ويست اير و اميوجارد .

9. امنعيه ع الحضانة شوية .

10. عودي طفلك يغسل ايديه كتير و يستخدم ادوات الحفاظ ع النضافة الشخصية زي ديتول و سانوسان .

11. راجعي التطعيمات الاضافية و شوفي طفلك يقدر ياخد ايه ع حسب سنه لو مخدهاش قبل كده

12. ركزي ف الاكل ع الخضراوات و الفاكهة الطازجة الاورجانيك .

13. ادي طفلك يوميا معلقة عسل ابيض .

14. ادي لطفلك سمسم لو معندوش حساسية منه بصورة يومية .

15. قرع العسل فيه كمية فيتامينات قوية زي الف و سي . حاولي تركزي عليه .

16. لو طفل تعبان متخرجيهوش و متخلطيهوش باخواته و متوديهوش حضانة ولا تاخدين معاكي الشغل . ابدئي الوقاية و حماية اخواته و اطفال الناس .

17. حاولي تخليه يبدا يمارس رياضة .

و ربنا يحمي اطفالنا يارب
كوني صبورة و اعرفي ان المناعة اللي ادمرت ع مدار سنين مش هتتبني في يوم و ليلة
ملكيش دعوة بغيرك طفلك اهم حاجه عندك ف الدنيا
وربنا يكون ف عونك .

#منقول عن الدكتور احمد خشبه جزاه الله خيرا

Videos (show all)

كل سنة و كل أطفال مصر و العالم العربي بخير و صحة و سعادهHappy New Year

Location

Products

استشاري طب الأطفال و حديثي الولادة
حساسية الصدر و المناعة والتغذية العلاجية

Telephone

Address

شارع فاروق، Qesm Awal
Az Zagazig
Other Childcare in Az Zagazig (show all)
حضانة تنة ورنة حضانة تنة ورنة
شارع السلام الرئيسي - صيدناوي - اعلي معرض اولاد شاهين للسيراميك
Az Zagazig

التعليم معانا ..... متعـــــة

Smart Baby Academy - أكاديمية سمارت بيبي Smart Baby Academy - أكاديمية سمارت بيبي
طريق موقف المنصوره اعلي تاكي للمراتب
Az Zagazig, 44511

هدفنا الإعداد السليم لطفلك للمستقبل بطريقة تربوية وترفيهية علي حد سواء لتنيمة قدرات و مهارات الطفل نفسياً و تعليمياً.

Kids Academy Kids Academy
Ahmed Orabi St, Harayah Raznah, Markaz El-Zakazik, Ash Sharqia Governorate
Az Zagazig

Our Academy is Aim to make your children the best Child we improve his skills , his mind he use his hands in every thing we use Montessori way.