Chemistry Department - College of Education-su.krd

بابەتی زانستی

بۆچی کە سێو کەرت دەکەی ڕەنگەکەی قاوەیی دەبێ؟
هۆکاری ئەمە زنجیرەیەک کارلێکی کیمیایە، کاتێک سێو بەکەرتکراوی بەجێ دەهێڵی، ئەوا بەر ئۆسجینی هەوا دەکەوێت، بەمەش ئۆکسجین ئەنزیمی پۆلیفینۆڵ ئۆکسیدێیس PPO ی ناوسێوەکە ئەکتیڤ دەکات (Oxygen-phenolase) ، ئەوکات ئاوێتە فینۆڵیەکانی ناو سێوەکە دەئۆکسێن (oxidation reaction ) ، ئاوێتەی ئەندامی ئەڵقەیی o-quinone پێک دێت... دواتر بە زنجیرەیەک کارلێکی تر دەگۆڕێت بۆ بەرهەمێکی پۆلیمەری ئاڵۆز بەناوی میلانین کە ئەمەش ڕەنگێکی قاوەیی هەیە.

٭ میلانین ماددەیەکی کیمیاییە لە مرۆڤدا لەلایەن خانەی تایبەتەوە بەرهەم دێت، بەرپرسە لە ڕەنگی چاو و پێست و پرچ.

٭٭ ئەو کەسانەی کە هۆڕمۆنی میلانینیان زیاترە ڕەنگیان تاریکترە، وە پارێزراوترن لە کاریگەری تیشکە زیان بەخشەکان، چونکە کاتێک تیشکێکی زیان بەخش ( نموونە UV-Radiation ) بەر پێست دەکەوێت ئەوا میلانین توانای هەڵمژینی بەشێکی ئەو تیشکانەی هەیە.
ئاماددەکردن و نوسینی
م. هیوا شریف سلیم

السلام علیکم.
بەناوی سەرۆکایەتی بەشی کیمیاوە پرسەو دڵتەنگی خۆمان رادەگەیەنین بۆ کۆچی دوای پەپولە جوانەکەی بەهەشت، کچەکەی د. هەوراز ( پەریا) ی گوڵ، داواکارین لە خودای گەورە ئارامی و دڵنەوایی بە دایک و باوکی ببەخشێت.
‏‎إِنَّا لِلَّهِ وَإِنَّا إِلَيْهِ رَاجِعُونَ .
پرسەکەی لە مزگەوتی نانەکەلیە.
دووشەمە 13/1/2025

خشتەی تاقیکردنەوەکانی وەرزی یەکەم، سمیستەری یەکەم بۆ ساڵی خوێندنی 2024-2025
بۆ بینینی خشتەی تاقیکردنەوەکان سەردانی ئەم لینکە بکە

https://colleges.su.edu.krd/education/خشتەی-تاقیکردنەوەکانی-وەرزی-یەکەم،-س/?fbclid=IwZXh0bgNhZW0CMTEAAR0gX8cc3IL9kia3ldjk2mZxaiBEbKVox23PRP0gSiAzvzwk_2K7kAhdmNg_aem_Bl6N1z2YDeTCXPqpLYd6PA

Just a moment...

ئەمرۆ لە سەردانێکی مەیدانی بەرێز سەرۆکی زانکۆی سەلاحەدین بەرێز پ. ی.د. کامەران بەیاوەری بەرێز پ.ی.د. حسین یاریدەدەری سەرۆکی زانکۆ سەردانی کۆلیژی پەروەردەیان کرد، گەرانێکی تایبەتیان بەناو بەشی کیمیا کرد بۆئاگادار بوون لەکەموکوریەکانی بەشەکەمان و دانانی رێگەچارەی گونجاو بۆ چارەسەرکردنیان. بە پێیویستی دەزانین کە بەناوی سەرۆکایەتی بەشی کیمیاوە سوپاس و پێزانینی خۆمان ئاراستەی بەرێزیان بکەین لەبەرامبەر بەهەند وەرگرتن وهاوکاری کردنی بەشەکەمان، هەروەها زۆر سوپاسی بەرێز راگری کۆلێژی پەروەردو بەرێز پ.ی.د. مازن و بەرێز د. هیوا یاریدەدەری راگری کۆلێژ کە هەردەم پاڵپشتیکارێکی زۆر باشی بەشەکەمانن لە تەنگەوەهاتنی کێشەو کەموکوریەکان.

لە ژێر چاودێری بەڕێز سەرۆکی زانکۆ پ.ی.د. کامران یونس محمدامین بەرێوەبەرایەتی گشتی سەنتەری توێژینەوەی زانستی زانکۆ بە هاوبەشی لەگەڵ کۆلێژی پەروەردە ۆورک شۆپی پڕۆژەکانی توێژینەوە، پۆلێنەکان، گەشەپێدان و داهێنان )) ئەنجام دەدات.

ڕۆژی دووشەممە
ڕێکەوتی ٢ / ١٢ / ٢٠٢٤
کاتژمێر ٩:٣٠ ی بەیانی.
شوێن: سەنتەری رۆشنبیری و کۆمەڵایەتی زانکۆی سەڵاحەددین/ هۆلی کۆچەر بیرکار.

تێبینی: تێچووی بەشداری 10 هەزار دینارە ، بۆ قوتابیانی خوێندنی بەرایی کۆتا ساڵی خوێندن بێ بەرامبەرە بە ڕێژەیەکی دیاری کراو، هەروەها لە کۆتایی وۆرک شۆپەکە بروانامەی بەشداری کردن دەبەخشرێت.

بۆ تۆمار کردن تکایە سەردانی ئەم لینکەی خوارەوە بکە:-

https://forms.gle/j2Sbjbx5MoUZQRja8

شایەنی باسە پڕۆگرامەکان چوار سیمنار لە خۆدەگرێت لەگەڵ دوو پانێڵی گفتوگۆی زانستی بە بەشداری کەسانی شارەزا ، پرۆگرامەکان و پانێڵەکان سوودبەخشن بۆ قوتابیانی کۆتا قۆناغی خوێندن و قوتابیانی ماستەر و دکتۆرا ...هەروەها گشت توێژەران.

Just a moment...

ستافی مامۆستایانی بەشی کیمیا 2024-2025

ڕۆژی پێنج شەممە ڕێکەوتی ٢٠٢٤/٠٩/٢٦ به‌ ئامادەیی و بەشداری لیژنەیەکی پسپۆر، تاوتوێی تێزی دکتۆرای قوتابی خوێندنی باڵا/دکتۆرا (م. کاظم ابوبکر سلیم) لە بەشی كیمیا ،لە هۆڵی د. عبداللە حداد بەڕێوەچوو.

جێگای ئاماژە پێدانە دوای گفتوگۆیه‌كی زانستی چڕی نێوان قوتابی و ئەندامانی لیژنە و به‌رگریکردنی قوتابی له‌ تێزی دکتۆراکەی، لیژنه‌کە پێشنیازی کرد به‌ به‌خشینی بڕوانامه‌ی دکتۆرا به‌ قوتابی ناوبراو.
لیژنەی تاووتوێ لەم بەرێزانە پێک هاتبوو.
پ.ی.د. محمد سلیم سەرۆکی لیژنە زانکۆی سەلاحەدین
پ.ی.د. عبدالصمد صلاح الدین احمد ئەندام. زانکۆی تیشکی نێودەوڵەتی
پ.ی.د. شهلە جمال شکور ئەندام زانکۆی کرکوک.
پ.ی.د. ژیان عبداللە علی ئەندام زانکۆی سەلاحەدین.
پ.ی.د. بنار محمود ابراهیم ئەندام. زانکۆی راپەرین.
پ. د. نبیل عادل فخری ئەندام سەرپەرشتیار زانکۆی سەلاحەدین.
پ.ی.د. هێمن عبدول قادر. ئەندام و سەرپەرشتیار زانکۆی هەولێری پزیشکی.
لە کۆتایدا بەناوی سەرۆکایەتی بەشی کیمیاوە پیرۆزباییەکی گەرم لە بەرێزان سەرپەرشتیاران و قوتابی ناوبراو دەکەین وهیوای سەرکەوتنیان بۆ دەخوازین.

ڕۆژی پێنج شەممە ڕێکەوتی ٢٠٢٤/٠٦/٢٧ به‌ ئامادەیی و بەشداری لیژنەیەکی پسپۆر، تاوتوێی تێزی دکتۆرای قوتابی خوێندنی باڵا/دکتۆرا (بيريوان محمد حمدامين) لە بەشی كیمیا ،کە لە هۆڵی د. عبداللە حداد بەڕێوەچوو.

جێگای ئاماژە پێدانە دوای گفتوگۆیه‌كی زانستی چڕی نێوان قوتابی و ئەندامانی لیژنە و به‌رگری قوتابی له‌ ئه‌رگیۆمێنته‌كانی، لیژنه‌کە پێشنیازی کرد به‌ به‌خشینی بڕوانامه‌ی دکتۆرا به‌ قوتابی ناوبراو .

لێرەشەوە بە پێویستی ئەزانین بە ناوی سەرۆکایەتی بەش پیرۆزباییەکی گەرم لە قوتابی " بيريوان محمد حمدامين " بکەین و داوا لە خوای گەورە دەکەین کە وا لە سەرپەرشتیاری یەکەمی (کۆچکردوو پ.د. حکمت علی محمد) خۆش بێت و هیوای تەندروستیەکی باش بۆ سەرپەرشتیاری دووەمی (پ.د.صبحی الجبوری) دەخوازین .

سڵاو قوتابیان ئاگادارتان دەکەینەوە کەو قۆناغی دووەم و سێیەم چوارەم ئەمشەو ئەنجامی سمستەری دووەم خۆلی یەکەم لەریگایی ئەم لینکه دەتوانن وەربگرنەوه .
بەهیوایی سەرکەوتن بۆ قوتابیانی ئەزیزمان

http://159.138.98.239/education/?fbclid=IwZXh0bgNhZW0CMTEAAR1sq99qTWKRgWeQbNlp9qxWDPYWQM2X3iIruvnd1_opvKj6QNmOb-293ww_aem_AXzP0mfTYjsBrdIXU1K-tqm1lByiizqOAxFMEFrw9sM0XUF632DZwCsdi3RwOeIALjA9Q1T0ftV39Nbrmn8TGXQm

Online Exam Results

ڕۆژی دوو شەممە ڕێکەوتی ٢٠٢٤/٤/٢٩ به‌ ئامادەیی و بەشداری لیژنەیەکی پسپۆر، تاوتوێی تێزی دکتۆرای قوتابی خوێندنی باڵا/دکتۆرا ( ڕێزان علی صالح ) لە بەشی كیمیا ،کە لە هۆڵی د. عبداللە حداد بەڕێوەچوو.

جێگای ئاماژە پێدانە دوای گفتوگۆیه‌كی زانستی چڕی نێوان قوتابی و ئەندامانی لیژنە و به‌رگری قوتابی له‌ ئه‌رگیۆمێنته‌كانی، لیژنه‌کە بڕیاری دا به‌ به‌خشینی بڕوانامه‌ی دکتۆرا به‌ قوتابی ناوبراو .

لێرەشەوە بە پێویستی ئەزانین بە ناوی سەرۆکایەتی بەش پیرۆزباییەکی گەرم لە قوتابی " رێزان علی صالح " بکەین و داوا لە خوای گەورە دەکەین کە وا لە سەرپەرشتیاری یەکەمی (کۆچکردوو پ.د. حکمت علی محمد) خۆش بێت و هیوای تەندروستیەکی باش بۆ سەرپەرشتیاری دووەمی (پ.د.صبحی الجبوری) دەخوازین .